Matama 7
7
Kutata njudzi
(Kufuluka 34:11-16)
1 #
Mishingo 13:19
Kuti Yahwe Ndzimu uwo bekuzhisa mu shango yaunongina kuithuwa bebe betata njudzi njinji mbeli kuko, Bahiti ne Bagirigashi ne Baamori ne Bakanana ne Baperizi ne Bahivi ne Bajebusi, njudzi dzili kutendeka hwulu kuli dzakasima kukupinda, 2ngono ha Yahwe Ndzimu uwo bekupa ibo ngono ube ubakunda, ipapo ubalobese tjose. Usitongo thama tjidumano nabo kakale Usitongo bahwila ngoni. 3Usitongo lobolana nabo ulobodza bakololokadzi babo ku bakololo babo kene ukotosela bakololo babo bakololokadzi babo. 4Ngoti bangadwa bepambusa bakololo babo mukunditobela kuti bashingile midzimu mimwe, ipapo kugwadzamoyo kwa Yahwe kube kulingisana nawe ngono bebe bekulobesa tjinyolotjo.
5 #
Matama 12:3
Koga ubathame sahwoku, upkhwanye zwibeso zwabo zwe zwibhayilo, uvunilile phanda dzabo uteme ulige bo Ashera babo upise nge moto zwifano zwabo zwakabezhiwa.
6 #
Kufuluka 19:5; Matama 4:20; 14:2; 26:18; Tito 2:14; 1 Pita 2:9 “Ngoti imwi mu bathu bakayengemala kuna Yahwe Ndzimu wenyu, Yahwe Ndzimu wenyu bakamushalula kube bathu babo babakazwishaluligwa kudwa mu bathu bose bamu shango. 7Akuzoyikhwa ngekuti pamwe makabe mulibanji kupinda bamwe bathu kuti ndizo Yahwe bamude bamushalule ngoti imwi makabe muli bashomanana pa bathu bose. 8Koga hwuti Yahwe banomuda, kakale banolondolodza tjidumano tjabakatuna kuna bobatategulu benyu kuti Yahwe bakamudusa nge tjiazha tjakasima bakamudzutunula mu ng'umba ye busungwa, kudwa mu luboko gwa Faro mambo we Egipiti. 9#Kufuluka 20:5, 6; 34:6, 7; Mbalo 14:18; Matama 5:9, 10Ndizo ziba kuti Yahwe Ndzimu uwo ndibo Ndzimu, Ndzimu unogalikamoyo unolondolodza tjidumano ne ludo gusingazunguzike kuna ibabo banowuda bebe belondolodza milayo yawo, kunoti ku zwizekugwana zwili tjiwulu. 10Koga unowogwilizila banowubenga nge kubalobesa, awutowononoka ngekwa iwoyo unowubenga, unowon'gwilizila nge tjakanlingisana. 11Ndizo ube ne njele kulondolodza milayo iyeyi yandinomupa mu zhuba lino.”
Makombolelo e kuhwa
(Matama 28:1-14)
12 #
Matama 11:13-17
“Ha muhwa milayo iyeyi muyilondolodza, Yahwe Ndzimu wenyu unowolondolodza namwi tjidumano ne ludo gusingazunguzike gwaakagadzabgwe bobatategulu benyu kugulondolodza. 13Banowokuda bakakukombolela bakakuwatsha. Banowokombolela mbewu ye mbili uwo ne mbewu ye nnda uwo ne mathunde awo ne nkumbi uwo we zhambi ne mafuta awo ne kupaphidzika kwe ng'ombe dzidzo ne bana be ngubi iyo mu shango yabakatuna kuna botate benyu kukupa iyo. 14Unowokombolegwa kupinda bathu bose, akutowobe ne usina mbeleko, nlume kene nkadzi mukuli kene mu ng'ombe dzidzo. 15Ngono Yahwe banowodusa kugwala kose mukuli, akuna gumwe gwe njigwele mbiibi dze Egipiti dzamunoziba dzingakuwila koga banowodzilonga muna bose banokubenga. 16Ngono unowolobesa bathu bose Yahwe Ndzimu wenyu babanowokupa, usitongo bahwila zogwadza kene kuli kushingila midzimu yabo ngoti ikoku kungabe dati kukuli.
17“Ha ungazwidwa mu moyo uwo ukati, ‘Njudzi idzedzi dzihwulu pandili ndingadzilobesa tjini?’ 18Usitongo dzitja, koga ukumbule Yahwe Ndzimu uwo tjabakashingila Faro ne Egipiti yose, 19ndiko hwulu dzawakabona nge mesho awo ne zwilakidzo ne matjenamiso, tjiazha tjakasima ne luboko gwakatambunuka Yahwe Ndzimu uwo gwawakakudusa ndigo, ndizo Yahwe Ndzimu uwo unowothamila bathu bose ibabo baunotja saikoko. 20Pezhugwi kwa ikoku Yahwe Ndzimu uwo unowotumila phuzephuze pakati kwabo kuswikila ibabo basala bakabgwata belobesiwa. 21Usitongo paluka moyo nge kwabo ngoti Yahwe Ndzimu banawe, Ndzimu nkulu wakabangalala. 22Yahwe Ndzimu uwo banodusila njudzi idzedzi kutjena mbeli kuko kutukununu ne kutukununu, awutowobalobesa kang'ompela, kungadwa kuthama kuti phuka dze shango dziwande dzibe njisa pamuli. 23Koga Yahwe Ndzimu uwo banowokupa idzo, banowobashanganya misholo kukulukulu kudzina wabalobesa. 24Ngono banowolonga bomambo mu maboko awo ngono unowothama mazina abo kuti uabukushe pasi kwe kudzimu, akuna nthu unowotubula kumidzana nawe kudzina ubalobesa. 25Midzimu yabo ye zwifano yakabezhiwa uyipise nge moto. Usitongo yemula siliva kene golide imuzwili, usitongo izwitolegwa udwa uwana wabhatshigwa ndiyo ngoti inoshimisa kuna Yahwe Ndzimu uwo. 26Usitongo zhisa tjithu tjinoshimika mu ng'umba iyo ube unging'wa nge bhiso saitjo, ubengane natjo kwazo kakale utjishime ngoti tjithu tjina bhiso.
Právě zvoleno:
Matama 7: KBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Kalanga Bible © Bible Society of Botswana, 2008, 2018.