ܣܶܦܪܳܐ ܕܡܰܦܩܳܢܳܐ 27
27
1”ܘܣܘ̇ܡ ܡܰܕ̥݄ܒܚܳܐ ܡܽܗ̄ܘ ܩܰܝܣܳܐ ܕܶܐܫܟܳܪܥܳܐ. ܚܰܡܫܳܐ ܕܪ̈ܳܥܶܐ ܗ̄ܽܘ ܝܽܘܪܟ̥ܰܝܕ̥ܶܗ ܘܚܰܡܫܳܐ ܕܪ̈ܳܥܶܐ ܗ̄ܽܘ ܦܶܬ̥ܘܰܝܕ̥ܶܗ. ܡܪܰܒܥܳܐ ܗܳܘܶܐ ܗ̄ܽܘ ܡܰܕ̥݄ܒܚܳܐ. ܘ݄ܬܠܳܬ̥ܳܐ ܕܪ̈ܳܥܶܐ ܗ̄ܽܘ ܥ݄ܠܝܰܝܕ̥ܶܗ. 2ܘܣܘ̇ܡ ܗ̄ܰܩّܰܪ̈ܢܳܬ̥ܰܝܕ̥ܶܗ ܥܰܠ ܐܰܪܒܰܥ ܩܳܪ̈ܢܰܘܳܬ̥ܰܝܕ̥ܶܗ، ܡܶܢܶܗ ܕܳܗ̄ܘ݄ܢ ܗ̄ܰܩّܰܪ̈ܢܳܬ̥ܰܝܕ̥ܶܗ، ܘܡܰܠܒ̥ܶܫܶܗ ܢܚܳܫܳܐ. 3ܘܣܘ̇ܡ ܗ̄ܰܣّܶܦܳܩ̈ܰܝܕ̥ܶܗ ܠܺܗ̄ܝ ܬܶܫܡܶܫܬܰܝܕ̥ܶܗ ܘܺܐܝܕ̥̈ܳܬ̥ܶܗ ܘܰܩّܰܪ̈ܕܳܠܰܝܕ̥ܶܗ ܘܰܡّܰܠܩ̈ܛܰܝܕ̥ܶܗ ܘܰܦّܶܪ̈ܡܰܝܕ̥ܶܗ، ܘܟܽܘܠّܶܗ ܗ̄ܰܣّܶܦܳܩ̈ܶܐ ܚܪ̈ܶܢܶܐ ܣܰܝܡܰܬ ܡܽܗ̄ܘ ܢܚܳܫܳܐ. 4ܘܣܘ̇ܡ ܩܰܪܩܰܠ ܐܟ̥ ܕܽܗ̄ܘ ܥܒ̥ܳܕܳܐ ܕܺܗ̄ܝ ܡܨܺܝܕܬܳܐ ܕܽܗ̄ܘ ܢܚܳܫܳܐ، ܘܣܘ̇ܡ ܥܰܠ ܗ̄ܽܘ ܩܰܪܩܰܠ ܐܰܪܒܰܥ ܙܰܩ݄ܙ̈ܩܳܬ̥ܳܐ ܕ݄ܢܚܳܫܳܐ ܥܰܠ ܗ̄ܰܢ ܐܰܪܒܥܳܐ ܓܰܒ̈ܰܝܕ̥ܶܗ. 5ܡܰܚܶܬܶܗ ܬܰܚܬ ܗ̄ܰܫܦܽܘ̈ܠܶܐ ܕܽܗ̄ܘ ܡܰܕ̥݄ܒܚܳܐ ܡܶܢ̱ ܠܰܠܬܰܚ، ܘܕܳܗ̄ܘܶܐ ܗ̄ܽܘ ܩܰܪܩܰܠ ܗ݄ܠ ܦܰܠܓܶܗ ܕܽܗ̄ܘ ܡܰܕ̥݄ܒܚܳܐ. 6ܘܣܘ̇ܡ ܪ̈ܰܘܛܶܐ ܠܽܗ̄ܘ ܡܰܕ̥݄ܒܚܳܐ، ܪ̈ܰܘܛܶܐ ܡܽܗ̄ܘ ܩܰܝܣܳܐ ܕܶܐܫܟܳܪܥܳܐ، ܘܡܰܠܒ̥ܶܫ݄ܢ ܒܽܗ̄ܘ ܢܚܳܫܳܐ. 7ܘܡܰܥܒ݄ܪ ܗ̄ܰܪّܰܘ̈ܛܶܐ ܒܰܚّܰܠܰܩ̈ܝܳܬ̥ܳܐ، ܘܕܳܗ̄ܘ݄ܢ ܥܰܠ ܗ̄ܰܬܪܶܝ ܓܰܒ̈ܶܐ ܕܽܗ̄ܘ ܡܰܕ̥݄ܒܚܳܐ ܗ̄ܺܝ ܢܰܩܠܐ ܕܛܳܥܢܺܝ ܠܶܗ. 8ܕܰܦ̈ܶܐ ܥܰܡܽܘܩ̈ܶܐ ܣܰܝܡܰܬ ܠܶܗ ܐܟ̥ ܕܡܰܚܘܶܐ ܠܺܝ ܠܳܟ̥ ܒܽܗ̄ܘ ܛܽܘܪܳܐ. ܗܰܘܟ̥ܰܐ ܛܪܳܐ ܣܰܝܡܺܝ.
9”ܘܣܘ̇ܡ ܕ݄ܪܬܳܐ ܠܽܗ̄ܘ ܡܰܫܟܢܳܐ. ܠܰܐܦ ܗ̄ܺܝ ܗܰܘܰܐ ܕܽܗ̄ܘ ܬܰܝܡܢܳܐ ܓܕܳܗ̄ܘ݄ܢ ܣܶܕܪ̈ܶܐ ܕܟܶܬܳܢܳܐ ܓܕ̥ܺܝܠܳܐ ܠܺܗ̄ܝ ܕ݄ܪܬܳܐ. ܡܳܐܐ ܕܪ̈ܳܥܶܐ ܗ̄ܽܘ ܝܽܘܪܟ̥ܳܐ ܕܚܰܕ̱ ܣܶܕܪܳܐ. 10ܘܰܥّܰܡܽܘܕ̈ܰܝܕ̥ܶܗ ܥ݄ܣܪܺܝ ܘܰܣّܳܡܟ̥̈ܰܝܕ̥ܶܗ ܥ݄ܣܪܺܝ ܕܽܗ̄ܘ ܢܚܳܫܳܐ ܘܰܩّܽܘܒ̈ܥܶܐ ܕܰܥّܰܡܽܘܕ̈ܶܐ ܘܡܰܠܒ̥ܫ̈ܶܐ ܒܽܗ̄ܘ ܣܶܐܡܳܐ. 11ܘܗܰܘܟ̥ܰܐ ܠܽܗ̄ܘ ܓܰܒܳܐ ܕܽܗ̄ܘ ܓܰܪܒܝܳܐ ܒܽܗ̄ܘ ܝܽܘܪܟ̥ܳܐ ܣܶܕܪ̈ܶܐ ܡܳܐܐ ܕܪ̈ܳܥܶܐ، ܘܰܥّܰܡܽܘܕ̈ܰܝܕ̥ܶܗ ܥ݄ܣܪܺܝ ܘܰܣّܳܡܟ̥̈ܰܝܕ̥ܶܗ ܥ݄ܣܪܺܝ ܕܽܗ̄ܘ ܢܚܳܫܳܐ. ܘܰܩّܽܘܒ̈ܥܶܐ ܕܰܥّܰܡܽܘܕ̈ܶܐ ܘܡܰܠܒ̥ܫ̈ܶܐ ܒܽܗ̄ܘ ܣܶܐܡܳܐ. 12ܘܽܗ̄ܘ ܦܶܬ̥ܘܳܐ ܕܺܗ̄ܝ ܕ݄ܪܬܳܐ ܡܽܗ̄ܘ ܓܰܒܳܐ ܕܽܗ̄ܘ ܡܰܥܪܒܳܐ ܣܶܕܪ̈ܶܐ ܚܰܡܫܺܝ ܕܪ̈ܳܥܶܐ، ܘܰܥّܰܡܽܘܕ̈ܰܬّ̥ܶܗ ܥܰܣܪܳܐ ܘܰܣّܳܡܟ̥̈ܰܬّ̥ܶܗ ܥܰܣܪܳܐ. 13ܘܽܗ̄ܘ ܦܶܬ̥ܘܳܐ ܕܺܗ̄ܝ ܕ݄ܪܬܳܐ ܡܽܗ̄ܘ ܓܰܒܳܐ ܕܽܗ̄ܘ ܡܰܕ݄ܢܚܳܐ ܚܰܡܫܺܝ ܕܪ̈ܳܥܶܐ. 14ܘܚܰܡܫܰܥܣܰܪ ܕܪ̈ܳܥܶܐ ܠܰܣّܶܕܪ̈ܶܐ ܕܽܗ̄ܘ ܓܰܒܳܐ، ܗ̄ܰܥّܰܡܽܘܕ̈ܰܬّ̥ܶܗ ܬܠܳܬ̥ܳܐ ܘܰܣّܳܡܟ̥̈ܰܬّ̥ܶܗ ܬܠܳܬ̥ܳܐ. 15ܘܠܽܗ̄ܘ ܓܰܒܳܐ ܕܰܬܪܶܝ ܚܰܡܫܰܥܣܰܪ ܣܶܕܪ̈ܶܐ، ܗ̄ܰܥّܰܡܽܘܕ̈ܰܬّ̥ܶܗ ܬܠܳܬ̥ܳܐ ܘܰܣّܳܡܟ̥̈ܰܬّ̥ܶܗ ܬܠܳܬ̥ܳܐ. 16ܘܠܽܗ̄ܘ ܬܰܪܥܳܐ ܕܺܗ̄ܝ ܕ݄ܪܬܳܐ ܦܪܳܣܳܐ ܥ݄ܣܪܺܝ ܕܪ̈ܳܥܶܐ ܕܽܗ̄ܘ ܫܺܐܪܳܐ ܘܰܐܪܓܘܳܢܳܐ ܘ݄ܨܒ̥ܳܥܳܐ ܣܶܡܳܩܳܐ ܘܟܶܬܳܢܳܐ ܥܙܺܝܠܳܐ ܥܒ̥ܳܕܳܐ ܫܰܦܺܝܪܳܐ ܗ̄ܰܥّܰܡܽܘܕ̈ܰܬّ̥ܶܗ ܗ̄ܰܢ ܐܰܪܒܥܳܐ. ܘܰܣّܳܡܟ̥̈ܰܬّ̥ܶܗ ܗ̄ܰܢ ܐܰܪܒܥܳܐ. 17ܟܽܘܠّܶܗ ܗ̄ܰܥّܰܡܽܘܕ̈ܶܐ ܕܺܗ̄ܝ ܕ݄ܪܬܳܐ ܕܟ݄ܬܢܶܝ ܚܶܕ̥ܳܪܰܗ ܡܰܠܒ̥ܫ̈ܶܐ ܒܽܗ̄ܘ ܣܶܐܡܳܐ ܘܰܩّܽܘܒ̈ܥܰܬّ̥ܶܗ ܕܣܶܐܡܳܐ ܘܰܣّܳܡܟ̥̈ܰܬّ̥ܶܗ ܕ݄ܢܚܳܫܳܐ. 18ܘܽܗ̄ܘ ܝܽܘܪܟ̥ܳܐ ܕܺܗ̄ܝ ܕ݄ܪܬܳܐ ܡܳܐܐ ܕܪ̈ܳܥܶܐ، ܘܽܗ̄ܘ ܦܶܬ̥ܘܰܝܕ̥ܰܗ ܚܰܡܫܺܝ ܒܚܰܡܫܺܝ، ܘܽܗ̄ܘ ܥ݄ܠܝܰܝܕ̥ܰܗ ܚܰܡܫܳܐ ܕܪ̈ܳܥܶܐ ܕܟܶܬܳܢܳܐ ܥܙܺܝܠܳܐ ܘܰܣّܳܡܟ̥̈ܰܬّ̥ܶܗ ܕ݄ܢܚܳܫܳܐ. 19ܟܽܘܠّܶܗ ܗ̄ܰܣّܶܦܳܩ̈ܶܐ ܕܽܗ̄ܘ ܡܰܫܟܢܳܐ، ܘܟܽܘܠܶܗ ܗ̄ܽܘ ܥܒ̥ܳܕܰܝܕ̥ܶܗ، ܘܟܽܘܠّܶܗ ܗ̄ܰܣّܶܟ̈ܰܝܕ̥ܶܗ ܘܟܽܘܠّܶܗ ܗ̄ܰܣّܶܟ̈ܶܐ ܕܺܗ̄ܝ ܕ݄ܪܬܳܐ ܕܽܗ̄ܘ ܢܚܳܫܳܐ.
20”ܘܗܰܬ ܗܰܒ̥ ܦܽܘܩܕܳܢܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܕܡܰܝܕܺܝ ܠܳܟ̥ ܡ݄ܫܚܳܐ ܕܰܟ̥ܝܳܐ ܙܰܝܬܳܐ ܥܨܺܝܪܳܐ ܕܡܰܢ݄ܗܪܺܝ ܗ̄ܰܫܪ̈ܳܓ̥ܶܐ ܒܰܐܡܺܝܢܽܘܬ̥ܳܐ. 21ܒܽܗ̄ܘ ܡܰܫܟܰܢܙܰܒܢܳܐ، ܠܰܪܒ̥ܰܠ ܡܽܗ̄ܘ ܦܪܳܣܳܐ ܕܥܰܠ ܗ̄ܺܝ ܣܳܗܕܽܘܬ̥ܳܐ، ܐܰܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܓ݄ܡܛܰܟܣ݄ܢّܶܗ ܡܶܢ̱ ܛܒ̥ܳܥܶܗ ܕܝܰܘܡܳܐ ܗ݄ܠ ܣܠܳܩܶܗ ܩ݄ܕ̱ܡ ܡܳܪܝܳܐ، ܢܳܡܽܘܣܳܐ ܠܥܳܠܰܡ ܠܕܳܪܳܐ ܒ݄ܬ̥ܪܶܗ ܕܕܳܪܳܐ ܡܽܗ̄ܘ ܓܰܒܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ.“
Právě zvoleno:
ܣܶܦܪܳܐ ܕܡܰܦܩܳܢܳܐ 27: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 27
27
1”ܘܣܘ̇ܡ ܡܰܕ̥݄ܒܚܳܐ ܡܽܗ̄ܘ ܩܰܝܣܳܐ ܕܶܐܫܟܳܪܥܳܐ. ܚܰܡܫܳܐ ܕܪ̈ܳܥܶܐ ܗ̄ܽܘ ܝܽܘܪܟ̥ܰܝܕ̥ܶܗ ܘܚܰܡܫܳܐ ܕܪ̈ܳܥܶܐ ܗ̄ܽܘ ܦܶܬ̥ܘܰܝܕ̥ܶܗ. ܡܪܰܒܥܳܐ ܗܳܘܶܐ ܗ̄ܽܘ ܡܰܕ̥݄ܒܚܳܐ. ܘ݄ܬܠܳܬ̥ܳܐ ܕܪ̈ܳܥܶܐ ܗ̄ܽܘ ܥ݄ܠܝܰܝܕ̥ܶܗ. 2ܘܣܘ̇ܡ ܗ̄ܰܩّܰܪ̈ܢܳܬ̥ܰܝܕ̥ܶܗ ܥܰܠ ܐܰܪܒܰܥ ܩܳܪ̈ܢܰܘܳܬ̥ܰܝܕ̥ܶܗ، ܡܶܢܶܗ ܕܳܗ̄ܘ݄ܢ ܗ̄ܰܩّܰܪ̈ܢܳܬ̥ܰܝܕ̥ܶܗ، ܘܡܰܠܒ̥ܶܫܶܗ ܢܚܳܫܳܐ. 3ܘܣܘ̇ܡ ܗ̄ܰܣّܶܦܳܩ̈ܰܝܕ̥ܶܗ ܠܺܗ̄ܝ ܬܶܫܡܶܫܬܰܝܕ̥ܶܗ ܘܺܐܝܕ̥̈ܳܬ̥ܶܗ ܘܰܩّܰܪ̈ܕܳܠܰܝܕ̥ܶܗ ܘܰܡّܰܠܩ̈ܛܰܝܕ̥ܶܗ ܘܰܦّܶܪ̈ܡܰܝܕ̥ܶܗ، ܘܟܽܘܠّܶܗ ܗ̄ܰܣّܶܦܳܩ̈ܶܐ ܚܪ̈ܶܢܶܐ ܣܰܝܡܰܬ ܡܽܗ̄ܘ ܢܚܳܫܳܐ. 4ܘܣܘ̇ܡ ܩܰܪܩܰܠ ܐܟ̥ ܕܽܗ̄ܘ ܥܒ̥ܳܕܳܐ ܕܺܗ̄ܝ ܡܨܺܝܕܬܳܐ ܕܽܗ̄ܘ ܢܚܳܫܳܐ، ܘܣܘ̇ܡ ܥܰܠ ܗ̄ܽܘ ܩܰܪܩܰܠ ܐܰܪܒܰܥ ܙܰܩ݄ܙ̈ܩܳܬ̥ܳܐ ܕ݄ܢܚܳܫܳܐ ܥܰܠ ܗ̄ܰܢ ܐܰܪܒܥܳܐ ܓܰܒ̈ܰܝܕ̥ܶܗ. 5ܡܰܚܶܬܶܗ ܬܰܚܬ ܗ̄ܰܫܦܽܘ̈ܠܶܐ ܕܽܗ̄ܘ ܡܰܕ̥݄ܒܚܳܐ ܡܶܢ̱ ܠܰܠܬܰܚ، ܘܕܳܗ̄ܘܶܐ ܗ̄ܽܘ ܩܰܪܩܰܠ ܗ݄ܠ ܦܰܠܓܶܗ ܕܽܗ̄ܘ ܡܰܕ̥݄ܒܚܳܐ. 6ܘܣܘ̇ܡ ܪ̈ܰܘܛܶܐ ܠܽܗ̄ܘ ܡܰܕ̥݄ܒܚܳܐ، ܪ̈ܰܘܛܶܐ ܡܽܗ̄ܘ ܩܰܝܣܳܐ ܕܶܐܫܟܳܪܥܳܐ، ܘܡܰܠܒ̥ܶܫ݄ܢ ܒܽܗ̄ܘ ܢܚܳܫܳܐ. 7ܘܡܰܥܒ݄ܪ ܗ̄ܰܪّܰܘ̈ܛܶܐ ܒܰܚّܰܠܰܩ̈ܝܳܬ̥ܳܐ، ܘܕܳܗ̄ܘ݄ܢ ܥܰܠ ܗ̄ܰܬܪܶܝ ܓܰܒ̈ܶܐ ܕܽܗ̄ܘ ܡܰܕ̥݄ܒܚܳܐ ܗ̄ܺܝ ܢܰܩܠܐ ܕܛܳܥܢܺܝ ܠܶܗ. 8ܕܰܦ̈ܶܐ ܥܰܡܽܘܩ̈ܶܐ ܣܰܝܡܰܬ ܠܶܗ ܐܟ̥ ܕܡܰܚܘܶܐ ܠܺܝ ܠܳܟ̥ ܒܽܗ̄ܘ ܛܽܘܪܳܐ. ܗܰܘܟ̥ܰܐ ܛܪܳܐ ܣܰܝܡܺܝ.
9”ܘܣܘ̇ܡ ܕ݄ܪܬܳܐ ܠܽܗ̄ܘ ܡܰܫܟܢܳܐ. ܠܰܐܦ ܗ̄ܺܝ ܗܰܘܰܐ ܕܽܗ̄ܘ ܬܰܝܡܢܳܐ ܓܕܳܗ̄ܘ݄ܢ ܣܶܕܪ̈ܶܐ ܕܟܶܬܳܢܳܐ ܓܕ̥ܺܝܠܳܐ ܠܺܗ̄ܝ ܕ݄ܪܬܳܐ. ܡܳܐܐ ܕܪ̈ܳܥܶܐ ܗ̄ܽܘ ܝܽܘܪܟ̥ܳܐ ܕܚܰܕ̱ ܣܶܕܪܳܐ. 10ܘܰܥّܰܡܽܘܕ̈ܰܝܕ̥ܶܗ ܥ݄ܣܪܺܝ ܘܰܣّܳܡܟ̥̈ܰܝܕ̥ܶܗ ܥ݄ܣܪܺܝ ܕܽܗ̄ܘ ܢܚܳܫܳܐ ܘܰܩّܽܘܒ̈ܥܶܐ ܕܰܥّܰܡܽܘܕ̈ܶܐ ܘܡܰܠܒ̥ܫ̈ܶܐ ܒܽܗ̄ܘ ܣܶܐܡܳܐ. 11ܘܗܰܘܟ̥ܰܐ ܠܽܗ̄ܘ ܓܰܒܳܐ ܕܽܗ̄ܘ ܓܰܪܒܝܳܐ ܒܽܗ̄ܘ ܝܽܘܪܟ̥ܳܐ ܣܶܕܪ̈ܶܐ ܡܳܐܐ ܕܪ̈ܳܥܶܐ، ܘܰܥّܰܡܽܘܕ̈ܰܝܕ̥ܶܗ ܥ݄ܣܪܺܝ ܘܰܣّܳܡܟ̥̈ܰܝܕ̥ܶܗ ܥ݄ܣܪܺܝ ܕܽܗ̄ܘ ܢܚܳܫܳܐ. ܘܰܩّܽܘܒ̈ܥܶܐ ܕܰܥّܰܡܽܘܕ̈ܶܐ ܘܡܰܠܒ̥ܫ̈ܶܐ ܒܽܗ̄ܘ ܣܶܐܡܳܐ. 12ܘܽܗ̄ܘ ܦܶܬ̥ܘܳܐ ܕܺܗ̄ܝ ܕ݄ܪܬܳܐ ܡܽܗ̄ܘ ܓܰܒܳܐ ܕܽܗ̄ܘ ܡܰܥܪܒܳܐ ܣܶܕܪ̈ܶܐ ܚܰܡܫܺܝ ܕܪ̈ܳܥܶܐ، ܘܰܥّܰܡܽܘܕ̈ܰܬّ̥ܶܗ ܥܰܣܪܳܐ ܘܰܣّܳܡܟ̥̈ܰܬّ̥ܶܗ ܥܰܣܪܳܐ. 13ܘܽܗ̄ܘ ܦܶܬ̥ܘܳܐ ܕܺܗ̄ܝ ܕ݄ܪܬܳܐ ܡܽܗ̄ܘ ܓܰܒܳܐ ܕܽܗ̄ܘ ܡܰܕ݄ܢܚܳܐ ܚܰܡܫܺܝ ܕܪ̈ܳܥܶܐ. 14ܘܚܰܡܫܰܥܣܰܪ ܕܪ̈ܳܥܶܐ ܠܰܣّܶܕܪ̈ܶܐ ܕܽܗ̄ܘ ܓܰܒܳܐ، ܗ̄ܰܥّܰܡܽܘܕ̈ܰܬّ̥ܶܗ ܬܠܳܬ̥ܳܐ ܘܰܣّܳܡܟ̥̈ܰܬّ̥ܶܗ ܬܠܳܬ̥ܳܐ. 15ܘܠܽܗ̄ܘ ܓܰܒܳܐ ܕܰܬܪܶܝ ܚܰܡܫܰܥܣܰܪ ܣܶܕܪ̈ܶܐ، ܗ̄ܰܥّܰܡܽܘܕ̈ܰܬّ̥ܶܗ ܬܠܳܬ̥ܳܐ ܘܰܣّܳܡܟ̥̈ܰܬّ̥ܶܗ ܬܠܳܬ̥ܳܐ. 16ܘܠܽܗ̄ܘ ܬܰܪܥܳܐ ܕܺܗ̄ܝ ܕ݄ܪܬܳܐ ܦܪܳܣܳܐ ܥ݄ܣܪܺܝ ܕܪ̈ܳܥܶܐ ܕܽܗ̄ܘ ܫܺܐܪܳܐ ܘܰܐܪܓܘܳܢܳܐ ܘ݄ܨܒ̥ܳܥܳܐ ܣܶܡܳܩܳܐ ܘܟܶܬܳܢܳܐ ܥܙܺܝܠܳܐ ܥܒ̥ܳܕܳܐ ܫܰܦܺܝܪܳܐ ܗ̄ܰܥّܰܡܽܘܕ̈ܰܬّ̥ܶܗ ܗ̄ܰܢ ܐܰܪܒܥܳܐ. ܘܰܣّܳܡܟ̥̈ܰܬّ̥ܶܗ ܗ̄ܰܢ ܐܰܪܒܥܳܐ. 17ܟܽܘܠّܶܗ ܗ̄ܰܥّܰܡܽܘܕ̈ܶܐ ܕܺܗ̄ܝ ܕ݄ܪܬܳܐ ܕܟ݄ܬܢܶܝ ܚܶܕ̥ܳܪܰܗ ܡܰܠܒ̥ܫ̈ܶܐ ܒܽܗ̄ܘ ܣܶܐܡܳܐ ܘܰܩّܽܘܒ̈ܥܰܬّ̥ܶܗ ܕܣܶܐܡܳܐ ܘܰܣّܳܡܟ̥̈ܰܬّ̥ܶܗ ܕ݄ܢܚܳܫܳܐ. 18ܘܽܗ̄ܘ ܝܽܘܪܟ̥ܳܐ ܕܺܗ̄ܝ ܕ݄ܪܬܳܐ ܡܳܐܐ ܕܪ̈ܳܥܶܐ، ܘܽܗ̄ܘ ܦܶܬ̥ܘܰܝܕ̥ܰܗ ܚܰܡܫܺܝ ܒܚܰܡܫܺܝ، ܘܽܗ̄ܘ ܥ݄ܠܝܰܝܕ̥ܰܗ ܚܰܡܫܳܐ ܕܪ̈ܳܥܶܐ ܕܟܶܬܳܢܳܐ ܥܙܺܝܠܳܐ ܘܰܣّܳܡܟ̥̈ܰܬّ̥ܶܗ ܕ݄ܢܚܳܫܳܐ. 19ܟܽܘܠّܶܗ ܗ̄ܰܣّܶܦܳܩ̈ܶܐ ܕܽܗ̄ܘ ܡܰܫܟܢܳܐ، ܘܟܽܘܠܶܗ ܗ̄ܽܘ ܥܒ̥ܳܕܰܝܕ̥ܶܗ، ܘܟܽܘܠّܶܗ ܗ̄ܰܣّܶܟ̈ܰܝܕ̥ܶܗ ܘܟܽܘܠّܶܗ ܗ̄ܰܣّܶܟ̈ܶܐ ܕܺܗ̄ܝ ܕ݄ܪܬܳܐ ܕܽܗ̄ܘ ܢܚܳܫܳܐ.
20”ܘܗܰܬ ܗܰܒ̥ ܦܽܘܩܕܳܢܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܕܡܰܝܕܺܝ ܠܳܟ̥ ܡ݄ܫܚܳܐ ܕܰܟ̥ܝܳܐ ܙܰܝܬܳܐ ܥܨܺܝܪܳܐ ܕܡܰܢ݄ܗܪܺܝ ܗ̄ܰܫܪ̈ܳܓ̥ܶܐ ܒܰܐܡܺܝܢܽܘܬ̥ܳܐ. 21ܒܽܗ̄ܘ ܡܰܫܟܰܢܙܰܒܢܳܐ، ܠܰܪܒ̥ܰܠ ܡܽܗ̄ܘ ܦܪܳܣܳܐ ܕܥܰܠ ܗ̄ܺܝ ܣܳܗܕܽܘܬ̥ܳܐ، ܐܰܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܓ݄ܡܛܰܟܣ݄ܢّܶܗ ܡܶܢ̱ ܛܒ̥ܳܥܶܗ ܕܝܰܘܡܳܐ ܗ݄ܠ ܣܠܳܩܶܗ ܩ݄ܕ̱ܡ ܡܳܪܝܳܐ، ܢܳܡܽܘܣܳܐ ܠܥܳܠܰܡ ܠܕܳܪܳܐ ܒ݄ܬ̥ܪܶܗ ܕܕܳܪܳܐ ܡܽܗ̄ܘ ܓܰܒܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation