Hebrews 10
10
1Aman ma kita Zhiklè nenga'a mèzhèɓ skwi mbela'a man a di a shkè, skwi gèƌagèƌ ka ɓai. Gar haha a slaha a n'nge ta ndohi man ta zli skwi a Zhiklè jèlèlè'a a mèdèp azɓai. Aman a mvi a mvai ta zli skwi a Zhiklè pèc pècèk lèmèlèmè.
2Aman a matsa a slaha, ar mizlinè mvi skwi a Zhiklè klèng. A ndohi man ta gu mizlinè Zhiklè, aman ndav ta mpana sak staƋ, te deɓa'a klèng, ar ta hér malihi te deɓa'a asaɓai. 3Aman anai ta hér malihi ta arsa, a mvi a mvai. 4Aman pombaz ɓokwai a marihi a slaha a ncè malihi azɓai. 5Gar haha aman Kristi a shkè a herkeda, a ngaƌa:
Zhiklè, mvi a nzli skwai ambaba ka ɓai. Aman ka tilay va ma. 6N'ndèr skwai, a mvi skwai a géƋ malai ambaba ka ɓai. 7A i gaƋa: Na haha, i shkè ta windo te Ƌèlèwèr a géƋ ga aman i gi skwi man ka woya'a, Zhiklè ga.
8Nshèlèkura'a a ngaƋa: Mvi skwai a nzli skwai, n'ndèr skwai a mvi skwai a géƋ malai, ka woya ɓai, ta ambaba ka ɓai (ara man ndohi ta via'a, aman ta jèjèr ma kita Zhiklè). 9Te deɓa'a a gaƋa: Na haha, i shkè ma, aman i gi skwi man ka woya'a. Ar haha a mcko skwi nshèlèkura'a auda, a mfeda ngiƋè a pa. 10Te skwi man a woya'a haha, ndav nga nkezla sak staƋ te deɓa'a klèng, te Yèsu Kristi, man a vau va na.
11Ndo mvi skwi a Zhiklè staƋ staƋ tèlèba a zlècè, aman a gi mizlinè nenga'a a nciƋ sam a nciƋ sam, a zli skwi lèmèlèmè sak kumba, a ta slaha ta cè malihi auda azɓai. 12Aman ndo haha, man a va na skwi staƋgenè a Zhiklè a géƋ malihai, te deɓa'a klèng, antanta a nza t'hai te ri mandi Zhiklè a mèdèp, 13a zhèr pats man ta va na mayamhi nenga'a a skwi nfi sak na. 14A skwi man a va na Zhiklè sak staƋ, a n'nge ta ndohi man ta kezla ndav ta, jèlèlè'a a mèdèp. 15Na haha ma malwuƋi Mèzhèɓ Zhiklè nkezla'a ba, man a gaƋa:
16Na haha nderzlèma man i da derzlè'a a nda tenga'a te deɓ patshi sa,
Bi Zhiklè a gaƋa:
I woya man i va ta ma kita ga a ndav tenga'a, a i woya man i winda ta a gèƋ ta.
17A i woy a i hér malihi tenga'a, a skwi man ambaɓi man ta gau, asaɓi fèt. 18Aman a sam man mali mpra'a, ta vi skwi te deɓa'a a géƋ mali azɓai. 19Gar haha, dalahimam ga, te pombaz Yèsu, nga ngots civèƋ, aman nga dè a sam nkezla'a, 20a ntila nga civèƋ mɓua'a a nshèffè te maslaka man a kezla gai; civèƋ sa gèƋ va na,
21a nga ngots ndo mvi skwi a Zhiklè mbia'a a géƋ ndohi Zhiklè. 22Gar haha ngoherdokoy va a ndav nzura'a, a ncè-a-ndav tèlèba, mèzhèɓ ndav nga man ambaɓai nguca'a, a va mpana'a a iyam nkéƋècè'a. 23Ngonzokoy tara'a te n'ngrédè skwi man nga zhèrè te ndav; aman nenga'a man a mpasla nga rai, nenga'a nlèɓèslèa. 24Ngogokoy maya, ngiƋè a géƋ ngiƋè, ngobüdokoy va nga, ngiƋè a ngiƋè, a nga woy ndo, a nga gi mizlinè man amba.
25Ngojokokoy mɓicè va ɓai, ara tengahi ngiƋè ta gia'a. Aman ngiƋè da büd ngiƋè, holhola'a, aman kin rka, patsa a herdeka kinè va. 26Aman nga gi mali a wuƋai, te deɓa'a man nga sun ma nzura'a ma, nga slaha nga zli skwi a géƋ malihi asaɓai. 27Sèi nga zhèr skwi man mwuƋitpa holhola'a, kita, a vogwa man a ndi skwi tèlèba, a mayamhi tèlèba.
28Ndo man a jèjèr ma kita Moise azɓai, sèi a metsi na a géƋ ma malwuƋihi cèw, man makar, a se ta te va azɓai. 29Vahuro, kita mbia'a holhola'a ndo a ngècè'a, aman a mbatsaha kra Zhiklè a sak, a nrka pombaz nderzlèma, te nenga'a man a ga'a a ndo nkezla'a, ara skwi nlizhèa, a nderƋe Mèzhèɓ pombi Zhiklè. 30Aman nga sun nenga'a, man a gaƌa:
Mbèzlè kita, iyè i mbèzlè'a. Iyè a mpilè'a.
Za'a:
Bi Zhiklè a da gi kita ndohi na.
31Woba ndo man a kèlèhi a ri Zhiklè man a zhè a nshèffè. 32Aman vahur patshi man ta kala a deɓa ma, aman di kinè mwina tok tok, a kin nza tara'a te skwi mwuƋitpa mbia'a. 33A sam ngiƋè kin su matakwan, a ta paraha kinè, a kin ngreda auda a sam di ndohai. A sam ngiƋè kin mba a nda tengahi man ta su matakwan aranta.
34Aman a vava kin su matakwan a nda ndohi dangai; kin co a mwuffè genè, aman ta hula ma kinè skwi a wuƌai, a géƌ man kin suna, kin ngots skwi mbela'a holhola'a man a nzi dai. 35Gar haha kin kwola nfi gèƋ a ncè-a-ndav ɓai! Skwi ntul nenga'a mbia'a. 36Aman skwi man a woy a zhè a sam kinè: Nzhèr skwia dai, n'nzi tara'a. Te deɓa'a man kin gu skwi man Zhiklè a woya'a, kin ngècè skwi man Zhiklè a mpasla kinè ri a pa.
37Aman njèkè kèshkata, a nenga'a man sèi a di a shkè, a mshkè ma, agi ndudoh azɓai. 38Aman ndo nzura'a a sam di ga, a da nzi a nshèffè a géƋ ncè-a-ndav. Aman ndo man a men na a deɓa, ambabayè ɓai.
39Aman nga te va ndohi man ta mende va ta a deɓa ka ɓai, a ta ze ta; nga co a ndav, a nga mbela nshèffè nga.
Právě zvoleno:
Hebrews 10: MAFNT
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Mofa New Testament © The Bible Society of Cameroun, 1989