Jon 2
2
1Lə nian iərəm rol kɨsɨl kamol nərouean ker apa Kena, nauanu ker lə tən Kalɨli, kəni inɨ Iesu mɨn a ikɨn.
2Kəni kɨnaunin mɨn Iesu ne nərəmim min tahan lə nərouean an.
3Lə nian waen rɨnɨka mɨn, inɨ Iesu ramɨni ton məma, “Waen nɨmɨnilar rɨnɨka.”
4Iesu ramɨni ton məma, “?Nəta ton Io ne ton ik, pɨravɨn? Nian tahak rɨsvean əna.”
5Inɨn ramɨni to nolatkokɨn min məma, “Nəta nar tɨrɨnipɨna, pəs tɨnakarol.”
6Kamhatɨk ikɨn nɨvigɨnar kətilɨm-mɨkarena (6) kɨmol lə kapiəl, ravkɨr to nolan taha namin Isrel to nhapəlan ilar məma takahiləl, iərəm ker ravkirin eiti (80) o wan hantret (100) lita ne.
7 Iesu ramɨni to ilar məma, “Arvipən nu lə nɨvigɨnar min rɨt.” Kəni kamarvipən rətiauh.
8Kəni ramɨni to ilar məma, “Aruitha takrɨn ka tek maros marɨn kəm iərəmɨra taha naugɨnan.” Kəni kamaros marɨn.
9Nian iərəmɨra taha naugɨnan ka rɨnəmnɨm-asɨgɨvɨn nu ka kɨnvhin rɨnva waen, iərəm in rɨtɨktɨk am məma rɨmsɨpətən, mɨro nolatkokɨn min am iərəm kamaruitha nu karhinatin, iərəmɨra ka taha naugɨnan ramaunin iəroue,
10mamɨnipən ton məma, “Nian min nərəmim kamarofən waen ɨvt paupan, mɨro nian kɨnarəmnɨm ɨpɨk kɨpofən iərəm rɨtat am oatisɨg. Mɨro ik nəmhiapatin waen ɨvt mosiatɨv am ka tek.”
11Nɨruouɨnan nɨmtətin min in ɨk Iesu ramol apa Kena lə tən Kalɨli, mamhuatɨkun nɨvɨt-asulan tahan, kəni nərəmim min tahan kɨmani nɨpərhienan lan.
12 #
Mat 4:13
Oatisɨgin nar ka In ramatite-pən Kapeneam, In ne inɨn ne norhɨn min ne nərəmim min tahan. Mɨro kɨsairɨkan nian ripɨr ikɨn an.
Iesu ramhapəl Nimeihuak Asul
13 #
Eks 12:1-27
Naugɨnan ɨk Pasova taha nərəm Isrel rɨnva iwəkɨt, kəni Iesu rɨt mɨvɨn Jerusalem.
14Kəni lə Nimeihuak Asul taha Ughin ramap nərəmim kamaivrein pɨlɨk ne sipsip ne iouin min, ne nərəm kamaiwota to nɨtaina mani.
15Kəni mos təula nɨvin mol wip lə ilar, mɨsɨgiatɨv ilar min pətɨm lə nimeihuak, ne sipsip ne pɨlɨk min, mɨvetag mani taha nərəm kamɨtain mani, mavhin tepɨl min thɨnilar.
16Mamɨni to nərəm kamaivrein iouin min məma, “!Arositha nar min ɨk! !Ɨsarolan nima taha Rɨmok ravkɨri nima kamavra ikɨn!”
17 #
Sam 69:9
Kəni ka nərəmim tahan nɨkinilar rakamho nakharan ɨk iərəm kamrai, ramɨni məma, “Nɨkik ramakapan ɨpɨk to nima taham, ramkɨs ɨpɨk Io.”
18Kəni ka nərəm Isrel min kamairəm manipən ton məma, “?Tɨnakofa nəta nɨmtətin kəm kamar to nuhuatɨkunan məma rɨmatu məma Ik tɨnakol nar min ɨk?”
19 #
Mat 26:61; 27:40; Mak 14:58; 15:29 Iesu rəmarəm mɨnipən to ilar məma, “Tɨnakaitakɨn nimeihuak ɨk, kəni lə nian kɨsɨl sɨposit mɨn.”
20Kəni nərəm Isrel min kəmani məma, “?Kamos nuw fote-sikɨs (46) to nolan nimeihuak ɨk, kəni Ik tɨnɨposit lə nian kɨsɨl am?”
21Mɨro In ramakharin nimeihuak lə nɨpəlakɨn-atu.
22To nar ka, nian rɨnərmig lə nɨmɨsan, nərəmim min tahan nɨkinilar rho məma In rɨmamɨni nar ɨk to ilar, mɨmani nɨpərhienan lə nakharan lə Paipol ne lə nakharan Iesu rɨmɨni.
Iesu rhinatin nɨki nərəmim
23Nian ramarɨk Jerusalem lə naugɨnan taha Pasova, nərəmim min ripɨr kəmani nɨpərhienan lə nətɨgɨn, nian kamaip nɨmtətin min iərəm In ramol.
24Mɨro Iesu rɨsatɨgtean lə ilar, mɨro-in-ka In rhinatin nərəmim min pətɨm,
25kəni rɨsolan məma takakeike kavsitoin iərəmim ker kəm In, mɨro-in-ka In rhinatin nar rakamɨl lə nɨki nərəmim.
Nait-vian
Právě zvoleno:
Jon 2: Lenakel NT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
(c) 2023 Covenanter Press - Presbyterian Reformed Church of Australia
