Santiago 4
4
Icada Dios carru yanji inaco
1Panaya nuuma iwaopiaca cuadaca mashi icapacacawa njite cuadaca icuitacawa. Iwaopiakje mashidalri icadaa inaitja cayu njaji inuacalriwa aji icaolrerricu. 2Yuumacadanacu cuandalrica njite currim yuuketani, icamina iinuca inaiki itaitacarru irsucani. Nakemica ljiaji narsunda njaji apetsida njite curricapua nauketa ljiaji naumalri icamina nacuitacacao, mashi nacapacacao njite nainuacacao. Currim nauketa ljiaji naumalri curricapua natatjani Dios iinai; 3njite natatjacadatja lrinaini, currim lricadaa narsun ima currica natatja matsia lrinaini, ima naumacani nacatimatacacarrua njawacatsa. 4¡Shaa inaiki yamadaperri iwaopiakje! ¿Capja currica yaaji Dios icuemaca njaji ipeyucape ljiaji jalredauca? Ima ljiaji ipeyucada jaledauca imashicana, Dios icuemacani. 5¿Capja iwada mikjapancatsa ljiaji lricaiterri aji Dios-yacu nadanandapiarricu, licaitecawa: "Dios iifarruca ljiaji pacáfica lricadalri wanacu"? 6Mitsa Dios ikitsindatapja faa lrishu ljiaji lrinaitjalri matsia, caishupa ljiaji Dios yacu nadanandapia lricaite: "Ljiaji Dios lriemaca nakjuete njaji padaleperri mitsa lrikitsindataca njaji kjenaperri yajiacacawa"#Pr 3:34. 7Caishupa, icadaa Dios-carru yaajii inacu, jipundata ljiaji ñacaim, njite ñacaim lriawatsa yuya. 8Itsumita ljiaji Dios, njite ljiaji Dios lritsumitautsa shaa. Shaa camashicanaperri, ¡yamina inaitjaca ljiaji maashidalri!, ¡imaopitjata iwaopiakje shaa yuumacape ipeyuca ljiaji Dios ljiapiya ljiaji jalredauca imashicana! 9¡Icuyolretacao aima njite iiyaa icao njite macatimatacatsao mitsadeca icuyolretacao! 10Ikjenatacao Waminalri icapa njite lricadaawatsa napeyalreperri caosta shaa.
11Nukitsiñape, macutsa shaa maashi aape inacu. Ninicadaa apada cacudalri mashi njite lricaitepe lrikitsinda, cacucan mashi lrinacu ljiaji yacuti warsulritsa feepaca Dios icadanda. Niini irsutsa inaitjaca caiji Dios yacu icaitecapishu, wadee icaitepecani. 12Apadalitsa ljiaji Dios itaitalri icaiteca paacuna, ljiaji icadalri ljiaji yacuti warsulritsa feepaca, njite icamitsa itaitalrica iyumjetaca u ljirrapjitetaca, njite pjia, ¿kjaiterriwa pjia pitaitacarru picaiteca mashi pikitsinda-nacu?
Currim waajii cuancautsa faa tjewena
13Panaya iwapa jimiu, shaa iwaopiacape cayuji: —"Panaya o tjewena vavatsawa apafe yacaalrerriculje pada camui, wawentautsa yaarruti njite wawendewatsana cacuadapja waganacarruatsa palrata". 14Mitsa currim yaaji cuancaotsa jiyapacao tjewena. ¿Capja caafituatsa shaa? Ima caica shaaji itamana-shu, ljiaji jiwacada kjeyatsa njite liyapao. 15Matsiatsantja icaiteca cayuji: —"Caicadaa lriumaca ljiaji Iminalriti, caafituatsa waofacawa wanaitjacarruatsa ljiaji o ljiate". 16Mitsa shaa padalreca yajiacacao lrishu ljiaji yumalri inaitaca, njite mashidalritsa ljiaji panaitjaca cayu. 17Ljiaji yaajicada inaitjaca matsia njite currim lrinaitja cayu, lrinaitjaca lrimashicanao.
© 2025 CLAN
© 2025 Seed Company