Adnodau Beiblaidd Poblogaidd o MENGKAAA 2

Rhanna

Sine maupo kanandio Kutatako, hangano ubintaomo pompehohawamu anu amba-ambano.

Onaemo pu'uno pewowoloomo tedontakomo tedoa ondalo! Tepidimo ka weweuomo mbo'u hapa anu wineweumu amba-ambano. Tewala nahi kanandio, Aku aiwa ndi omue ka Aku umalao karuno hulumu inso a mpo'iangano, tewala nahi utepidi.

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, onae Aku moweeakono ka ipongkaa inso a ngkeu tuwua anu kongko a Bonde Paradesi-Do Ue Ala.”

Kuto'orio luwuno inanggamu: moiko pe'iseimu maupo pompedatomu. Kuto'orio, nine nahi upokompeteao aroamu a mia anu me mosa'o, nine u'ara-arahako iramo mia anu mempauo koroido tinena, sine anu menteeano komba kanandio, nine uhawe iramo mpegaupi.

Ka kongkomu mpiha sabara ka tebobarasai hangano nee-Ku; ka nahi uponto'ori mokendo.

Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, ndi onae Aku moweeakono inso a manna anu tewuni; ka Aku moweeakono watu mopute, anu i wawono teburi nee wo'ohu, anu nahi to'orio maupo isema, sangkadio anu tumarimao.”