Gálatas 3
3
Ljiaji yumjecai wauquetani wacadacapua wacaolreu Jesucristo naco currin yacuti upidalrin nakjuiteca
1¡Tarraperrica yajica sha Galatanai! ¿Cucao ljiaji icadalri idee iwaupiakje? Wacaitecadanacupia irsu yacuti walridalri wacaitepiani icapacarru itjishu lrinaco ljiaji Jesucristo nañanda irrua cruzanaco. 2Icamipjatsa numalrica nuajica inai ljiaji: ¿Capjau irsuca ljiaji Dios i-Espíritun inaitjacapuapia caiji yacuti upidalrin icaitecapishu o icuadatacapua ljiaji yacuti walridalri? 3¿Tarraperrica yajica shaa, initapiacadanani Dios i-Espíritun shu, nini panaya yumaca iwayaquetacani iwaupiakje iyada yumacapi shu? 4¿Aimena njaca inaitjanipe mikjapanperri-carrutsantjana? ¡Currim njuepaca mikjapanperricatsana! 5Dios icadaacadanaco irsu ljiaji lri-Espíritun njite lrinaitja tsakja manaitjacanaperri ipeculricu, ¿cuadao lrinaitjacani? Currin lrimaca ljiaji nanaitjacapua cayuji yacuti upidalrin icaitecapi shu, mitsadekja lrikjaute ljiaji nacadacapua nacaolreu lrinaco ljiaji yacuti njemirri Cristo-naco.
Dios icuadata ljiaji Abraham matsiadalrishu lricadacapua lricaoleo
6Cayutsakja ljiaji, Abraham lricadapia lricaolreo lrinacu ljiaji Dios icaiterripia lirsu, njite lrikjaute ljiaji Dios icapacani inaitjacada mayacan.#Gn 15:6 7Niini, irsutsa yajica ajadalrica Abraham inakjuiteperrica njaji icadacape icaolreo. 8Ljiaji yacuti nadanandapiena, lricapapiena lripjeyatua Dios icuadatacatsakjautsa njaji curriperritsa judionaica icadacaperri icaolreu lrinaco, lricaitepiena Abraham irsu ljiaji yacuti matsiadalri: "Pjiumiwatsa naji inaiqui matsiaperricautsana pinakjuite"#Gn 12:3; 18:18; 22:18 9Niini njaji icadacape icaolreo, matsiaperricana pacuacatsa Abraham yapiya ljiaji shepacadapia.
10Njaji icadacape icaolreu lrinaco ljiaji yacuti upidalrin cayuperriketsautsa naufacau matsidalrinaco, ima ljiaji nadananda lricaite: "Iñacadalricautsau ljiaji curridalri inaitja pjiumi cayuji lricaitecapishu ljiaji yacuti upidalrin"#Dt 27:26. 11Niini, ajadalri currim pacapa apada machiadalri Dios ipjeyalje lrinakjuite ljiaji yacuti upidalrin; ima ljiaji nadananda lricaite: "Ljiaji yufacada mayacan Dios icapa cafidalricatsautsani lricadacapuena lricaolreo"#Hab 2:4 . 12Mitsa ljiaji pjepaca yacuti upidalrin curritsa lriquichindatjenca ljaji pacadaca pacaolreu, nini #Lv 18:5 lricaiteca cayuji: "Ljiaji inaitjacada cayuji lricaitecapishu ljiaji yacuti lrinanda panaitjaca, lriufacautsau lrinaco".
13Cristo lriwetakjenina faa lrimashicana yuya ljiaji yacuti upidalrin, lrinaitjacapiawa camashicanadalrinshu waikjaote, ima ljiaji yacuti nadananda upi lricaite: "Camashicanadalrinca ljiaji nañanda irrua jaiconaco". 14Ljiaji ljiyapacao lricadacarruatsa ljiaji Dios imatsiaca lricaitepialri Abraham irsu narsucarrutsakjautsan Jesucristo nakjuite, njaji curriperritsa judionaica; ima lrinakjuite ljiaji #Dt 21:23 wacadacapua wacaolreu lrinaco warsuwatsa ljiaji Espíritu Santo caiji Dios icaitecapishu.
Ljiaji yacuti Moisés idananda currim lrimacuadataca ljiaji yacuti Dios icaiterri
15Nukitsiñape, panaya nucaite irsu cayuji cacucapishu njaji achianai: Ima apada achia inaitjacadanaco apada yacuti taimidalri njite lricadapja lripitana lrinaco, currim coca itaita imacuadatacani currintsakja lritaita lrirruetapjaca apada lrinaco. 16Dios inaitjapia naji lricaiterri Abraham irsu njite lrirsutsakja ljiaji lrinakjuitedalri. Ljiaji nadananda curritsa lricaitjenca "lrinakjuiteperri", aimadan irsu, mitsadekja lricaiteca apada irsutsa: "njite lrirsu ljiaji pinakjuitedalri", njite icatsa ljiaji Cristo. 17Ljiaji nucaiterri icatsa ljiaji: Dios inaitjapia apada yacuti taimidalri Abraham yaapiya lricaitepia lrinaitjacautsa cayuji lricaitecapishu. Niini, ljiaji yacuti Moisés idanandapia, inulri cuatrociento treinta uunia shapudan, currim lritaita lrimacuadataca ljiaji yacuti taimidalri nacadacarro macuadadalrishu ljiaji yacuti Dios icaiterri. 18Ima ljiaji Dios icaiterripia lricadacautsa warsu lrinocadantja lrinakjuite ljiaji yacuti Moisés idananda, macuadadalrinatsantja ljiaji yacuti lricadalri warsu; mitsa lriaji yacuti Dios icaitendena ajadalri Abraham irsu lriandapiaca lrirsu macuadadalritsa.
19Mitsa, ¿cuadatsakjau ljiaji Moisés idanandapia? lricadapiani, ljricañjatacarro ljiaji namjepacani naji inaiqui, atee lriucacauljeutsau ljiaji "lrinakjuitedalri" lricaitepialrina lricadaca. Ljiaji yacuti Moises idanandapia angelenaipia icatjinatani, njite ljiaji Moises icapiatsa jiyapetacadapiacan warsu. 20Mitsa currinatsa cuadaca pauma apada jiyapetacauda pacaitepecadanaco padatsa inaiqui naco, icatsa ljiaji Dios apadadalritsa .
Cristo imacuadata ljiaji yacuti Moises idanandapia
21¿Capja lricaiteshupaca yacuti upidalrin lricuemaca ljiaji yacuti Dios icaiterri ajadalri? ¡Currim shuca! Ima ljiaji yacuti upidalrin lricadacadantja pacaficau, ninintja ljiaji imashietakjeti warsucantjani lrinakjuite ljiaji yacuti upidalrin. 22Mitsa, caiji Dios icaitecapishu nadananda lriacolrico, imashicanati ipapijica pjiumina, nini njaji icadacape icaolreo Jesucristo-nacu nataitautsa narsuca ljiaji yacuti ajadalri Dios icaitenda.
23Lripjeyatua lriucacau ljiaji pacadacapan pacaolreu, ljiaji yacuti upidalrin lripapipia faa, wawapacarru ljiaji pacadacapan pacaolreu namotuetacautsani panjicarruni. 24Nini ljiaji yacuti upidalrin, warsupiacani caiji iwapacaitashu machia njaji yenpetipe, atee lrinucauljeutsa ljiaji Cristo, nini lrinakjuite ljiaji pacadapan pacaolreu warsuwatsa ljiaji lrimachiaca. 25Mitsa panaya lriucaqueau ljiaji pacadacapan pacaolreu Cristo-nacu, currinatsa lriwapacafaa ljiaji iwapacada yenpetipe icatsa ljiaji Moises idanandapia, 26nini panaya icadacapua icaolreu Cristo Jesús nacu pjiumi sha Dios yeenipeca shaa. 27Nini yufacapuena Cristo inai lrinakjuite ljiaji naapjuetaca shaa unirrico shetjenina inacua ljiaji Jesucristo. 28Curritsa cuadaca judionaica faa o griegonaica faa, idejicaita pada irsu o curridalritsa idenjica apada irsu, achianai o inaitjepe; ima apadadeketsa shaa Jesucristo naco, pjiumi shaa apadaperritsa. 29Nini Cristo iyarrupecada shaa, Abraham inakjuiteperrica shaa nini icatsa shaa irsucape lrimachiaca lrinakjuite ljiaji Dios icaiterripia Abraham irsu.
© 2025 CLAN
© 2025 Seed Company