ܣܶܦܪܳܐ ܕ݄ܒܪܺܝܬ̥ܳܐ 19
19
1ܘܰܐܬ̥݄ܢ ܗ̄ܰܬܪܶܝ ܡܰܠܰܐܟ̥̈ܶܐ ܠ݄ܣܕ̥ܽܘܡ ܒ݄ܛܒ̥ܳܥܶܗ ܕܝܰܘܡܳܐ، ܘܠܽܘܛ ܝܰܬܺܝܒ̥ܳܐ ܒܽܗ̄ܘ ܬܰܪܥܳܐ ܕ݄ܣܕ̥ܽܘܡ. ܘܠܽܘܛ ܚܙܰܠّܶܗ، ܘܩܰܝ݄ܡ ܠܩܰܕ̱ܡܽܘܬ̥ܰܝّܶܗ ܘ݄ܣܓ̥݄ܕ ܠܶܗ ܥܰܠ ܦܳܬ̥ܶܗ ܥܰܠ ܗ̄ܺܝ ܐܰܪܥܳܐ. 2ܘܐܡ݄ܪ ܠܶܗ: ”ܟܳܐܒܰܥ ܐ̱ܢܳܐ ܡܰܢܟ̥ܽܘ ܝܰܐ ܗ̄ܰܡّܳܪ̈ܰܝܕ̥ܺܝ ܢܚܰܬܽܘ ܣܺܝܕܺܝ ܒܽܗ̄ܘ ܒܰܝܬܳܐ ܕܽܗ̄ܘ ܓܪܶܝܥܰܬ̥ܟ̥ܽܘ، ܘܦܽܘܫܽܘ ܘܡܰܫܶܓ̥ܽܘ ܪ̈ܰܓ̥ܠܰܝܟ̥ܽܘ. ܘ݄ܒܩܶܕܰܡܬܳܐ ܙܳܟ̥ܽܘ ܒܽܗ̄ܘ ܕܰܪܒܰܬ̥ܟ̥ܽܘ.“ ܘܐܡ݄ܪّܶܗ: ”ܠܳܐ، ܒܺܗ̄ܝ ܫܽܘܩܳܐ ܓܦܰܝܫܺܝܢܰܐ.“ 3ܘܠܽܘܛ ܡܚܰܠܰܩ ܠܶܗ ܦܳܬ̥ܳܐ ܐܰܥܠܰܝّܶܗ (ܡܰܥܺܝܩܺܝ ܠܶܗ ܐܰܥܠܰܝّܶܗ) ܓ̥ܰܠܰܒܶܐ. ܘܰܐܬ̥݄ܢ ܣܺܝܕ̥ܶܗ ܘܥܰܒܺܝܪܺܝ ܠܽܗ̄ܘ ܒܰܝܬܰܝܕ̥ܶܗ. ܘܣ݄ܡ ܠܰܗ ܠّܶܗ ܡܰܫ݄ܬܝܳܐ ܘܠܰܚܡܳܐ ܦܰܛܺܝܪܳܐ ܘܰܐܟ̥݄ܠّܶܗ.
4ܘܡܶܩ݄ܕ̱ܡ ܕܕܳܡܟ̥ܺܝ، ܗ̄ܰܢ ܢܳܫ̈ܶܐ ܕܺܗ̄ܝ ܡܕ̥ܺܝܢ̱ܬܳܐ، ܗ̄ܰܢ ܢܳܫ̈ܶܐ ܕ݄ܣܕ̥ܽܘܡ، ܡܰܢ̱ ܥܠܰܝܡ̈ܶܐ ܘܗ݄ܠ ܠܰܣّܳܒ̥̈ܶܐ، ܘܟܽܘܠܶܗ ܗ̄ܽܘ ܥܰܡܳܐ ܟܒ̥݄ܫّܶܗ ܥܰܠ ܗ̄ܽܘ ܒܰܝܬܳܐ ܡܶܢ̱ ܟܘ̇ܠ ܓܰܒܳܐ. 5ܘ݄ܩܪܰܠّܶܗ ܠܠܽܘܛ ܘܐܡ݄ܪّܰܗ ܠܶܗ: ”ܐܰܝܟܳܐ ܢܶܝ ܗ̄ܰܬܪܶܝ ܓܰܒ̥ܪ̈ܶܐ ܕܰܐܬ̥݄ܢ ܠܣܺܝܕܳܟ̥ ܒܠܰܠܝܳܐ؟ ܡܰܘܦ݄ܩ ܠܰܢ ܢܶܝ ܕܳܐܕ̥ܥܺܝܢܰܐ ܢܶܝ.“ 6ܘܢܰܦ݄ܩ ܠܽܘܛ ܠܓܰܒܰܝّܶܗ ܠܽܗ̄ܘ ܬܰܪܥܳܐ، ܘ݄ܣܟ̥݄ܪّܶܗ ܗ̄ܽܘ ܬܰܪܥܳܐ ܒ݄ܬ̥ܪܶܗ. 7ܘܐܡ݄ܪ ܠܰܗ ܠّܶܗ ܠܽܘܛ: ”ܠܳܐ ܣܰܝܡܺܝܬܽܘ ܡܶܕܶܐ ܒܺܝܫܳܐ، ܝܰܐ ܐܰܚ̈ܽܘܢܳܢܰܝܕ̥ܺܝ. 8ܟܰܐܠܶܗ ܟ݄ܬ ܠܺܝ ܬܰܪܬܶܝ ܒܢ̈ܳܬ̥ܳܐ ܕܗܶܫ ܓܰܒ̥ܪܳܐ ܠܰܐ ܐܕ̥݄ܥّܶܗ، ܓܡܰܘܦܰܩܢܰܢّܶܗ ܐܰܠܟ̥ܽܘ، ܘܣܽܘܡܽܘ ܐܰܒّܶܗ ܐܟ̥ ܕܟܳܐܒ݄ܥ ܠܶܒܰܝܟ̥ܽܘ. ܒܶܠܚܽܘܕ̥ܶܗ ܠܰܓّܰܒ̥ܪ̈ܰܢܺܝ ܠܳܐ ܣܰܝܡܺܝܬܽܘ ܡܶܕܶܐ، ܥܰܠ ܕܥܰܒܺܝܪܺܝ ܠܽܗ̄ܘ ܛܶܠܳܠܳܐ ܕܽܗ̄ܘ ܩܛܳܪܳܐ ܕܽܗ̄ܘ ܒܰܝܬܰܝܕ̥ܺܝ.“ 9ܘܐܡ݄ܪّܶܗ: ”ܪܚܰܩ ܡܰܗ̄ܪܟܶܐ.“ ܘܐܡ݄ܪّܶܗ: ”ܚܰܕ̱ ܢܽܘܟ̥ܪܳܝܳܐ ܐܰܬ̥ܺܝ ܕܝܳܬܽܒ̥ ܐܰܥܡܰܢ ܕܡܰܘܦ݄ܩ ܠܰܢ ܩܳܢܽܘܢ̈ܶܐ. ܐܳܥܕܳܐ ܓܡܰܟܺܝܒ̥ܺܝܢܰܐ ܠܳܟ̥ ܙ݄ܕ ܡ݄ܢّܶܗ.“ ܘܠܽܘܛ ܘܰܗ̄ܢ ܢܳܫ̈ܰܢ݄ܟ ܢܰܦܺܝܠܺܝ ܒ݄ܚܕ̥ܳܕ̥̈ܶܐ ܓ̥ܰܠܰܒܶܐ، ܘܡܰܛ݄ܢ ܕܬܳܒ̥ܪܺܝ ܗ̄ܽܘ ܬܰܪܥܳܐ. 10ܘܰܬܪܶܝ ܓܰܒ̥ܪ̈ܰܢ݄ܟ ܦܫ݄ܛّܶܗ ܐܺܝܕ̥̈ܳܬ̥ܰܝّܶܗ، ܘܡܰܥܒܰܪّܶܗ ܠܠܽܘܛ ܠܣܺܝܕܰܝّܶܗ ܠܽܗ̄ܘ ܒܰܝܬܳܐ، ܘ݄ܣܟ̥݄ܪّܶܗ ܗ̄ܽܘ ܬܰܪܥܳܐ. 11ܘܰܗ̄ܢ ܢܳܫ̈ܶܐ ܕܥܰܠ ܗ̄ܽܘ ܬܰܪܥܳܐ ܕܽܗ̄ܘ ܒܰܝܬܳܐ ܣܰܡ݄ܢ ܘܠܳܐ ܦܰܝ݄ܫ ܚܳܙ݄ܢ ܡܽܗ̄ܘ ܢܰܥܺܝܡܳܐ ܘܗ݄ܠ ܠܽܗ̄ܘ ܪܰܒܳܐ، ܘܠܳܐ ܩܰܕܺܝܪܺܝ ܕܚܳܙ݄ܢ ܗ̄ܽܘ ܬܰܪܥܳܐ.
12ܘܐܡ݄ܪّܶܗ ܗ̄ܰܬܪܶܝ ܓܰܒ̥ܪ̈ܶܐ ܠܠܽܘܛ: ”ܗ̄ܰܢ ܢܰܩܠܐ ܡ݄ܢ ܟܣܰܝܡܰܬ ܗܰܪܟܶܐ؟ ܗ̄ܰܚّܰܬ̥ܢ̈ܰܝܕ̥ܳܟ̥ ܘܰܗ̄ܢ ܐܰܒܢ̈ܰܝܕ̥ܳܟ̥ ܘܰܒܢ̈ܳܬ̥ܰܝܕ̥ܳܟ̥ ܘܟܘ̇ܠ ܕܟ݄ܬ ܠܳܟ̥ ܒܺܗ̄ܝ ܡܕ̥ܺܝܢ̱ܬܳܐ، ܡܰܘܦܶܩ݄ܢ ܡܽܗ̄ܘ ܐܰܬ̥ܪܰܢܳܐ. 13ܥܰܠ ܕ݄ܓܡܰܚܪܒ̥ܺܝܢܰܐ ܗ̄ܽܘ ܐܰܬ̥ܪܰܢܳܐ، ܡܺܐܝܕ̥ܶܗ ܕܣܰܠܺܝܩܳܐ ܗ̄ܺܝ ܓܥܰܝܬܰܬّ̥ܶܗ (ܙܥܰܩܬܰܬّ̥ܶܗ) ܩ݄ܕ̱ܡ ܡܳܪܝܳܐ. ܘ݄ܡܫܰܕܰܪ ܠܶܗ ܠܰܢ ܡܳܪܝܳܐ ܕܡܰܚ݄ܪܒ̥ܺܝܢܰܐ ܠܶܗ.“ 14ܘܢܰܦ݄ܩ ܠܽܘܛ ܘ݄ܫܓ̥ܺܝܠ ܥܰܡ ܗ̄ܰܚّܰܬ̥ܢ̈ܰܝܕ̥ܶܗ، ܕܡ݄ܕّܶܗ ܗ̄ܰܒܢ̈ܳܬ̥ܰܝܕ̥ܶܗ، ܘܐܡ݄ܪ ܠܰܗ ܠّܶܗ: ”ܩܽܘܡܽܘ ܢܦܰܩܽܘ ܡܽܗ̄ܘ ܐܰܬ̥ܪܰܢܳܐ، ܥܰܠ ܕ݄ܓܡܰܚܪܰܒ̥ ܠܶܗ ܡܳܪܝܳܐ.“ ܘܗ݄ܢّܶܝ ܚܫܽܒّ̥ܶܗ ܕܓܰܚܟ̥ܳܐ ܟܓܳܚܰܟ̥ ܐܰܥܡܰܝّܶܗ. 15ܘܒ݄ܣܠܳܩܶܗ ܕܝܰܘܡܳܐ، ܡܰܠ݄ܙّܶܗ ܗ̄ܰܡّܰܠܰܐܟ̥̈ܶܐ ܥܰܠ ܠܽܘܛ ܘܐܡ݄ܪّܶܗ: ”ܩܘ̇ܡ ܡܘ̇ܕ ܗ̄ܺܝ ܐܰܢ̱ܬ̥ܬܰܝܕ̥ܳܟ̥ ܘܰܬّܰܪܬܶܝ ܒܢ̈ܳܬ̥ܰܝܕ̥ܳܟ̥ ܕܟ݄ܬܢܶܝ ܐܰܥܡܳܟ̥، ܕܠܳܐ ܝܳܩܕ̥ܰܬ ܒܰܚ̈ܛܳܗܶܐ ܕܺܗ̄ܝ ܡܕ̥ܺܝܢ̱ܬܳܐ.“ 16ܘ݄ܡܥܰܘ݄ܩ ܠܽܘܛ، ܘ݄ܙܒ݄ܛّܶܗ ܗ̄ܰܡّܰܠܰܐܟ̥̈ܶܐ ܒܺܐܝܕ̥ܶܗ، ܘܒܺܐܝܕ̥ܶܗ ܕܺܗ̄ܝ ܐܰܢ̱ܬ̥ܬܰܝܕ̥ܶܗ، ܘܒܺܐܝܕ̥̈ܶܐ ܕܰܬّܰܪܬܶܝ ܒܢ̈ܳܬ̥ܰܝܕ̥ܶܗ ܥܰܠ ܕܡܰܪܚܰܡ ܠܶܗ ܡܳܪܝܳܐ ܐܰܥܠܶܗ. ܘܡܰܘܦܰܩّܶܗ ܠܰܪܒ̥ܰܠ ܡܺܗ̄ܝ ܡܕ̥ܺܝܢ̱ܬܳܐ ܘ݄ܛܪܰܠّܶܗ. 17ܘܺܗ̄ܝ ܢܰܩܠܐ ܕܡܰܘܦܩ݄ܢّܶܗ ܠܰܪܒ̥ܰܠ، ܐܡ݄ܪّܰܗ ܠܶܗ: ”ܦܪܰܩ ܢܰܦܫܳܟ̥، ܠܳܐ ܕܳܥܪܰܬ ܠܒ݄ܬ̥ܪܳܟ̥. ܘܠ݄ܐ ܟܳܠܰܬ ܒܟܽܘܠܶܗ ܗ̄ܽܘ ܡܰܕ̥݄ܒܪܳܐ. ܠܽܗ̄ܘ ܛܽܘܪܳܐ ܥܪܰܩ ܕܠܳܐ ܡܺܝܣܰܟܪܰܬ.“ 18ܘܐܡ݄ܪ ܠܰܗ ܠّܶܗ ܠܽܘܛ: ”ܟܳܐܒܰܥ ܐ̱ܢܳܐ ܡܰܢܟ̥ܽܘ ܝܰܐ ܡܳܪ̈ܰܝܕ̥ܺܝ: 19ܟܰܐܠܶܗ ܚܙܶܐ ܠܶܗ ܗ̄ܽܘ ܥܰܒܕܰܝܕ̥ܳܟ̥ ܪ̈ܰܚܡܶܐ ܒܥܰܝܢ̈ܳܬ̥ܳܟ̥، ܘܓ̥ܰܠܰܒܶܐ ܝܳܐ ܗ̄ܺܝ ܛܰܝܒܽܘܬ̥ܰܝܕ̥ܳܟ̥ ܕܣ݄ܡ ܠܳܟ̥ ܐܰܥܡܺܝ ܕܗܽܒ̥ ܠܳܟ̥ ܚܰܝ̈ܶܐ ܠܢܰܦܫܺܝ. ܘܳܐܢܳܐ ܠܰܝܒܺܝ ܕܥܳܪܰܩ ܐ̱ܢܳܐ ܠܽܗ̄ܘ ܛܽܘܪܳܐ، ܕܠ݄ܐ ܐܙّܶܗ ܡܳܛܝܳܐ ܠܺܝ ܒܺܝܫܬܳܐ ܘܡܳܝܰܬ̥ ܐ̱ܢܳܐ. 20ܟܰܐܠܰܗ ܗ̄ܺܝ ܡܕ̥ܺܝܢ̱ܬܰܬ̥ܶܐ ܩܰܪܽܒ̥ܬܳܐ ܝܳܐ ܘܢܰܥ݄ܡܬܳܐ، ܛܪܳܐ ܥܳܪܰܩ ܐ̱ܢܳܐ ܠܬܰܡܳܐ. ܢܰܥ݄ܡܬܳܐ ܝܳܐ، ܓܥܳܪܰܩ ܐ̱ܢܳܐ ܠܬܰܡܳܐ ܘܚܳܝܶܐ ܐ̱ܢܳܐ.“ 21ܘܐܡ݄ܪ ܠܶܗ ܠܶܗ (ܗ̄ܽܘ ܡܰܠܰܐܟ̥ܳܐ): ”ܟܰܐܠܶܗ ܠܰܫܰܢܳܟ̥ ܘܥܰܠ ܗ̄ܽܘ ܡܰܐܡܪܰܢܳܐ ܣܬܶܝ ܕܐܡ݄ܪ ܠܳܟ̥، ܠ݄ܐ ܓܡܰܚܪܰܒ̥ ܐ̱ܢܳܐ ܗ̄ܺܝ ܡܕ̥ܺܝܢ̱ܬܳܐ ܕܐܡ݄ܪ ܠܳܟ̥ ܐܰܥܠܰܗ. 22ܒܣܽܘܪܗܳܒܳܐ ܥܪܰܩ ܠܬܰܡܳܐ، ܥܰܠ ܕܠܰܝܒܺܝ ܣܳܝܰܡ ܐ̱ܢܳܐ ܡܶܕܶܐ ܗ݄ܠ ܕܠܳܐ ܥܳܒܪܰܬ ܠܬܰܡܳܐ.“ ܡܰܗ̄ܘܟ̥ܰܐ ܩܪܶܐ ܠܶܗ ܐ݄ܫܡܰܗ ܕܺܗ̄ܝ ܡܕ̥ܺܝܢ̱ܬܰܝܳܐ ܨܳܥܳܪ.
23ܢܰܦܺܝܩܳܐ ܗ̄ܺܝ ܫܶܡܫܳܐ ܥܰܠ ܗ̄ܺܝ ܐܰܪܥܳܐ، ܘܠܽܘܛ ܥܰܒ݄ܪ ܠܨܳܥܳܪ. 24ܘܡܳܪܝܳܐ ܡܰܢܚܰܬ ܠܶܗ ܥܰܠ ܣܕ̥ܽܘܡ ܘܥܰܠ ܥܳܡܽܘܪܳܐ ܟܰܒܪܺܝܬܳܐ ܘܢܽܘܪܳܐ ܡܶܢ̱ ܩܽܘܕ̱ܡܶܗ ܕܡܳܪܝܳܐ ܡܺܗ̄ܝ ܫܡܰܝܳܐ. 25ܘܡܰܚܪܰܒ̥ ܠܶܗ ܠܰܡܕ̥ܺܝܢ̈ܳܬ̥ܰܢܺܝ، ܘ݄ܠܟܽܘܠܶܗ ܗ̄ܽܘ ܡܰܕ̥݄ܒܪܳܐ، ܘ݄ܠܟܽܘܠّܶܗ ܗ̄ܰܝّܰܬܺܝܒ̥̈ܶܐ ܕܺܗ̄ܝ ܐܰܪܥܳܐ، ܘܠܽܗ̄ܘ ܓܶܠܳܐ ܕܝܳܥܶܐ ܗ̄ܘܰܐ ܒܺܗ̄ܝ ܐܰܪܥܳܐ. 26ܘܕܰܥܺܝܪܳܐ ܗ̄ܺܝ ܐܰܢ̱ܬ̥ܬܰܝܕ̥ܶܗ ܚ݄ܪ ܠܰܗ ܡܶܢ̱ ܒ݄ܬ̥ܪܶܗ، ܘܗܰܘܝܳܐ ܩܳܝܶܡܬܳܐ ܕܡܰܠܚܳܐ.
27ܘ݄ܒܨܰܦܪܳܐ ܩܶܕܰܡܬܳܐ ܐܰܬ̥ܺܝ ܐܰܒܪܳܗܳܡ ܠܽܗ̄ܘ ܐܰܬ̥ܪܳܐ ܕܩܳܝܰܡ ܗ̄ܘܰܐ ܬܰܡܳܐ ܩܽܘܕ̱ܡܶܗ ܕܡܳܪܝܳܐ. 28ܘܚ݄ܪ ܠܶܗ ܠܰܐܦ ܣܕ̥ܽܘܡ ܘܥܳܡܽܘܪܳܐ، ܘܠܰܐܦ ܟܽܘܠܰܗ ܗ̄ܺܝ ܐܰܪܥܳܐ ܕܽܗ̄ܘ ܡܰܕ̥݄ܒܪܳܐ، ܘ݄ܚܙܶܐ ܠܶܗ ܕܟܰܐܠܶܗ ܟܳܣܳܠ݄ܩ ܗ̄ܽܘ ܬܶܢܳܢܳܐ ܕܺܗ̄ܝ ܐܰܪܥܳܐ ܐܟ̥ ܕܽܗ̄ܘ ܬܶܢܳܢܳܐ ܕܽܗ̄ܘ ܐܰܬܽܘܢܳܐ. 29ܘܗܰܘܺܝ ܗ̄ܺܝ ܢܰܩܠܐ ܕܡܰܚܪܰܒ̥ ܠܶܗ ܐܰܠܳܗܳܐ ܗ̄ܰܡܕ̥̈ܺܝܢܳܬ̥ܳܐ ܕܽܗ̄ܘ ܡܰܕ̥݄ܒܪܳܐ، ܐܰܠܳܗܳܐ ܕ̥ܟ݄ܪ ܠܶܗ ܐܰܒܪܳܗܳܡ، ܘ݄ܡܫܰܕܰܪ ܠܶܗ ܡܰܘܦܰܩ ܠܶܗ ܠܠܽܘܛ ܡܶܢ̱ ܓܰܘܶܗ ܕܽܗ̄ܘ ܐܰܬ̥ܪܳܐ ܚܰܪܺܝܒ̥ܳܐ، ܗ̄ܺܝ ܢܰܩܠܐ ܕܡܰܚܪܰܒ̥ ܠܶܗ ܗ̄ܰܡܕ̥̈ܺܝܢܳܬ̥ܳܐ ܕܝܳܬܰܒ̥ ܗ̄ܘܰܐ ܐܰܒّܶܗ ܠܽܘܛ.
30ܘܣܰܠ݄ܩ ܠܽܘܛ ܡܶܢ̱ ܨܳܥܳܪ، ܘܝܰܬܽܒ̥ ܒܽܗ̄ܘ ܛܽܘܪܳܐ، ܗܺܝّܶܗ ܘܰܬّܰܪܬܶܝ ܒܢ̈ܳܬ̥ܰܝܕ̥ܶܗ ܐܰܥܡܶܗ. ܥܰܠ ܕܙܰܝ݄ܥ ܕܝܳܬܽܒ̥ ܒܨܳܥܳܪ، ܝܰܬܽܒ̥ ܒ݄ܡܥܰܪܬ̥ܳܐ، ܗܺܝّܶܗ ܘܰܬّܰܪܬܶܝ ܒܢ̈ܳܬ̥ܰܝܕ̥ܶܗ. 31ܘܐܡ݄ܪ ܠܰܗ ܗ̄ܺܝ ܪܰܒܬ̥ܳܐ ܠܺܗ̄ܝ ܙܥܽܘܪܬܳܐ: ”ܟܰܐܠܶܗ ܒܰܒܰܢ ܡܰܣܽܒ̥ ܠܶܗ، ܘܓܰܒ̥ܪܳܐ ܠܰܝܬ ܒܺܗ̄ܝ ܐܰܪܥܳܐ ܕܥܳܒ݄ܪ ܐܰܥܠܰܢ ܐܟ̥ ܕܽܗ̄ܘ ܥܝܳܕ̥ܳܐ ܕܟܽܘܠܰܗ ܗ̄ܺܝ ܐܰܪܥܳܐ. 32ܬܰܟ̥ ܡܰܫܬܺܝܢܰܐ ܠܒܰܒܰܢ ܚܰܡܪܳܐ ܘܕܳܡܟ̥ܺܝܢܰܐ ܐܰܥܡܶܗ، ܘ݄ܓܡܰܩܺܝܡܺܝܢܰܐ ܡܶܢ̱ ܒܰܒܰܢ ܙܰܪܥܳܐ.“ 33ܘܒܽܗ̄ܘ ܠܰܠܝܰܘܳܐ ܡܰܫܬܰܠّܶܗ ܠܽܗ̄ܘ ܒܰܒܰܬّ̥ܶܗ ܚܰܡܪܳܐ. ܘܥܰܒܺܝܪܳܐ ܗ̄ܺܝ ܪܰܒܬ̥ܳܐ ܘܕܰܡܺܝܟ̥ܳܐ ܥܰܡ ܗ̄ܽܘ ܒܰܒܳܐ. ܘܠܰܐ ܐܕ̥݄ܥ ܠܳܐ ܒܽܗ̄ܘ ܕܡܳܟ̥ܰܝܕ̥ܰܗ ܘܠܳܐ ܒܽܗ̄ܘ ܩܝܳܡܰܝܕ̥ܰܗ. 34ܘܗܰܘܺܝ ܒܽܝ̱ܘܡ ܚܪܶܢܳܐ، ܘܐܡ݄ܪ ܠܰܗ ܗ̄ܺܝ ܪܰܒܬ̥ܳܐ ܠܺܗ̄ܝ ܙܥܽܘܪܬܳܐ: ”ܟܰܐܠܶܗ ܕܰܡܺܝܟ̥ܳܐ ܐ̱ܢܳܐ ܒܪܰܡܫ݄ܠ ܥܰܡ ܒܰܒܺܝ. ܛܪܳܐ ܡܰܫܬܺܝܢܰܐ ܠܶܗ ܚܰܡܪܳܐ ܒܽܗ̄ܘ ܠܰܠܝܰܢܳܐ ܣܬܶܝ، ܘܗܰܬ ܥܒܰܪ ܕܡܰܟ̥ ܐܰܥܡܶܗ، ܘ݄ܓܡܰܩܺܝܡܺܝܢܰܐ ܡܶܢ̱ ܒܰܒܰܢ ܙܰܪܥܳܐ.“ 35ܘܒܽܗ̄ܘ ܠܰܠܝܰܘܳܐ ܣܬܶܝ، ܡܰܫܬܰܠّܶܗ ܠܽܗ̄ܘ ܒܰܒܰܬّ̥ܶܗ ܚܰܡܪܳܐ، ܘܥܰܒܺܝܪܳܐ ܗ̄ܺܝ ܙܥܽܘܪܬܳܐ ܘܕܰܡܺܝܟ̥ܳܐ ܐܰܥܡܶܗ. ܘܠܰܐ ܐܕ̥݄ܥ ܠܳܐ ܒܽܗ̄ܘ ܕܡܳܟ̥ܰܝܕ̥ܰܗ ܘܠܳܐ ܒܽܗ̄ܘ ܩܝܳܡܰܝܕ̥ܰܗ. 36ܘ݄ܒܛܺܝܢܺܝ ܗ̄ܰܬّܰܪܬܶܝ ܒܢ̈ܳܬ̥ܳܐ ܕܠܽܘܛ ܡܽܗ̄ܘ ܒܰܒܰܬّ̥ܶܗ. 37ܘܡܰܘܠܰܕ ܠܰܗ ܗ̄ܺܝ ܪܰܒܬ̥ܳܐ ܐܰܒܪܳܐ ܘ݄ܩܪܶܐ ܠܰܗ ܐ݄ܫܡܶܗ ܡܽܘܐܳܒ. ܗܺܝّܶܗ ܝܳܐ ܗ̄ܽܘ ܒܰܒܳܐ ܕܰܡّܽܘܐܳܒܳܝ̈ܶܐ ܗ݄ܠ ܠܰܐܕܝܰܘܡܰܐ. 38ܘܺܗ̄ܝ ܙܥܽܘܪܬܳܐ ܣܬܶܝ ܡܰܘܠܰܕ ܠܰܗ ܐܰܒܪܳܐ ܘ݄ܩܪܶܐ ܠܰܗ ܐ݄ܫܡܶܗ ܒܰܪܥܰܡܺܝ. ܘܗܺܝّܶܗ ܝܳܐ ܗ̄ܽܘ ܒܰܒܳܐ ܕܰܗ̄ܢ ܐܰܒܢ̈ܶܐ ܕܥܰܡܽܘܢ ܗ݄ܠ ܠܰܐܕܝܰܘܡܰܐ.
Právě zvoleno:
ܣܶܦܪܳܐ ܕ݄ܒܪܺܝܬ̥ܳܐ 19: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 19
19
1ܘܰܐܬ̥݄ܢ ܗ̄ܰܬܪܶܝ ܡܰܠܰܐܟ̥̈ܶܐ ܠ݄ܣܕ̥ܽܘܡ ܒ݄ܛܒ̥ܳܥܶܗ ܕܝܰܘܡܳܐ، ܘܠܽܘܛ ܝܰܬܺܝܒ̥ܳܐ ܒܽܗ̄ܘ ܬܰܪܥܳܐ ܕ݄ܣܕ̥ܽܘܡ. ܘܠܽܘܛ ܚܙܰܠّܶܗ، ܘܩܰܝ݄ܡ ܠܩܰܕ̱ܡܽܘܬ̥ܰܝّܶܗ ܘ݄ܣܓ̥݄ܕ ܠܶܗ ܥܰܠ ܦܳܬ̥ܶܗ ܥܰܠ ܗ̄ܺܝ ܐܰܪܥܳܐ. 2ܘܐܡ݄ܪ ܠܶܗ: ”ܟܳܐܒܰܥ ܐ̱ܢܳܐ ܡܰܢܟ̥ܽܘ ܝܰܐ ܗ̄ܰܡّܳܪ̈ܰܝܕ̥ܺܝ ܢܚܰܬܽܘ ܣܺܝܕܺܝ ܒܽܗ̄ܘ ܒܰܝܬܳܐ ܕܽܗ̄ܘ ܓܪܶܝܥܰܬ̥ܟ̥ܽܘ، ܘܦܽܘܫܽܘ ܘܡܰܫܶܓ̥ܽܘ ܪ̈ܰܓ̥ܠܰܝܟ̥ܽܘ. ܘ݄ܒܩܶܕܰܡܬܳܐ ܙܳܟ̥ܽܘ ܒܽܗ̄ܘ ܕܰܪܒܰܬ̥ܟ̥ܽܘ.“ ܘܐܡ݄ܪّܶܗ: ”ܠܳܐ، ܒܺܗ̄ܝ ܫܽܘܩܳܐ ܓܦܰܝܫܺܝܢܰܐ.“ 3ܘܠܽܘܛ ܡܚܰܠܰܩ ܠܶܗ ܦܳܬ̥ܳܐ ܐܰܥܠܰܝّܶܗ (ܡܰܥܺܝܩܺܝ ܠܶܗ ܐܰܥܠܰܝّܶܗ) ܓ̥ܰܠܰܒܶܐ. ܘܰܐܬ̥݄ܢ ܣܺܝܕ̥ܶܗ ܘܥܰܒܺܝܪܺܝ ܠܽܗ̄ܘ ܒܰܝܬܰܝܕ̥ܶܗ. ܘܣ݄ܡ ܠܰܗ ܠّܶܗ ܡܰܫ݄ܬܝܳܐ ܘܠܰܚܡܳܐ ܦܰܛܺܝܪܳܐ ܘܰܐܟ̥݄ܠّܶܗ.
4ܘܡܶܩ݄ܕ̱ܡ ܕܕܳܡܟ̥ܺܝ، ܗ̄ܰܢ ܢܳܫ̈ܶܐ ܕܺܗ̄ܝ ܡܕ̥ܺܝܢ̱ܬܳܐ، ܗ̄ܰܢ ܢܳܫ̈ܶܐ ܕ݄ܣܕ̥ܽܘܡ، ܡܰܢ̱ ܥܠܰܝܡ̈ܶܐ ܘܗ݄ܠ ܠܰܣّܳܒ̥̈ܶܐ، ܘܟܽܘܠܶܗ ܗ̄ܽܘ ܥܰܡܳܐ ܟܒ̥݄ܫّܶܗ ܥܰܠ ܗ̄ܽܘ ܒܰܝܬܳܐ ܡܶܢ̱ ܟܘ̇ܠ ܓܰܒܳܐ. 5ܘ݄ܩܪܰܠّܶܗ ܠܠܽܘܛ ܘܐܡ݄ܪّܰܗ ܠܶܗ: ”ܐܰܝܟܳܐ ܢܶܝ ܗ̄ܰܬܪܶܝ ܓܰܒ̥ܪ̈ܶܐ ܕܰܐܬ̥݄ܢ ܠܣܺܝܕܳܟ̥ ܒܠܰܠܝܳܐ؟ ܡܰܘܦ݄ܩ ܠܰܢ ܢܶܝ ܕܳܐܕ̥ܥܺܝܢܰܐ ܢܶܝ.“ 6ܘܢܰܦ݄ܩ ܠܽܘܛ ܠܓܰܒܰܝّܶܗ ܠܽܗ̄ܘ ܬܰܪܥܳܐ، ܘ݄ܣܟ̥݄ܪّܶܗ ܗ̄ܽܘ ܬܰܪܥܳܐ ܒ݄ܬ̥ܪܶܗ. 7ܘܐܡ݄ܪ ܠܰܗ ܠّܶܗ ܠܽܘܛ: ”ܠܳܐ ܣܰܝܡܺܝܬܽܘ ܡܶܕܶܐ ܒܺܝܫܳܐ، ܝܰܐ ܐܰܚ̈ܽܘܢܳܢܰܝܕ̥ܺܝ. 8ܟܰܐܠܶܗ ܟ݄ܬ ܠܺܝ ܬܰܪܬܶܝ ܒܢ̈ܳܬ̥ܳܐ ܕܗܶܫ ܓܰܒ̥ܪܳܐ ܠܰܐ ܐܕ̥݄ܥّܶܗ، ܓܡܰܘܦܰܩܢܰܢّܶܗ ܐܰܠܟ̥ܽܘ، ܘܣܽܘܡܽܘ ܐܰܒّܶܗ ܐܟ̥ ܕܟܳܐܒ݄ܥ ܠܶܒܰܝܟ̥ܽܘ. ܒܶܠܚܽܘܕ̥ܶܗ ܠܰܓّܰܒ̥ܪ̈ܰܢܺܝ ܠܳܐ ܣܰܝܡܺܝܬܽܘ ܡܶܕܶܐ، ܥܰܠ ܕܥܰܒܺܝܪܺܝ ܠܽܗ̄ܘ ܛܶܠܳܠܳܐ ܕܽܗ̄ܘ ܩܛܳܪܳܐ ܕܽܗ̄ܘ ܒܰܝܬܰܝܕ̥ܺܝ.“ 9ܘܐܡ݄ܪّܶܗ: ”ܪܚܰܩ ܡܰܗ̄ܪܟܶܐ.“ ܘܐܡ݄ܪّܶܗ: ”ܚܰܕ̱ ܢܽܘܟ̥ܪܳܝܳܐ ܐܰܬ̥ܺܝ ܕܝܳܬܽܒ̥ ܐܰܥܡܰܢ ܕܡܰܘܦ݄ܩ ܠܰܢ ܩܳܢܽܘܢ̈ܶܐ. ܐܳܥܕܳܐ ܓܡܰܟܺܝܒ̥ܺܝܢܰܐ ܠܳܟ̥ ܙ݄ܕ ܡ݄ܢّܶܗ.“ ܘܠܽܘܛ ܘܰܗ̄ܢ ܢܳܫ̈ܰܢ݄ܟ ܢܰܦܺܝܠܺܝ ܒ݄ܚܕ̥ܳܕ̥̈ܶܐ ܓ̥ܰܠܰܒܶܐ، ܘܡܰܛ݄ܢ ܕܬܳܒ̥ܪܺܝ ܗ̄ܽܘ ܬܰܪܥܳܐ. 10ܘܰܬܪܶܝ ܓܰܒ̥ܪ̈ܰܢ݄ܟ ܦܫ݄ܛّܶܗ ܐܺܝܕ̥̈ܳܬ̥ܰܝّܶܗ، ܘܡܰܥܒܰܪّܶܗ ܠܠܽܘܛ ܠܣܺܝܕܰܝّܶܗ ܠܽܗ̄ܘ ܒܰܝܬܳܐ، ܘ݄ܣܟ̥݄ܪّܶܗ ܗ̄ܽܘ ܬܰܪܥܳܐ. 11ܘܰܗ̄ܢ ܢܳܫ̈ܶܐ ܕܥܰܠ ܗ̄ܽܘ ܬܰܪܥܳܐ ܕܽܗ̄ܘ ܒܰܝܬܳܐ ܣܰܡ݄ܢ ܘܠܳܐ ܦܰܝ݄ܫ ܚܳܙ݄ܢ ܡܽܗ̄ܘ ܢܰܥܺܝܡܳܐ ܘܗ݄ܠ ܠܽܗ̄ܘ ܪܰܒܳܐ، ܘܠܳܐ ܩܰܕܺܝܪܺܝ ܕܚܳܙ݄ܢ ܗ̄ܽܘ ܬܰܪܥܳܐ.
12ܘܐܡ݄ܪّܶܗ ܗ̄ܰܬܪܶܝ ܓܰܒ̥ܪ̈ܶܐ ܠܠܽܘܛ: ”ܗ̄ܰܢ ܢܰܩܠܐ ܡ݄ܢ ܟܣܰܝܡܰܬ ܗܰܪܟܶܐ؟ ܗ̄ܰܚّܰܬ̥ܢ̈ܰܝܕ̥ܳܟ̥ ܘܰܗ̄ܢ ܐܰܒܢ̈ܰܝܕ̥ܳܟ̥ ܘܰܒܢ̈ܳܬ̥ܰܝܕ̥ܳܟ̥ ܘܟܘ̇ܠ ܕܟ݄ܬ ܠܳܟ̥ ܒܺܗ̄ܝ ܡܕ̥ܺܝܢ̱ܬܳܐ، ܡܰܘܦܶܩ݄ܢ ܡܽܗ̄ܘ ܐܰܬ̥ܪܰܢܳܐ. 13ܥܰܠ ܕ݄ܓܡܰܚܪܒ̥ܺܝܢܰܐ ܗ̄ܽܘ ܐܰܬ̥ܪܰܢܳܐ، ܡܺܐܝܕ̥ܶܗ ܕܣܰܠܺܝܩܳܐ ܗ̄ܺܝ ܓܥܰܝܬܰܬّ̥ܶܗ (ܙܥܰܩܬܰܬّ̥ܶܗ) ܩ݄ܕ̱ܡ ܡܳܪܝܳܐ. ܘ݄ܡܫܰܕܰܪ ܠܶܗ ܠܰܢ ܡܳܪܝܳܐ ܕܡܰܚ݄ܪܒ̥ܺܝܢܰܐ ܠܶܗ.“ 14ܘܢܰܦ݄ܩ ܠܽܘܛ ܘ݄ܫܓ̥ܺܝܠ ܥܰܡ ܗ̄ܰܚّܰܬ̥ܢ̈ܰܝܕ̥ܶܗ، ܕܡ݄ܕّܶܗ ܗ̄ܰܒܢ̈ܳܬ̥ܰܝܕ̥ܶܗ، ܘܐܡ݄ܪ ܠܰܗ ܠّܶܗ: ”ܩܽܘܡܽܘ ܢܦܰܩܽܘ ܡܽܗ̄ܘ ܐܰܬ̥ܪܰܢܳܐ، ܥܰܠ ܕ݄ܓܡܰܚܪܰܒ̥ ܠܶܗ ܡܳܪܝܳܐ.“ ܘܗ݄ܢّܶܝ ܚܫܽܒّ̥ܶܗ ܕܓܰܚܟ̥ܳܐ ܟܓܳܚܰܟ̥ ܐܰܥܡܰܝّܶܗ. 15ܘܒ݄ܣܠܳܩܶܗ ܕܝܰܘܡܳܐ، ܡܰܠ݄ܙّܶܗ ܗ̄ܰܡّܰܠܰܐܟ̥̈ܶܐ ܥܰܠ ܠܽܘܛ ܘܐܡ݄ܪّܶܗ: ”ܩܘ̇ܡ ܡܘ̇ܕ ܗ̄ܺܝ ܐܰܢ̱ܬ̥ܬܰܝܕ̥ܳܟ̥ ܘܰܬّܰܪܬܶܝ ܒܢ̈ܳܬ̥ܰܝܕ̥ܳܟ̥ ܕܟ݄ܬܢܶܝ ܐܰܥܡܳܟ̥، ܕܠܳܐ ܝܳܩܕ̥ܰܬ ܒܰܚ̈ܛܳܗܶܐ ܕܺܗ̄ܝ ܡܕ̥ܺܝܢ̱ܬܳܐ.“ 16ܘ݄ܡܥܰܘ݄ܩ ܠܽܘܛ، ܘ݄ܙܒ݄ܛّܶܗ ܗ̄ܰܡّܰܠܰܐܟ̥̈ܶܐ ܒܺܐܝܕ̥ܶܗ، ܘܒܺܐܝܕ̥ܶܗ ܕܺܗ̄ܝ ܐܰܢ̱ܬ̥ܬܰܝܕ̥ܶܗ، ܘܒܺܐܝܕ̥̈ܶܐ ܕܰܬّܰܪܬܶܝ ܒܢ̈ܳܬ̥ܰܝܕ̥ܶܗ ܥܰܠ ܕܡܰܪܚܰܡ ܠܶܗ ܡܳܪܝܳܐ ܐܰܥܠܶܗ. ܘܡܰܘܦܰܩّܶܗ ܠܰܪܒ̥ܰܠ ܡܺܗ̄ܝ ܡܕ̥ܺܝܢ̱ܬܳܐ ܘ݄ܛܪܰܠّܶܗ. 17ܘܺܗ̄ܝ ܢܰܩܠܐ ܕܡܰܘܦܩ݄ܢّܶܗ ܠܰܪܒ̥ܰܠ، ܐܡ݄ܪّܰܗ ܠܶܗ: ”ܦܪܰܩ ܢܰܦܫܳܟ̥، ܠܳܐ ܕܳܥܪܰܬ ܠܒ݄ܬ̥ܪܳܟ̥. ܘܠ݄ܐ ܟܳܠܰܬ ܒܟܽܘܠܶܗ ܗ̄ܽܘ ܡܰܕ̥݄ܒܪܳܐ. ܠܽܗ̄ܘ ܛܽܘܪܳܐ ܥܪܰܩ ܕܠܳܐ ܡܺܝܣܰܟܪܰܬ.“ 18ܘܐܡ݄ܪ ܠܰܗ ܠّܶܗ ܠܽܘܛ: ”ܟܳܐܒܰܥ ܐ̱ܢܳܐ ܡܰܢܟ̥ܽܘ ܝܰܐ ܡܳܪ̈ܰܝܕ̥ܺܝ: 19ܟܰܐܠܶܗ ܚܙܶܐ ܠܶܗ ܗ̄ܽܘ ܥܰܒܕܰܝܕ̥ܳܟ̥ ܪ̈ܰܚܡܶܐ ܒܥܰܝܢ̈ܳܬ̥ܳܟ̥، ܘܓ̥ܰܠܰܒܶܐ ܝܳܐ ܗ̄ܺܝ ܛܰܝܒܽܘܬ̥ܰܝܕ̥ܳܟ̥ ܕܣ݄ܡ ܠܳܟ̥ ܐܰܥܡܺܝ ܕܗܽܒ̥ ܠܳܟ̥ ܚܰܝ̈ܶܐ ܠܢܰܦܫܺܝ. ܘܳܐܢܳܐ ܠܰܝܒܺܝ ܕܥܳܪܰܩ ܐ̱ܢܳܐ ܠܽܗ̄ܘ ܛܽܘܪܳܐ، ܕܠ݄ܐ ܐܙّܶܗ ܡܳܛܝܳܐ ܠܺܝ ܒܺܝܫܬܳܐ ܘܡܳܝܰܬ̥ ܐ̱ܢܳܐ. 20ܟܰܐܠܰܗ ܗ̄ܺܝ ܡܕ̥ܺܝܢ̱ܬܰܬ̥ܶܐ ܩܰܪܽܒ̥ܬܳܐ ܝܳܐ ܘܢܰܥ݄ܡܬܳܐ، ܛܪܳܐ ܥܳܪܰܩ ܐ̱ܢܳܐ ܠܬܰܡܳܐ. ܢܰܥ݄ܡܬܳܐ ܝܳܐ، ܓܥܳܪܰܩ ܐ̱ܢܳܐ ܠܬܰܡܳܐ ܘܚܳܝܶܐ ܐ̱ܢܳܐ.“ 21ܘܐܡ݄ܪ ܠܶܗ ܠܶܗ (ܗ̄ܽܘ ܡܰܠܰܐܟ̥ܳܐ): ”ܟܰܐܠܶܗ ܠܰܫܰܢܳܟ̥ ܘܥܰܠ ܗ̄ܽܘ ܡܰܐܡܪܰܢܳܐ ܣܬܶܝ ܕܐܡ݄ܪ ܠܳܟ̥، ܠ݄ܐ ܓܡܰܚܪܰܒ̥ ܐ̱ܢܳܐ ܗ̄ܺܝ ܡܕ̥ܺܝܢ̱ܬܳܐ ܕܐܡ݄ܪ ܠܳܟ̥ ܐܰܥܠܰܗ. 22ܒܣܽܘܪܗܳܒܳܐ ܥܪܰܩ ܠܬܰܡܳܐ، ܥܰܠ ܕܠܰܝܒܺܝ ܣܳܝܰܡ ܐ̱ܢܳܐ ܡܶܕܶܐ ܗ݄ܠ ܕܠܳܐ ܥܳܒܪܰܬ ܠܬܰܡܳܐ.“ ܡܰܗ̄ܘܟ̥ܰܐ ܩܪܶܐ ܠܶܗ ܐ݄ܫܡܰܗ ܕܺܗ̄ܝ ܡܕ̥ܺܝܢ̱ܬܰܝܳܐ ܨܳܥܳܪ.
23ܢܰܦܺܝܩܳܐ ܗ̄ܺܝ ܫܶܡܫܳܐ ܥܰܠ ܗ̄ܺܝ ܐܰܪܥܳܐ، ܘܠܽܘܛ ܥܰܒ݄ܪ ܠܨܳܥܳܪ. 24ܘܡܳܪܝܳܐ ܡܰܢܚܰܬ ܠܶܗ ܥܰܠ ܣܕ̥ܽܘܡ ܘܥܰܠ ܥܳܡܽܘܪܳܐ ܟܰܒܪܺܝܬܳܐ ܘܢܽܘܪܳܐ ܡܶܢ̱ ܩܽܘܕ̱ܡܶܗ ܕܡܳܪܝܳܐ ܡܺܗ̄ܝ ܫܡܰܝܳܐ. 25ܘܡܰܚܪܰܒ̥ ܠܶܗ ܠܰܡܕ̥ܺܝܢ̈ܳܬ̥ܰܢܺܝ، ܘ݄ܠܟܽܘܠܶܗ ܗ̄ܽܘ ܡܰܕ̥݄ܒܪܳܐ، ܘ݄ܠܟܽܘܠّܶܗ ܗ̄ܰܝّܰܬܺܝܒ̥̈ܶܐ ܕܺܗ̄ܝ ܐܰܪܥܳܐ، ܘܠܽܗ̄ܘ ܓܶܠܳܐ ܕܝܳܥܶܐ ܗ̄ܘܰܐ ܒܺܗ̄ܝ ܐܰܪܥܳܐ. 26ܘܕܰܥܺܝܪܳܐ ܗ̄ܺܝ ܐܰܢ̱ܬ̥ܬܰܝܕ̥ܶܗ ܚ݄ܪ ܠܰܗ ܡܶܢ̱ ܒ݄ܬ̥ܪܶܗ، ܘܗܰܘܝܳܐ ܩܳܝܶܡܬܳܐ ܕܡܰܠܚܳܐ.
27ܘ݄ܒܨܰܦܪܳܐ ܩܶܕܰܡܬܳܐ ܐܰܬ̥ܺܝ ܐܰܒܪܳܗܳܡ ܠܽܗ̄ܘ ܐܰܬ̥ܪܳܐ ܕܩܳܝܰܡ ܗ̄ܘܰܐ ܬܰܡܳܐ ܩܽܘܕ̱ܡܶܗ ܕܡܳܪܝܳܐ. 28ܘܚ݄ܪ ܠܶܗ ܠܰܐܦ ܣܕ̥ܽܘܡ ܘܥܳܡܽܘܪܳܐ، ܘܠܰܐܦ ܟܽܘܠܰܗ ܗ̄ܺܝ ܐܰܪܥܳܐ ܕܽܗ̄ܘ ܡܰܕ̥݄ܒܪܳܐ، ܘ݄ܚܙܶܐ ܠܶܗ ܕܟܰܐܠܶܗ ܟܳܣܳܠ݄ܩ ܗ̄ܽܘ ܬܶܢܳܢܳܐ ܕܺܗ̄ܝ ܐܰܪܥܳܐ ܐܟ̥ ܕܽܗ̄ܘ ܬܶܢܳܢܳܐ ܕܽܗ̄ܘ ܐܰܬܽܘܢܳܐ. 29ܘܗܰܘܺܝ ܗ̄ܺܝ ܢܰܩܠܐ ܕܡܰܚܪܰܒ̥ ܠܶܗ ܐܰܠܳܗܳܐ ܗ̄ܰܡܕ̥̈ܺܝܢܳܬ̥ܳܐ ܕܽܗ̄ܘ ܡܰܕ̥݄ܒܪܳܐ، ܐܰܠܳܗܳܐ ܕ̥ܟ݄ܪ ܠܶܗ ܐܰܒܪܳܗܳܡ، ܘ݄ܡܫܰܕܰܪ ܠܶܗ ܡܰܘܦܰܩ ܠܶܗ ܠܠܽܘܛ ܡܶܢ̱ ܓܰܘܶܗ ܕܽܗ̄ܘ ܐܰܬ̥ܪܳܐ ܚܰܪܺܝܒ̥ܳܐ، ܗ̄ܺܝ ܢܰܩܠܐ ܕܡܰܚܪܰܒ̥ ܠܶܗ ܗ̄ܰܡܕ̥̈ܺܝܢܳܬ̥ܳܐ ܕܝܳܬܰܒ̥ ܗ̄ܘܰܐ ܐܰܒّܶܗ ܠܽܘܛ.
30ܘܣܰܠ݄ܩ ܠܽܘܛ ܡܶܢ̱ ܨܳܥܳܪ، ܘܝܰܬܽܒ̥ ܒܽܗ̄ܘ ܛܽܘܪܳܐ، ܗܺܝّܶܗ ܘܰܬّܰܪܬܶܝ ܒܢ̈ܳܬ̥ܰܝܕ̥ܶܗ ܐܰܥܡܶܗ. ܥܰܠ ܕܙܰܝ݄ܥ ܕܝܳܬܽܒ̥ ܒܨܳܥܳܪ، ܝܰܬܽܒ̥ ܒ݄ܡܥܰܪܬ̥ܳܐ، ܗܺܝّܶܗ ܘܰܬّܰܪܬܶܝ ܒܢ̈ܳܬ̥ܰܝܕ̥ܶܗ. 31ܘܐܡ݄ܪ ܠܰܗ ܗ̄ܺܝ ܪܰܒܬ̥ܳܐ ܠܺܗ̄ܝ ܙܥܽܘܪܬܳܐ: ”ܟܰܐܠܶܗ ܒܰܒܰܢ ܡܰܣܽܒ̥ ܠܶܗ، ܘܓܰܒ̥ܪܳܐ ܠܰܝܬ ܒܺܗ̄ܝ ܐܰܪܥܳܐ ܕܥܳܒ݄ܪ ܐܰܥܠܰܢ ܐܟ̥ ܕܽܗ̄ܘ ܥܝܳܕ̥ܳܐ ܕܟܽܘܠܰܗ ܗ̄ܺܝ ܐܰܪܥܳܐ. 32ܬܰܟ̥ ܡܰܫܬܺܝܢܰܐ ܠܒܰܒܰܢ ܚܰܡܪܳܐ ܘܕܳܡܟ̥ܺܝܢܰܐ ܐܰܥܡܶܗ، ܘ݄ܓܡܰܩܺܝܡܺܝܢܰܐ ܡܶܢ̱ ܒܰܒܰܢ ܙܰܪܥܳܐ.“ 33ܘܒܽܗ̄ܘ ܠܰܠܝܰܘܳܐ ܡܰܫܬܰܠّܶܗ ܠܽܗ̄ܘ ܒܰܒܰܬّ̥ܶܗ ܚܰܡܪܳܐ. ܘܥܰܒܺܝܪܳܐ ܗ̄ܺܝ ܪܰܒܬ̥ܳܐ ܘܕܰܡܺܝܟ̥ܳܐ ܥܰܡ ܗ̄ܽܘ ܒܰܒܳܐ. ܘܠܰܐ ܐܕ̥݄ܥ ܠܳܐ ܒܽܗ̄ܘ ܕܡܳܟ̥ܰܝܕ̥ܰܗ ܘܠܳܐ ܒܽܗ̄ܘ ܩܝܳܡܰܝܕ̥ܰܗ. 34ܘܗܰܘܺܝ ܒܽܝ̱ܘܡ ܚܪܶܢܳܐ، ܘܐܡ݄ܪ ܠܰܗ ܗ̄ܺܝ ܪܰܒܬ̥ܳܐ ܠܺܗ̄ܝ ܙܥܽܘܪܬܳܐ: ”ܟܰܐܠܶܗ ܕܰܡܺܝܟ̥ܳܐ ܐ̱ܢܳܐ ܒܪܰܡܫ݄ܠ ܥܰܡ ܒܰܒܺܝ. ܛܪܳܐ ܡܰܫܬܺܝܢܰܐ ܠܶܗ ܚܰܡܪܳܐ ܒܽܗ̄ܘ ܠܰܠܝܰܢܳܐ ܣܬܶܝ، ܘܗܰܬ ܥܒܰܪ ܕܡܰܟ̥ ܐܰܥܡܶܗ، ܘ݄ܓܡܰܩܺܝܡܺܝܢܰܐ ܡܶܢ̱ ܒܰܒܰܢ ܙܰܪܥܳܐ.“ 35ܘܒܽܗ̄ܘ ܠܰܠܝܰܘܳܐ ܣܬܶܝ، ܡܰܫܬܰܠّܶܗ ܠܽܗ̄ܘ ܒܰܒܰܬّ̥ܶܗ ܚܰܡܪܳܐ، ܘܥܰܒܺܝܪܳܐ ܗ̄ܺܝ ܙܥܽܘܪܬܳܐ ܘܕܰܡܺܝܟ̥ܳܐ ܐܰܥܡܶܗ. ܘܠܰܐ ܐܕ̥݄ܥ ܠܳܐ ܒܽܗ̄ܘ ܕܡܳܟ̥ܰܝܕ̥ܰܗ ܘܠܳܐ ܒܽܗ̄ܘ ܩܝܳܡܰܝܕ̥ܰܗ. 36ܘ݄ܒܛܺܝܢܺܝ ܗ̄ܰܬّܰܪܬܶܝ ܒܢ̈ܳܬ̥ܳܐ ܕܠܽܘܛ ܡܽܗ̄ܘ ܒܰܒܰܬّ̥ܶܗ. 37ܘܡܰܘܠܰܕ ܠܰܗ ܗ̄ܺܝ ܪܰܒܬ̥ܳܐ ܐܰܒܪܳܐ ܘ݄ܩܪܶܐ ܠܰܗ ܐ݄ܫܡܶܗ ܡܽܘܐܳܒ. ܗܺܝّܶܗ ܝܳܐ ܗ̄ܽܘ ܒܰܒܳܐ ܕܰܡّܽܘܐܳܒܳܝ̈ܶܐ ܗ݄ܠ ܠܰܐܕܝܰܘܡܰܐ. 38ܘܺܗ̄ܝ ܙܥܽܘܪܬܳܐ ܣܬܶܝ ܡܰܘܠܰܕ ܠܰܗ ܐܰܒܪܳܐ ܘ݄ܩܪܶܐ ܠܰܗ ܐ݄ܫܡܶܗ ܒܰܪܥܰܡܺܝ. ܘܗܺܝّܶܗ ܝܳܐ ܗ̄ܽܘ ܒܰܒܳܐ ܕܰܗ̄ܢ ܐܰܒܢ̈ܶܐ ܕܥܰܡܽܘܢ ܗ݄ܠ ܠܰܐܕܝܰܘܡܰܐ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation