Matama ZIBISO NGEKWE LUKWALO IGOGU
ZIBISO NGEKWE LUKWALO IGOGU
Lukwalo gwe Matama i ndebeleko dza Mushe dzinotobedzana edzipa bathu be Iziraela mu shango ye Moabu, pabakabe bama kubupelo gwe gwendo bulefu mu tjilambanyika pabakabe babe pejo nge kungina mu Kanana.
Zwimwe zwe zwithu zwakafanila kumbugwa zwakakwagwa mu lukwalo igogu yezwezwi:
1. Mushe unokumbula zwiyitikalo zwikulu zwe makole ali makumi manna akapinda. Unolebeleka ne bathu kuti bakumbule kuti Ndzimu wakabatungamila tjini mu tjilambanyika, nenge kuti bahwe kakale bazwiyise pasi ku Ndzimu.
2. Mushe unobala kakale Milayo ili gumi ebe etshambilidza tjinodwiwa nge Nlayo we Kutanga, elaya bathu kuti bathigamile Ndzimu woga. Ipapo ebe ebala milayo yakasiyana inowobe iyendisa butjilo gwe Iziraela mu shango ye kugadziwabgwe.
3. Mushe unokumbuludza bathu tjinodwiwa nge tjidumano tje Ndzimu ku bali, ebalaya kuti bamusidzile kuzwipa kwabo muna zwatjinoshaka.
4. Joshuwa unobigwa ntungamili unotobela we bathu be Ndzimu. Shule kwe kumba lumbo beshongozhela kugalikamoyo kwe Ndzimu ne kukombolela njudzi dze Iziraela, Mushe unofa mu Moabu ku bhezhuba kwe gwizi gwe Jorodani.
Tjikulu tjinolebgwa nge lukwalo igogu hwuti Ndzimu wakatjidza ukakombolela bathu bawo bakashalugwa bawunoda, ndizo bathu bawo bakumbule ikoku, bawude bawuhwe kuti ndizo babe ne butjilo ne makombolelo anodwilila mbeli.
Mongo we ndebo mu lukwalo igogu i ndimana dzina matama a Jesu aakadana milayo mikulu kupinda milayo yose muna 6:5 ngono ude Yahwe Ndzimu uwo nge moyo uwo wose nenge meya iyo yose ne masimba awo wose.
Zwimu lukwalo igogu nge bufupi
Ndebeleko ya Mushe ye kutanga 1:1—4:49
Ndebeleko ya Mushe ye bubili 5:1—26:19
a. Milayo ili gumi 5:1—10:22
b. Milayo ne zwikumbuludzo 11:1—26:19
Milayo ye kungina mu Kanana 27:1—28:68
Tjidumano tjimusidzigwa 29:1—30:20
Matama e bupelo a Mushe 31:1—33:29
Lufu gwa Mushe 34:1-12
Právě zvoleno:
Matama ZIBISO NGEKWE LUKWALO IGOGU: KBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Kalanga Bible © Bible Society of Botswana, 2008, 2018.