Ose 6
6
1Tweendeenu, tubvutukeenu kuri Yaave.
Bukuri nde walemisini,
nde wutubuka.
Nde waleti,
nde wukaanga mamputa meetu.
2Nde wutusa bamwooyo ;
ha mambisa ma biluumbu byoolo.
Mu kiluumbu kyabitatu, nde sa katutelemese,
na sa twaba bamwooyo, ha busu bwa nde.
3Tuyaabee,
tusalilee makwa mu kuyaaba Yaave.
Nyisukulu yaandi yiri bunu minkya, nde sa kiisa bunu mvula,
bunu mvula ya ndoolo yibolisaa butoto.
4Nki nyisa kuri ye, Efarayimi ?
Nki nyisa kuri ye, Yuuda ?
Nkwikumunu yeenu
yiri bunu tuti dya minkya,
bunu kinoko kya minkya kiwasulaa kukana.
5Mu didyo, me nyiluseembele mu babikiri,
me nyibadzusirye mu nzoonsulu dza munwa waami.
Mu nsundusulu dzaaku mupalilaa buungi.
6Bukuri me nyahele na kiminu mu
bikabu bya nyokulu,
ngo nkwikumunu.
Me bvuri kutya
nyaabulu ya Nzaambi,
ti na bibulu byayoko.
Misamu myansisi mu Iselili
7Bunu ku Adama,
bahaakula lulelusunu ;
haho, bo banyaafuni me.
8Ngilehadi bvula dya babo basalilaa bubi,
dyasumuka mu makila#6.8 Ngaladi : Bvula dya ku simu dya Yorodaani (kumono 2 Ba 15.25)..
9Bunu mampuumbu ma baatu makwekete muutu,
bunubwo buri kabu dya bisari bya mu Nzo-Nzaambi,
bakwedzusa mu nzila
myansisi bayirikiryee !
10Mu nzo Iselili,
me mwiinee misamu myansisi :
Kukwo, mu kimpala kya Efarayimi#6.10 Kumono 1.2 ; 2.4 ; 4.17 na matina.,
Iselili dyabviimfuka.
11« Kuri ye se Yuuda,
ntolulu bikuni yeki yayirima#6.11 Kukutukisa : Kifwaani kya mutsuundu ; kufwanikisa na Yer 51.33.. »
Mu ntaangu yi nyibweese kutelemese kaanda dyaami.
Alliance Biblique du Congo 2024