Gálatas 2
2
1Catorce waria shapudaun nuatsenakjawa Jerusalén riculje #2:1 Bernabé: Pablo ikichinda idejica lrinitacaulje (Hechos 4.36; 13:1-15:39). #2:1 Tito: idejicada pacuaca Pablo inai (2Co. 7:6; 8:6,16-17; Tito 1:4) Bernabé yapiya, njite nudetsakja ljiaji Tito nuinaiwa. 2Nuawa ima Dios icadapia nuaji nursucatsa nuacawa. Njite nirse nucaiteca napjeyalre jaljami ljiaji yacuti matsiadalri nucaiterri narsu njaji curriperritsa judionaica. Njite nucaitetsakja narsuni njawacatsa njaji cacunaperripjapia napjeyalre, nucadacarru jalrami ljiaji nudejicalre o ljiaji nunaitjalripia cacuadadalrican. 3Mitsa ljiaji Tito, yajicada nuinai, griegocadanatjani currin namenaca jiidatirricun nakjenanatacarrun. 4Apadapena icashatacape shepaca njeewacawa wapecolrico dawacalritsa, naumacarrutsa najica ljiaji warsulrina Cristo Jesús nacu njite naumapia nacadacarru lrirsuperritsakja faa ljiaji yacuti upidalrin. 5Mitsa currim wacadaamiquetsa nadee wawaupiakje, ima waumapiaca lriufacao ljiaji yacuti walrida ajadalri.
6Mitsa currin natatjapja lrinaco nuinai walridalripjenakja njatsakja njaji cacunaperri macadalripepja (mitsa curritsa cuadaca nursu cuanperricana, ima currim Dios icaiteca paacuna lrishu ljiaji pacapacana). 7Mitsadekja, najicapua Dios icadandaca njua nucanantacarru ljiaji yacuti matsiadalri narsu njaji curriperritsa judionaica, caiji Dios icadandacapishu ljiaji Pedro lricaitecarru ljiaji yacuti machiadalri narsu njaji judionai. 8Ima ljiatsa ljiaji Dios imenacacada ljiaji Pedro lricaitecarru lriaco narsu njaji judionai, lrimenacatsakja njua nucaitecarru lriaco narsu njaji curriperritsa judionaica. 9Santiago, Cefas njite Juan, icapiatsa napocudaca idecape mayacan njaji shepacaperri, najicapua Dios icadandaca njua, njite nacadashupa nuaji nacuadataca faa naquitsiñapeu, njepa wacapirricu njite Bernabé tsakja, njite cayu nacadaca wadejicarru nainai njaji curriperritsa judionaica, njite nja nadejicaji nainai njaji judionai. 10Icamitsa naumaca wainai wakichindataca njaji kjenaperri, icatsa ljiaji nonaitjalrica.
11Mitsa lriacadanacuwa ljiaji Cefas Antioquialriculje, nocaitepia lrirsun lriekjuete aimawerrico, ima ljiapia ljiaji lrinaitjalri curripiatsa matsiadalrica. 12Ima lriñjapiatua nainai njaji curriperritsa judionaica, atee kjerreca naucau njaji Santiago inakjuiteperri; ljiadanacupia liaji icamina lriinitaca ljienacau nauya, njite currinatsa lriñjaca nainai, ima lrifiucapua nacaitepecan njaji ikjenanatacacapewa. 13Njite njaji apaana judionai icadacape icaolreo nanaitjatsakja ljiaji Pedro inaitjalri najicayuyatsa matsidalrican, ljiatsakja ljiaji Bernabé lricadatsakja lriden ljiaji mashidalritsa nanaitjalri. 14Niini, nucapacadanacu currica naufawa caiji lricaitecapishu ljiaji yacuti walridalri ajadalri, nocaiteca ljiaji Cefas nacapawerrico pjiumi cayuji: "Pjia, judionai inakjuitedalri, piufawa cayuji curricapishutsa nanakjuitedalricapjia "¿nini, cuadao, piuma naufacawa cayuji judionai inaitjacapishu njaji curriperritsa judionaica?"
Dios icada matsiaperrica faa wacadacapua wacaolreu Jesucristo nacu
15Jicuperricafa judionai inakjuite, njite curritsa camashicanaperrica nacayushu njaji j curriperritsa judionaica. 16Mitsa, waajintsa curriutsa machiaperrishucafa Dios ipjeyalre wanaitjacapua caiji Moisés idananda shu mitsa machiaca faa lrikjaute ljiaji wacadacapua wacaolreu Jesucristo-nacu. Lrikjaote ljiaji, wacadaca wacaaulreu Jesucristo-nacu, machiaperrishuena Dios icapa faa, lrikjaute jiaji fepalri currim lrikjauteca ljiaji pjepacapua ljiaji yacuti upidalrin. Ima curriutsa machiacafaa wanaitjacapua caiji lricaitecapishu ljiaji Moisés idananda.
17Mitsa, waumatja machiaperri shuca faa Cristo nakjuite, camatsicanaperricadana faa nacaishu ¿Capjau lricaiteshupaca Cristocatsa ljiaji icada camashicanaperrica faa? ¡Currim curritsa cayuca! 18Ima nuwayaquetacadaa ljiaji nanaitjanda cucaidaca njite nupietacada nunaitjacatsenakjan, njuacatsa ljiaji irsulri mashicalri. 19Ima mayamidalrica njua lrinakjuite ljiaji yacuti upidalrin, Dios irsudalricarru njua. Mayamicapuena njua Cristo inai cruza nacu 20njite currinatsa njuaca ljiaji cafirri, mitsa Cristo catsa ljiaji cafirri nunaco. Njite ljiaji nucaafica nufacacadanaco nudadalricu, nufacau nucadacapua nucaolreo Dios irrinacu, ipeyucadapia njua njite lricadacau mayamicarruni nuikjaute. 21Currim nuuma nupecuca nuyawa ljia Dios imatsiaca macadalri; ima yacuti upidalrin inakjuitecadapiantja lrino ljiaji matsiadalri, macuadadalripiatsantja mayamica ljiaji Cristo.
© 2025 CLAN
© 2025 Seed Company