1 Timothy 5
5
1Ka gaƋa na a wuƋi a ndo nhala'a ɓai; rka ara bab ngaya! Golahai, rka ta ara kramamhi ngaya! 2MaƋangwozhai, rka ta ara mamhi ngaya! Dalahai, rka ta ara demamhi ngaya, ara ndo nlèɓèslèa. 3Slebarde ta ngwozi mazai, tenga'a man ta te diki a vava. 4Aman wudahi ta, man wud wuda ta ta zhè, sèi ta lèɓèslè te gi ta nshèlèkura'a, a ta menda na skwi man bab ta a mam ta a takana ta a vna, a deba arsa. Aranta ambaba Zhiklè.
5Aman nenga'a ngwoz diki a vava, man a nza a geƋ na, a pi ndav a Zhikle, a tsi rai, a gi mbuh mbuh, a vaƋ a pats. 6Aman ngwoz dikai, man a gi ntétékè, a wuffè a gèƌ ntètékè, m'metsa'a, ko a zhè a nshèffe. 7GaƋa ta skwi haha, a ta ngècè mali a sam ta azɓai. 8Aman ndo man a wèr di a gwoli na azɓai, holhola'a a ndohi gi na, a cèkèlma a géƋ ncè-a-ndav, ambaɓai a fena ndo man nca a ndav ɓai.
9NzlembaƋ ngwoz mazai, ta windè a Ƌèlèwèr, sèi man a ndikè mvi 60. Sèi man baki na man a mets na, na staƋgenè, a ndohi ta slébèrdè'a a géƋ mizlinè nenga'a man amba, 10a gre ta wudahai, a pi mbrokihi a gai, a pana ta sak a ndohi Zhiklè, a takaha ta ndohi matakwan, a gi mizlinè man amba tèlèba.
11Aman ngwozi dikai, man ta ndikè mvi 60 di ɓai, jèke ta! Aman ta da ngeza a ma Yèsu, ta woy a ta ngècè baki ngiƌè, 12a ta ngècè kita, a géƌ man ta jèkeda ma man ta gaƌdahi nshèlèkura'a. 13Ta gi wudar, ta jèjèr gi te ma te ma, a ta pceda gèƌ ta a pa. Skwi ambaɓi holhola'a, ta tsi tsaval ambaɓi kumba, a ta kèlè ma cizlèv cizlèva'a, a ta gèƌè skwi man agassa ma ta ka ɓai.
14Arsa i woya aman ngv ozi dikai, man dali ngwozi dai, do do ngwoz, da yu wuda, da ɓer gai, a ta va na civèƌ a SaƋan azɓai, man a gi ma a géƌ tenga'a. 15Aman antanta, ndohi ngiƌè ta mende va ta a deɓa, a ta jèjèr SaƋan. 16Aman ndo Zhiklè ngiƌè, ko ngura'a, ko ngwoz, man ngwoz mazi te gi na, sèi nenga'a a ntakaha, mpi ndohi Zhiklè ka ɓai; a mpi ndohi Zhiklè ta slaha ta takaha ta tengahi ngiƌè, man ta ngwozi dikai a vava.
17Vaslebarde ta ndohi mɓer ndohi Zhiklè, man ta gi mizlinè zura'a, nolnola'a tengahi man ta njè ma Zhiklè, a ta jèngè ta ndohai. 18Aman dèlewèr Zhiklè a gaƋa:
Ka va na dzala a ma mari man a kizlè dau ɓai!
Ndo mizlinè staƋ staƋ tèlèba da ngots skwi ntul na.
19Aman ta woy a ta pin ndo mɓer ndohi Zhiklè, ka fu zlembaƋa ɓai, sèi man ndohi malwuƋihi cèw, makar ta zhè. 20Ndohi man ta gi malai, ngreda ta auda a sam di ndo tèlè, aman ndohi ngiƋè ta gi zlau. 21I gaƋa ka a sam di Zhiklè, a sam Yèsu Kristi, a sam golahi Zhiklè man a par ta, ɓür skwi haha tèlèba, ka por skwi mpèrè ɓai, a ka por ndo te di ɓai!
22Ka fa na ri a gèƌ ndo tsam tsam ɓai, ka humda va a mali ndo ngiƌè ɓaü 23Ɓür ndav ngaya, ka lizha ɓai! Ka su iyam genè ɓai, su barassa kètè ba, a gèƌ hwaƌ ngaya, man ka mbelakaɓai. 24Mali ndohi ngiƌè a ngrédé auda tsam tsam, ga ta dè kita. Aman mali ngiƌè a ngrèdè auda sèi te deɓa'a. 25Lèmèlèmè mizlinè man amba a ngrédè auda tsam tsam. Mizlinè ngiƌè, man ambaɓai, ta slaha n'nghèdè ɓai.
Právě zvoleno:
1 Timothy 5: MAFNT
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Mofa New Testament © The Bible Society of Cameroun, 1989