2 Timoteo 3
3
Tsumicadanacuatsa lriwayacacao
1Caitsakja pirsutsa piajica tsumicadanacue-tsaotsa lriwayacacao, njaji inaiki ljiawalreutsa naufacautsao jirrapitinacawa-lricuetsa. 2Ima naji inaiki naumawatsa narsuwawatsa, napeyupjawatsa palrata, padalreperrim curricadana cuca naji. Cacuatsana maatsi Dios-nacu, namjepatawatsa njanirrinai yaacu, curriotsa naa matsiadalri narsu naji inaitacape matsia narsu njite namacuadatautsa pjiumi ljiaji nacaitenda Dios-nacu. 3Curriwatsa napeyumketsa njaji nakichiñapetja; curriutsa kjenaa nawaopiaca nakjuete njaji apaana, nacaitepeutsa maashi apaana inacu, curriutsa ljiaji lriwapaca lridaki, nanaitjawatsa maashi apaana irsu njite njepundatacautsa pjiumi ljiaji machiadalri. 4Nacadautsa inaiki nacuema icapirricu, mawaopiakjepetsautsa lripjeya nanaitjaca cucacan, nawaopiawatsa canacaiperripjacana apaana yuya njite naumautsa nanaitjaca cayutsaji naumacapishu lriuya ljiaji Dios inaalri nanaitjaca. 5Nacadacautsao caiji sheepacapee ajadalripeshu, mitsa lrishu nanaikica nacañatautsa currica lritaita lripadameta nawaopiakje caiji nacadaacapishu nacaolreo. Pjienitacau nauya njaji iniki cayuperri.
6Ima njaji cayuperri icatsa nanakjuiteperrica njaji inaitjacape cucacatsan njewacarru naapana icuam nacashatacarru naji inaitjepe pataitanpetua pacashataca pacamiperri namashicanashu, icadape lrideena ljiaji nawaopiakje maashidalri cuandalricatsa, 7Nacanantacatjau caidalritsa mitsa currimtua cuancaolre nauca naaji ljiaji ajadalri. 8Caipiaji nacaishu njaji malrirrinai Janes njite Jambres jipundatacapepia Moisés, njaapia-tsakja njaji atsianai yemacape lrikjuete ljiaji ajadalri. Maashiperritsa iwaopiakje, Njaji Dios ipecujim mashicapua nanaikica. 9Mitsa njaji caiperri curriwatsa naacarruca napjeyaljeo, ima naajicautsa pjiumi nanacu namanjican ima, caipiatsa njeyapacapishu-piawa njaji yamadade yeemacapepia Moisés ikjuete.
Pablo icaite piketemdalri Timoteo irsu nanacu njaji linaitjaupe
10Mitsa pjia, Timoteo, piajinina matsia ljiaji nucanantalri, cuajica nunaikica, cucaca ljiaji nuumalri nunaitjaca, cuanca nucadaca nucaolreo, cuajica nutarrawataca napiya mjepacaperri, cuajica nupeyuca pjiumi njite cuajica nutarrawataca lrikjuete ljiaji njurrapjitalri inacu, 11Piajintsa cuajica napinietaca njua njaji mjepacaperri njite cushuapaca ljiaji nurrapjitalri nutarrawatalri yaapiya caiji nutarrawatacapishu aji Antioquialricu, Iconiolricu njite Listralricu. Micatsa Diospiatsa iyumjeta njua pjiumi nauya njaji njurrapjitalri. 12Ajadalrica pjiumi njaji yuumacaperri yufaacawa caiji Dios yuumacapishu apadacapuatsana Jesucristo iinai njerrapjitacautsa napiñetacautsana lrikjaute; 13Mitsa njaji maashiperri njite njaji inaitjacacapetsao paawatsa naaca lrinacu ljiaji maahidalri, nacashatautsa njite nacashata-tsakjautsana.
14Mitsa pjia, piemena taimi lrinacu ljiaji piajirri, njite lrinacu ljiaji nacanantalri pianjirritsa ajadalrica. Ima pianjintsa kjaitenaica njaji icanantalri pjia lrinacu. 15Piwaopia cuajica yempeticadanacu-piatoa pjia pianjinpiena ljiaji nafiunda iwaana nadananda Dios yacu, ljiaji itaitalri icanantaca pjia njite lrideetsakja pjia pirsucarru jalredauca mawayacacadalri lrinakjuite ljiaji picadacapuena picaolreo Jesucristo-nacu. 16Pjiumi ljiaji nadanalri Dios yacu-nacu, ljiapiatsa ikitsindatana nadanacarrun njite lrishu pataita pacanantaca njaji inaiki, pacaitecarru painaiwana njite pamayacalrecarruna, njite pacanantacarru cuajica paufacawa mayacan, 17cajikjedalricarruatsa ljiaji idejicada Dios irsu njite lritaitautsa lridejica matsia pjiumi ljiaji matsiadalri.
© 2025 CLAN
© 2025 Seed Company