Yokaana 17
17
OYesu akwesabira
1OYesu niyamaare okubaza bini, nʼaroleera eiguru nʼasaba ati,
“Taata, ekaseera kaikire. Weesya omutaani waamu ekitiinisya leke omutaani waamu yeena akikuweesye. 2Kubba wamuwaire obuyinza oku bantu boona boona leke aweerye obwomi obutawaawo abo boona boona bewamuwaire. 3Era obwomi obutawaawo bumanyisya okukumanya we, oKanca owʼamananu yenkai era nʼoYesu Kurisito gwewatumire. 4Nkuweeserye ekitiinisya oku nsi nimmaliriirye omulumo gwewantumire okukola. 5Ati buni Taata, nyirya omu kitiinisya ekyo kyenaali nakyo ensi etakawangirwe.
OYesu akusabira abeegesebwa baamwe
6Nkumanyisirye omu bantu abewampaire nokubaiya omu nsi. Bbaali baamu baitu nʼobampeerya era boorobeire ekigambo kyamu. 7Ati beetejerye nti buli kyewampaire kyaligire giri niiwe. 8Kubba nabakobeire ebigambo bye wankobere era ni babiikiriza. Ni beetejerya kimwei nti naligire waamu era baikiriza nti niiwe wantumire.
9Nkubasabira, baitu tinkusabira bantu ba nsi, baitu abo bewampaire, kubba baamu. 10Abendina boona boona baamu, nʼabaamu boona boona bange. Era ekitiinisya kyange kibonekera omu bo. 11Ati nkwiza egyoli, tincaali mu nsi baitu bo bacaalimu. Taata Akwera, balindisye obuyinza bwa ibara ryamu ryewampaire leke babbe bumwei nka nje naawe nituli.
12Ninaali ncaali nabo, nabalindisirye obuyinza bwa ibara ryamu ryewampaire. Ndoowo muntu gonze nʼomwei eyabuure okwiyaku oyo eyaali owa kubula, ebyawandiikiibwe leke biikiire.
13Ati nkwiza egyoli, baitu nkubaza ebigambo bini, nincaali omu nsi, leke babbe nʼokusemeerwa kwange okwizuli omu bo. 14Mbakobeire ekigambo kyamu era abantu ba nsi babanobere, kubba tibacaali ba nsi nka nje nintali wa nsi. 15Tinkusaba nti obaiye omu nsi baitu nti obalinde egiri abakoli ba bibbi 16Ti ba nsi, nka nje nintali wa nsi. 17Obeerye okwakaara omu mananu ga kigambo kyamu, ekigambo kyamu nigo mananu. 18Nka niwantumire omu nsi, njeena mbatumire omu nsi. 19Oku lwabwe neeyeerye, boona leke beeyeerye kimwei.
OYesu akusabira abaikiriza boona boona
20Tinkusabira bani bonkai, baitu nkusabira nʼabo boona abalinyikiriza olwa bukwenda bwa bani, 21leke boona boona babbe bumwei, nka we oIte wange noli omu nje, nanje omu we. Boona nkusaba babbe omwiswe leke ensi eikirize nti niiwe wantumire. 22Mbaweeserye ekitiinisya kyewampeeserye, leke babbe bumwei nka iswe nituli obumwei. 23Nje nimba omu bo naawe omu nje, babba beeyimbiirye kimwei nʼensi yeeteja nti niiwe wantumire era wabenderye nka nje niwanyenderye.
24Ite wange, nkwendya abo bewampaire, babbenge nanje awendi, leke babone ekitiinisya kyange. Ekyo nikyo ekitiinisya kyewampaire olwa kunyendya ensi etakawangirwe.
25Ite wange aikiriire, gonze ngʼabantu ba nsi tibakumaite, nje nkumaite era abeegesebwa bani bamaite nti niiwe wantumire. 26Nkumanyisirye egiri bo era ndyeyongera okukola ntyo, okwendya kwolina egiri nje leke kubbenge omu bo era nanje omu bo.”
Právě zvoleno:
Yokaana 17: RUULI-NYALA
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
