Ose 7
7
1Mu ntaangu yi nyitsinikisa Iselili,
mu ntaangu yiniyo, lumvuki lwa Efarayimi#7.1 Kumono 4.17 na matina. lumonikini,
na mamabi ma Samari.
Bo bakwesalila mpya,
bangaa-kwiibi bakotiri mu nzo,
kabu dya biwulu diri ku mbasi
2Ngo bahele kuleele mu mitima myaaku ti momanso mamabi mabayirikaa me nyamakebe mu mutima.
Biyiriki byaaku byabadyengikiri ;
biri ha busu bwa me.
3Mu bubi bwa bo, bari mu kukeembese mbyaasi,
na mu bumfuna bwa bo bari mu kukeembese bamfumu#7.3 Kumono busiiri mu 1 Ba 16.9-10..
4Bobanso bari mu kweta kimpala.
Bari bunu pfuuru diluluka,
kwahele muyiriki mampa,
wuhotiri mu kukwangisina mbaawu,
kuholosono ku kasobiryee
mbaanda natee kuyifununa.
5Mu kiluumbu kya mbyaasi yeetu,
bamfumu babeele
mu nkololo malu,
nde walaambula kooko,
kuri bangaa-munsiku.
6Bukuri bo bakokisiri mitima mya bo,
bunu pfuuru.
Butsuku bwabutsiina
muyiriki mampa ma bo wabwa tolo,
mu kipari pfuuru bunu mule mbaawu.
7Bobanso baluluka bunu pfuuru,
badzusiri banzoonsi ba bo.
Bambyaasi baaku bobanso babwiiri,
ti mosi pe mu bo wuteele me.
8Efarayimi bvuutini na makaanda makimi.
Efarayimi weki kindaatina
kibahele kusengemene.
9Banzeense badiiri makwa maandi,
ngo nde wahele kuyaaba.
Bununi se bumubwiiriri,
ngo nde wahele kuyaaba.
10Masiiku ma Iselili mata kimbaangi
kuri nde.
Na bo bahele kubvutuka,
kuri Yaave Nzaambi yaaku.
Tumi se, mu momanso mamo,
bahele kumusaka.
11Efarayimi wabeeri bunu
beembe dyahele na dyeele,
dyahele na mutima ;
Bateele bari Ngipiti, bayende ku Asiri.
12Mu ntaangu yibari mu kweende,
me nyayalimini siinga, nyibasonini
bunu banoni ba yulu,
nyibaseembe, bunu bu babalubiri ku lukutukunu#7.12 Nyimusuunguka... : Mambangukulu makaka nyibakwaata mu kilookolo ki nyiyuka ti bakutukinee. lwa bo.
13Kyaari kuri bo,
bukuri bayitikiryee la na me.
Yiyo nsyamukunu bo,
bukuri batungukiryee me koomisoko me nketi kubakuula,
bo badzoonsiryee mpya mu me.
14Bo bahele kuyingikila me, ngwanwa yo pe mu mitima mya bo.
Ngo bari mu kuyaya ha yulu mambuka maaku#7.14 Kumono Yer 41.5 na matina. ; bakwetina mabiindu mu manyutu ma bo
mu ntoono bele na malu mamoono,
batungukiryee me.
15Me nyabayikisa,
na nkumisinee myooko mya bo#7.15 Bunu pele wasyaamisini na wakumisini kooko kwa bo.,
kasi bo bari mu kutsimina me mamabi.
16Bo bakwiisa bvutuka,
ngo kari kuri me ko.
Bo, bari bunu nsyaari yampya.
Bamfumu ba bo sa babwa mu mbeesi yayila,
mu ntoono ludimu lwa bo lwa nkesi.
Mono, mu ntoono bo, dyeki dyabiseyu mu nsi ya Ngipiti.
Alliance Biblique du Congo 2024