Mt 25
25
A yab'xil lajn̈wan̈ eb' cob's 'ix
1'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay lajn̈wan̈ cob's 'ix, 'ix yij 'at eb' scantil 'a 'ac'wal, x'at eb' 'a jun nupnel,#Mt 25.1 A sb'eyb'al eb' israel, to a win tznupn cha, tz'at win 'a yatut 'ix 'ix cha, yic' tz'at yi'nc win 'ix, tzlajw cha, tzmeltzj pax 'a yatut. Tztan̈wx sjaw eb' yuj eb' swach'c'ojol, sec junn̈j tz'aj eb' s'at 'a jun q'uin̈ cha. x'at schanc eb' sjaw win tznupn cha. 2Own̈ eb' may wal snab'en, own̈ eb' jelan. 3A eb' may wal snab'en cha, man̈x 'a jacx yaceite eb' xyij 'at yet'oc, cojn jab' 'ay 'ejm 'a yol scantil eb' cha. 4Ax eb' jelan, chuc 'ix yij eb' nan̈l xo yaceite. 5Ax win tznupn cha, caw x'ec' hora sjaw winac. Yuj cha, caw xcot swayn̈ eb' 'ix, 'ix way eb' smasnil. 6Palta ax 'a chim'ac'wal, 'ay jun mach 'ix 'awj 'ixtc 'a eb': Wal sjaw win tznupn tic, 'at chajec sjaw winac, xchi 'a eb'. 7Yuj cha, 'ix q'ue wan eb', 'ix laj ya'nc 'och eb' scantil cha. 8Ax eb' may wal snab'en, xyaln eb' 'a eb' jeln chi 'ixtic: 'A'c qui c'an e yaceite tic eyet' on̈, wal scaw tup quic tic on̈, xchi eb' 'a eb'. 9Matz cac' on̈, lemb'il 'oj lajwc pax quic tic junx on̈. 'Ixquec, 'at manc jac eyic 'a 'aj tzchon̈xi, xchi eb'. 10Yuj cha, x'at eb' 'ix chi sman yico'. 'Ayt 'at eb' 'ix, 'ix jaw win tznupn cha. A eb' lista xon yaj yet' scantil, 'ix 'ochcn eb' yet' win 'a 'aj tznupn cha, xlajwn̈ej cha, 'ix macx can te puerta. 11Ax yic 'ix japx eb' may snab'en cha, 'ix cob' 'awjc 'och eb' 'ixtic: Mamin, mamin, jacn̈ 'och on̈, xchi cob' eb'. 12Palta xyaln 'elt win 'ixtc 'a eb': Ma'ay, wal yel tzwal 'ayex, man̈ ex wojcoc, xchi win 'a eb' 'ix. 'Ixta tzyal jun 'abx tic.
13Yuj cha, tzwal 'ayex, caw lista tzeyutj e b'a, yujto man̈ eyojcoc, 'aja sc'ual, yorail ['oj in jaw an 'Ochnc in 'Anmal tic.]
A yab'xil 'oxwn̈ eb' munljwum
(Lc 19.11-27)
14'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay jun winc x'at 'a junx chon̈b' 'a najat. Yic mantzac 'ati, 'ix yawtn cot eb' smoso 'a 'a, 'ix ya'n can win jun tzo'n̈ stumn 'a yol sc'ab' eb'. 15'Ay jun 'aj 'ix yac' o'e talento,#Mt 25.15 A q'uen talento 'ix yal Jesús. 'Ay 75 libra q'uen plata 'a junjn talento. ax jun 'aj 'ix yac' chab' talento, 'ay pax jun 'aj 'ix yac' jun talento, a tzyal sjelnal junjn eb'. Xlajw cha, x'at winac. 16Ax win moso xchan o'e talento cha, 'ix yac' win snegocio yet' q'ue'en; 'ix ya'n ganar win o'e xo. 17'Ixta pax win xchan chab' talento, 'ix yac' ganar win chab' xo. 18Palta ax win xchan jun talento cha, x'at sjoy win lum lu'um, 'ix smucn can 'ejm win q'uen tumn chi ta'.
19Niwn tiempo x'eq'ui, 'ixta to b'i'an, 'ix japx win spatron̈ eb' cha. 'Ix sb'on yaj win scuenta junjn eb'. 20A win chajnac o'e talento cha, a win xb'ab'l c'och 'a winac. 'Ix ya'n win q'uen o'e talento chi 'ix yac' ganar cha, 'ix yaln win 'a win spatron̈ chi 'ixtic: Mamin, a'jnac can o'e talento 'ayin, palta ticnec, yaj pax o'e xo yune q'uen xwac' ganar, xchi winac. 21Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha. 22Xlajw cha, 'ix c'och win chajnac chab' talento cha, 'ix yaln win 'ixtc 'a win spatron̈ cha: Mamin, a'jnac can chab' talento tic 'ayin, palta ticnec, yaj pax chab' xo yune q'uen xwac' ganar, xchi winac. 23Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a junx smoso cha.
24Palta ax yic 'ix c'och win chajnac jun talento cha, 'ix yaln win 'ixtic: Patron̈, wojtac, to ch'an ach, toxn̈ej tza jach'a, palta may tas tzawej, toxn̈ej tza chaj eco'oc tas tzyac' ganar junc xo 'anma'. 25Yuj cha, in xiw o'oj, xin mucn can 'ejm q'uen a tumn tic 'a yol lu'um, yaj q'uen a tumn tic smasnil, xchi winac. 26Palta xyaln win spatron̈ win chi 'ixtic: Ach tic cob' moso ach, palta may a ch'olnil, caw 'isj ach. 'In ojc xoni, toxn̈ej tzin jach'a, palta may tas tzwawej, toxn̈ej tzin chaj wico'oc tas tzyac' ganar junc xo 'anma'. 27Yuj cha, octom xa't q'uen in tumn tic majnil, sec wach' xin chaj pax q'uen yet' yune', yic in japx tic, xchi win 'a win smoso cha. 28Xlajwn̈ej cha, xyaln win 'ixtc 'a jun tzo'n̈ eb' 'ayc' ta': 'Ijec 'ec' q'uen talento chi 'a winac, 'a'c q'uen 'a win 'ay lajn̈e talento yic cha. 29Yujto a mach 'ay yico', 'oj wach' 'ajxoc 'a 'a, sec 'oj swach' 'a'c sobra yic cha. Ax eb' may wal yico', 'oj wach' 'ijxc 'ec' jab' yic eb' cha. 30Ax win moso may yopiso tic, tz'at e julcn 'at 'a 'aj 'ay q'uic'q'uinal. Ata 'oj 'oc'oc, 'oj juch'ch'oc ye yab'n syail, xchi winac.
A yic 'oj b'eyc'ojlaxc eb' 'anma'
31An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi. 32Ax junjn nacion̈al eb' 'anma', 'oj jawc eb' 'a wojltac. 'Icha junc 'ilm calnelu tzpoj 'elt no calnelu 'a scal no chiwo, 'ixta 'oj wutc in pojn snan̈l eb'. 33A eb' 'icha in calnelu, 'oj can eb' 'a in wach' c'ab', ax eb' 'icha chiwo, 'oj can eb' 'a in surito. 34An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc. 35Yujto a yic yoch in wejel, eya'jnacn wa'oc; yic yoch pax in tacn̈ti'al, eya'jnac tas xwuq'uej, yic in b'eyc' 'icha junc b'eymal 'anma', eya'jnac in posada. 36Yic may wal in pichul, eya'jnac wico', yic ya'ay in, xit'nc ex in eyila', ax yic 'ayn 'och 'a preso, xit'nc ex in e c'umoc, 'oj in chic 'a eb'. 37Ax eb' tojl sb'eyb'al cha, 'oj yal eb' 'ixtc 'ayin: Mamin, ¿b'a'n̈i ach quil chi 'on̈, yic yoch a wejel, a tacntil cha? Toc 'ay tas ca'jnac 'aych on̈. 38¿B'a'n̈i ach quil chi 'on̈, yic a b'eyc' 'icha junc b'eymal 'anma cha, yic ca'n a posada chi 'on̈? Ax yic may wal a pichl cha, toc 'ay tas ca'jnac 'aych on̈. 39Yic ya'ay ach, yet' 'a yic 'aych 'och 'a preso cha, toc 'ay 'aj xit' ach quiljnac on̈, 'oj schic eb' 'ayin. 40'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.
41'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac. 42Yujto yic yoch in wejel, ma'ix in eyac' wa jab'oc, yic yoch pax in tacn̈ti'al, ma'ix eyac' jac tas xwuq'uej. 43Yic in b'eyc' 'icha junc b'eymal 'anma', ma'ix eyac' in posada, yic may wal in pichul, may jac in pichl eya'jnac. An̈jtona', yic ya'ay in yet' 'a yic 'ayn 'och 'a preso, ma'ex xit' in eyil jab'oc, 'oj in chic 'a eb'. 44Yuj cha, ax yaln eb' 'ixtc 'ayin: Mamin, ¿b'a'n̈i ach quil chi 'on̈, yic yoch a wejel, a tacn̈til cha, yic a b'eyq'ui, yic may wal a pichl cha, yic ya'ay ach, yic preso aji? ¿Tom 'ay 'aj ma'on̈ colwj 'aych on̈? 'oj schic eb' 'ayin. 45Palta 'oj wal 'ixtc 'a eb': Wal yel tzwal 'ayex, a yic ma'ex colwj 'a jun tzo'n̈ eb' tic, wach'xam may yel'ch eb', tzyal 'el'chi, a 'ayn ma'ex colwji, 'oj in chic 'a eb'. 46A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.
Právě zvoleno:
Mt 25: CSS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Biblia Chuj San Sebastian © Sociedades Bíblicas Unidas, 1999.
Mt 25
25
A yab'xil lajn̈wan̈ eb' cob's 'ix
1'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay lajn̈wan̈ cob's 'ix, 'ix yij 'at eb' scantil 'a 'ac'wal, x'at eb' 'a jun nupnel,#Mt 25.1 A sb'eyb'al eb' israel, to a win tznupn cha, tz'at win 'a yatut 'ix 'ix cha, yic' tz'at yi'nc win 'ix, tzlajw cha, tzmeltzj pax 'a yatut. Tztan̈wx sjaw eb' yuj eb' swach'c'ojol, sec junn̈j tz'aj eb' s'at 'a jun q'uin̈ cha. x'at schanc eb' sjaw win tznupn cha. 2Own̈ eb' may wal snab'en, own̈ eb' jelan. 3A eb' may wal snab'en cha, man̈x 'a jacx yaceite eb' xyij 'at yet'oc, cojn jab' 'ay 'ejm 'a yol scantil eb' cha. 4Ax eb' jelan, chuc 'ix yij eb' nan̈l xo yaceite. 5Ax win tznupn cha, caw x'ec' hora sjaw winac. Yuj cha, caw xcot swayn̈ eb' 'ix, 'ix way eb' smasnil. 6Palta ax 'a chim'ac'wal, 'ay jun mach 'ix 'awj 'ixtc 'a eb': Wal sjaw win tznupn tic, 'at chajec sjaw winac, xchi 'a eb'. 7Yuj cha, 'ix q'ue wan eb', 'ix laj ya'nc 'och eb' scantil cha. 8Ax eb' may wal snab'en, xyaln eb' 'a eb' jeln chi 'ixtic: 'A'c qui c'an e yaceite tic eyet' on̈, wal scaw tup quic tic on̈, xchi eb' 'a eb'. 9Matz cac' on̈, lemb'il 'oj lajwc pax quic tic junx on̈. 'Ixquec, 'at manc jac eyic 'a 'aj tzchon̈xi, xchi eb'. 10Yuj cha, x'at eb' 'ix chi sman yico'. 'Ayt 'at eb' 'ix, 'ix jaw win tznupn cha. A eb' lista xon yaj yet' scantil, 'ix 'ochcn eb' yet' win 'a 'aj tznupn cha, xlajwn̈ej cha, 'ix macx can te puerta. 11Ax yic 'ix japx eb' may snab'en cha, 'ix cob' 'awjc 'och eb' 'ixtic: Mamin, mamin, jacn̈ 'och on̈, xchi cob' eb'. 12Palta xyaln 'elt win 'ixtc 'a eb': Ma'ay, wal yel tzwal 'ayex, man̈ ex wojcoc, xchi win 'a eb' 'ix. 'Ixta tzyal jun 'abx tic.
13Yuj cha, tzwal 'ayex, caw lista tzeyutj e b'a, yujto man̈ eyojcoc, 'aja sc'ual, yorail ['oj in jaw an 'Ochnc in 'Anmal tic.]
A yab'xil 'oxwn̈ eb' munljwum
(Lc 19.11-27)
14'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay jun winc x'at 'a junx chon̈b' 'a najat. Yic mantzac 'ati, 'ix yawtn cot eb' smoso 'a 'a, 'ix ya'n can win jun tzo'n̈ stumn 'a yol sc'ab' eb'. 15'Ay jun 'aj 'ix yac' o'e talento,#Mt 25.15 A q'uen talento 'ix yal Jesús. 'Ay 75 libra q'uen plata 'a junjn talento. ax jun 'aj 'ix yac' chab' talento, 'ay pax jun 'aj 'ix yac' jun talento, a tzyal sjelnal junjn eb'. Xlajw cha, x'at winac. 16Ax win moso xchan o'e talento cha, 'ix yac' win snegocio yet' q'ue'en; 'ix ya'n ganar win o'e xo. 17'Ixta pax win xchan chab' talento, 'ix yac' ganar win chab' xo. 18Palta ax win xchan jun talento cha, x'at sjoy win lum lu'um, 'ix smucn can 'ejm win q'uen tumn chi ta'.
19Niwn tiempo x'eq'ui, 'ixta to b'i'an, 'ix japx win spatron̈ eb' cha. 'Ix sb'on yaj win scuenta junjn eb'. 20A win chajnac o'e talento cha, a win xb'ab'l c'och 'a winac. 'Ix ya'n win q'uen o'e talento chi 'ix yac' ganar cha, 'ix yaln win 'a win spatron̈ chi 'ixtic: Mamin, a'jnac can o'e talento 'ayin, palta ticnec, yaj pax o'e xo yune q'uen xwac' ganar, xchi winac. 21Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha. 22Xlajw cha, 'ix c'och win chajnac chab' talento cha, 'ix yaln win 'ixtc 'a win spatron̈ cha: Mamin, a'jnac can chab' talento tic 'ayin, palta ticnec, yaj pax chab' xo yune q'uen xwac' ganar, xchi winac. 23Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a junx smoso cha.
24Palta ax yic 'ix c'och win chajnac jun talento cha, 'ix yaln win 'ixtic: Patron̈, wojtac, to ch'an ach, toxn̈ej tza jach'a, palta may tas tzawej, toxn̈ej tza chaj eco'oc tas tzyac' ganar junc xo 'anma'. 25Yuj cha, in xiw o'oj, xin mucn can 'ejm q'uen a tumn tic 'a yol lu'um, yaj q'uen a tumn tic smasnil, xchi winac. 26Palta xyaln win spatron̈ win chi 'ixtic: Ach tic cob' moso ach, palta may a ch'olnil, caw 'isj ach. 'In ojc xoni, toxn̈ej tzin jach'a, palta may tas tzwawej, toxn̈ej tzin chaj wico'oc tas tzyac' ganar junc xo 'anma'. 27Yuj cha, octom xa't q'uen in tumn tic majnil, sec wach' xin chaj pax q'uen yet' yune', yic in japx tic, xchi win 'a win smoso cha. 28Xlajwn̈ej cha, xyaln win 'ixtc 'a jun tzo'n̈ eb' 'ayc' ta': 'Ijec 'ec' q'uen talento chi 'a winac, 'a'c q'uen 'a win 'ay lajn̈e talento yic cha. 29Yujto a mach 'ay yico', 'oj wach' 'ajxoc 'a 'a, sec 'oj swach' 'a'c sobra yic cha. Ax eb' may wal yico', 'oj wach' 'ijxc 'ec' jab' yic eb' cha. 30Ax win moso may yopiso tic, tz'at e julcn 'at 'a 'aj 'ay q'uic'q'uinal. Ata 'oj 'oc'oc, 'oj juch'ch'oc ye yab'n syail, xchi winac.
A yic 'oj b'eyc'ojlaxc eb' 'anma'
31An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi. 32Ax junjn nacion̈al eb' 'anma', 'oj jawc eb' 'a wojltac. 'Icha junc 'ilm calnelu tzpoj 'elt no calnelu 'a scal no chiwo, 'ixta 'oj wutc in pojn snan̈l eb'. 33A eb' 'icha in calnelu, 'oj can eb' 'a in wach' c'ab', ax eb' 'icha chiwo, 'oj can eb' 'a in surito. 34An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc. 35Yujto a yic yoch in wejel, eya'jnacn wa'oc; yic yoch pax in tacn̈ti'al, eya'jnac tas xwuq'uej, yic in b'eyc' 'icha junc b'eymal 'anma', eya'jnac in posada. 36Yic may wal in pichul, eya'jnac wico', yic ya'ay in, xit'nc ex in eyila', ax yic 'ayn 'och 'a preso, xit'nc ex in e c'umoc, 'oj in chic 'a eb'. 37Ax eb' tojl sb'eyb'al cha, 'oj yal eb' 'ixtc 'ayin: Mamin, ¿b'a'n̈i ach quil chi 'on̈, yic yoch a wejel, a tacntil cha? Toc 'ay tas ca'jnac 'aych on̈. 38¿B'a'n̈i ach quil chi 'on̈, yic a b'eyc' 'icha junc b'eymal 'anma cha, yic ca'n a posada chi 'on̈? Ax yic may wal a pichl cha, toc 'ay tas ca'jnac 'aych on̈. 39Yic ya'ay ach, yet' 'a yic 'aych 'och 'a preso cha, toc 'ay 'aj xit' ach quiljnac on̈, 'oj schic eb' 'ayin. 40'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.
41'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac. 42Yujto yic yoch in wejel, ma'ix in eyac' wa jab'oc, yic yoch pax in tacn̈ti'al, ma'ix eyac' jac tas xwuq'uej. 43Yic in b'eyc' 'icha junc b'eymal 'anma', ma'ix eyac' in posada, yic may wal in pichul, may jac in pichl eya'jnac. An̈jtona', yic ya'ay in yet' 'a yic 'ayn 'och 'a preso, ma'ex xit' in eyil jab'oc, 'oj in chic 'a eb'. 44Yuj cha, ax yaln eb' 'ixtc 'ayin: Mamin, ¿b'a'n̈i ach quil chi 'on̈, yic yoch a wejel, a tacn̈til cha, yic a b'eyq'ui, yic may wal a pichl cha, yic ya'ay ach, yic preso aji? ¿Tom 'ay 'aj ma'on̈ colwj 'aych on̈? 'oj schic eb' 'ayin. 45Palta 'oj wal 'ixtc 'a eb': Wal yel tzwal 'ayex, a yic ma'ex colwj 'a jun tzo'n̈ eb' tic, wach'xam may yel'ch eb', tzyal 'el'chi, a 'ayn ma'ex colwji, 'oj in chic 'a eb'. 46A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Biblia Chuj San Sebastian © Sociedades Bíblicas Unidas, 1999.