ܣܶܦܪܳܐ ܕܡܰܦܩܳܢܳܐ 28
28
1”ܘܗܰܬ ܡܩܰܪܽܒ̥ ܡܶܢܳܟ̥ ܐܰܚܽܘܢܳܟ̥ ܐܰܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܐܰܥܡܶܗ ܡܒܰܝܢ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܕ݄ܡܟܰܗܢܺܝ ܠܺܝ، ܐܰܗܪܽܘܢ ܘܢܳܕܳܒ ܘܰܐܒܺܝܗܽܘ ܘܶܐܠܺܝܥܳܙܳܪ ܘܺܐܝܬ̥ܳܡܳܪ ܗ̄ܰܢ ܐܰܒܢ̈ܶܐ ܕܰܐܗܪܽܘܢ. 2ܘܣܘ̇ܡ ܠܒܽܘܫ̈ܶܐ ܕܩܽܘܕܫܳܐ ܠܰܐܗܪܽܘܢ ܐܰܚܽܘܢܳܟ̥ ܠܽܗ̄ܘ ܐܺܝܩܳܪܳܐ ܘܠܺܗ̄ܝ ܬܶܫܒܽܘܚܬܳܐ. 3ܘܗܰܬ ܐܰܡܰܪ ܠܟܽܘܠّܶܗ ܗ̄ܰܚّܰܟܺܝܡ̈ܶܐ ܕܽܗ̄ܘ ܠܶܒܳܐ ܕ݄ܡܠܶܐ ܠܺܝ ܐܰܠّܶܗ ܪܽܘܚܳܐ ܕܚܶܟ̥ܡܬ̥ܳܐ ܕܣܰܝܡܺܝ ܠܒܽܘܫ̈ܶܐ ܕܩܽܘܕܫܳܐ ܠܰܐܗܪܽܘܢ ܕܡܺܝܩܰܕ݄ܫ ܘܗܳܘܶܐ ܠܺܝ ܟܳܗܢܳܐ. 4ܘܰܠܒܽܘܫ̈ܰܢܺܝ ܕܣܰܝܡ݄ܢّܶܗ: ܣܰܬܪܳܐ ܘܦܶܕ̥ܬܳܐ ܘ݄ܦܪܺܝܣܳܐ ܘܟܽܘܬܺܝܢܳܐ ܕܽܗ̄ܘ ܟܶܬܳܢܳܐ ܘܡܰܨܢܰܦܬܳܐ ܘܚܰܨܳܐ. ܘܣܰܝܡܺܝ ܠܒܽܘܫ̈ܶܐ ܕܽܗ̄ܘ ܩܽܘܕܫܳܐ ܠܰܐܗܪܽܘܢ ܐܰܚܽܘܢܳܟ̥ ܘܠܰܗ̄ܢ ܐܰܒܢ̈ܰܝܕ̥ܶܗ ܕ݄ܡܟܰܗܢܺܝ ܠܺܝ. 5ܘܗ݄ܢّܶܝ ܓܡܰܝܕܺܝ ܗ̄ܽܘ ܕܰܗܒ̥ܳܐ ܘܽܗ̄ܘ ܫܺܐܪܳܐ ܘܽܗ̄ܘ ܐܰܪܓܘܳܢܳܐ ܘܽܗ̄ܘ ܨܒ̥ܳܥܳܐ ܣܶܡܳܩܳܐ ܘܽܗ̄ܘ ܟܶܬܳܢܳܐ ܥܙܺܝܠܳܐ (ܓܕ̥ܺܝܠܳܐ).
6”ܘܣܰܝܡܺܝ ܦܶܕ̥ܬܳܐ ܕܕܰܗܒ̥ܳܐ ܫܺܐܪܳܐ ܘܰܐܪܓܘܳܢܳܐ ܘ݄ܨܒ̥ܳܥܳܐ ܣܶܡܳܩܳܐ ܘܟܶܬܳܢܳܐ ܥܙܺܝܠܳܐ ܣܺܝܡ ܒܺܐܝܕ̥ܳܐ ܡܗܺܝܪܬܳܐ. 7ܗ̄ܰܬّܰܪܬܶܝ ܟܰܬܦ̈ܳܬ̥ܳܐ ܓܕܳܗ̄ܘ݄ܢ ܡܕܰܒܩ̈ܶܐ ܐܰܠܰܗ ܥܰܠ ܗ̄ܰܬܪܶܝ ܓܰܒ̈ܰܝܕ̥ܰܗ ܕ݄ܡܺܝܕܰܒܩܺܝ. 8ܗ̄ܽܘ ܚܰܨܳܐ ܕܺܗ̄ܝ ܦܶܕ̥ܬܳܐ ܕܟ݄ܬ ܝܳܐ ܐܰܥܠܶܗ ܡܶܢܰܗ ܓܕܳܗ̄ܘܶܐ ܐܟ̥ ܕܣܺܝܡܳܐ: ܕܰܗܒ̥ܳܐ ܘܫܺܐܪܳܐ ܘܰܐܪܓܘܳܢܳܐ ܘ݄ܨܒ̥ܳܥܳܐ ܣܶܡܳܩܳܐ ܘܟܶܬܳܢܳܐ ܥܙܺܝܠܳܐ. 9ܘܡܘ̇ܕ ܬܰܪܬܶܝ ܟܶܐܦ̈ܶܐ ܕܒܶܪ̈ܽܘܠܶܐ ܘ݄ܓܠܰܦ (ܟܬ̥ܰܒ̥) ܐܰܥܠܰܝّܶܗ ܗ̄ܰܢ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. 10ܐ݄ܫܬܳܐ ܡܰܗ̄ܢ ܐ݄ܫܡܳܢ̈ܶܐ ܥܰܠ ܟܶܐܦܳܐ ܚܕ̥ܳܐ ܟܬ̥ܰܒ̥݄ܢ ܘܰܗ̄ܢ ܐ݄ܫܬܳܐ ܐ݄ܫܡܳܢ̈ܶܐ ܕܦܰܝܺܝܫܺܝ ܟܬ̥ܰܒ̥݄ܢ ܥܰܠ ܟܶܐܦܳܐ ܚܪܶܬܳܐ، ܐܟ̥ ܕܽܗ̄ܘ ܡܰܘܠܳܕܰܬّ̥ܶܗ. 11ܥܒ̥ܳܕܳܐ ܕܡܰܠܦܳܢܳܐ ܘܚܰܦܳܪܳܐ ܕܥܰܠ ܗ̄ܰܟّܶܐܦ̈ܶܐ ܚܦܰܪ ܬܰܪܬܶܝ ܟܶܐܦ̈ܶܐ ܥܰܠ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܢܩܺܝܫ̈ܶܐ ܘ݄ܡܫܰܪܪ̈ܶܐ ܒܕܰܗܒ̥ܳܐ ܣܽܘܡ݄ܢ. 12ܘܡܰܚ݄ܬ ܬܰܪܬܶܝ ܟܶܐܦ̈ܶܐ ܥܰܠ ܗ̄ܰܟّܰܬܦ̈ܳܬ̥ܳܐ ܕܺܗ̄ܝ ܦܶܕ̥ܬܳܐ. ܟܶܐܦ̈ܶܐ ܕܽܗ̄ܘ ܕܽܘܟ̥ܪܳܢܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. ܘܰܐܗܪܽܘܢ ܛܳܥ݄ܢ ܐ݄ܫ̈ܡܳܢܰܝّܶܗ ܩ݄ܕ̱ܡ ܡܳܪܝܳܐ ܥܰܠ ܟܰܬܦ̈ܳܬ̥ܶܗ ܗ̄ܰܬّܰܪܬܶܝ ܠܽܗ̄ܘ ܕܽܘܟ̥ܪܳܢܳܐ. 13ܘܣܘ̇ܡ ܬܰܪܬܶܝ ܟܪ̈ܽܘܠܝܳܬ̥ܳܐ ܕܕܰܗܒ̥ܳܐ. 14ܘܰܬّܰܪܬܶܝ ܫܶܫ̈ܠܳܬ̥ܳܐ ܕܕܰܗܒ̥ܳܐ ܫܰܦܝܳܐ ܩܛܺܝܪ̈ܶܐ ܣܽܘܡ݄ܢ، ܓܕ̥̈ܺܝܠܶܐ ܒ݄ܚܕ̥ܳܕ̥̈ܶܐ ܣܽܘܡ݄ܢ، ܘܡܰܚ݄ܬ ܬܰܪܬܶܝ ܫܶܫ̈ܠܳܬ̥ܳܐ ܡܰܐܬܶܡ̈ܳܬ̥ܳܐ (ܬܪܶܝ ܠܺܝܦ̈ܶܐ ܒ݄ܚܕ̥ܳܕ̥̈ܶܐ) ܥܰܠ ܗ̄ܰܟܪ̈ܽܘܠܝܳܬ̥ܳܐ.
15”ܘܣܘ̇ܡ ܗ̄ܽܘ ܦܪܺܝܣܳܐ ܕܽܗ̄ܘ ܒܶܝܬ̥ ܕܺܝܢܳܐ ܥܒ̥ܳܕܳܐ ܕܡܰܠܦܳܢܳܐ، ܐܟ̥ ܕܽܗ̄ܘ ܥܒ̥ܳܕܳܐ ܕܺܗ̄ܝ ܦܶܕ̥ܬܳܐ ܣܽܘܡܶܗ: ܕܰܗܒ̥ܳܐ ܘܫܺܐܪܳܐ ܘܰܐܪܓܘܳܢܳܐ ܘ݄ܨܒ̥ܳܥܳܐ ܣܶܡܳܩܳܐ ܘܟܶܬܳܢܳܐ ܓܕ̥ܺܝܠܳܐ ܣܽܘܡܶܗ. 16ܡܪܰܒܥܳܐ ܕܳܗ̄ܘܶܐ ܛܰܘܝܳܐ، ܣܺܝܛܳܐ ܗ̄ܽܘ ܝܽܘܪܟ̥ܰܝܕ̥ܶܗ ܘܣܺܝܛܳܐ ܗ̄ܽܘ ܦܶܬ̥ܘܰܝܕ̥ܶܗ. 17ܘܡܰܠܒ̥ܫܰܬ ܠܶܗ ܬܶܠܒ݄ܫܬܳܐ ܕܟܶܐܦ̈ܶܐ ܐܰܪܒܥܳܐ ܣܶܕ̥ܪ̈ܶܐ ܕܟܶܐܦ̈ܶܐ. ܗ̄ܽܘ ܣܶܕ̥ܪܳܐ ܩܰܕ̱ܡܳܝܳܐ ܣܶܡܳܩܳܐ ܘܚܰܡܳܪܢܳܝܳܐ ܘܒܰܪܳܩܳܐ، ܗ̄ܽܘ ܣܶܕ̥ܪܳܐ ܩܰܕ̱ܡܳܝܳܐ. 18ܘܽܗ̄ܘ ܣܶܕ̥ܪܳܐ ܚܪܶܢܳܐ ܨܰܕܺܝܕܳܐ ܘ݄ܣܦܺܝܠܳܐ (ܫܡܰܝܳܢܳܝܳܐ) ܘܢܶܩ݄ܥܬܳܐ (ܕܰܒ̥ܫܳܢܳܝܳܐ). 19ܘܽܗ̄ܘ ܣܶܕ̥ܪܳܐ ܕܰܬܠܳܬ̥ܳܐ ܫܰܥܽܘܬ̥ܳܐ ܘܕܰܒ̥ܫܳܢܳܐ ܘܥܰܝܢ ܥܓܶܠ. 20ܘܽܗ̄ܘ ܣܶܕ̥ܪܳܐ ܕܰܗ̄ܢ ܐܰܪܒܥܳܐ ܬܰܪܫܺܝܫ (ܟܶܐܦܳܐ ܚܶܘܳܪܬܳܐ) ܘܒܶܪܽܘܠܳܐ ܘܝܰܫܦܶܗ ܫܺܝܥ̈ܶܐ ܘܠܺܝܦ̈ܶܐ ܒܽܗ̄ܘ ܕܰܗܒ̥ܳܐ ܣܽܘܡ݄ܢ ܒܺܗ̄ܝ ܬܶܠܒ݄ܫܬܰܬّ̥ܶܗ. 21ܘܰܟّܶܐܦ̈ܶܐ ܓܕܳܗ̄ܘ݄ܢ ܥܰܠ ܗ̄ܰܢ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܬܪܰܥܣܰܪ ܥܰܠ ܗ̄ܰܢ ܐ݄ܫܡܳܢ̈ܰܬّ̥ܶܗ، ܚܦܺܝܪ̈ܶܐ ܚܦܳܪܳܐ ܕܛܰܒܥܳܐ، ܟܘ̇ܠ ܚܰܕ̱ ܥܰܠ ܐ݄ܫܡܶܗ ܛܪܳܐ ܗ̄ܘ݄ܢ ܠܰܬܪܰܥܣܰܪ ܫܰܒ̈ܛܶܐ. 22ܘܣܘ̇ܡ ܥܰܠ ܗ̄ܽܘ ܦܪܺܝܣܳܐ ܫܶܫ̈ܠܳܬ̥ܳܐ ܡܰܐܬܶܡ̈ܳܬ̥ܳܐ (ܬܪܶܝ ܓܕ̥̈ܺܝܠܶܐ ܒ݄ܚܕ̥ܳܕ̥̈ܶܐ) ܥܒ̥ܳܕܳܐ ܓܕ̥ܺܝܠܳܐ ܡܶܢ̱ ܕܰܗܒ̥ܳܐ ܫܰܦܝܳܐ. 23ܘܣܰܝܡܰܬ ܠܽܗ̄ܘ ܚܽܘܣܳܝܳܐ (ܬܰܟܣܺܝܬ̥ܳܐ) ܬܪܶܝ ܩܽܘܪ̈ܩܣܶܐ ܕܕܰܗܒ̥ܳܐ ܫܰܦܝܳܐ، ܘܡܰܚ݄ܬ ܗ̄ܰܬܪܶܝ ܩܽܘܪ̈ܩܣܶܐ ܥܰܠ ܗ̄ܰܬܪܶܝ ܓܰܒ̈ܶܐ ܕܽܗ̄ܘ ܚܽܘܣܳܝܳܐ (ܬܰܟܣܺܝܬ̥ܳܐ). 24ܘܡܰܚ݄ܬ ܬܰܪܬܶܝ ܓܕ̥̈ܺܝܠܶܐ ܕܕܰܗܒ̥ܳܐ ܥܰܠ ܗ̄ܰܬܪܶܝ ܩܽܘܪ̈ܩܣܶܐ ܕܥܰܠ ܗ̄ܰܬܪܶܝ ܓܰܒ̈ܶܐ ܕܽܗ̄ܘ ܚܽܘܣܳܝܳܐ. 25ܘܬܰܪܬܶܝ ܓܕ̥̈ܺܝܠܶܐ ܡܰܚܬܰܬ ܥܰܠ ܗ̄ܰܬܪܶܝ ܟܪ̈ܽܘܠܝܳܬ̥ܳܐ، ܘܡܰܚܬܰܬ ܥܰܠ ܟܰܬܦ̈ܳܬ̥ܳܐ ܕܺܗ̄ܝ ܦܶܕ̥ܬܳܐ ܡܩܰܒ݄ܠ ܕܦܳܬ̥ܰܗ. 26ܘܣܘ̇ܡ ܗ̄ܰܬܪܶܝ ܩܽܘܪ̈ܩܣܶܐ ܕܕܰܗܒ̥ܳܐ ܘܡܰܚܶܬ݄ܢ ܥܰܠ ܗ̄ܰܬܪܶܝ ܓܰܒ̈ܶܐ ܕܽܗ̄ܘ ܚܽܘܣܳܝܳܐ، ܥܰܠ ܗ̄ܽܘ ܓܰܒܳܐ ܕܥܰܠ ܣܶܦܰܗ ܕܺܗ̄ܝ ܦܶܕ̥ܬܳܐ ܡܶܢ̱ ܠܰܘܓ̥݄ܠ. 27ܘܣܘ̇ܡ ܗ̄ܰܬܪܶܝ ܩܽܘܪ̈ܩܣܶܐ ܕܕܰܗܒ̥ܳܐ، ܘܡܰܚܶܬ݄ܢ ܥܰܠ ܗ̄ܰܬّܰܪܬܶܝ ܟܰܬܦ̈ܳܬ̥ܶܗ ܕܺܗ̄ܝ ܦܶܕ̥ܬܳܐ ܡܶܢ̱ ܠܰܠܬܰܚ ܡܩܰܒ݄ܠ ܕܦܳܬ̥ܰܗ ܡܩܰܒ݄ܠ ܕܺܗ̄ܝ ܕܽܘܟܬ̥ܳܐ ܕܽܗ̄ܘ ܬܶܐܣܺܝܪܳܐ، ܠܰܠܥ݄ܠ ܡܶܢ̱ ܚܰܨܰܗ ܕܺܗ̄ܝ ܦܶܕ̥ܬܳܐ. 28ܘܡܰܐܣܪܺܝ ܗ̄ܽܘ ܦܪܺܝܣܳܐ ܡܰܢ̱ ܙّܰܩ݄ܙ̈ܩܳܬ̥ܰܝܕ̥ܶܗ ܠܰܙّܰܩ݄ܙ̈ܩܳܬ̥ܰܝܕ̥ܰܗ ܕܺܗ̄ܝ ܦܶܕ̥ܬܳܐ ܒܚܽܘܛܳܐ ܕܫܺܐܪܳܐ ܕܳܗ̄ܘܶܐ ܥܰܠ ܗ̄ܽܘ ܚܰܨܳܐ ܕܺܗ̄ܝ ܦܶܕ̥ܬܳܐ ܘܠܳܐ ܗܳܘܶܐ ܫܰܦ̊ܳܥܳܐ ܥܰܠ ܗ̄ܽܘ ܦܪܺܝܣܳܐ ܡܺܗ̄ܝ ܦܶܕ̥ܬܳܐ. 29ܘܰܐܗܪܽܘܢ ܛܳܥ݄ܢ ܗ̄ܰܢ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܒܽܗ̄ܘ ܦܪܺܝܣܳܐ ܕܽܗ̄ܘ ܕܺܝܢܳܐ ܥܰܠ ܚܰܕ̥ܝܶܗ (ܨܰܕܪܶܗ) ܗ̄ܺܝ ܢܰܩܠܐ ܕܥܳܒ݄ܪ ܠܽܗ̄ܘ ܩܽܘܕܫܳܐ ܐܟ̥ ܕܽܘܟ̥ܪܳܢܳܐ ܩ݄ܕ̱ܡ ܡܳܪܝܳܐ ܒܰܐܡܺܝܢܽܘܬ̥ܳܐ. 30ܘܡܰܚ݄ܬ ܥܰܠ ܗ̄ܽܘ ܦܪܺܝܣܳܐ ܕܽܗ̄ܘ ܕܺܝܢܳܐ ܗ̄ܽܘ ܢܰܗܺܝܪܳܐ ܘܽܗ̄ܘ ܟܰܡܺܝܠܳܐ، ܘܕܳܗ̄ܘ݄ܢ ܥܰܠ ܚܰܕ̥ܝܶܗ (ܨܰܕܪܶܗ) ܗ̄ܺܝ ܢܰܩܠܐ ܕܥܳܒ݄ܪ ܩ݄ܕ̱ܡ ܡܳܪܝܳܐ. ܘܛܳܥ݄ܢ ܐܰܗܪܽܘܢ ܗ̄ܰܕّܺܝܢ̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܥܰܠ ܚܰܕ̥ܝܶܗ ܩ݄ܕ̱ܡ ܡܳܪܝܳܐ ܒܰܐܡܺܝܢܽܘܬ̥ܳܐ.
31”ܘܣܘ̇ܡ ܗ̄ܽܘ ܣܰܬܪܳܐ ܕܺܗ̄ܝ ܦܶܕ̥ܬܳܐ ܟܽܘܠܶܗ ܡܶܢ̱ ܫܺܐܪܳܐ. 32ܘܕܳܗ̄ܘܶܐ ܦܶܡܳܐ ܕܪܺܝܫܶܗ ܒܓܰܘܶܗ. ܘܕܳܗ̄ܘܶܐ ܣܰܦ̊ܬ̥ܳܐ ܠܦܶܡܶܗ ܒܚܶܕ̥ܳܪܶܗ. ܥܒ̥ܳܕܳܐ ܙܩܺܝܪܳܐ ܐܟ̥ ܕܽܗ̄ܘ ܦܶܡܳܐ ܕܣܺܝܪܰܣ ܕܳܗ̄ܘܶܐ ܠܶܗ ܕܠܳܐ ܡܺܝܩ݄ܨ. 33ܘܣܘ̇ܡ ܥܰܠ ܗ̄ܰܫܦܽܘ̈ܠܰܝܕ̥ܶܗ ܪ̈ܰܝܡܽܘܢܶܐ ܕܫܺܐܪܳܐ ܘ݄ܕܐܰܪܓܘܳܢܳܐ ܘ݄ܨܒ̥ܳܥܳܐ ܣܶܡܳܩܳܐ ܥܰܠ ܗ̄ܰܫܦܽܘ̈ܠܰܝܕ̥ܶܗ ܒܚܶܕ̥ܳܪܶܗ ܟܽܘܠܶܗ، ܘܙܰܓ̈ܶܐ ܕܕܰܗܒ̥ܳܐ ܒܰܝܢܳܬ̥ܰܝّܶܗ ܒܚܶܕ̥ܳܪܶܗ. 34ܘܙܰܓܳܐ ܙܰܓܳܐ ܕܕܰܗܒ̥ܳܐ ܘܪ̈ܰܝܡܽܘܢܶܐ ܥܰܠ ܗ̄ܰܫܦܽܘ̈ܠܶܐ ܕܽܗ̄ܘ ܣܰܬܪܳܐ ܚܶܕ̥ܳܪܶܗ ܟܽܘܠܶܗ. 35ܘܕܳܗ̄ܘܶܐ ܥܰܠ ܐܰܗܪܽܘܢ ܒܺܗ̄ܝ ܬܶܫܡܶܫܬܳܐ. ܘ݄ܕܡ݄ܫܡ݄ܥ ܩܳܠܶܗ ܗ̄ܺܝ ܢܰܩܠܐ ܕܥܳܒ݄ܪ ܠܽܗ̄ܘ ܩܽܘܕܫܳܐ ܩ݄ܕ̱ܡ ܡܳܪܝܳܐ. ܘܺܗ̄ܝ ܢܰܩܠܐ ܕܢܳܦ݄ܩ ܕܠܳܐ ܡܳܝ݄ܬ̥
36”ܘܣܘ̇ܡ ܟܠܺܝܠܳܐ ܕܕܰܗܒ̥ܳܐ ܫܰܦܝܳܐ، ܘ݄ܢܩܰܫ ܐܰܥܠܶܗ ܢܩܳܫܳܐ ܕܛܰܒܥܳܐ: ܩܽܘܕܫܳܐ ܠܡܳܪܝܳܐ. 37ܘܡܰܚܶܬܶܗ ܥܰܠ ܚܽܘܛܳܐ ܕܫܺܐܪܳܐ ܘ݄ܓܕܳܗ̄ܘܶܐ ܥܰܠ ܗ̄ܺܝ ܡܰܨܢܰܦܬܳܐ (ܥܰܠ ܗ̄ܽܘ ܡܰܢܕܺܝܠܳܐ ܕܪܺܝܫܶܗ ܕܽܗ̄ܘ ܟܳܗܢܳܐ ܒܽܗ̄ܘ ܩܶܪܳܒ̥ܳܐ) ܘܩ݄ܕ̱ܡ ܦܳܬ̥ܳܐ ܕܺܗ̄ܝ ܡܰܨܢܰܦܬܳܐ ܗܳܘܶܐ. 38ܘܕܳܗ̄ܘܶܐ ܩ݄ܕ̱ܡ ܥܰܝܢ̈ܶܐ ܕܰܐܗܪܽܘܢ. ܘܰܐܗܪܽܘܢ ܓܛܳܥ݄ܢ ܗ̄ܰܚܛܳܗ̈ܶܐ (ܕܗܰܘ݄ܢ) ܠܩܽܘܕܫ̈ܶܐ ܕ݄ܡܩܰܕܫܺܝ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܠܟܽܘܠّܶܗ ܗ̄ܰܡّܰܘܗ̈ܒܳܬ̥ܳܐ ܕܩܽܘܕ̈ܫܰܬّ̥ܶܗ، ܘܕܳܗ̄ܘ݄ܢ ܒܰܝܢܶܗ ܕܥܰܝܢ̈ܶܗ ܟܘ̇ܠ ܙܰܒܢܳܐ ܕܡܺܝܬܰܩܒܠܺܝ ܩ݄ܕ̱ܡ ܡܳܪܝܳܐ. 39ܘܣܘ̇ܡ ܟܽܘܬܺܝܢܳܐ ܕܒܽܘܨܳܐ (ܫܺܐܪܳܐ)، ܘܣܘ̇ܡ ܡܰܨܢܰܦܬܳܐ ܕܒܽܘܨܳܐ، ܘܚܰܨܳܐ ܣܽܘܡ݄ܢ ܐܟ̥ ܕܽܗ̄ܘ ܥܒ̥ܳܕܳܐ ܕܽܗ̄ܘ ܨܰܝܳܪܳܐ.
40”ܘܠܰܗ̄ܢ ܐܰܒܢ̈ܶܐ ܕܰܐܗܪܽܘܢ ܣܘ̇ܡ ܩܶܡ݄ܣܝ̈ܳܬ̥ܳܐ، ܘܣܘ̇ܡ ܐܰܠّܶܗ ܚܰܨ̈ܶܐ، ܘܓܽܘܒܥ̈ܶܐ ܣܽܘܡ݄ܢ ܠܽܗ̄ܘ ܐܺܝܩܳܪܳܐ ܘܠܽܗ̄ܘ ܫܽܘܒܚܳܐ. 41ܘܡܰܠܒ̥݄ܫ ܠܰܐܗܪܽܘܢ ܐܰܚܽܘܢܳܟ̥ ܘܠܰܗ̄ܢ ܐܰܒܢ̈ܰܝܕ̥ܶܗ ܐܰܥܡܶܗ، ܘ݄ܡܫܰܚ݄ܢ ܘ݄ܪܫܰܡ݄ܢ ܘ݄ܡܩܰܕܶܫ݄ܢ ܕ݄ܡܟܰܗܢܺܝ ܠܺܝ. 42ܘܣܘ̇ܡ ܐܰܠّܶܗ ܫܰܪ̈ܒ̥ܳܠܶܐ ܕܽܗ̄ܘ ܫܺܐܪܳܐ ܕ݄ܡܟܰܣ݄ܢ ܗ̄ܽܘ ܓܽܘܫܡܰܬّ̥ܶܗ، ܡܶܢ̱ ܚ̈ܰܨܰܝّܶܗ ܠܥܰܛܡ̈ܳܬ̥ܰܝّܶܗ. 43ܘܕܳܗ̄ܘ݄ܢ ܥܰܠ ܐܰܗܪܽܘܢ ܘܥܰܠ ܗ̄ܰܢ ܐܰܒܢ̈ܰܝܕ̥ܶܗ ܗ̄ܺܝ ܢܰܩܠܐ ܕܥܳܒܪܺܝ ܠܽܗ̄ܘ ܡܰܫܟܰܢܙܰܒܢܳܐ، ܘܺܗ̄ܝ ܢܰܩܠܐ ܕ݄ܡܩܰܪܒ̥ܺܝ ܠܽܗ̄ܘ ܡܰܕ̥݄ܒܚܳܐ ܕ݄ܡܫܰܡܫܺܝ ܒܩܽܘܕܫܳܐ، ܕܠ݄ܐ ܐܙّܰܗ ܚܛܺܝܬ̥ܳܐ ܢܳܦܠܳܐ ܐܰܥܠܰܝّܶܗ ܘܡܰܝܬ̥ܺܝ. ܢܳܡܽܘܣܳܐ ܗ݄ܠ ܥܳܠܰܡ ܓܕܳܗ̄ܘܶܐ ܐܶܠܶܗ ܘܠܽܗ̄ܘ ܙܰܪܥܰܝܕ̥ܶܗ ܡܶܢ̱ ܒ݄ܬ̥ܪܶܗ.“
Právě zvoleno:
ܣܶܦܪܳܐ ܕܡܰܦܩܳܢܳܐ 28: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 28
28
1”ܘܗܰܬ ܡܩܰܪܽܒ̥ ܡܶܢܳܟ̥ ܐܰܚܽܘܢܳܟ̥ ܐܰܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܐܰܥܡܶܗ ܡܒܰܝܢ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܕ݄ܡܟܰܗܢܺܝ ܠܺܝ، ܐܰܗܪܽܘܢ ܘܢܳܕܳܒ ܘܰܐܒܺܝܗܽܘ ܘܶܐܠܺܝܥܳܙܳܪ ܘܺܐܝܬ̥ܳܡܳܪ ܗ̄ܰܢ ܐܰܒܢ̈ܶܐ ܕܰܐܗܪܽܘܢ. 2ܘܣܘ̇ܡ ܠܒܽܘܫ̈ܶܐ ܕܩܽܘܕܫܳܐ ܠܰܐܗܪܽܘܢ ܐܰܚܽܘܢܳܟ̥ ܠܽܗ̄ܘ ܐܺܝܩܳܪܳܐ ܘܠܺܗ̄ܝ ܬܶܫܒܽܘܚܬܳܐ. 3ܘܗܰܬ ܐܰܡܰܪ ܠܟܽܘܠّܶܗ ܗ̄ܰܚّܰܟܺܝܡ̈ܶܐ ܕܽܗ̄ܘ ܠܶܒܳܐ ܕ݄ܡܠܶܐ ܠܺܝ ܐܰܠّܶܗ ܪܽܘܚܳܐ ܕܚܶܟ̥ܡܬ̥ܳܐ ܕܣܰܝܡܺܝ ܠܒܽܘܫ̈ܶܐ ܕܩܽܘܕܫܳܐ ܠܰܐܗܪܽܘܢ ܕܡܺܝܩܰܕ݄ܫ ܘܗܳܘܶܐ ܠܺܝ ܟܳܗܢܳܐ. 4ܘܰܠܒܽܘܫ̈ܰܢܺܝ ܕܣܰܝܡ݄ܢّܶܗ: ܣܰܬܪܳܐ ܘܦܶܕ̥ܬܳܐ ܘ݄ܦܪܺܝܣܳܐ ܘܟܽܘܬܺܝܢܳܐ ܕܽܗ̄ܘ ܟܶܬܳܢܳܐ ܘܡܰܨܢܰܦܬܳܐ ܘܚܰܨܳܐ. ܘܣܰܝܡܺܝ ܠܒܽܘܫ̈ܶܐ ܕܽܗ̄ܘ ܩܽܘܕܫܳܐ ܠܰܐܗܪܽܘܢ ܐܰܚܽܘܢܳܟ̥ ܘܠܰܗ̄ܢ ܐܰܒܢ̈ܰܝܕ̥ܶܗ ܕ݄ܡܟܰܗܢܺܝ ܠܺܝ. 5ܘܗ݄ܢّܶܝ ܓܡܰܝܕܺܝ ܗ̄ܽܘ ܕܰܗܒ̥ܳܐ ܘܽܗ̄ܘ ܫܺܐܪܳܐ ܘܽܗ̄ܘ ܐܰܪܓܘܳܢܳܐ ܘܽܗ̄ܘ ܨܒ̥ܳܥܳܐ ܣܶܡܳܩܳܐ ܘܽܗ̄ܘ ܟܶܬܳܢܳܐ ܥܙܺܝܠܳܐ (ܓܕ̥ܺܝܠܳܐ).
6”ܘܣܰܝܡܺܝ ܦܶܕ̥ܬܳܐ ܕܕܰܗܒ̥ܳܐ ܫܺܐܪܳܐ ܘܰܐܪܓܘܳܢܳܐ ܘ݄ܨܒ̥ܳܥܳܐ ܣܶܡܳܩܳܐ ܘܟܶܬܳܢܳܐ ܥܙܺܝܠܳܐ ܣܺܝܡ ܒܺܐܝܕ̥ܳܐ ܡܗܺܝܪܬܳܐ. 7ܗ̄ܰܬّܰܪܬܶܝ ܟܰܬܦ̈ܳܬ̥ܳܐ ܓܕܳܗ̄ܘ݄ܢ ܡܕܰܒܩ̈ܶܐ ܐܰܠܰܗ ܥܰܠ ܗ̄ܰܬܪܶܝ ܓܰܒ̈ܰܝܕ̥ܰܗ ܕ݄ܡܺܝܕܰܒܩܺܝ. 8ܗ̄ܽܘ ܚܰܨܳܐ ܕܺܗ̄ܝ ܦܶܕ̥ܬܳܐ ܕܟ݄ܬ ܝܳܐ ܐܰܥܠܶܗ ܡܶܢܰܗ ܓܕܳܗ̄ܘܶܐ ܐܟ̥ ܕܣܺܝܡܳܐ: ܕܰܗܒ̥ܳܐ ܘܫܺܐܪܳܐ ܘܰܐܪܓܘܳܢܳܐ ܘ݄ܨܒ̥ܳܥܳܐ ܣܶܡܳܩܳܐ ܘܟܶܬܳܢܳܐ ܥܙܺܝܠܳܐ. 9ܘܡܘ̇ܕ ܬܰܪܬܶܝ ܟܶܐܦ̈ܶܐ ܕܒܶܪ̈ܽܘܠܶܐ ܘ݄ܓܠܰܦ (ܟܬ̥ܰܒ̥) ܐܰܥܠܰܝّܶܗ ܗ̄ܰܢ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. 10ܐ݄ܫܬܳܐ ܡܰܗ̄ܢ ܐ݄ܫܡܳܢ̈ܶܐ ܥܰܠ ܟܶܐܦܳܐ ܚܕ̥ܳܐ ܟܬ̥ܰܒ̥݄ܢ ܘܰܗ̄ܢ ܐ݄ܫܬܳܐ ܐ݄ܫܡܳܢ̈ܶܐ ܕܦܰܝܺܝܫܺܝ ܟܬ̥ܰܒ̥݄ܢ ܥܰܠ ܟܶܐܦܳܐ ܚܪܶܬܳܐ، ܐܟ̥ ܕܽܗ̄ܘ ܡܰܘܠܳܕܰܬّ̥ܶܗ. 11ܥܒ̥ܳܕܳܐ ܕܡܰܠܦܳܢܳܐ ܘܚܰܦܳܪܳܐ ܕܥܰܠ ܗ̄ܰܟّܶܐܦ̈ܶܐ ܚܦܰܪ ܬܰܪܬܶܝ ܟܶܐܦ̈ܶܐ ܥܰܠ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܢܩܺܝܫ̈ܶܐ ܘ݄ܡܫܰܪܪ̈ܶܐ ܒܕܰܗܒ̥ܳܐ ܣܽܘܡ݄ܢ. 12ܘܡܰܚ݄ܬ ܬܰܪܬܶܝ ܟܶܐܦ̈ܶܐ ܥܰܠ ܗ̄ܰܟّܰܬܦ̈ܳܬ̥ܳܐ ܕܺܗ̄ܝ ܦܶܕ̥ܬܳܐ. ܟܶܐܦ̈ܶܐ ܕܽܗ̄ܘ ܕܽܘܟ̥ܪܳܢܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. ܘܰܐܗܪܽܘܢ ܛܳܥ݄ܢ ܐ݄ܫ̈ܡܳܢܰܝّܶܗ ܩ݄ܕ̱ܡ ܡܳܪܝܳܐ ܥܰܠ ܟܰܬܦ̈ܳܬ̥ܶܗ ܗ̄ܰܬّܰܪܬܶܝ ܠܽܗ̄ܘ ܕܽܘܟ̥ܪܳܢܳܐ. 13ܘܣܘ̇ܡ ܬܰܪܬܶܝ ܟܪ̈ܽܘܠܝܳܬ̥ܳܐ ܕܕܰܗܒ̥ܳܐ. 14ܘܰܬّܰܪܬܶܝ ܫܶܫ̈ܠܳܬ̥ܳܐ ܕܕܰܗܒ̥ܳܐ ܫܰܦܝܳܐ ܩܛܺܝܪ̈ܶܐ ܣܽܘܡ݄ܢ، ܓܕ̥̈ܺܝܠܶܐ ܒ݄ܚܕ̥ܳܕ̥̈ܶܐ ܣܽܘܡ݄ܢ، ܘܡܰܚ݄ܬ ܬܰܪܬܶܝ ܫܶܫ̈ܠܳܬ̥ܳܐ ܡܰܐܬܶܡ̈ܳܬ̥ܳܐ (ܬܪܶܝ ܠܺܝܦ̈ܶܐ ܒ݄ܚܕ̥ܳܕ̥̈ܶܐ) ܥܰܠ ܗ̄ܰܟܪ̈ܽܘܠܝܳܬ̥ܳܐ.
15”ܘܣܘ̇ܡ ܗ̄ܽܘ ܦܪܺܝܣܳܐ ܕܽܗ̄ܘ ܒܶܝܬ̥ ܕܺܝܢܳܐ ܥܒ̥ܳܕܳܐ ܕܡܰܠܦܳܢܳܐ، ܐܟ̥ ܕܽܗ̄ܘ ܥܒ̥ܳܕܳܐ ܕܺܗ̄ܝ ܦܶܕ̥ܬܳܐ ܣܽܘܡܶܗ: ܕܰܗܒ̥ܳܐ ܘܫܺܐܪܳܐ ܘܰܐܪܓܘܳܢܳܐ ܘ݄ܨܒ̥ܳܥܳܐ ܣܶܡܳܩܳܐ ܘܟܶܬܳܢܳܐ ܓܕ̥ܺܝܠܳܐ ܣܽܘܡܶܗ. 16ܡܪܰܒܥܳܐ ܕܳܗ̄ܘܶܐ ܛܰܘܝܳܐ، ܣܺܝܛܳܐ ܗ̄ܽܘ ܝܽܘܪܟ̥ܰܝܕ̥ܶܗ ܘܣܺܝܛܳܐ ܗ̄ܽܘ ܦܶܬ̥ܘܰܝܕ̥ܶܗ. 17ܘܡܰܠܒ̥ܫܰܬ ܠܶܗ ܬܶܠܒ݄ܫܬܳܐ ܕܟܶܐܦ̈ܶܐ ܐܰܪܒܥܳܐ ܣܶܕ̥ܪ̈ܶܐ ܕܟܶܐܦ̈ܶܐ. ܗ̄ܽܘ ܣܶܕ̥ܪܳܐ ܩܰܕ̱ܡܳܝܳܐ ܣܶܡܳܩܳܐ ܘܚܰܡܳܪܢܳܝܳܐ ܘܒܰܪܳܩܳܐ، ܗ̄ܽܘ ܣܶܕ̥ܪܳܐ ܩܰܕ̱ܡܳܝܳܐ. 18ܘܽܗ̄ܘ ܣܶܕ̥ܪܳܐ ܚܪܶܢܳܐ ܨܰܕܺܝܕܳܐ ܘ݄ܣܦܺܝܠܳܐ (ܫܡܰܝܳܢܳܝܳܐ) ܘܢܶܩ݄ܥܬܳܐ (ܕܰܒ̥ܫܳܢܳܝܳܐ). 19ܘܽܗ̄ܘ ܣܶܕ̥ܪܳܐ ܕܰܬܠܳܬ̥ܳܐ ܫܰܥܽܘܬ̥ܳܐ ܘܕܰܒ̥ܫܳܢܳܐ ܘܥܰܝܢ ܥܓܶܠ. 20ܘܽܗ̄ܘ ܣܶܕ̥ܪܳܐ ܕܰܗ̄ܢ ܐܰܪܒܥܳܐ ܬܰܪܫܺܝܫ (ܟܶܐܦܳܐ ܚܶܘܳܪܬܳܐ) ܘܒܶܪܽܘܠܳܐ ܘܝܰܫܦܶܗ ܫܺܝܥ̈ܶܐ ܘܠܺܝܦ̈ܶܐ ܒܽܗ̄ܘ ܕܰܗܒ̥ܳܐ ܣܽܘܡ݄ܢ ܒܺܗ̄ܝ ܬܶܠܒ݄ܫܬܰܬّ̥ܶܗ. 21ܘܰܟّܶܐܦ̈ܶܐ ܓܕܳܗ̄ܘ݄ܢ ܥܰܠ ܗ̄ܰܢ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܬܪܰܥܣܰܪ ܥܰܠ ܗ̄ܰܢ ܐ݄ܫܡܳܢ̈ܰܬّ̥ܶܗ، ܚܦܺܝܪ̈ܶܐ ܚܦܳܪܳܐ ܕܛܰܒܥܳܐ، ܟܘ̇ܠ ܚܰܕ̱ ܥܰܠ ܐ݄ܫܡܶܗ ܛܪܳܐ ܗ̄ܘ݄ܢ ܠܰܬܪܰܥܣܰܪ ܫܰܒ̈ܛܶܐ. 22ܘܣܘ̇ܡ ܥܰܠ ܗ̄ܽܘ ܦܪܺܝܣܳܐ ܫܶܫ̈ܠܳܬ̥ܳܐ ܡܰܐܬܶܡ̈ܳܬ̥ܳܐ (ܬܪܶܝ ܓܕ̥̈ܺܝܠܶܐ ܒ݄ܚܕ̥ܳܕ̥̈ܶܐ) ܥܒ̥ܳܕܳܐ ܓܕ̥ܺܝܠܳܐ ܡܶܢ̱ ܕܰܗܒ̥ܳܐ ܫܰܦܝܳܐ. 23ܘܣܰܝܡܰܬ ܠܽܗ̄ܘ ܚܽܘܣܳܝܳܐ (ܬܰܟܣܺܝܬ̥ܳܐ) ܬܪܶܝ ܩܽܘܪ̈ܩܣܶܐ ܕܕܰܗܒ̥ܳܐ ܫܰܦܝܳܐ، ܘܡܰܚ݄ܬ ܗ̄ܰܬܪܶܝ ܩܽܘܪ̈ܩܣܶܐ ܥܰܠ ܗ̄ܰܬܪܶܝ ܓܰܒ̈ܶܐ ܕܽܗ̄ܘ ܚܽܘܣܳܝܳܐ (ܬܰܟܣܺܝܬ̥ܳܐ). 24ܘܡܰܚ݄ܬ ܬܰܪܬܶܝ ܓܕ̥̈ܺܝܠܶܐ ܕܕܰܗܒ̥ܳܐ ܥܰܠ ܗ̄ܰܬܪܶܝ ܩܽܘܪ̈ܩܣܶܐ ܕܥܰܠ ܗ̄ܰܬܪܶܝ ܓܰܒ̈ܶܐ ܕܽܗ̄ܘ ܚܽܘܣܳܝܳܐ. 25ܘܬܰܪܬܶܝ ܓܕ̥̈ܺܝܠܶܐ ܡܰܚܬܰܬ ܥܰܠ ܗ̄ܰܬܪܶܝ ܟܪ̈ܽܘܠܝܳܬ̥ܳܐ، ܘܡܰܚܬܰܬ ܥܰܠ ܟܰܬܦ̈ܳܬ̥ܳܐ ܕܺܗ̄ܝ ܦܶܕ̥ܬܳܐ ܡܩܰܒ݄ܠ ܕܦܳܬ̥ܰܗ. 26ܘܣܘ̇ܡ ܗ̄ܰܬܪܶܝ ܩܽܘܪ̈ܩܣܶܐ ܕܕܰܗܒ̥ܳܐ ܘܡܰܚܶܬ݄ܢ ܥܰܠ ܗ̄ܰܬܪܶܝ ܓܰܒ̈ܶܐ ܕܽܗ̄ܘ ܚܽܘܣܳܝܳܐ، ܥܰܠ ܗ̄ܽܘ ܓܰܒܳܐ ܕܥܰܠ ܣܶܦܰܗ ܕܺܗ̄ܝ ܦܶܕ̥ܬܳܐ ܡܶܢ̱ ܠܰܘܓ̥݄ܠ. 27ܘܣܘ̇ܡ ܗ̄ܰܬܪܶܝ ܩܽܘܪ̈ܩܣܶܐ ܕܕܰܗܒ̥ܳܐ، ܘܡܰܚܶܬ݄ܢ ܥܰܠ ܗ̄ܰܬّܰܪܬܶܝ ܟܰܬܦ̈ܳܬ̥ܶܗ ܕܺܗ̄ܝ ܦܶܕ̥ܬܳܐ ܡܶܢ̱ ܠܰܠܬܰܚ ܡܩܰܒ݄ܠ ܕܦܳܬ̥ܰܗ ܡܩܰܒ݄ܠ ܕܺܗ̄ܝ ܕܽܘܟܬ̥ܳܐ ܕܽܗ̄ܘ ܬܶܐܣܺܝܪܳܐ، ܠܰܠܥ݄ܠ ܡܶܢ̱ ܚܰܨܰܗ ܕܺܗ̄ܝ ܦܶܕ̥ܬܳܐ. 28ܘܡܰܐܣܪܺܝ ܗ̄ܽܘ ܦܪܺܝܣܳܐ ܡܰܢ̱ ܙّܰܩ݄ܙ̈ܩܳܬ̥ܰܝܕ̥ܶܗ ܠܰܙّܰܩ݄ܙ̈ܩܳܬ̥ܰܝܕ̥ܰܗ ܕܺܗ̄ܝ ܦܶܕ̥ܬܳܐ ܒܚܽܘܛܳܐ ܕܫܺܐܪܳܐ ܕܳܗ̄ܘܶܐ ܥܰܠ ܗ̄ܽܘ ܚܰܨܳܐ ܕܺܗ̄ܝ ܦܶܕ̥ܬܳܐ ܘܠܳܐ ܗܳܘܶܐ ܫܰܦ̊ܳܥܳܐ ܥܰܠ ܗ̄ܽܘ ܦܪܺܝܣܳܐ ܡܺܗ̄ܝ ܦܶܕ̥ܬܳܐ. 29ܘܰܐܗܪܽܘܢ ܛܳܥ݄ܢ ܗ̄ܰܢ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܒܽܗ̄ܘ ܦܪܺܝܣܳܐ ܕܽܗ̄ܘ ܕܺܝܢܳܐ ܥܰܠ ܚܰܕ̥ܝܶܗ (ܨܰܕܪܶܗ) ܗ̄ܺܝ ܢܰܩܠܐ ܕܥܳܒ݄ܪ ܠܽܗ̄ܘ ܩܽܘܕܫܳܐ ܐܟ̥ ܕܽܘܟ̥ܪܳܢܳܐ ܩ݄ܕ̱ܡ ܡܳܪܝܳܐ ܒܰܐܡܺܝܢܽܘܬ̥ܳܐ. 30ܘܡܰܚ݄ܬ ܥܰܠ ܗ̄ܽܘ ܦܪܺܝܣܳܐ ܕܽܗ̄ܘ ܕܺܝܢܳܐ ܗ̄ܽܘ ܢܰܗܺܝܪܳܐ ܘܽܗ̄ܘ ܟܰܡܺܝܠܳܐ، ܘܕܳܗ̄ܘ݄ܢ ܥܰܠ ܚܰܕ̥ܝܶܗ (ܨܰܕܪܶܗ) ܗ̄ܺܝ ܢܰܩܠܐ ܕܥܳܒ݄ܪ ܩ݄ܕ̱ܡ ܡܳܪܝܳܐ. ܘܛܳܥ݄ܢ ܐܰܗܪܽܘܢ ܗ̄ܰܕّܺܝܢ̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܥܰܠ ܚܰܕ̥ܝܶܗ ܩ݄ܕ̱ܡ ܡܳܪܝܳܐ ܒܰܐܡܺܝܢܽܘܬ̥ܳܐ.
31”ܘܣܘ̇ܡ ܗ̄ܽܘ ܣܰܬܪܳܐ ܕܺܗ̄ܝ ܦܶܕ̥ܬܳܐ ܟܽܘܠܶܗ ܡܶܢ̱ ܫܺܐܪܳܐ. 32ܘܕܳܗ̄ܘܶܐ ܦܶܡܳܐ ܕܪܺܝܫܶܗ ܒܓܰܘܶܗ. ܘܕܳܗ̄ܘܶܐ ܣܰܦ̊ܬ̥ܳܐ ܠܦܶܡܶܗ ܒܚܶܕ̥ܳܪܶܗ. ܥܒ̥ܳܕܳܐ ܙܩܺܝܪܳܐ ܐܟ̥ ܕܽܗ̄ܘ ܦܶܡܳܐ ܕܣܺܝܪܰܣ ܕܳܗ̄ܘܶܐ ܠܶܗ ܕܠܳܐ ܡܺܝܩ݄ܨ. 33ܘܣܘ̇ܡ ܥܰܠ ܗ̄ܰܫܦܽܘ̈ܠܰܝܕ̥ܶܗ ܪ̈ܰܝܡܽܘܢܶܐ ܕܫܺܐܪܳܐ ܘ݄ܕܐܰܪܓܘܳܢܳܐ ܘ݄ܨܒ̥ܳܥܳܐ ܣܶܡܳܩܳܐ ܥܰܠ ܗ̄ܰܫܦܽܘ̈ܠܰܝܕ̥ܶܗ ܒܚܶܕ̥ܳܪܶܗ ܟܽܘܠܶܗ، ܘܙܰܓ̈ܶܐ ܕܕܰܗܒ̥ܳܐ ܒܰܝܢܳܬ̥ܰܝّܶܗ ܒܚܶܕ̥ܳܪܶܗ. 34ܘܙܰܓܳܐ ܙܰܓܳܐ ܕܕܰܗܒ̥ܳܐ ܘܪ̈ܰܝܡܽܘܢܶܐ ܥܰܠ ܗ̄ܰܫܦܽܘ̈ܠܶܐ ܕܽܗ̄ܘ ܣܰܬܪܳܐ ܚܶܕ̥ܳܪܶܗ ܟܽܘܠܶܗ. 35ܘܕܳܗ̄ܘܶܐ ܥܰܠ ܐܰܗܪܽܘܢ ܒܺܗ̄ܝ ܬܶܫܡܶܫܬܳܐ. ܘ݄ܕܡ݄ܫܡ݄ܥ ܩܳܠܶܗ ܗ̄ܺܝ ܢܰܩܠܐ ܕܥܳܒ݄ܪ ܠܽܗ̄ܘ ܩܽܘܕܫܳܐ ܩ݄ܕ̱ܡ ܡܳܪܝܳܐ. ܘܺܗ̄ܝ ܢܰܩܠܐ ܕܢܳܦ݄ܩ ܕܠܳܐ ܡܳܝ݄ܬ̥
36”ܘܣܘ̇ܡ ܟܠܺܝܠܳܐ ܕܕܰܗܒ̥ܳܐ ܫܰܦܝܳܐ، ܘ݄ܢܩܰܫ ܐܰܥܠܶܗ ܢܩܳܫܳܐ ܕܛܰܒܥܳܐ: ܩܽܘܕܫܳܐ ܠܡܳܪܝܳܐ. 37ܘܡܰܚܶܬܶܗ ܥܰܠ ܚܽܘܛܳܐ ܕܫܺܐܪܳܐ ܘ݄ܓܕܳܗ̄ܘܶܐ ܥܰܠ ܗ̄ܺܝ ܡܰܨܢܰܦܬܳܐ (ܥܰܠ ܗ̄ܽܘ ܡܰܢܕܺܝܠܳܐ ܕܪܺܝܫܶܗ ܕܽܗ̄ܘ ܟܳܗܢܳܐ ܒܽܗ̄ܘ ܩܶܪܳܒ̥ܳܐ) ܘܩ݄ܕ̱ܡ ܦܳܬ̥ܳܐ ܕܺܗ̄ܝ ܡܰܨܢܰܦܬܳܐ ܗܳܘܶܐ. 38ܘܕܳܗ̄ܘܶܐ ܩ݄ܕ̱ܡ ܥܰܝܢ̈ܶܐ ܕܰܐܗܪܽܘܢ. ܘܰܐܗܪܽܘܢ ܓܛܳܥ݄ܢ ܗ̄ܰܚܛܳܗ̈ܶܐ (ܕܗܰܘ݄ܢ) ܠܩܽܘܕܫ̈ܶܐ ܕ݄ܡܩܰܕܫܺܝ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܠܟܽܘܠّܶܗ ܗ̄ܰܡّܰܘܗ̈ܒܳܬ̥ܳܐ ܕܩܽܘܕ̈ܫܰܬّ̥ܶܗ، ܘܕܳܗ̄ܘ݄ܢ ܒܰܝܢܶܗ ܕܥܰܝܢ̈ܶܗ ܟܘ̇ܠ ܙܰܒܢܳܐ ܕܡܺܝܬܰܩܒܠܺܝ ܩ݄ܕ̱ܡ ܡܳܪܝܳܐ. 39ܘܣܘ̇ܡ ܟܽܘܬܺܝܢܳܐ ܕܒܽܘܨܳܐ (ܫܺܐܪܳܐ)، ܘܣܘ̇ܡ ܡܰܨܢܰܦܬܳܐ ܕܒܽܘܨܳܐ، ܘܚܰܨܳܐ ܣܽܘܡ݄ܢ ܐܟ̥ ܕܽܗ̄ܘ ܥܒ̥ܳܕܳܐ ܕܽܗ̄ܘ ܨܰܝܳܪܳܐ.
40”ܘܠܰܗ̄ܢ ܐܰܒܢ̈ܶܐ ܕܰܐܗܪܽܘܢ ܣܘ̇ܡ ܩܶܡ݄ܣܝ̈ܳܬ̥ܳܐ، ܘܣܘ̇ܡ ܐܰܠّܶܗ ܚܰܨ̈ܶܐ، ܘܓܽܘܒܥ̈ܶܐ ܣܽܘܡ݄ܢ ܠܽܗ̄ܘ ܐܺܝܩܳܪܳܐ ܘܠܽܗ̄ܘ ܫܽܘܒܚܳܐ. 41ܘܡܰܠܒ̥݄ܫ ܠܰܐܗܪܽܘܢ ܐܰܚܽܘܢܳܟ̥ ܘܠܰܗ̄ܢ ܐܰܒܢ̈ܰܝܕ̥ܶܗ ܐܰܥܡܶܗ، ܘ݄ܡܫܰܚ݄ܢ ܘ݄ܪܫܰܡ݄ܢ ܘ݄ܡܩܰܕܶܫ݄ܢ ܕ݄ܡܟܰܗܢܺܝ ܠܺܝ. 42ܘܣܘ̇ܡ ܐܰܠّܶܗ ܫܰܪ̈ܒ̥ܳܠܶܐ ܕܽܗ̄ܘ ܫܺܐܪܳܐ ܕ݄ܡܟܰܣ݄ܢ ܗ̄ܽܘ ܓܽܘܫܡܰܬّ̥ܶܗ، ܡܶܢ̱ ܚ̈ܰܨܰܝّܶܗ ܠܥܰܛܡ̈ܳܬ̥ܰܝّܶܗ. 43ܘܕܳܗ̄ܘ݄ܢ ܥܰܠ ܐܰܗܪܽܘܢ ܘܥܰܠ ܗ̄ܰܢ ܐܰܒܢ̈ܰܝܕ̥ܶܗ ܗ̄ܺܝ ܢܰܩܠܐ ܕܥܳܒܪܺܝ ܠܽܗ̄ܘ ܡܰܫܟܰܢܙܰܒܢܳܐ، ܘܺܗ̄ܝ ܢܰܩܠܐ ܕ݄ܡܩܰܪܒ̥ܺܝ ܠܽܗ̄ܘ ܡܰܕ̥݄ܒܚܳܐ ܕ݄ܡܫܰܡܫܺܝ ܒܩܽܘܕܫܳܐ، ܕܠ݄ܐ ܐܙّܰܗ ܚܛܺܝܬ̥ܳܐ ܢܳܦܠܳܐ ܐܰܥܠܰܝّܶܗ ܘܡܰܝܬ̥ܺܝ. ܢܳܡܽܘܣܳܐ ܗ݄ܠ ܥܳܠܰܡ ܓܕܳܗ̄ܘܶܐ ܐܶܠܶܗ ܘܠܽܗ̄ܘ ܙܰܪܥܰܝܕ̥ܶܗ ܡܶܢ̱ ܒ݄ܬ̥ܪܶܗ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation