Éxodo 22
22
Suwakunqanpita o däñukunqanpita imanö arreglananpaqpis käyitsinqan
1 1 (21.37) <<Pipis töruta o üshata suwakurir pishtashqa o rantikushqa karqa töruta suwanqanpita duëñunta paganqa pitsqa mastam. Tsënöllam üshata o chiwata suwanqanpita paganqa chusku masta.
2 2 (1) <<Pitapis paqaspa suwakïkaqta tarïkur wanïkatsiyaptinqa wanutsinqanpita manam jutsayuqtsu kanqa. 3 3 (2) Junaqpa suwakïkaqta tarïkur wanïkatsirqa jutsayuqmi kanqa.
<<Suwakuq nuna suwakunqanpita pagakutsun. Pagananpaq qellënin mana kaptinqa kikin suwata rantikuyätsun.
4 4 (3) <<Suwakuqpa makinchö wäkata, üshata ashnuta karpis kawëkaqtaraq taripuyaptinqa suwakunqanta kutïkatsir jananman ishkë masta pagatsun.
5 5 (4) <<Pipis mitsikurnin jukpa murukïninkunata o üvas huertanta däñukïkurqa däñukunqanpita mas allin kaq chakranpa wawanwan pagakutsun.
6 6 (5) <<Pipis kashakunata kayapakunqanchö jukpa chakranchö o ëranchö këkaq mikïkunata kayëkurqa pagakutsun.
7 7 (6) <<Umpakuyanqan qellëta o alhäjankunata suwayaptinqa y tsë suwata tariyaptinqa tsë suwakunqanpita ishkë masta jananman pagatsun. 8 8 (7) Suwata mana tariyaptinqa umpakïta chaskiq nunata Teyta Diospa nöpanman apayanqa.#22.8 Teyta Diospa nöpanman apayänanpaq nirqa Tinkuna Tolduchö këkaq altarpa nöpanman apayänanpaqmi nirqan. Wakin traduccionkunachöqa juezkunapa nöpanman niyanmi. Tsënöllam këkan versïculu 9-chöpis. Tsëchönam juzgayanqa kikin suwanqanta o mana suwanqantapis.
9 9 (8) <<Sitsun ishkaq nunakuna töruta, ashnuta, üshata, ratashta o imata karpis <këqa noqapam> nishpa qochinakuyanqa, tsë nunakunata Teyta Diospa nöpanman apayätsun. Tsëchö mëqanpis ulikunqanta tarirninqa jutsayuq kaq ishkë kuti masta pagakutsun.
10 10 (9) <<Sitsun umpakï ashnu, töru, üsha o ima wätapis wanunqa, imapis pasanqa o suwa apakunqa, 11 11 (10) umpakï chaskiq nuna Diospa shutinchö juratsun tsë umpakïta mana pakanqanta. Tsënö juraptinqa wätapa duëñun jaqatsatsuntsu. 12 12 (11) Umpakïta shumaq mana täpar suwawan qarakuptinqa duëñuntam paganqa. 13 13 (12) Ëtsa mikuq animalkuna mikushqa kaptinqa katupinta duëñun rikänanpaq apatsun. Tsënö aparqa manam paganqanatsu.
14 14 (13) <<Pipis nunapa wätanta prestakïkur duëñun mana rikanqanyaq wanupakurqa tsë wätapa chaninta duëñunta pagatsun. 15 15 (14) Wätapa duëñun rikëkaptin wanuptinqa wätapa chaninta manam paganqatsu. Flëtashqa karqa flëtinllatana pagatsun.
Jutsa ruraqkunata castigayänanpaqpis käyitsinqan
16 16 (15) <<Piwanpis manaraq comprometikushqa këkaptin doncëlla shipashta pipis perditsirqa tsë shipashta ëllutsun warminpaq. Y shipashpa tëtanta pagatsun pagananpaq costumbri kanqanmannö. 17 17 (16) Juntakänanta shipashpa tëtan mana munaptinqa amana ëllutsunnatsu. Mana ëlluptinpis costumbrikuna kanqannö tsë jövin shipashpa tëtanta pagatsun.#Deut. 22.28-29.
18 18 (17) <<Brüjukunataqa llapanta wanutsiyanki.#Deut. 18.10-11.
19 19 (18) <<Pipis wätawan kakuqqa wanutsiyanki.#Lev. 18.23; 20.15-16; Deut. 27.21.
20 20 (19) <<Teyta Diospaq sacrificiuta kayananpa rantin juk dioskunapaq sacrificiuta kayaptinqa tsë nunata wanutsiyanki.#Deut. 17.2-7.
21 21 (20) <<Forastëru nunakunata ama jipatsiyankitsu ni chikiyankitsu. Qamkunapis Egiptuchö tärar forastëru kayanqëkita yarpäyë.
22 22 (21) <<Pajukunatapis mamannaq tëtannaq wamrakunatapis ama jipatsiyankitsu.#Éxo. 23.9; Lev. 19.33-34; Deut. 24.17-18; 27.19. 23 23 (22) Jipatsiyanqëkikuna mañakayämuptinqa noqam pëkunaman qaqäshaq. 24 24 (23) Tsëmi alläpa piñarkur espädawan wanutsiyashqëki. Tsëmi warmikikuna paju quedayanqa y tsurikikunapis tëtannaq quedayanqa.
25 25 (24) <<Israel nacionchö waktsa nunakunata qellëta prestarqa ama wakin nunakunanöqa wachëninta cobrayankitsu.#Lev. 25.35-38; Deut. 15.7-11; 23.19-20. 26 26 (25) Qellëta prestakur ratashninta prenda jaqipäyäshuptikiqa patsa manaraq tsaqaptin kutitsiyanki. 27 27 (26) Tsë prenda jaqinqan ratashllam këkan paqaspa punur wankukunanpaq. Mana kutitsiptikiqa ¿imanwanraq punullanqa? Alalätsikur mañakamaptinmi ankupäkuq kar pëman qaqäshaq.#Deut. 24.10-13.
28 28 (27) <<Teyta Diospaq llutanta imëpis ama parlayankitsu. Tsënölla markëkichö autoridäkunata ama maldisinkitsu.#Hech. 23.5.
29 29 (28) <<Ama qonqayankitsu cosëchëkipita y vïnu rurayanqëkipita noqapaq primiciata apamïta.
<<Wamaqshu tsurikikunata apayämunqëkipa rantin noqapaq ofrendata apayämunki.#Núm. 3.40-51.
30 30 (29) <<Tsënölla mallwa kaq wäkëkipa, üshëkipa y chiwëkipa punta wawan orqu yuriptinqa noqapaq apayämunki. Yurinqanpita qanchis junaqllam mamanwan kanqa tsë wätakuna. Puwaq junaqchöna noqapaq apayämunki.
31 31 (30) <<Qamkunataqa akrayarquq jutsannaq kar santu kayänëkipaqmi. Tsënö këkarqa ama mikuyankitsu chucaru animalkunapa katupin ëtsata.#Lev. 17.15. Tsëtaqa allqukunata qarëkuyanki.
Právě zvoleno:
Éxodo 22: qwhB
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2018, Wycliffe Bible Translators, Inc. All rights reserved.