Hechos 19
19
Éfesuchö Pablo willakunqan
1Corintuchö Apolos këkaptinmi Pabluqa markan markan ëwar Éfesuman chärirqan. Tsëchö discïpulukunata tarïkurmi 2tapurqan: <<¿Qamkunaqa Jesucristuta chaskikur Espíritu Santuta chaskikuyarqunkiku?>>
Pëkunanam yaskiyarqan: <<Espíritu Santu kashqantaqa manam imëpis musyayarqütsu>>.
3Pablunam nirqan: <<Tsënö kaptinqa ¿pipa yachatsikïninta cäsukurtaq bautizakuyarqunki?>>
Niptinmi niyarqan: <<Juanpa yachatsikïninta cäsukurmi bautizakuyarqü>>.
4Pablunam nirqan: <<Juanqa nunakunata bautizarqan jutsankunata jaqirir Teyta Dios munashqannö kawayänanpaqmi. Tsënöllam yachatsirqan Jesucristo shamuptin pëman markäkuyänanpaq>>.#Mat. 3.11; Mar. 1.4, 7-8; Luc. 3.4, 16; Juan 1.26-27.
5Tsënö niptinmi Señor Jesucristupa shutinchö bautizakuyarqan. 6Pëkunapa peqankunata yatëkur Teyta Diosta Pablo mañakuptinmi Espíritu Santu pëkunaman shamurqan. Tsëmi juk idiömakunapa parlar Teyta Dios käyitsishqankunata parlayarqan. 7Tsë nunakuna chunka ishkënömi kayarqan.
8Éfesuchö tärarmi sinagögaman ëwar Teyta Diospa mandakïninpaq Pablo kima killa mana mantsakushpa yachatsikurqan. 9Tsënö yachatsiptinpis wakin nunakuna Jesúsman markäkïta mana munarmi llapanpa nöpanchö Diospa Näninta#19.9 Diospa Näninpaq parlarqa Jesucristupa willakïninpaqmi parlëkan. manakaqpaq churayarqan. Tsëmi Jesúsman markäkuqkunawan sinagögapita yarqukur Tiranno shutiyuq nunapa yachatsikuna wayinchöna Pablo waran waran yachatsirqan. 10Ishkë watana tsënö yachatsiptinmi jinantin Asia provinciachö Israel nunakunapis y mana Israel nunakunapis Señor Jesucristupa willakïninta musyariyarqan.
11Tsëchömi Teyta Diospa poderninwan milagrukunata Pablo rurarqan. 12Tsëmi Pablo tenqishqan#19.12 Wakin nunakunaqa topashqan niyanmi. päñukunata y ratashkunatapis qeshyëkaqkunaman apayarqan. Tsëkunata tenqiyaptinmi qeshyaqkuna kachakäyaq y supëkunapis nunakunapita yarquyaq.
13Tsë witsanmi wakin Israel nunakunapis purikäyarqan nunakunapita supëkunata qarqur. Pëkunapis Jesúspa shutinchö supëkunata qarqïta munarmi niyarqan: <<Pablo willakushqan Jesúspa shutinchömi qarquq>>.
14Tsënö rurayarqan sumo sacerdöti Escevapa qanchis tsurinkunam. 15Qarqïta munayaptinmi supëqa kënö nirqan: <<Noqa reqïmi Jesústa y Pablo pï kanqantapis musyämi. Qamkuna ¡pitaq kayanki noqata qarqayämänëkipaq!>>
16Tsënö nirmi supë jipatsishqan nuna löcuyar pëkunata maqar usharqan. Tsëmi pasëpa yawarllana tsë wayipita qalapächu safar ewkuyarqan. 17Tsënö pasashqanta musyëkurmi Éfesuchö täraq Israel nunakunapis y mana Israel nunakunapis alläpa mantsakäyarqan. Tsëmi mëtsëchöpis nunakuna musyayarqan Señor Jesucristo puëdiq kashqanta.
18Jutsata rurayashqanta käyïkurmi Jesucristuman wakin markäkuqkunapis jutsankunata confesakuyarqan. 19Tsënöllam brujería rurakuyänan mágica librunkunatapis apëkur llapanpa nöpanchö kayayarqan. Tsë librukunapa chaninta jorquyaptin karqan pitsqa chunka waranqa (50,000) jornalpa chaninmi. 20Tsënöpam Teyta Diospa willakïnin puëdiq kashqanta käyikur atskaq nunakuna chaskikuyarqan.
21Tsëpitanam Pablo yarparqan Jerusalénpa ëwananpaqqa Macedonia provinciachö y Acaya provinciachö wawqikunata y panikunata watukëta. Tsënöllam yarparqan Jerusalénpitaqa Romapana ëwëta. 22Tsënö yarparmi Macedonia provinciaman nöpäyänanpaq Timoteuta y Erastuta kacharqan. Pabluqa quedakurqanran Asia provinciachö.
Éfesuchö Pablupa contran shäriyanqan
23Tsë witsanmi Diospa Näninpaq#19.23 Diospa Näninpaq parlarqa Jesucristupa willakïninpaqmi parlëkan. willakuyaptin Éfesuchö nunakuna alläpa piñakuyarqan. 24Tsënö piñakuyarqan Demetrio shutiyuq nuna willapaptinmi. Pëmi Artemisa#19.24 Artemisata latín idiömachöqa Diana niyanmi. niyashqan diösapa akapalla templunkunata qellëpita ruraq. Tsëkunata rantikurmi Demetriuqa uryaq mayinkunawan atska qellëta tariyaq. 25Uryaq mayinkunata y pëkunanö oficiuyuq nunakunatapis qayëkatsirmi nirqan: <<Qamkuna musyayankim kë uryënintsikwan alli tarishqantsikta. 26Rikäyashqëkinöpis y wiyayashqëkinöpis Pablo yachatsikurmi nikan: <Nuna rurashqan ïdulukunaqa manam rasunpa Diostsu>. Tsënö yachatsir atskaq nunakunatam creyikätsin. Manam kë Éfesullachötsu, sinöqa jinantin Asia provinciachöpis creyikätsinmi. 27Tsënö creyitsiptinmi uryashqantsikkunata y diösa Artemisapa templuntapis manakaqpaq churayanqa. Artemisata llapan Asiachö täraqkuna y jinantin munduchöpis manam respetayanqanatsu>>.
28Demetrio tsënö niptinmi uryaq mayinkuna alläpa piñakur kutïkuryan niyarqan: <<¡Diösa Artemisa alabashqa katsun!>>
29Tsënö niyashqanta wiyëkurmi tsë markachö täraq wakin nunakunapis büllata rurayarqan. Alläpa piñarmi Gayuta y Aristarcuta coliseuman prësu apayarqan. Gayuwan Aristarcuqa Macedoniapitam Pabluta yanapar shayämushqa kayarqan. 30Nunakunata käyitsinanpaq Pablupis coliseuman ëwëta munaptinmi wawqikuna y panikuna michäyarqan. 31Tsë provinciapa wakin autoridäninkunapis Pabluwan reqinakurmi willakatsiyarqan coliseuman mana ëwananpaq.
32Coliseuchö nunakuna juknöpa juknöpa parlar büllakurkuyaptinmi wakin nunakuna musyayarqantsu imapaq tsëman ëllukäyashqantapis. 33Tsëchö këkaq Israel nunakunanam Alejandro shutiyuq nunata parlamunanpaq yëkatsiyarqan. Tsëmi nunakunapa puntanman Alejandro yëkïkur makinwan sëñasta rurarqan upälla kayänanpaq. 34Alejandro Israel nuna kashqanta musyarmi tsë nunakuna ishkë höranö qaparipa niyarqan: <<¡Diösa Artemisa alabashqa katsun!>>
35Tsënö niyaptinmi tsë markapa mas mandakuqnin autoridä upällakuyänanpaq sëñasta rurar nirqan: <<¡Éfeso nunakuna! Jinantinchömi nunakuna musyayan Artemisapa templun kë markachö kashqanta. Jina musyayanmi ciëlupita shikwamuq Artemisa niraq rumitapis tsarashqantsikta. 36Tsëtaqa manam pipis neguëta puëdintsu. Llutalla qaparir paqtam mana allikunata rurayankiman. 37Prësu apayämushqëki nunakuna manam templuntsikpita imatapis apayashqatsu ni diösa Artemisatapis manakaqpaq churayashqatsu. 38Tsënö këkaptinqa Demetrio y uryaq mayinkuna kë nunakunata quejëta munarqa autoridäkunaman quejayätsun. 39Imallapis parlanantsikpaq kaptinqa llapan autoridäkunata ëllïkur sesionta rurashun. 40Kënö büllata rurayaptikiqa Roma autoridäkunam contran shärishqantsikta yarpäyanqa. Tsëpita juzgamashqaqa manam ima nitapis puëdishuntsu>>.
41Tsënö nirirmi llapan nunakunata witsiratsirqan.
Právě zvoleno:
Hechos 19: qwhB
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2018, Wycliffe Bible Translators, Inc. All rights reserved.
Hechos 19
19
Éfesuchö Pablo willakunqan
1Corintuchö Apolos këkaptinmi Pabluqa markan markan ëwar Éfesuman chärirqan. Tsëchö discïpulukunata tarïkurmi 2tapurqan: <<¿Qamkunaqa Jesucristuta chaskikur Espíritu Santuta chaskikuyarqunkiku?>>
Pëkunanam yaskiyarqan: <<Espíritu Santu kashqantaqa manam imëpis musyayarqütsu>>.
3Pablunam nirqan: <<Tsënö kaptinqa ¿pipa yachatsikïninta cäsukurtaq bautizakuyarqunki?>>
Niptinmi niyarqan: <<Juanpa yachatsikïninta cäsukurmi bautizakuyarqü>>.
4Pablunam nirqan: <<Juanqa nunakunata bautizarqan jutsankunata jaqirir Teyta Dios munashqannö kawayänanpaqmi. Tsënöllam yachatsirqan Jesucristo shamuptin pëman markäkuyänanpaq>>.#Mat. 3.11; Mar. 1.4, 7-8; Luc. 3.4, 16; Juan 1.26-27.
5Tsënö niptinmi Señor Jesucristupa shutinchö bautizakuyarqan. 6Pëkunapa peqankunata yatëkur Teyta Diosta Pablo mañakuptinmi Espíritu Santu pëkunaman shamurqan. Tsëmi juk idiömakunapa parlar Teyta Dios käyitsishqankunata parlayarqan. 7Tsë nunakuna chunka ishkënömi kayarqan.
8Éfesuchö tärarmi sinagögaman ëwar Teyta Diospa mandakïninpaq Pablo kima killa mana mantsakushpa yachatsikurqan. 9Tsënö yachatsiptinpis wakin nunakuna Jesúsman markäkïta mana munarmi llapanpa nöpanchö Diospa Näninta#19.9 Diospa Näninpaq parlarqa Jesucristupa willakïninpaqmi parlëkan. manakaqpaq churayarqan. Tsëmi Jesúsman markäkuqkunawan sinagögapita yarqukur Tiranno shutiyuq nunapa yachatsikuna wayinchöna Pablo waran waran yachatsirqan. 10Ishkë watana tsënö yachatsiptinmi jinantin Asia provinciachö Israel nunakunapis y mana Israel nunakunapis Señor Jesucristupa willakïninta musyariyarqan.
11Tsëchömi Teyta Diospa poderninwan milagrukunata Pablo rurarqan. 12Tsëmi Pablo tenqishqan#19.12 Wakin nunakunaqa topashqan niyanmi. päñukunata y ratashkunatapis qeshyëkaqkunaman apayarqan. Tsëkunata tenqiyaptinmi qeshyaqkuna kachakäyaq y supëkunapis nunakunapita yarquyaq.
13Tsë witsanmi wakin Israel nunakunapis purikäyarqan nunakunapita supëkunata qarqur. Pëkunapis Jesúspa shutinchö supëkunata qarqïta munarmi niyarqan: <<Pablo willakushqan Jesúspa shutinchömi qarquq>>.
14Tsënö rurayarqan sumo sacerdöti Escevapa qanchis tsurinkunam. 15Qarqïta munayaptinmi supëqa kënö nirqan: <<Noqa reqïmi Jesústa y Pablo pï kanqantapis musyämi. Qamkuna ¡pitaq kayanki noqata qarqayämänëkipaq!>>
16Tsënö nirmi supë jipatsishqan nuna löcuyar pëkunata maqar usharqan. Tsëmi pasëpa yawarllana tsë wayipita qalapächu safar ewkuyarqan. 17Tsënö pasashqanta musyëkurmi Éfesuchö täraq Israel nunakunapis y mana Israel nunakunapis alläpa mantsakäyarqan. Tsëmi mëtsëchöpis nunakuna musyayarqan Señor Jesucristo puëdiq kashqanta.
18Jutsata rurayashqanta käyïkurmi Jesucristuman wakin markäkuqkunapis jutsankunata confesakuyarqan. 19Tsënöllam brujería rurakuyänan mágica librunkunatapis apëkur llapanpa nöpanchö kayayarqan. Tsë librukunapa chaninta jorquyaptin karqan pitsqa chunka waranqa (50,000) jornalpa chaninmi. 20Tsënöpam Teyta Diospa willakïnin puëdiq kashqanta käyikur atskaq nunakuna chaskikuyarqan.
21Tsëpitanam Pablo yarparqan Jerusalénpa ëwananpaqqa Macedonia provinciachö y Acaya provinciachö wawqikunata y panikunata watukëta. Tsënöllam yarparqan Jerusalénpitaqa Romapana ëwëta. 22Tsënö yarparmi Macedonia provinciaman nöpäyänanpaq Timoteuta y Erastuta kacharqan. Pabluqa quedakurqanran Asia provinciachö.
Éfesuchö Pablupa contran shäriyanqan
23Tsë witsanmi Diospa Näninpaq#19.23 Diospa Näninpaq parlarqa Jesucristupa willakïninpaqmi parlëkan. willakuyaptin Éfesuchö nunakuna alläpa piñakuyarqan. 24Tsënö piñakuyarqan Demetrio shutiyuq nuna willapaptinmi. Pëmi Artemisa#19.24 Artemisata latín idiömachöqa Diana niyanmi. niyashqan diösapa akapalla templunkunata qellëpita ruraq. Tsëkunata rantikurmi Demetriuqa uryaq mayinkunawan atska qellëta tariyaq. 25Uryaq mayinkunata y pëkunanö oficiuyuq nunakunatapis qayëkatsirmi nirqan: <<Qamkuna musyayankim kë uryënintsikwan alli tarishqantsikta. 26Rikäyashqëkinöpis y wiyayashqëkinöpis Pablo yachatsikurmi nikan: <Nuna rurashqan ïdulukunaqa manam rasunpa Diostsu>. Tsënö yachatsir atskaq nunakunatam creyikätsin. Manam kë Éfesullachötsu, sinöqa jinantin Asia provinciachöpis creyikätsinmi. 27Tsënö creyitsiptinmi uryashqantsikkunata y diösa Artemisapa templuntapis manakaqpaq churayanqa. Artemisata llapan Asiachö täraqkuna y jinantin munduchöpis manam respetayanqanatsu>>.
28Demetrio tsënö niptinmi uryaq mayinkuna alläpa piñakur kutïkuryan niyarqan: <<¡Diösa Artemisa alabashqa katsun!>>
29Tsënö niyashqanta wiyëkurmi tsë markachö täraq wakin nunakunapis büllata rurayarqan. Alläpa piñarmi Gayuta y Aristarcuta coliseuman prësu apayarqan. Gayuwan Aristarcuqa Macedoniapitam Pabluta yanapar shayämushqa kayarqan. 30Nunakunata käyitsinanpaq Pablupis coliseuman ëwëta munaptinmi wawqikuna y panikuna michäyarqan. 31Tsë provinciapa wakin autoridäninkunapis Pabluwan reqinakurmi willakatsiyarqan coliseuman mana ëwananpaq.
32Coliseuchö nunakuna juknöpa juknöpa parlar büllakurkuyaptinmi wakin nunakuna musyayarqantsu imapaq tsëman ëllukäyashqantapis. 33Tsëchö këkaq Israel nunakunanam Alejandro shutiyuq nunata parlamunanpaq yëkatsiyarqan. Tsëmi nunakunapa puntanman Alejandro yëkïkur makinwan sëñasta rurarqan upälla kayänanpaq. 34Alejandro Israel nuna kashqanta musyarmi tsë nunakuna ishkë höranö qaparipa niyarqan: <<¡Diösa Artemisa alabashqa katsun!>>
35Tsënö niyaptinmi tsë markapa mas mandakuqnin autoridä upällakuyänanpaq sëñasta rurar nirqan: <<¡Éfeso nunakuna! Jinantinchömi nunakuna musyayan Artemisapa templun kë markachö kashqanta. Jina musyayanmi ciëlupita shikwamuq Artemisa niraq rumitapis tsarashqantsikta. 36Tsëtaqa manam pipis neguëta puëdintsu. Llutalla qaparir paqtam mana allikunata rurayankiman. 37Prësu apayämushqëki nunakuna manam templuntsikpita imatapis apayashqatsu ni diösa Artemisatapis manakaqpaq churayashqatsu. 38Tsënö këkaptinqa Demetrio y uryaq mayinkuna kë nunakunata quejëta munarqa autoridäkunaman quejayätsun. 39Imallapis parlanantsikpaq kaptinqa llapan autoridäkunata ëllïkur sesionta rurashun. 40Kënö büllata rurayaptikiqa Roma autoridäkunam contran shärishqantsikta yarpäyanqa. Tsëpita juzgamashqaqa manam ima nitapis puëdishuntsu>>.
41Tsënö nirirmi llapan nunakunata witsiratsirqan.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2018, Wycliffe Bible Translators, Inc. All rights reserved.