Beliebte Verse in ROM 12

Teilen

Ha lomi yakli yande düla tüshe nüsa lümkhi aso kamde thsüphuloang, junangde nüsanü Thrünpuh lümkhi tümü atsü a, aleangkhikhukbe a tüsho khiukdahkhi lanü amütsanbah.

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

Amütsünü dükukshih, tüshe atsünü amütsü kukshang.

keoniorü amuzhonü khülangnü khülang muzhoachihang; khülangnü khülang wüntre jihang.

Amuzho ju thiyuro lashang; tümü amütsüanü thraneanang, tümü atsüanü düngde ramrihang

Kuksho, nünü alala ki mungtsü laang.

I müyamrübo, küyimkishe nüsanü rodüyim, tüshe Thrünpuh bukakhiukkhi aleangang; tümüde ha thrüta lah, “Royimpü ju I yo, inü ajihlobah, Atungpuhnü thachoh.”

Küyimkishe mükünmuthsung düthsü, Me ching düküngde Atungpuh tankihang.

Tümütüsho I kilim jih-a lakhi amüthsüm hode inü nüsa aban ki thachoh: Nü thülünkhi kheaknü nü küdahnü khide changde dülüm, tüshe Thrünpuhnü nü kilim jihkhi akin ayannü athülün atsüngalimnü lümang.

She ki she amütsü dün amütsü düjihlo, tüshe alala miki tümü atsüanü lümang.

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

Ju müthri, “Nü riri khümsho, api yimkipang; api kethürisho, ke duhang; tümüde jude athsükhinü nünü api ku kheak mokhih lamlam thsukkihjihbah.”

Nü thsümüchirü müngühjang; müngühjang tüsho arü dümuthrumünean. Asühachihrü lung asühachihang, atriprü lung tripang.

Amüsührü yihnüpü lakhi arung jihang, hanrü akamang.

Pang khülang ching isa achamnak hihde lah, tüsho achamnak alala rhimo rukhüh yung, junangde isa ahihdo thsüa lalashe Khrista ching khülang ah, tüsho khülangnü khülang kheak chingkihlah.