Números 12
12
Aaron, oshinë chachin Moisësë pinopisoꞌ
1Aꞌna tahuëri Aaron, Maria inapita Moisësë pinopi. Coso sanapi maninso marëꞌ chinotopi. 2Naporahuaton: “Sinioroso co Moisësëáchin nontërinhuëꞌ, quiyanta nontërincoi chachin,” topi nonatonaꞌ. Napopiso napoaponahuëꞌ, Siniororinta natanin. 3Moisësësoꞌ, yaꞌipi piyapiꞌsa quëran sano sano quëmapi ninin. 4Napoaton Siniorori inapita cara chachin: “Caranquëma chachin chinotëramacoso pëiquë pantacoꞌ,” itërin. Napotohuachina, cara chachin paꞌpi. 5-6Naporoꞌ Siniorosoꞌ yaráton chitoro nininquë oꞌmarahuaton, chinotacaso pëi yaꞌcoanataquëchin chiniimarin. Ina quëran Aaron, Maria inapita përarin. Yaꞌcaritohuachinara, itapon: “Natanco shaꞌhuichinquëmaꞌ. Inso tëranta yonquirahuëso yashaꞌhuitohuato, co aꞌninquë yaꞌnotato shaꞌhuitarahuëꞌ. Huaꞌnarëso pochin niꞌpachinco, maꞌsona yonquirahuësoꞌ shaꞌhuitarahuë. Huëꞌënquëhuë nipon nontato, shaꞌhuicaiso marëꞌ anitotarahuë. 7Piyapinëhuë Moisësëso nipirinhuëꞌ, co ina pochin anitotërahuë. Inasoꞌ, yaꞌipi piyapinëhuëpita quëran noꞌtë noꞌtëquën natërinco. 8Napoaton inarëꞌcosoꞌ, aꞌninquëchin nonai. Ina pochin inarëꞌco nonahuë niꞌton, co onporonta canpitaso ina pinocamaso yaꞌhuërinhuëꞌ,” itërin. 9-16(-)
Právě zvoleno:
Números 12: cbt
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2011, Wycliffe Bible Translators, Inc. All rights reserved.