Génesis 36
36
Esaúpita miraqkuna
1 Crónicas 1.34-43
1Kaychömi qelqaraykan Esaúpa surinkunapita y paykunapita miraqkunapitapis. Esaúpa jukaq jutinmi karqan Edom.
2Esaú tarqan cananea warmikunawanmi.#Gén. 26.34-35. Jukaq warminpa jutinmi karqan Ada. Pay karqan heteo runa Elónpa surinmi. Jukaq warminpa jutinnami karqan Aholibama. Pay karqan heveo runa Zibeónpa wilkan y Anápa surinmi. 3Saynöpis Esaú tarqan prïman Basematwan. Basemat karqan Ismaelpa surin y Nebaiotpa paninmi.#Gén. 28.9.
4Adapa wawanmi karqan Elifaz. Basematpa wawannami karqan Reuel. 5Aholibamapa wawankunanami kayarqan Jeús, Jaalam y Coré. Canaáncho Esaú taykaptinmi paykuna yuriyarqan.
6Wawqin Jacobwan taykashqanpita witikurmi Esaú aywakurqan lapan warminkunata, surinkunata y ashmayninkunatapis pushakurkur. Canaáncho taykar tarishqan kaqtaqa lapanta apakurkurmi aywakurqan. 7Jacobpis Esaúpis rïculantaq kayaptinmi täyashqan parti ayparqannasu saylacho juntu täyänanpaq. Uywankunapis saysika kayaptinmi misikuyänanpaq qewapis ayparqannasu. 8Saynöpami Esaú ayllu runakuna lapan aywakuyarqan Seir jalqakunaman. Esaúpa jukaq jutinmi karqan Edom.
9Seir jalqakunacho taykarmi Esaú ayllukuna askaqman mirayarqan. Paykunatami edomita runakuna kayashqanta niyaq. Kay runakunami kayarqan Esaúpita miraqkuna:
10Esaúpa warmin Adacho yurirqan Elifaz.
Warmin Basematchönami yurirqan Reuel.
11Elifazpa surinkunami kayarqan Temán, Omar, Zefo, Gatam y Cenaz.
12Elifazpa concubïna warmin Timnachöpis Amalec jutiyuq surin karqanmi. Paykunami kayarqan Esaúpawan warmin Adapa wilkankuna.
13Reuelpa surinkunami kayarqan Nahat, Zera, Sama y Miza. Paykunami kayarqan Esaúpawan warmin Basematpa wilkankuna.
14Esaúpa warmin Aholibamachömi surinkuna kayarqan Jeús, Jaalam y Coré. Aholibama karqan Anápa surin Zibeónpa wilkanmi.
15Esaúpa qechpa surin Elifazpa surinkuna mandaqmi kayarqan. Paykunami kayarqan Temán, Omar, Zefo, Cenaz, 16Coré, Gatam y Amalec. Say mandaqkuna lapanpis Elifazpa surinkunami kayarqan. Paykuna mandaq kayarqan Edom nacionchömi. Paykunami kayarqan Esaúpa y warmin Adapa wilkankuna.
17Esaúpa surin Reuelpa surinkunapis mandaqmi kayarqan. Paykunami kayarqan Nahat, Zera, Sama y Miza. Paykunami kayarqan Esaúpa y warmin Basematpa wilkankuna.
18Esaúpa jukaq warmin Aholibamapa wawankunapis mandaqmi kayarqan. Paykunami kayarqan Jeús, Jaalam y Coré. Aholibamaqa Aná jutiyuq runapa surinmi karqan.
19Say mandaqkuna lapanpis kayarqan Esaú ayllumi. Esaúpa jukaq jutinmi karqan Edom.
20Seir partiman Esaú manaraq chaptinmi horeo runakuna saycho täyarqan. Paykuna mirayarqan Seir jutiyuq runapitami. Seirpa surinkunami kayarqan Lotán, Sobal, Zibeón, Aná, 21Disón, Ezer y Disán. Paykunami kayarqan Edomcho Seir ayllu horeo runakunapa mandaqninkuna.
22Lotánpa surinkunami kayarqan Horiwan Hemam. Lotánpa paninmi karqan Timna.
23Sobalpa surinkunami kayarqan Alván, Manahat, Ebal, Sefo y Onam.
24Zibeónpa surinkunami kayarqan Ajawan Aná. Taytan Zibeónpa ashnunkunata misiykashqanchömi Aná tarirqan sunyaq jirkacho pukyukunata.
25Anápa surinkunami kayarqan warmi olqu. Olqu kaqpa jutinmi karqan Disón y warmi kaqpanami Aholibama.
26Disónpa surinkunami kayarqan Hemdán, Esbán, Itrán y Querán.
27Ezerpa surinkunami kayarqan Bilhán, Zaaván y Acán.
28Disánpa surinkunami kayarqan Uz y Arán.
29Horeo runakunapa mandaqninkunami kayarqan Lotán, Sobal, Zibeón, Aná, 30Disón, Ezer y Disán. Say runakuna juknin jukninpis horeo runakunapa mandaqninmi kayarqan. Cada ayllupa jutinqa mandaqninpa jutin kashqannömi karqan. Say ayllukunami Seir particho täyarqan.
31Israel nacioncho rey manaraq kaptinmi Edom nacionchöqa reykuna kayarqan. Kaychömi say reykunapa jutinkuna qelqaraykan:
32Juk reymi karqan Beorpa surin Bela. Belapa markanmi karqan Dinaba.
33Bela wanuykuptinnami Zerapa surin Jobab rey karqan. Pay karqan Bosra markapitami.
34Jobab wanuykuptinnami trukan rey karqan Husam. Pay karqan temanita runakuna täyashqanpitami.
35Husam wanuykuptinnami trukan rey karqan Bedadpa surin Hadad. Paymi Moab particho wanusirqan madianita runakunata. Hadadpa markanmi karqan Avit.
36Hadad wanuykuptinnami trukan rey karqan Samla. Pay karqan Masreca markapitami.
37Samla wanuykuptinnami rey karqan Saúl. Pay karqan Éufrates mayu nawpancho kaykaq Rehobot markapitami.
38Saúl wanuykuptinnami rey karqan Acborpa surin Baal-Hanán.
39Baal-Hanán wanuykuptinnami rey karqan Hadar. Pay karqan Pau markapitami. Hadarpa warminpa jutinmi karqan Mehetabel. Mehetabel karqan Matredpa surin y Mezaabpa wilkanmi.
40Esaúpita miraqkunapa mandaqninkuna kayarqan Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel y Iram. Say runakunapa jutinkunalami mandayashqan markakunapapis jutinkuna karqan. Saynölami paykunapita miraqkunata reqiyaq mandaqninpa jutilanpa.
Lapan say runakuna edomita runakunami kaykäyan.
Právě zvoleno:
Génesis 36: qvhB
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2003, Wycliffe Bible Translators, Inc. All rights reserved.