1 Peter 2
2
1Gar haha shèwa tèlèba, ncèkèlma tèlèba, n'ngwèdèndo tèlèba, srak a ntsi demgasl tèlèba, vajèkeda! 2Vagu ara wudahi man a wa: vawoy wa man amba zura'a, wa te Mèzhèɓ Zhiklè, aman a nenga'a kin grè a ma ma a sam m'mbél kinè, 3man kin tor pombi Bi Zhiklé ma.
4Vaherda na va, ara a sam kwa nshèffè man ndohi ta kwola'a, man Zhiklè a nco a skwi mbela'a a sam di na. 5Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezla'a, man ta zli skwi te Mèzhèɓ a Zhiklè, man te Yèsu Kristi ta ambaba Zhiklè. 6Gar haha ta windo te Ƌèlèwèr Zhiklè:
Na haha i tilda kwa mbela'a a Sion. Ndo man a cè nenga'a a ndav, a ngècè hori a di azɓai.
7Nenga'a kwa mbela'a a sam kinè, man kin co a ndav.
Aman a sam ndohi nca a ndav ɓai, kwa man ndohi nƋizlè gai ta kwola'a.
8Nara kwa ntsama ta sak, skwi nslafaƌama ta sak.
Kwa ntsama ta sak, te man ta co ma Zhiklè a ndav ɓai. N'nga a sam ta arsa! 9Kinè verzi ndohi man Zhiklè a baba kinè, ndohi mvi skwi a Zhiklè, Bi mbia'a; kinè ndohi hala'a, ndohi man a kwor ta. Kinè skwi nsléberdè nenga'a, man a baba kinè auda te ruva a sam nhèl sam nenga'a mbela'a. 10Hala'a kinè ndohi Zhiklè ka ɓai; aman antanta kinè ndohi Zhiklè. Hala'a kin sia te va azɓai; aman antanta kin sia te va ma.
11Dalahimam ga, i bid kinè ara man kinè ndohi mbrok. Vajèkeda ntétékè te va kinè, man a gi var a ndav kinè. 12Vanza a maya te gèƌ, te ndev ndohi nte deɓa; a tengahia man ta tsa kinè demgasl, ara man kin ndohi malihai, ta rka skwi man amba man kin gia'a, a ta slèbèrdè Zhiklè, a pats man a ncko skwi tèlèba auda a sam nhél sam.
13Vafu gèƋ a ma ndohi mbibihia'a t'herkeda, a géƋ nzlembaƋ Bi Yèsu, ko a ma bi mbia'a man a géƋ bihi ngiƋè, 14ko a ma ngomna man ta zlündo a ngi kita a géƌ ndohi malihai, a nzal ta ndohi man ta, gi skwi man amba. 15Gar haha Zhiklè a woya'a, aman kin pizlèma ta ma a ndohi nrzla'a, a ndohi man ta sun skwa ɓai, a skwi man amba man kin gia'a. 16Vanza ara ndohi mpra'a! Aman kin gu skwi man ambaɓi ɓai, a géƌ man kin pra'a; aman vanza ara ɓèlèlihi Zhiklè.
17Vaslebarde ta ndohi tèlèba! Vawoy kramamhi kinè a ndav kinè! Vagu zlau Zhiklè, voslubordo bai! 18Kinè ndohi mizlinè, vamanda gèƋ kinè a hai a zîau a sam bihi kinè: a sam tenga'a man ndav ta amba, man ta woy kinè genè ka ɓai; aman a sam tenga'a ba, man ndav ta ambaɓai. 19Aman ndo man a si matakwan, a nzhüɓ skwi mwuƋitpa a géƋ man a hér Zhiklè, amba ba Zhiklè.
20Aman kin gu malai, a ta ndah kinè a géƋè'a, a kin cè'a, njégèrdè va kinè nanangwa? Aman kin si matakwan, a géƋ skwi man amba man kin gau, a kin cè'a, nasa pombi a sam Zhiklè. 21Aman Zhiklè a baba kinè a pa, te man Kristi ba a nsu matakwan te di man a kinè, a n'ngra kinè skwai, ara man kin jèjèr sam sak na.
22Nenga'a a n'nga mali ɓai, a ntsakala ma ɓai.
23Aman ta durƋo, nenga'a a nderƋa ɓai. A sam man skwa a dza na, a nguva ɓai, aman a feda skwi tèlè a ri nenga'a, man a gi kita zura'a. 24Nenga'a a nco malihi nga a deò wof te va nenga'a, aman nga jèkeda n'nzi te malai, a nga nzi a géƌ ngizura'a. Te mblè nenga'a kin mbel kinè. 25Aman hala'a kinè ara tambakihai, man ta zlak ta. Aman anai kin menkaƌa deɓa a sam ndo mɓer skwai, a ndo nwèr nshèffè kinè.
Právě zvoleno:
1 Peter 2: MAFNT
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Mofa New Testament © The Bible Society of Cameroun, 1989