ܣܶܦܪܳܐ ܕ݄ܒܪܺܝܬ̥ܳܐ 20
20
1ܘܡܰܛܥܰܢ ܠܶܗ ܐܰܒܪܳܗܳܡ ܡܶܢ̱ ܬܰܡܳܐ ܘܰܐܙّܶܗ ܠܺܗ̄ܝ ܐܰܪܥܳܐ ܕܽܗ̄ܘ ܬܰܝܡܢܳܐ. ܘܝܰܬܽܒ̥ ܒܰܝܢ ܪܩܶܡ ܠܓܳܕ̥ܳܪ. ܘܥܰܡ݄ܪ ܐܰܒܪܳܗܳܡ ܒܓܳܕ̥ܳܪ. 2ܘܐܡ݄ܪ ܠܶܗ ܐܰܒܪܳܗܳܡ ܥܰܠ ܣܰܪܳܐ، ܗ̄ܺܝ ܐܰܢ̱ܬ̥ܬܰܝܕ̥ܶܗ: ”ܚܳܬ̥ܺܝ ܝܳܐ.“ ܘ݄ܡܫܰܕܰܪ ܠܶܗ ܐܰܒܺܝܡܰܠ݄ܟ، ܗ̄ܽܘ ܡܰܠܟܳܐ ܕܓܳܕܳܪ، ܘܡ݄ܕ ܠܶܗ ܠܣܰܪܳܐ. 3ܘܰܐܬ̥ܺܝ ܐܰܠܳܗܳܐ ܥܰܠ ܐܰܒܺܝܡܰܠ݄ܟ ܒܽܗ̄ܘ ܚ݄ܠܡܳܐ ܕܽܗ̄ܘ ܠܰܠܝܳܐ ܘܐܡ݄ܪ ܠܶܗ ܠܶܗ: ”ܟܰܐܠܶܗ ܓܡܰܝܬ̥ܰܬ ܡܶܢ̱ ܦܳܬ̥ܰܗ ܕܺܗ̄ܝ ܐܰܢ̱ܬ̥ܬܳܐ ܕܡܺܝܕܳܐ ܠܳܟ̥، ܥܰܠ ܕܟ݄ܬ ܝܳܐ ܐܰܢ̱ܬ̥ܬܳܐ ܕܓܰܒ̥ܪܳܐ.“ 4ܘܰܐܒܺܝܡܰܠ݄ܟ ܠܳܐ ܡܩܰܪܰܒ̥ ܠܶܗ ܠܰܗ. ܘܐܡ݄ܪ ܠܶܗ ܐܰܒܺܝܡܰܠ݄ܟ: ”ܡܳܪܝܳܐ، ܩܰܝ ܥܰܡܳܐ ܙܰܕܺܝܩܳܐ ܣܬܶܝ ܓܩܳܛܠܰܬ؟ 5ܟܰܐܠܶܗ ܗܺܝّܶܗ ܐܡ݄ܪ ܠܶܗ ܕܚܳܬ̥ܺܝ ܝܳܐ. ܘܗܺܝّܰܗ ܣܬܶܝ ܐܡ݄ܪ ܠܰܗ ܕܰܐܚܽܘܢܺܝ ܝܳܐ. ܒܺܗ̄ܝ ܫܰܦܝܽܘܬ̥ܳܐ ܕܠܶܒܺܝ ܘܒܺܗ̄ܝ ܕܰܟ̥ܝܽܘܬ̥ܳܐ ܕܺܐܝܕ̥̥̈ܳܬ̥ܺܝ ܣ݄ܡ ܠܺܝ ܗܰܬ̥ܶܐ.“ 6ܘܐܡ݄ܪ ܠܶܗ ܠܶܗ ܐܰܠܳܗܳܐ ܒܽܗ̄ܘ ܚ݄ܠܡܳܐ: ”ܘܳܐܢܳܐ ܣܬܶܝ ܟܳܐܕ̥ܰܥ ܐ̱ܢܳܐ ܕܒܺܗ̄ܝ ܫܰܦܝܽܘܬ̥ܳܐ ܕܠܶܒܳܟ̥ ܣ݄ܡ ܠܳܟ̥ ܗܰܬ̥ܶܐ. ܘܳܐܢܳܐ ܣܬܶܝ ܡܰܟܠܶܐ ܠܺܝ ܠܳܟ̥ ܕܠܳܐ ܚܳܛܰܬ ܩܽܘܕ̱ܡܺܝ، ܡܰܗ̄ܘܟ̥ܰܐ ܠܳܐ ܛܪܶܐ ܠܺܝ ܕ݄ܡܩܰܪܒ̥ܰܬ ܐܰܥܠܰܗ. 7ܐܳܥܕܳܐ ܡܰܕܥ݄ܪ ܗ̄ܺܝ ܐܰܢ̱ܬ̥ܬܳܐ ܕܽܗ̄ܘ ܓܰܒ̥ܪܳܐ، ܥܰܠ ܕܟ݄ܬ ܝܳܐ ܢܒܺܝܳܐ، ܘܓ݄ܡܨܰܠܶܐ ܐܰܥܠܳܟ̥ ܘ݄ܓܚܳܝܰܬ. ܘܶܐܢ ܕܠܳܐ ܡܰܕܥܪܰܬ ܠܰܗ، ܝܺܕ̥ܰܥ ܕܡܰܘܬܳܐ ܓܡܰܝܬ̥ܰܬ، ܗܰܬ ܘܟܘ̇ܠ ܕܟ݄ܬ ܠܳܟ̥.“
8ܘ݄ܒܨܰܦܪܳܐ ܩܶܕܰܡܬܳܐ، ܡܰܠ݄ܙ ܠܶܗ ܐܰܒܺܝܡܰܠ݄ܟ ܘ݄ܩܪܶܐ ܠܶܗ ܠܟܽܘܠّܶܗ ܗ̄ܰܓܪ̈ܶܝܥܰܝܕ̥ܶܗ، ܘܡܰܫܡܥܺܝ ܠܶܗ ܗ̄ܰܡّܰܐܡܪ̈ܰܢܺܝ ܟܽܘܠّܶܗ. ܘܟܽܘܠّܶܗ ܙܰܝܺܝܥܺܝ ܓ̥ܰܠܰܒܶܐ. 9ܘ݄ܩܪܶܐ ܠܶܗ ܐܰܒܺܝܡܰܠ݄ܟ ܠܰܐܒܪܳܗܳܡ ܘܐܡ݄ܪ ܠܶܗ ܠܶܗ: ”ܡ݄ܢ ܣ݄ܡ ܗ̄ܘܰܝ ܠܺܝ ܐܶܒܳܟ̥؟ ܘܡ݄ܢ ܚܛܺܝܬ̥ܳܐ ܣ݄ܡ ܠܺܝ ܐܰܥܡܳܟ̥ ܕܡܰܝܬܶܐ ܠܳܟ̥ ܐܰܥܠܺܝ ܘܥܰܠ ܗ̄ܺܝ ܡܰܠܟܽܘܬ̥ܰܝܕ̥ܺܝ ܚܛܺܝܬ̥ܳܐ ܪܰܒܬ̥ܳܐ؟ ܥܒܳܕ̥̈ܶܐ ܕܠ݄ܐ ܓܡܺܝܣܳܡܺܝ ܣ݄ܡ ܠܳܟ̥ ܐܰܥܡܺܝ.“ 10ܘܐܡ݄ܪ ܠܶܗ ܐܰܒܺܝܡܰܠ݄ܟ ܠܰܐܒܪܳܗܳܡ: ”ܡ݄ܢ ܚܙܶܐ ܠܳܟ̥ ܕܣ݄ܡ ܠܳܟ̥ ܗ̄ܽܘ ܡܶܕܰܢܳܐ؟“ 11ܘܐܡ݄ܪ ܠܶܗ ܐܰܒܪܳܗܳܡ: ”ܥܰܠ ܕܐܡ݄ܪ ܠܺܝ ܕܟܺܝܬ ܕܠܳܐ ܗ̄ܘܶܐ ܙܽܘܥܬ̥ܳܐ ܕܰܐܠܳܗܳܐ ܒܽܗ̄ܘ ܐܰܬ̥ܪܰܢܳܐ، ܘܓ݄ܕܩܳܛܠܺܝ ܠܺܝ ܥܰܠ ܦܳܬ̥ܰܗ ܕܺܗ̄ܝ ܐܰܢ̱ܬ̥ܬܰܝܕ̥ܺܝ. 12ܥܰܡ ܗܰܬ̥ܶܐ، ܒ݄ܫܪܳܪܳܐ ܚܳܬ̥ܺܝ ܝܳܐ، ܗ̄ܺܝ ܒܰܪܬ̥ܳܐ ܕܒܰܒܺܝ، ܘܠܳܐ ܗ̄ܺܝ ܒܰܪܬ̥ܳܐ ܕܶܐܡܺܝ، ܘܗܰܘܝܳܐ ܠܺܝ ܐܰܢ̱ܬ̥ܬܳܐ. 13ܘܗܰܘܺܝ ܗ̄ܺܝ ܢܰܩܠܐ ܕܡܰܘܦܰܩ ܠܶܗ ܠܺܝ ܐܰܠܳܗܳܐ ܡܽܗ̄ܘ ܒܰܝܬܳܐ ܕܒܰܒܺܝ، ܐܡ݄ܪ ܠܺܝ ܠܰܗ: ܣܘ̇ܡ ܐܰܥܡܺܝ ܗ̄ܺܝ ܛܳܒ̥ܽܘܬ̥ܰܬ̥ܶܐ، ܒܟܘ̇ܠ ܐܰܬ̥ܪܳܐ ܕ݄ܐܙّܰܢܳܐ ܠܶܗ، ܐܰܡܰܪ ܐܰܥܠܺܝ ܕܰܐܚܽܘܢܺܝ ܝܳܐ.“
14ܘܡ݄ܕ ܠܶܗ ܐܰܒܺܝܡܰܠ݄ܟ ܥܘܳܢ̈ܶܐ ܘܬܰܘܪ̈ܶܐ ܘ݄ܓܪ̈ܶܝܥܶܐ ܘ݄ܓܪ̈ܰܥܝܳܬ̥ܳܐ ܘܗܺܝܒ̥ܺܝ ܠܶܗ ܠܰܐܒܪܳܗܳܡ. ܘܡܰܕܥܰܪ ܠܶܗ ܠܶܗ ܣܰܪܳܐ ܗ̄ܺܝ ܐܰܢ̱ܬ̥ܬܰܝܕ̥ܶܗ. 15ܘܐܡ݄ܪ ܠܶܗ ܐܰܒܺܝܡܰܠ݄ܟ ܠܰܐܒܪܳܗܳܡ: ”ܟܰܐܠܰܗ ܗ̄ܺܝ ܐܰܪܥܰܝܕ̥ܺܝ ܩܽܘܕ̱ܡܳܟ̥، ܐܰܝܟܳܐ ܕܫܳܦ݄ܪ ܒܥܰܝܢ̈ܳܬ̥ܳܟ̥ ܝܺܬܰܒ̥.“ 16ܘܐܡ݄ܪ ܠܶܗ ܠܣܰܪܳܐ: ”ܟܰܐܠܺܝ ܗܽܒ̥ ܠܺܝ ܐܰܠܦܳܐ ܙܽܘܙ̈ܶܐ ܕܣܶܐܡܳܐ ܠܰܐܚܽܘܢܰܟ̥. ܘܟܰܐܠܶܗ ܗܺܝّܶܗ ܣܬܶܝ ܕܰܥ݄ܪ ܐܶܠܰܟ̥ ܡܶܢ̱ ܚܠܳܦ ܕ݄ܡܟܰܣܶܐ ܠܰܟ̥ ܗ̄ܰܥّܰܝܢ̈ܶܐ ܕܟܽܘܠّܶܗ ܕܟ݄ܬܢܶܝ ܐܰܥܡܺܝ. ܘܥܰܠ ܟܘ̇ܠ ܡܶܕܶܐ ܕ݄ܬܒ̥݄ܪ ܠܰܟ̥ ܠܺܝ.“ 17ܘ݄ܡܨܰܠܶܐ ܠܶܗ ܐܰܒܪܳܗܳܡ ܩ݄ܕ̱ܡ ܐܰܠܳܗܳܐ، ܘܰܐܠܳܗܳܐ ܡܰܢ݄ܚ ܠܶܗ ܠܰܐܒܺܝܡܰܠ݄ܟ ܘܠܺܗ̄ܝ ܐܰܢ̱ܬ̥ܬܰܝܕ̥ܶܗ ܘܠܰܓܪ̈ܰܥܝܳܬ̥ܰܝܕ̥ܶܗ، ܘܡܰܘܠܰܕّܶܗ. 18ܡܺܐܝܕ̥ܶܗ ܕ݄ܣܟ̥ܳܪܳܐ ܣܟ̥݄ܪ ܠܶܗ ܡܳܪܝܳܐ ܟܘ̇ܠ ܟܰܪܣܳܐ ܕܒܶܝܬ̥ ܐܰܒܺܝܡܰܠ݄ܟ، ܠܰܫܰܢ ܣܰܪܳܐ ܗ̄ܺܝ ܐܰܢ̱ܬ̥ܬܳܐ ܕܰܐܒܪܳܗܳܡ.
Právě zvoleno:
ܣܶܦܪܳܐ ܕ݄ܒܪܺܝܬ̥ܳܐ 20: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 20
20
1ܘܡܰܛܥܰܢ ܠܶܗ ܐܰܒܪܳܗܳܡ ܡܶܢ̱ ܬܰܡܳܐ ܘܰܐܙّܶܗ ܠܺܗ̄ܝ ܐܰܪܥܳܐ ܕܽܗ̄ܘ ܬܰܝܡܢܳܐ. ܘܝܰܬܽܒ̥ ܒܰܝܢ ܪܩܶܡ ܠܓܳܕ̥ܳܪ. ܘܥܰܡ݄ܪ ܐܰܒܪܳܗܳܡ ܒܓܳܕ̥ܳܪ. 2ܘܐܡ݄ܪ ܠܶܗ ܐܰܒܪܳܗܳܡ ܥܰܠ ܣܰܪܳܐ، ܗ̄ܺܝ ܐܰܢ̱ܬ̥ܬܰܝܕ̥ܶܗ: ”ܚܳܬ̥ܺܝ ܝܳܐ.“ ܘ݄ܡܫܰܕܰܪ ܠܶܗ ܐܰܒܺܝܡܰܠ݄ܟ، ܗ̄ܽܘ ܡܰܠܟܳܐ ܕܓܳܕܳܪ، ܘܡ݄ܕ ܠܶܗ ܠܣܰܪܳܐ. 3ܘܰܐܬ̥ܺܝ ܐܰܠܳܗܳܐ ܥܰܠ ܐܰܒܺܝܡܰܠ݄ܟ ܒܽܗ̄ܘ ܚ݄ܠܡܳܐ ܕܽܗ̄ܘ ܠܰܠܝܳܐ ܘܐܡ݄ܪ ܠܶܗ ܠܶܗ: ”ܟܰܐܠܶܗ ܓܡܰܝܬ̥ܰܬ ܡܶܢ̱ ܦܳܬ̥ܰܗ ܕܺܗ̄ܝ ܐܰܢ̱ܬ̥ܬܳܐ ܕܡܺܝܕܳܐ ܠܳܟ̥، ܥܰܠ ܕܟ݄ܬ ܝܳܐ ܐܰܢ̱ܬ̥ܬܳܐ ܕܓܰܒ̥ܪܳܐ.“ 4ܘܰܐܒܺܝܡܰܠ݄ܟ ܠܳܐ ܡܩܰܪܰܒ̥ ܠܶܗ ܠܰܗ. ܘܐܡ݄ܪ ܠܶܗ ܐܰܒܺܝܡܰܠ݄ܟ: ”ܡܳܪܝܳܐ، ܩܰܝ ܥܰܡܳܐ ܙܰܕܺܝܩܳܐ ܣܬܶܝ ܓܩܳܛܠܰܬ؟ 5ܟܰܐܠܶܗ ܗܺܝّܶܗ ܐܡ݄ܪ ܠܶܗ ܕܚܳܬ̥ܺܝ ܝܳܐ. ܘܗܺܝّܰܗ ܣܬܶܝ ܐܡ݄ܪ ܠܰܗ ܕܰܐܚܽܘܢܺܝ ܝܳܐ. ܒܺܗ̄ܝ ܫܰܦܝܽܘܬ̥ܳܐ ܕܠܶܒܺܝ ܘܒܺܗ̄ܝ ܕܰܟ̥ܝܽܘܬ̥ܳܐ ܕܺܐܝܕ̥̥̈ܳܬ̥ܺܝ ܣ݄ܡ ܠܺܝ ܗܰܬ̥ܶܐ.“ 6ܘܐܡ݄ܪ ܠܶܗ ܠܶܗ ܐܰܠܳܗܳܐ ܒܽܗ̄ܘ ܚ݄ܠܡܳܐ: ”ܘܳܐܢܳܐ ܣܬܶܝ ܟܳܐܕ̥ܰܥ ܐ̱ܢܳܐ ܕܒܺܗ̄ܝ ܫܰܦܝܽܘܬ̥ܳܐ ܕܠܶܒܳܟ̥ ܣ݄ܡ ܠܳܟ̥ ܗܰܬ̥ܶܐ. ܘܳܐܢܳܐ ܣܬܶܝ ܡܰܟܠܶܐ ܠܺܝ ܠܳܟ̥ ܕܠܳܐ ܚܳܛܰܬ ܩܽܘܕ̱ܡܺܝ، ܡܰܗ̄ܘܟ̥ܰܐ ܠܳܐ ܛܪܶܐ ܠܺܝ ܕ݄ܡܩܰܪܒ̥ܰܬ ܐܰܥܠܰܗ. 7ܐܳܥܕܳܐ ܡܰܕܥ݄ܪ ܗ̄ܺܝ ܐܰܢ̱ܬ̥ܬܳܐ ܕܽܗ̄ܘ ܓܰܒ̥ܪܳܐ، ܥܰܠ ܕܟ݄ܬ ܝܳܐ ܢܒܺܝܳܐ، ܘܓ݄ܡܨܰܠܶܐ ܐܰܥܠܳܟ̥ ܘ݄ܓܚܳܝܰܬ. ܘܶܐܢ ܕܠܳܐ ܡܰܕܥܪܰܬ ܠܰܗ، ܝܺܕ̥ܰܥ ܕܡܰܘܬܳܐ ܓܡܰܝܬ̥ܰܬ، ܗܰܬ ܘܟܘ̇ܠ ܕܟ݄ܬ ܠܳܟ̥.“
8ܘ݄ܒܨܰܦܪܳܐ ܩܶܕܰܡܬܳܐ، ܡܰܠ݄ܙ ܠܶܗ ܐܰܒܺܝܡܰܠ݄ܟ ܘ݄ܩܪܶܐ ܠܶܗ ܠܟܽܘܠّܶܗ ܗ̄ܰܓܪ̈ܶܝܥܰܝܕ̥ܶܗ، ܘܡܰܫܡܥܺܝ ܠܶܗ ܗ̄ܰܡّܰܐܡܪ̈ܰܢܺܝ ܟܽܘܠّܶܗ. ܘܟܽܘܠّܶܗ ܙܰܝܺܝܥܺܝ ܓ̥ܰܠܰܒܶܐ. 9ܘ݄ܩܪܶܐ ܠܶܗ ܐܰܒܺܝܡܰܠ݄ܟ ܠܰܐܒܪܳܗܳܡ ܘܐܡ݄ܪ ܠܶܗ ܠܶܗ: ”ܡ݄ܢ ܣ݄ܡ ܗ̄ܘܰܝ ܠܺܝ ܐܶܒܳܟ̥؟ ܘܡ݄ܢ ܚܛܺܝܬ̥ܳܐ ܣ݄ܡ ܠܺܝ ܐܰܥܡܳܟ̥ ܕܡܰܝܬܶܐ ܠܳܟ̥ ܐܰܥܠܺܝ ܘܥܰܠ ܗ̄ܺܝ ܡܰܠܟܽܘܬ̥ܰܝܕ̥ܺܝ ܚܛܺܝܬ̥ܳܐ ܪܰܒܬ̥ܳܐ؟ ܥܒܳܕ̥̈ܶܐ ܕܠ݄ܐ ܓܡܺܝܣܳܡܺܝ ܣ݄ܡ ܠܳܟ̥ ܐܰܥܡܺܝ.“ 10ܘܐܡ݄ܪ ܠܶܗ ܐܰܒܺܝܡܰܠ݄ܟ ܠܰܐܒܪܳܗܳܡ: ”ܡ݄ܢ ܚܙܶܐ ܠܳܟ̥ ܕܣ݄ܡ ܠܳܟ̥ ܗ̄ܽܘ ܡܶܕܰܢܳܐ؟“ 11ܘܐܡ݄ܪ ܠܶܗ ܐܰܒܪܳܗܳܡ: ”ܥܰܠ ܕܐܡ݄ܪ ܠܺܝ ܕܟܺܝܬ ܕܠܳܐ ܗ̄ܘܶܐ ܙܽܘܥܬ̥ܳܐ ܕܰܐܠܳܗܳܐ ܒܽܗ̄ܘ ܐܰܬ̥ܪܰܢܳܐ، ܘܓ݄ܕܩܳܛܠܺܝ ܠܺܝ ܥܰܠ ܦܳܬ̥ܰܗ ܕܺܗ̄ܝ ܐܰܢ̱ܬ̥ܬܰܝܕ̥ܺܝ. 12ܥܰܡ ܗܰܬ̥ܶܐ، ܒ݄ܫܪܳܪܳܐ ܚܳܬ̥ܺܝ ܝܳܐ، ܗ̄ܺܝ ܒܰܪܬ̥ܳܐ ܕܒܰܒܺܝ، ܘܠܳܐ ܗ̄ܺܝ ܒܰܪܬ̥ܳܐ ܕܶܐܡܺܝ، ܘܗܰܘܝܳܐ ܠܺܝ ܐܰܢ̱ܬ̥ܬܳܐ. 13ܘܗܰܘܺܝ ܗ̄ܺܝ ܢܰܩܠܐ ܕܡܰܘܦܰܩ ܠܶܗ ܠܺܝ ܐܰܠܳܗܳܐ ܡܽܗ̄ܘ ܒܰܝܬܳܐ ܕܒܰܒܺܝ، ܐܡ݄ܪ ܠܺܝ ܠܰܗ: ܣܘ̇ܡ ܐܰܥܡܺܝ ܗ̄ܺܝ ܛܳܒ̥ܽܘܬ̥ܰܬ̥ܶܐ، ܒܟܘ̇ܠ ܐܰܬ̥ܪܳܐ ܕ݄ܐܙّܰܢܳܐ ܠܶܗ، ܐܰܡܰܪ ܐܰܥܠܺܝ ܕܰܐܚܽܘܢܺܝ ܝܳܐ.“
14ܘܡ݄ܕ ܠܶܗ ܐܰܒܺܝܡܰܠ݄ܟ ܥܘܳܢ̈ܶܐ ܘܬܰܘܪ̈ܶܐ ܘ݄ܓܪ̈ܶܝܥܶܐ ܘ݄ܓܪ̈ܰܥܝܳܬ̥ܳܐ ܘܗܺܝܒ̥ܺܝ ܠܶܗ ܠܰܐܒܪܳܗܳܡ. ܘܡܰܕܥܰܪ ܠܶܗ ܠܶܗ ܣܰܪܳܐ ܗ̄ܺܝ ܐܰܢ̱ܬ̥ܬܰܝܕ̥ܶܗ. 15ܘܐܡ݄ܪ ܠܶܗ ܐܰܒܺܝܡܰܠ݄ܟ ܠܰܐܒܪܳܗܳܡ: ”ܟܰܐܠܰܗ ܗ̄ܺܝ ܐܰܪܥܰܝܕ̥ܺܝ ܩܽܘܕ̱ܡܳܟ̥، ܐܰܝܟܳܐ ܕܫܳܦ݄ܪ ܒܥܰܝܢ̈ܳܬ̥ܳܟ̥ ܝܺܬܰܒ̥.“ 16ܘܐܡ݄ܪ ܠܶܗ ܠܣܰܪܳܐ: ”ܟܰܐܠܺܝ ܗܽܒ̥ ܠܺܝ ܐܰܠܦܳܐ ܙܽܘܙ̈ܶܐ ܕܣܶܐܡܳܐ ܠܰܐܚܽܘܢܰܟ̥. ܘܟܰܐܠܶܗ ܗܺܝّܶܗ ܣܬܶܝ ܕܰܥ݄ܪ ܐܶܠܰܟ̥ ܡܶܢ̱ ܚܠܳܦ ܕ݄ܡܟܰܣܶܐ ܠܰܟ̥ ܗ̄ܰܥّܰܝܢ̈ܶܐ ܕܟܽܘܠّܶܗ ܕܟ݄ܬܢܶܝ ܐܰܥܡܺܝ. ܘܥܰܠ ܟܘ̇ܠ ܡܶܕܶܐ ܕ݄ܬܒ̥݄ܪ ܠܰܟ̥ ܠܺܝ.“ 17ܘ݄ܡܨܰܠܶܐ ܠܶܗ ܐܰܒܪܳܗܳܡ ܩ݄ܕ̱ܡ ܐܰܠܳܗܳܐ، ܘܰܐܠܳܗܳܐ ܡܰܢ݄ܚ ܠܶܗ ܠܰܐܒܺܝܡܰܠ݄ܟ ܘܠܺܗ̄ܝ ܐܰܢ̱ܬ̥ܬܰܝܕ̥ܶܗ ܘܠܰܓܪ̈ܰܥܝܳܬ̥ܰܝܕ̥ܶܗ، ܘܡܰܘܠܰܕّܶܗ. 18ܡܺܐܝܕ̥ܶܗ ܕ݄ܣܟ̥ܳܪܳܐ ܣܟ̥݄ܪ ܠܶܗ ܡܳܪܝܳܐ ܟܘ̇ܠ ܟܰܪܣܳܐ ܕܒܶܝܬ̥ ܐܰܒܺܝܡܰܠ݄ܟ، ܠܰܫܰܢ ܣܰܪܳܐ ܗ̄ܺܝ ܐܰܢ̱ܬ̥ܬܳܐ ܕܰܐܒܪܳܗܳܡ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation