Adnodau Beiblaidd Poblogaidd o Wakolosai 3

Rhanna

Namutsedhimwa kuit̯isia wenzenu. Wani wantu wa kuyatsiana dza vya Ḅwana amuyatsiiyevyo nywinywi.

Namutsekaiya t̯amaa za mambo ya huju lumwengu, ela jwaniani kupata mema ya mbinguni.

Kula kazi mwiyonahenda, ihendeni na mojo wonse dza kwamba ntamukwaakumuhumikiani mwanaad̯amu, ela ihendeni dza kwamba mwakumuhumikiani Ḅwana mwenye.

Kwa kwamba Muungu kamutsana muwe wantuwe watsakwa, weo wadheru, ni had̯i muwe wantu wat̯ei na muwe na myojo myema kwa wangine. Wani wantu wa kutsadzihwaa, wani wampowe, na muwe wantu wa kuit̯isa.

Hichi chuuwo cha Kirist̯o nachikae myojoni mwenu meshi. Yongweezanani na kufundana na mvidhyo. Ikaani mukimuyaviza ḍuḍa Muungu kwa kumukwimbia meya ya zaburi na meya yangine ya kumushad̯a. Na kula mwichonanena na mwichonahenda, kihendeni kwa sari ḍya Ḅwana jwehu Yesu, huku mukimuyaviza ḍuḍa Muungu Baba jwehu kuchiiya na kwa Kirist̯o.

Na dzuu ya vyonse hivi, tsakanani nywinywi na nywinywi. Koro matsako ndiyo yeyonahuweka hwonse kuwa dza kintu kimodza kaḅisa!

Kwa kwamba mupfegwa maisha mapfya dza vya *Kirist̯o afufukiyevyo na akiwa na maisha mapfya, jwaniani kudzapata haya mema yeyo mbinguni, hukuḍe kwa Kirist̯o akaiyeko mukono kuyume wa Muungu.

Kula mumodza jwenu ni dza kiiriiri cha hu mwii wa Kirist̯o, na Muungu kamutsana muwe wantuwe na mupate kukaiyana na naghea. D̯ubva hi myojo yenu nait̯awaligwe ni hi naghea ya Kirist̯o amumpiyeyo, na meshi muwe wantu wa kumuyaviza ḍuḍa Muungu.

D̯ubva yatsani t̯amaa zenu na mahendo yenu mazuka mazuka mwiyokuwa nayo. Yatsani mambo ya uḅari, mambo machafu machafu, na t̯amaa nzuka nzuka zonse za kimwii na muyatse kumiiya mahe vya wantu. Koro kuwa muntu jwa kumiiya mahe vya wantu ni sawa na kuwa muntu jwa kuyomba miungu ya nsuwe.

Hiviḍe mwivyomukiishi d̯ura visakusiya, na sasa haya maisha yenu mapfya yaa kuzimuni mwa Kirist̯o eye pfamodza na Muungu.

Ela sasa, yatsani kula aina ya ngoro, yatsani kuhendeana mambo mazuka mazuka, yatsani vitsolo na vyuuwo vichafu vichafu.

Kwa kwamba muyayatsa haya maisha yenu ya kae na mwakuishini maisha mapfya, namutsekaa mukyambiana nsuwe. Muungu kamumpa haya haya maisha mapfya na kakumuhendezani mugije kuwa dzae, ili mupate kumumanya jeje urembo zaid̯i.

Nywinywi wayume nanywi, watsakeni wakazenu na mutseewa wakali kwao.

Nywinywi wana, meshi wat̯iini wavyazi wenu, koro hivi ndivyo vivyonamutsakiza Ḅwana.

Nywinywi wake, kula mumodza jwenu ni kudziweka nsii ya muumewe, koro ndivyo vya wake wa Kikirist̯o wevyonamala kuhenda.