Joshuwa 16
16
Mituthu yakapiwa Ifureimi na Manase
1Ludzi gwa Josefa gwakakobegwa nge hakata shango inotangisa pa gwizi gwe Jorodani mu Jerikho, ku bhezhuba kwe vula dze Jerikho, kuyenda tjose kunoti ku tjilambanyika kuyenda ku shango ye matombo kunoti ku shango ye Bhetele. 2Kudwa mu Bhetele kunoti ku Luzi, itola n'gathu we Baariki mu Ataroti, 3idelukila kunomila zhuba kwe n'gathu we Bajafeleti iyenda tjose inoti mu ntuthu we kwakakungulukila we Bhetihoroni ne mu Gezeri inopelela ku gungwa. 4Ndizo Manase na Ifureimi bakapiwa shango kuti ibe thaka yabo.
Ifureimi
5Ntuthu wa Ifureimi nsha ne nsha wakabe uli sahwoku: N'gathu we shango yabakapiwa kuti ibe thaka yabo wakabe uyenda tjose kudwa mu Atarotiadari ku bhezhuba kunoti ku Bhetihoroni, 6uyenda unoti ku gungwa, kudwa pa Mikimethati ku bunandzwa upoteleka wakalinga ku bhezhuba kwe Taanatishilo, upinda napo wakalinga ku Janoya ku bhezhuba. 7Kudwa ipapo wakabe udwa tjose pa nzi we Janoya kunoti ku Ataroti ne Naara unotigu ku Jerikho unopubuka ku gwizi gwe Jorodani. 8Kudwa mu Tapuwa, n'gathu wakalinga ku nkuku we Kana kunomila zhuba unopelela mu gungwa. Iyeyi ndiyo thaka yakapiwa bathu be Ifureimi nsha ne nsha, 9kushangana ne mizi ne mizana yakabe ili mu n'gathu we bathu be ludzi gwa Manase. 10#Basumikilisi 1:29Koga Baifureimi abazotatila kutjena Bakanana bakabe begala mu Gezeri, ndizo Bakanana bakagala ne Baifureimi kuswika nasi koga Bakanana bakabashingila bali balanda bethama tjimwe ne tjimwe tjabanodwiwa.
Právě zvoleno:
Joshuwa 16: KBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Kalanga Bible © Bible Society of Botswana, 2008, 2018.