Génesis 32
32
Esaúwan tinkuyänanpaq Jacob kamarikushqan
1 1 (2) Saypita aywakuykaptinmi Tayta Diospa angilninkuna Jacobta tinkupäyarqan. 2 2 (3) Angilkunata rikaykurmi Jacob nirqan: <<Kaychöqa Tayta Diospa soldädunkunapa campamentunchä kaykan>>.
Sayno nirmi say partita jutisirqan Mahanaim#32.2 Mahanaim ninanqa ishkay campamentu ninanmi. jutin kananpaq.
3 3 (4) Saypitanami Jacob ashmayninkunata kacharqan kutiykashqanta wawqin Esaúta wilayänanpaq. Esaúqa taykarqan Seircho kaykaq Edomchömi. 4 4 (5) Manaraq kacharmi say ashmayninkunata yäsirqan kayno niyänanpaq: <<Tayta Esaú, wawqiki Jacobmi nin: <Aywakushqäpita pasami Labánpa makincho tashkä. 5 5 (6) Kananqa wäkayuq, ashnuyuq, uyshayuq y cabrayuqmi kaykä. Saynölami olqupis warmipis ashmaynïkuna kan. Kayta wilakasimü kuyapämänaykipaqmi> >>.
6 6 (7) Ashmayninkuna kutiykurmi Jacobta niyarqan: <<Wawqiki Esaúta aywar wilayämushkämi. Kanan kikinmi chaskikushunaykipaq shamuykan chusku pachak (400) runakunata pushakurkur>>.
7 7 (8) Sayno wilayaptinmi Jacob fiyupa mansarishpan yarpachakuyman churakarqan. Saymi paywan kaykaq runakunata ishkay puntaman rakirqan. Saynölami ishkay puntaman rakirqan uyshankunata, cabrankunata, wäkankunata y camëllunkunatapis. 8 8 (9) Sayno rurarqan kayno yarparmi: <<Esaú jukaq puntata atacaptin imaptinqa jukaq puntalapis qeshpinqami>>.
9 9 (10) Sayno rurarkurmi Tayta Diosta manakur nirqan: <<Awilü Abrahamwan papänï Isaac yärakushqan Tayta Dios, kikikimi nimarqayki ayllükuna täyashqan partiman kutikamunäpaq. Saynöpis nimarqayki yanapämänaykipaq kashqantami. 10 10 (11) Mana cäsukuq kaptïpis kuyapämashpaykimi yanapämashkanki. Kaypita aywakur tukrü aptashlami Jordán mayuta simparqä. Kananqa uywäkuna y noqawan aywaqkuna ishkay puntaman rakinäpaqpis aypannami. 11 11 (12) Wawqï Esaúpita sapaykalämay, Taytay. Warmintinta wamrantinta wanuykasimänanpaq kashqanta yarparmi fiyupa mansarï. 12 12 (13) Taytay, qam nimarqayki yanapämänaykipaq kashqantami. Saynöpis nimarqayki lamar kuchuncho yupaytapis mana atipaypaq aqushanöraq noqapita miraqkunapis kayänanpaq kashqantami>>.#Gén. 22.17.
13 13 (14) Say sakay saylachömi Jacob punurqan. Pasa wararkuptinnami uywankunapita rakirqan wawqin Esaúta qarananpaq. 14 14 (15) Wawqinpaq rakishqan uywakunami kayarqan ishkay pachak (200) cabrakuna, ishkay chunka (20) chïvukuna, ishkay pachak (200) uyshakuna, ishkay chunka (20) carnikuna, 15 15 (16) kimsa chunka (30) camëllukuna wawantin, chusku chunka (40) wäkakuna, chunka turïtukuna, ishkay chunka (20) china ashnukuna y chunka orqu ashnukunapis. 16 16 (17) Sayno rakirkurmi uywakunata qatiyänanpaq ashmayninkunata nirqan: <<Rakishqä uywakunata karu karu qatikurkur nawpayay>>.
17 17 (18) Nirkurmi puntata qatiq kaqta yachasirqan: <<Capazchir Esaú tapushunkimanpis: <¿Pitaq patronniki? ¿Maypataq aywaykanki? ¿Pipa uywantataq qatiykanki?> nir. 18 18 (19) Sayno tapushuptiki ninki: <Tayta Esaú, wawqiki Jacobmi kay uywakunata qampaq qatiykäsiman. Qepatami kikinqa shamuykan> >>.
19 19 (20) Puntaykaq ashmayninta yachasishqannölami wakin kaq ashmayninkunatapis Jacob yachasirqan.
20 20 (21) Jacob yarparqan apasishqan uywakunata rikaykur wawqin Esaúpa rabyaynin paskakänanpaq kashqanta, nirkur kushishwanna tinkunanpaq kashqantami. Saynöpis ashmayninkunata Jacob yäsirqan Esaúwan tinkurqa <<qepatami Jacob shamuykan>> niyänanpaq.
21 21 (22) Saynömi Esaúta qarananpaq rakishqan uywakunata puntanta qatisirqan. Nirkurnami posädakushlancho Jacob quëdakurqan.
Angilwan Jacob pelyayashqan
22 22 (23) Say sakaymi Jacob ishkan warminkunata, ishkay ashmaynin warminkunata y chunka juk surinkunata Jaboc mayu vädupa päsasirqan. 23 23 (24) Saynölami lapan imankunatapis päsasirqan. 24 24 (25) Nirkurmi kikilanna quëdakurqan. Say sakaymi juk runawan Jacob warati pelyayarqan. 25 25 (26) Jacobta imanöpapis vinciyta mana puëdirmi seqlaman tinkuq mama chanka moqunta saltarasirqan. 26 26 (27) Saymi say runa Jacobta nirqan: <<Pasa waraykannami. ¡Kachämayna!>>
Sayno niptinmi Jacob nirqan: <<Bendicionta manaraq qomaptikiqa manami kachäshaykisu>>.
27 27 (28) Saymi Jacobta tapurqan: <<¿Imataq jutiki?>>
Saymi nirqan: <<Noqapa jutï Jacobmi>>.
28 28 (29) Saymi nirqan: <<Kananpita manami Jacobnasu jutiki kanqa, sinöqa Israelnami.#32.28 Israel ninanqa Tayta Dioswan pelyaq ninanmi. Sayno jutiki kanqa Dioswanpis runakunawanpis pelyar vincishqaykipitami>>.#Gén. 35.10.
29 29 (30) Saypita Jacobpis tapurqan: <<Qampa jutikiqa ¿imataq kaykan, taytay?>> nir.
Sayno tapuptinmi say runa nirqan: <<¿Imapaqtaq jutïta tapumanki?>>
Nirkurnami Jacobta bendicionninta qorqan.
30 30 (31) Aywakuptinmi Jacob nirqan: <<Tayta Dioswanmi urku urku tinkushkä. Sayno tinkuykarpis yali manami wanuykushkäsu>>.
Saypitami say partita jutisirqan Peniel#32.30 Peniel ninanqa Diospa cäran ninanmi. jutin kananpaq. 31 31 (32) Peniel partipita Jacob aywaykaptinmi inti jeqarkamurqan. Mama chankan moqash kaptinmi weqruylapa aywaykarqan. 32 32 (33) Sayno moqash kaptinmi Israel runakuna uywata pishtar kananyaqpis mikuyansu seqlanman tinkuq anku ankunta.
Právě zvoleno:
Génesis 32: qvhB
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2003, Wycliffe Bible Translators, Inc. All rights reserved.