ܐܶܓܰܪܬ̥ܳܐ ܠܰܩّܽܘܪ̈ܢܬ̥ܳܝܶܐ ܐ 1
1
ܗ̄ܽܘ ܪܺܝܫܳܐ، ܘ݄ܫܠܳܡ̈ܶܐ
1ܦܰܘܠܳܘܣ، ܩܰܪܝܳܐ ܘ݄ܫܠܺܝܚܳܐ ܕܝܶܫܽܘܥ ܡܫܺܝܚܳܐ، ܒܽܗ̄ܘ ܨܶܒܝܳܢܳܐ ܕܰܐܠܳܗܳܐ، ܘܣܳܘܣܬܶܢܺܣ ܗ̄ܽܘ ܐܰܚܽܘܢܳܐ، 2ܠܺܗ̄ܝ ܥܺܕ̱ܬܳܐ ܕܰܐܠܳܗܳܐ ܕ݄ܒܩܳܘܪܺܢܬ̥ܳܘܣ، ܗ̄ܰܩّܰܪ̈ܝܶܐ ܘܰܩّܰܕ̈ܺܝܫܶܐ ܕ݄ܡܩܰܕܫܺܝ ܒܝܶܫܽܘܥ ܡܫܺܝܚܳܐ، ܘ݄ܠܟܽܘܠّܶܗ ܐܰܝܢܰܐ ܕܩܳܪ݄ܢ ܐ݄ܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ، ܒܟܽܘܠ ܐܰܬ̥ܪܳܐ، ܕܕܺܝܕ̥ܰܢ ܘܕ݄ܬّ̥ܶܗ، 3ܛܰܝܒܽܘܬ̥ܳܐ ܐܰܥܡܰܝܟ̥ܽܘ ܘ݄ܫܠܳܡܳܐ ܡܰܢ̱ ܐܠܳܗܳܐ ܗ̄ܽܘ ܐܰܒܰܝܕ̥ܰܢ ܘܡܶܢ̱ ܡܳܪܰܢ ܝܶܫܽܘܥ ܡܫܺܝܚܳܐ.
ܬܰܘܕܺܝܬ̥ܳܐ
4ܟܡܰܘܕܶܐ ܐ̱ܢܳܐ ܠܽܗ̄ܘ ܐܰܠܳܗܰܝܕ̥ܺܝ ܒܟܽܘܠ ܙܰܒܢܳܐ ܥܰܠ ܦܳܬ̥ܰܝܟ̥ܽܘ ܥܰܠ ܗ̄ܺܝ ܛܰܝܒܽܘܬ̥ܳܐ ܕܰܐܠܳܗܳܐ ܕܗܺܝܒ̥ܳܐ ܐܰܠܟ̥ܽܘ ܒܝܶܫܽܘܥ ܡܫܺܝܚܳܐ. 5ܕ݄ܒܟܽܘܠ ܡܶܕܶܐ ܗܰܘܺܝܬܽܘ ܥܰܬܺܝܪ̈ܶܐ ܐܶܒܶܗ ܒܟܽܘܠ ܡܰܐܡܪܳܐ ܘ݄ܒܟܽܘܠ ܝܕ̥ܰܥܬܳܐ، 6ܐܟ̥ ܕܺܗ̄ܝ ܣܳܗܕܽܘܬ̥ܳܐ ܕ݄ܡܫܺܝܚܳܐ ܕ݄ܡܫܰܪܪܳܐ ܐܰܒܟ̥ܽܘ، 7ܕܠܳܐ ܢܰܩ݄ܨ ܐܰܥܠܰܝܟ̥ܽܘ ܘܠܳܐ ܚܕ̥ܳܐ ܡܰܢ̱ ܡّܰܘܗܒ̈ܳܬ̥ܰܝܕ̥ܶܗ، ܘܗܰܬܽܘ ܟܢ݄ܛܪܺܝܬܽܘ ܠܽܗ̄ܘ ܓܶܠܝܳܢܳܐ ܕܡܳܪܰܢ ܝܶܫܽܘܥ ܡܫܺܝܚܳܐ. 8ܕܗܺܝّܶܗ ܡܫܰܪܰܪܟ̥ܽܘ ܗܳܠ ܠܺܗ̄ܝ ܚܰܪܰܝܬܳܐ، ܠܰܫܰܢ ܕܳܗ̄ܘܺܝܬܽܘ ܕܠܳܐ ܥܰܝܒܳܐ ܒܽܗ̄ܘ ܝܰܘܡܳܐ ܕܡܳܪܰܢ ܝܶܫܽܘܥ ܡܫܺܝܚܳܐ. 9ܘܫܰܪܺܝܪܳܐ ܝܳܐ ܐܰܠܳܗܳܐ ܕܒܺܐܝܕ̥ܶܗ ܩܪܶܐ ܠܶܗ ܠܟ̥ܽܘ ܠܺܗ̄ܝ ܫܰܘܬܳܦܽܘܬ̥ܳܐ ܕܽܗ̄ܘ ܐܰܒܪܰܝܕ̥ܶܗ ܝܶܫܽܘܥ ܡܫܺܝܚܳܐ، ܡܳܪܰܢ.
ܗ̄ܰܩّܰܛܪ̈ܶܐ ܕܒܰܝܢ ܗ̄ܽܘ ܥܰܡܳܐ ܕܩܽܘܪ̈ܢܬ̥ܳܝܶܐ
ܗ̄ܰܦܠܺܝܓ̥ܘ̈ܳܬ̥ܳܐ ܕܒܰܝܢ ܗ̄ܰܡܗܰܝܡܢ̈ܶܐ
10ܝܰܐ ܐܰܚ̈ܽܘܢܳܢܶܐ، ܟܳܐܒܰܥ ܐ̱ܢܳܐ ܡ݄ܢܟ̥ܽܘ ܒ݄ܐܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ ܕܳܗ̄ܘܰܠܟ̥ܽܘ ܚܕ̥ܳܐ ܡܶܠܬ̥ܳܐ ܠܟܽܘ̇ܠܟ̥ܽܘ، ܘܠܳܐ ܗ̄ܘܶܐ ܦܠܺܝܓ̥ܽܘܬ̥ܳܐ ܒܰܝܢܳܬ̥ܰܝܟ̥ܽܘ، ܐܶܠܳܐ ܕܳܗ̄ܘܺܝܬܽܘ ܟܰܡܺܝ̈ܠܶܐ ܒܚܰܕ̱ ܝܽܘܠܦܳܢܳܐ ܘ݄ܒܚܰܕ̱ ܪܶܥܝܳܢܳܐ. 11ܝܰܐ ܐܰܚ̈ܽܘܢܳܢܶܐ، ܢܳܫ̈ܶܐ ܡܶܢ̱ ܒܶܝܬ̥ ܟܠܳܐܶܐ ܡܫܰܕܰܪّܰܗ ܠܺܝ (ܘܐܡ݄ܪّܰܗ ܠܺܝ) ܐܰܥܠܰܝܟ̥ܽܘ ܕܟܺܝܬ ܡܰܐܡܪܳܐ ܘܬܶܢܳܝܳܐ ܒܰܝܢܳܬ̥ܰܝܟ̥ܽܘ. 12ܘܗܰܬ̥ܶܐ ܟܳܐܡܰܪ ܐ̱ܢܳܐ ܕܟܺܝܬ ܗ݄ܢ ܡ݄ܢܟ̥ܽܘ ܕܟܳܐܡ݄ܪ: ”ܐܳܢܳܐ ܕܦܰܘܠܳܘܣ ܐ̱ܢܳܐ،“ ܘܟܺܝܬ ܕܟܳܐܡ݄ܪ: ”ܐܳܢܳܐ ܕܰܐܦܳ̊ܠܳܘ ܐ̱ܢܳܐ،“ ܘܟܺܝܬ ܕܟܳܐܡ݄ܪ: ”ܐܳܢܳܐ ܕܟܶܐܦܳܐ ܐ̱ܢܳܐ،“ ܘܟܺܝܬ ܕܟܳܐܡ݄ܪ: ”ܐܳܢܳܐ ܕ݄ܡܫܺܝܚܳܐ ܐ̱ܢܳܐ.“ 13ܩܰܝ ܦܠܺܝܓ̥ ܡܫܺܝܚܳܐ؟ ܐܰܘ ܩܰܝ ܦܰܘܠܳܘܣ ܨܠܺܝܒ̥ ܠܰܫܰܢܰܝܟ̥ܽܘ؟ ܘܩܰܝ ܒ݄ܐܫܡܳܐ ܕܦܰܘܠܳܘܣ ܥܰܡܺܝܕ̥ܺܝܬܽܘ؟ 14ܟܡܰܘܕܶܐ ܐ̱ܢܳܐ ܠܰܐܠܳܗܰܝܕ̥ܺܝ ܕܢܳܫܳܐ ܡ݄ܢܟ̥ܽܘ ܠܳܐ ܡܰܥܡܰܕ̥ ܠܺܝ، ܐܶܠܳܐ ܠ݄ܟܪܺܝܣܦܳܘܣ ܘ݄ܠܓܰܐܝܳܘܣ، 15ܕܠܳܐ ܢܳܫܳܐ ܐܳܡ݄ܪ ܕܳܐܢܳܐ ܒ݄ܐܫܡܺܝ ܡܰܥܡܰܕ̥ ܠܺܝ. 16ܘܡܰܥܡܰܕ̥ ܠܺܝ ܣܬܶܝ ܠܽܗ̄ܘ ܒܰܝܬܳܐ ܕܶܐܣܛܶܦܰܢܰܐ، ܘܠܳܐ ܟܳܐܬ̥ܶܐ ܠܒܳܠܺܝ ܕܡܰܥܡܰܕ̥ ܠܺܝ ܢܳܫܳܐ ܚܪܶܢܳܐ. 17ܡܺܐܝܕ̥ܶܗ ܕ݄ܡܫܺܝܚܳܐ ܠܳܐ ܡܫܰܕܰܪ ܠܶܗ ܠܺܝ ܕܡܰܥܡܰܕ̥ ܐ̱ܢܳܐ ܐܶܠܳܐ ܕ݄ܡܣܰܒܰܪ ܐ̱ܢܳܐ، ܠܳܐ ܒܡ̈ܶܠܶܐ ܕܺܗ̄ܝ ܚܶܟ̥ܡܬ̥ܳܐ، ܕܠܳܐ ܒܳܛ݄ܠ (ܗ̄ܽܘ ܚܰܝܠܳܐ) ܕܽܗ̄ܘ ܨܠܺܝܒܳܐ ܕ݄ܡܫܺܝܚܳܐ.
ܡ݄ܢܝܳܐ ܗ̄ܽܘ ܨܠܺܝܒܳܐ
18ܗ̄ܺܝ ܡܶܠܬ̥ܳܐ ܕܽܗ̄ܘ ܨܠܺܝܒܳܐ ܒܰܛ݄ܠܬܳܐ ܝܳܐ ܓܰܒ ܗ̄ܰܡܣܰܟܪ̈ܶܐ. ܐܶܠܳܐ ܐܶܠܰܢ ܕܗܰܘܺܝ ܠܰܢ ܚܰܝ̈ܶܐ ܚܰܝܠܳܐ ܕܰܐܠܳܗܳܐ ܝܳܐ. 19ܡܺܐܝܕ̥ܶܗ ܕ݄ܟܬ̥ܺܝܒ̥: ”ܓ݄ܡܣܰܟܰܪ ܐ̱ܢܳܐ ܗ̄ܺܝ ܚܶܟ̥ܡܬ̥ܳܐ ܕܰܚّܰܟܺܝܡ̈ܶܐ، ܘܓ݄ܡܒܰܛܰܠ ܐ̱ܢܳܐ ܗ̄ܽܘ ܝܽܘܠܦܳܢܳܐ ܕܰܝّܰܠܺܝ̈ܦܶܐ.“
20ܐܰܝܟܳܐ ܝܳܐ ܗ̄ܽܘ ܚܰܟܺܝܡܳܐ؟ ܘܰܐܝܟܳܐ ܝܳܐ ܗ̄ܽܘ ܝܰܠܺܝܦܳܐ؟ ܐܰܘ ܐܰܝܟܳܐ ܝܳܐ ܗ̄ܽܘ ܕܳܪܽܘܫܳܐ ܕܽܗ̄ܘ ܥܳܠܡܰܢܳܐ؟ ܠܳܐ ܟܰܐܠܶܗ ܐܰܠܳܗܳܐ ܡܚܰܩܰܪ ܠܶܗ ܗ̄ܺܝ ܚܶܟ̥ܡܬ̥ܳܐ ܕܽܗ̄ܘ ܥܳܠܡܰܢܳܐ. 21ܡܺܐܝܕ̥ܶܗ ܕܒܺܗ̄ܝ ܚܶܟ̥ܡܬ̥ܳܐ ܕܰܐܠܳܗܳܐ، ܗ̄ܽܘ ܥܳܠܡܳܐ ܠܳܐ ܩܰܕ݄ܪ ܕܳܐܕ̥݄ܥ ܐܰܠܳܗܳܐ ܒܺܗ̄ܝ ܚܶܟ̥ܡܬ̥ܳܐ (ܕܽܗ̄ܘ ܥܳܠܡܳܐ). ܘܰܐܠܳܗܳܐ ܐܰܒ݄ܥ ܕܒܺܗ̄ܝ ܦܫܺܝܛܽܘܬ̥ܳܐ ܕܺܗ̄ܝ ܟܳܪܽܘܙܽܘܬ̥ܳܐ ܕܳܗ̄ܒܶܐ ܚܰܝ̈ܶܐ ܠܰܗ̄ܢܺܝ ܕܟ݄ܡܗܰܝܡܢܺܝ. 22ܡܺܐܝܕ̥ܶܗ ܕܰܝّܽܘܕ̥̈ܳܝܶܐ ܟ݄ܡܫܰܐܺܠܺܝ ܥܰܠ ܐܳܬ̥ܘ̈ܳܬ̥ܳܐ، ܘܰܗ̄ܢ ܐܰܪ̈ܡܳܝܶܐ ܟ݄ܐܒܥܺܝ ܚܶܟ̥ܡܬ̥ܳܐ، 23ܘܰܐܚܢܰܐ ܟܟ݄ܪܙܺܝܢܰܐ ܒ݄ܡܫܺܝܚܳܐ ܘܗܺܝّܶܗ ܨܠܺܝܒܳܐ. (ܗܰܢܳܐ) ܛܶܪܒܰܠܬܳܐ ܝܳܐ ܠܰܝّܽܘܕ̥̈ܳܝܶܐ، ܘܠܰܗ̄ܢ ܐܰܪ̈ܡܳܝܶܐ ܡܰܐܡܪܳܐ ܕܠܳܐ ܛܰܥܡܳܐ ܝܳܐ. 24ܐܶܠܳܐ ܠܰܗ̄ܢܺܝ ܕ݄ܩܪ݄ܢ ܡܰܢ̱ ܝّܽܘܕ̥̈ܳܝܶܐ ܘܡܰܗ̄ܢ ܐܰܪ̈ܡܳܝܶܐ، ܡܫܺܝܚܳܐ ܚܰܝܠܳܐ ܕܰܐܠܳܗܳܐ ܝܳܐ ܘܺܗ̄ܝ ܚܶܟ̥ܡܬ̥ܳܐ ܕܰܐܠܳܗܳܐ ܝܳܐ. 25ܥܰܠ ܕܺܗ̄ܝ ܦܫܺܝܛܽܘܬ̥ܳܐ ܕܰܐܠܳܗܳܐ ܙ݄ܕ ܚܰܟ݄ܡܬܳܐ ܝܳܐ ܡܺܗ̄ܝ ܚܶܟ̥ܡܬ̥ܳܐ ܕܰܗ̄ܢ ܢܳܫ̈ܶܐ. ܘܺܗ̄ܝ ܪܰܦܝܽܘܬ̥ܳܐ ܕܰܐܠܳܗܳܐ ܒܚܰܝܠܳܐ ܝܳܐ ܙ݄ܕ ܡܰܗ̄ܢ ܢܳܫ̈ܶܐ. 26ܚܙܰܝܽܘ ܗ̄ܺܝ ܩܪܰܝܬܰܬ̥ܟ̥ܽܘ ܣܬܶܝ، ܝܰܐ ܐܰܚ̈ܽܘܢܳܢܶܐ، ܗܰܬܽܘ: ܕܒܽܗ̄ܘ ܦܰܓ̥ܪܳܐ، ܓ̥ܰܠܰܒܶܐ ܡ݄ܢܟ̥ܽܘ ܠܰܝ̱ܬ ܢܶܝ ܚܰܟܺܝܡ̈ܶܐ، ܘܠܳܐ ܚܺܝܨ̈ܶܐ، ܘܠܳܐ ܡܶܢ̱ ܓܶܢܣܳܐ ܪܰܒܳܐ. 27ܐܶܠܳܐ ܐܰܠܳܗܳܐ ܓܒܶܐ ܠܶܗ ܠܳܐ ܗ̄ܰܣّܰܟ̥̈ܠܶܐ ܕܽܗ̄ܘ ܥܳܠܡܳܐ ܕ݄ܡܢܰܟ݄ܦ ܠܰܚّܰܟܺܝܡ̈ܶܐ، ܘ݄ܓܒܶܐ ܠܶܗ ܗ̄ܰܪّܰܦܝ̈ܶܐ ܕܽܗ̄ܘ ܥܳܠܡܳܐ ܕ݄ܡܢܰܟ݄ܦ ܠܰܚّܰܝܠܬܳܢ̈ܶܐ. 28ܘ݄ܓܒܶܐ ܠܶܗ ܠܰܐܝܢܰܐ ܕܠܰܝ̱ܬ ܢܶܝ ܡܶܢ̱ ܓܶܢܣܳܐ ܪܰܒܳܐ ܒܽܗ̄ܘ ܥܳܠܡܳܐ، ܘܠܰܐܝܢܰܐ ܕܠܰܝ̱ܬّܶܗ ܚܫܳܒ̥ܳܐ ܒܥܰܝܢܶܗ ܕܰܗ̄ܢ ܢܳܫ̈ܶܐ، ܠܰܫܰܢ ܕ݄ܡܒܰܛ݄ܠ (ܘܬܳܒ̥݄ܪ) ܠܰܐܝܢܰܐ ܕ݄ܟܚ݄ܫܒ̥ܺܝ ܪܽܘܚܰܝّܶܗ ܡܶܕܶܐ، 29ܠܰܫܰܢ ܢܳܫܳܐ ܠܳܐ ܡܺܝܫܰܒܗ݄ܪ ܩܽܘܕ̱ܡܶܗ (ܕܰܐܠܳܗܳܐ). 30ܘܗܰܬܽܘ ܣܬܶܝ ܡܶܢܶܗ ܗܰܬܽܘ ܒܝܶܫܽܘܥ ܡܫܺܝܚܳܐ، ܗܰܘܳܐ ܕܗܰܘܺܝ ܠܰܢ ܚܶܟ̥ܡܬ̥ܳܐ ܡܰܢ̱ ܐܠܳܗܳܐ، ܘܙܰܕܺܝܩܽܘܬ̥ܳܐ ܘܩܰܕܺܝܫܽܘܬ̥ܳܐ ܘܦܽܘܪܩܳܢܳܐ. 31ܐܟ̥ ܕ݄ܟܬ̥ܺܝܒ̥: ”ܡܰܢ ܕܡܺܝܫܰܒܗ݄ܪ، ܒܡܳܪܝܳܐ ܛܪܳܐ ܡܺܝܫܰܒܗ݄ܪ.“
Právě zvoleno:
ܐܶܓܰܪܬ̥ܳܐ ܠܰܩّܽܘܪ̈ܢܬ̥ܳܝܶܐ ܐ 1: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܐܶܓܰܪܬ̥ܳܐ ܠܰܩّܽܘܪ̈ܢܬ̥ܳܝܶܐ ܐ 1
1
ܗ̄ܽܘ ܪܺܝܫܳܐ، ܘ݄ܫܠܳܡ̈ܶܐ
1ܦܰܘܠܳܘܣ، ܩܰܪܝܳܐ ܘ݄ܫܠܺܝܚܳܐ ܕܝܶܫܽܘܥ ܡܫܺܝܚܳܐ، ܒܽܗ̄ܘ ܨܶܒܝܳܢܳܐ ܕܰܐܠܳܗܳܐ، ܘܣܳܘܣܬܶܢܺܣ ܗ̄ܽܘ ܐܰܚܽܘܢܳܐ، 2ܠܺܗ̄ܝ ܥܺܕ̱ܬܳܐ ܕܰܐܠܳܗܳܐ ܕ݄ܒܩܳܘܪܺܢܬ̥ܳܘܣ، ܗ̄ܰܩّܰܪ̈ܝܶܐ ܘܰܩّܰܕ̈ܺܝܫܶܐ ܕ݄ܡܩܰܕܫܺܝ ܒܝܶܫܽܘܥ ܡܫܺܝܚܳܐ، ܘ݄ܠܟܽܘܠّܶܗ ܐܰܝܢܰܐ ܕܩܳܪ݄ܢ ܐ݄ܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ، ܒܟܽܘܠ ܐܰܬ̥ܪܳܐ، ܕܕܺܝܕ̥ܰܢ ܘܕ݄ܬّ̥ܶܗ، 3ܛܰܝܒܽܘܬ̥ܳܐ ܐܰܥܡܰܝܟ̥ܽܘ ܘ݄ܫܠܳܡܳܐ ܡܰܢ̱ ܐܠܳܗܳܐ ܗ̄ܽܘ ܐܰܒܰܝܕ̥ܰܢ ܘܡܶܢ̱ ܡܳܪܰܢ ܝܶܫܽܘܥ ܡܫܺܝܚܳܐ.
ܬܰܘܕܺܝܬ̥ܳܐ
4ܟܡܰܘܕܶܐ ܐ̱ܢܳܐ ܠܽܗ̄ܘ ܐܰܠܳܗܰܝܕ̥ܺܝ ܒܟܽܘܠ ܙܰܒܢܳܐ ܥܰܠ ܦܳܬ̥ܰܝܟ̥ܽܘ ܥܰܠ ܗ̄ܺܝ ܛܰܝܒܽܘܬ̥ܳܐ ܕܰܐܠܳܗܳܐ ܕܗܺܝܒ̥ܳܐ ܐܰܠܟ̥ܽܘ ܒܝܶܫܽܘܥ ܡܫܺܝܚܳܐ. 5ܕ݄ܒܟܽܘܠ ܡܶܕܶܐ ܗܰܘܺܝܬܽܘ ܥܰܬܺܝܪ̈ܶܐ ܐܶܒܶܗ ܒܟܽܘܠ ܡܰܐܡܪܳܐ ܘ݄ܒܟܽܘܠ ܝܕ̥ܰܥܬܳܐ، 6ܐܟ̥ ܕܺܗ̄ܝ ܣܳܗܕܽܘܬ̥ܳܐ ܕ݄ܡܫܺܝܚܳܐ ܕ݄ܡܫܰܪܪܳܐ ܐܰܒܟ̥ܽܘ، 7ܕܠܳܐ ܢܰܩ݄ܨ ܐܰܥܠܰܝܟ̥ܽܘ ܘܠܳܐ ܚܕ̥ܳܐ ܡܰܢ̱ ܡّܰܘܗܒ̈ܳܬ̥ܰܝܕ̥ܶܗ، ܘܗܰܬܽܘ ܟܢ݄ܛܪܺܝܬܽܘ ܠܽܗ̄ܘ ܓܶܠܝܳܢܳܐ ܕܡܳܪܰܢ ܝܶܫܽܘܥ ܡܫܺܝܚܳܐ. 8ܕܗܺܝّܶܗ ܡܫܰܪܰܪܟ̥ܽܘ ܗܳܠ ܠܺܗ̄ܝ ܚܰܪܰܝܬܳܐ، ܠܰܫܰܢ ܕܳܗ̄ܘܺܝܬܽܘ ܕܠܳܐ ܥܰܝܒܳܐ ܒܽܗ̄ܘ ܝܰܘܡܳܐ ܕܡܳܪܰܢ ܝܶܫܽܘܥ ܡܫܺܝܚܳܐ. 9ܘܫܰܪܺܝܪܳܐ ܝܳܐ ܐܰܠܳܗܳܐ ܕܒܺܐܝܕ̥ܶܗ ܩܪܶܐ ܠܶܗ ܠܟ̥ܽܘ ܠܺܗ̄ܝ ܫܰܘܬܳܦܽܘܬ̥ܳܐ ܕܽܗ̄ܘ ܐܰܒܪܰܝܕ̥ܶܗ ܝܶܫܽܘܥ ܡܫܺܝܚܳܐ، ܡܳܪܰܢ.
ܗ̄ܰܩّܰܛܪ̈ܶܐ ܕܒܰܝܢ ܗ̄ܽܘ ܥܰܡܳܐ ܕܩܽܘܪ̈ܢܬ̥ܳܝܶܐ
ܗ̄ܰܦܠܺܝܓ̥ܘ̈ܳܬ̥ܳܐ ܕܒܰܝܢ ܗ̄ܰܡܗܰܝܡܢ̈ܶܐ
10ܝܰܐ ܐܰܚ̈ܽܘܢܳܢܶܐ، ܟܳܐܒܰܥ ܐ̱ܢܳܐ ܡ݄ܢܟ̥ܽܘ ܒ݄ܐܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ ܕܳܗ̄ܘܰܠܟ̥ܽܘ ܚܕ̥ܳܐ ܡܶܠܬ̥ܳܐ ܠܟܽܘ̇ܠܟ̥ܽܘ، ܘܠܳܐ ܗ̄ܘܶܐ ܦܠܺܝܓ̥ܽܘܬ̥ܳܐ ܒܰܝܢܳܬ̥ܰܝܟ̥ܽܘ، ܐܶܠܳܐ ܕܳܗ̄ܘܺܝܬܽܘ ܟܰܡܺܝ̈ܠܶܐ ܒܚܰܕ̱ ܝܽܘܠܦܳܢܳܐ ܘ݄ܒܚܰܕ̱ ܪܶܥܝܳܢܳܐ. 11ܝܰܐ ܐܰܚ̈ܽܘܢܳܢܶܐ، ܢܳܫ̈ܶܐ ܡܶܢ̱ ܒܶܝܬ̥ ܟܠܳܐܶܐ ܡܫܰܕܰܪّܰܗ ܠܺܝ (ܘܐܡ݄ܪّܰܗ ܠܺܝ) ܐܰܥܠܰܝܟ̥ܽܘ ܕܟܺܝܬ ܡܰܐܡܪܳܐ ܘܬܶܢܳܝܳܐ ܒܰܝܢܳܬ̥ܰܝܟ̥ܽܘ. 12ܘܗܰܬ̥ܶܐ ܟܳܐܡܰܪ ܐ̱ܢܳܐ ܕܟܺܝܬ ܗ݄ܢ ܡ݄ܢܟ̥ܽܘ ܕܟܳܐܡ݄ܪ: ”ܐܳܢܳܐ ܕܦܰܘܠܳܘܣ ܐ̱ܢܳܐ،“ ܘܟܺܝܬ ܕܟܳܐܡ݄ܪ: ”ܐܳܢܳܐ ܕܰܐܦܳ̊ܠܳܘ ܐ̱ܢܳܐ،“ ܘܟܺܝܬ ܕܟܳܐܡ݄ܪ: ”ܐܳܢܳܐ ܕܟܶܐܦܳܐ ܐ̱ܢܳܐ،“ ܘܟܺܝܬ ܕܟܳܐܡ݄ܪ: ”ܐܳܢܳܐ ܕ݄ܡܫܺܝܚܳܐ ܐ̱ܢܳܐ.“ 13ܩܰܝ ܦܠܺܝܓ̥ ܡܫܺܝܚܳܐ؟ ܐܰܘ ܩܰܝ ܦܰܘܠܳܘܣ ܨܠܺܝܒ̥ ܠܰܫܰܢܰܝܟ̥ܽܘ؟ ܘܩܰܝ ܒ݄ܐܫܡܳܐ ܕܦܰܘܠܳܘܣ ܥܰܡܺܝܕ̥ܺܝܬܽܘ؟ 14ܟܡܰܘܕܶܐ ܐ̱ܢܳܐ ܠܰܐܠܳܗܰܝܕ̥ܺܝ ܕܢܳܫܳܐ ܡ݄ܢܟ̥ܽܘ ܠܳܐ ܡܰܥܡܰܕ̥ ܠܺܝ، ܐܶܠܳܐ ܠ݄ܟܪܺܝܣܦܳܘܣ ܘ݄ܠܓܰܐܝܳܘܣ، 15ܕܠܳܐ ܢܳܫܳܐ ܐܳܡ݄ܪ ܕܳܐܢܳܐ ܒ݄ܐܫܡܺܝ ܡܰܥܡܰܕ̥ ܠܺܝ. 16ܘܡܰܥܡܰܕ̥ ܠܺܝ ܣܬܶܝ ܠܽܗ̄ܘ ܒܰܝܬܳܐ ܕܶܐܣܛܶܦܰܢܰܐ، ܘܠܳܐ ܟܳܐܬ̥ܶܐ ܠܒܳܠܺܝ ܕܡܰܥܡܰܕ̥ ܠܺܝ ܢܳܫܳܐ ܚܪܶܢܳܐ. 17ܡܺܐܝܕ̥ܶܗ ܕ݄ܡܫܺܝܚܳܐ ܠܳܐ ܡܫܰܕܰܪ ܠܶܗ ܠܺܝ ܕܡܰܥܡܰܕ̥ ܐ̱ܢܳܐ ܐܶܠܳܐ ܕ݄ܡܣܰܒܰܪ ܐ̱ܢܳܐ، ܠܳܐ ܒܡ̈ܶܠܶܐ ܕܺܗ̄ܝ ܚܶܟ̥ܡܬ̥ܳܐ، ܕܠܳܐ ܒܳܛ݄ܠ (ܗ̄ܽܘ ܚܰܝܠܳܐ) ܕܽܗ̄ܘ ܨܠܺܝܒܳܐ ܕ݄ܡܫܺܝܚܳܐ.
ܡ݄ܢܝܳܐ ܗ̄ܽܘ ܨܠܺܝܒܳܐ
18ܗ̄ܺܝ ܡܶܠܬ̥ܳܐ ܕܽܗ̄ܘ ܨܠܺܝܒܳܐ ܒܰܛ݄ܠܬܳܐ ܝܳܐ ܓܰܒ ܗ̄ܰܡܣܰܟܪ̈ܶܐ. ܐܶܠܳܐ ܐܶܠܰܢ ܕܗܰܘܺܝ ܠܰܢ ܚܰܝ̈ܶܐ ܚܰܝܠܳܐ ܕܰܐܠܳܗܳܐ ܝܳܐ. 19ܡܺܐܝܕ̥ܶܗ ܕ݄ܟܬ̥ܺܝܒ̥: ”ܓ݄ܡܣܰܟܰܪ ܐ̱ܢܳܐ ܗ̄ܺܝ ܚܶܟ̥ܡܬ̥ܳܐ ܕܰܚّܰܟܺܝܡ̈ܶܐ، ܘܓ݄ܡܒܰܛܰܠ ܐ̱ܢܳܐ ܗ̄ܽܘ ܝܽܘܠܦܳܢܳܐ ܕܰܝّܰܠܺܝ̈ܦܶܐ.“
20ܐܰܝܟܳܐ ܝܳܐ ܗ̄ܽܘ ܚܰܟܺܝܡܳܐ؟ ܘܰܐܝܟܳܐ ܝܳܐ ܗ̄ܽܘ ܝܰܠܺܝܦܳܐ؟ ܐܰܘ ܐܰܝܟܳܐ ܝܳܐ ܗ̄ܽܘ ܕܳܪܽܘܫܳܐ ܕܽܗ̄ܘ ܥܳܠܡܰܢܳܐ؟ ܠܳܐ ܟܰܐܠܶܗ ܐܰܠܳܗܳܐ ܡܚܰܩܰܪ ܠܶܗ ܗ̄ܺܝ ܚܶܟ̥ܡܬ̥ܳܐ ܕܽܗ̄ܘ ܥܳܠܡܰܢܳܐ. 21ܡܺܐܝܕ̥ܶܗ ܕܒܺܗ̄ܝ ܚܶܟ̥ܡܬ̥ܳܐ ܕܰܐܠܳܗܳܐ، ܗ̄ܽܘ ܥܳܠܡܳܐ ܠܳܐ ܩܰܕ݄ܪ ܕܳܐܕ̥݄ܥ ܐܰܠܳܗܳܐ ܒܺܗ̄ܝ ܚܶܟ̥ܡܬ̥ܳܐ (ܕܽܗ̄ܘ ܥܳܠܡܳܐ). ܘܰܐܠܳܗܳܐ ܐܰܒ݄ܥ ܕܒܺܗ̄ܝ ܦܫܺܝܛܽܘܬ̥ܳܐ ܕܺܗ̄ܝ ܟܳܪܽܘܙܽܘܬ̥ܳܐ ܕܳܗ̄ܒܶܐ ܚܰܝ̈ܶܐ ܠܰܗ̄ܢܺܝ ܕܟ݄ܡܗܰܝܡܢܺܝ. 22ܡܺܐܝܕ̥ܶܗ ܕܰܝّܽܘܕ̥̈ܳܝܶܐ ܟ݄ܡܫܰܐܺܠܺܝ ܥܰܠ ܐܳܬ̥ܘ̈ܳܬ̥ܳܐ، ܘܰܗ̄ܢ ܐܰܪ̈ܡܳܝܶܐ ܟ݄ܐܒܥܺܝ ܚܶܟ̥ܡܬ̥ܳܐ، 23ܘܰܐܚܢܰܐ ܟܟ݄ܪܙܺܝܢܰܐ ܒ݄ܡܫܺܝܚܳܐ ܘܗܺܝّܶܗ ܨܠܺܝܒܳܐ. (ܗܰܢܳܐ) ܛܶܪܒܰܠܬܳܐ ܝܳܐ ܠܰܝّܽܘܕ̥̈ܳܝܶܐ، ܘܠܰܗ̄ܢ ܐܰܪ̈ܡܳܝܶܐ ܡܰܐܡܪܳܐ ܕܠܳܐ ܛܰܥܡܳܐ ܝܳܐ. 24ܐܶܠܳܐ ܠܰܗ̄ܢܺܝ ܕ݄ܩܪ݄ܢ ܡܰܢ̱ ܝّܽܘܕ̥̈ܳܝܶܐ ܘܡܰܗ̄ܢ ܐܰܪ̈ܡܳܝܶܐ، ܡܫܺܝܚܳܐ ܚܰܝܠܳܐ ܕܰܐܠܳܗܳܐ ܝܳܐ ܘܺܗ̄ܝ ܚܶܟ̥ܡܬ̥ܳܐ ܕܰܐܠܳܗܳܐ ܝܳܐ. 25ܥܰܠ ܕܺܗ̄ܝ ܦܫܺܝܛܽܘܬ̥ܳܐ ܕܰܐܠܳܗܳܐ ܙ݄ܕ ܚܰܟ݄ܡܬܳܐ ܝܳܐ ܡܺܗ̄ܝ ܚܶܟ̥ܡܬ̥ܳܐ ܕܰܗ̄ܢ ܢܳܫ̈ܶܐ. ܘܺܗ̄ܝ ܪܰܦܝܽܘܬ̥ܳܐ ܕܰܐܠܳܗܳܐ ܒܚܰܝܠܳܐ ܝܳܐ ܙ݄ܕ ܡܰܗ̄ܢ ܢܳܫ̈ܶܐ. 26ܚܙܰܝܽܘ ܗ̄ܺܝ ܩܪܰܝܬܰܬ̥ܟ̥ܽܘ ܣܬܶܝ، ܝܰܐ ܐܰܚ̈ܽܘܢܳܢܶܐ، ܗܰܬܽܘ: ܕܒܽܗ̄ܘ ܦܰܓ̥ܪܳܐ، ܓ̥ܰܠܰܒܶܐ ܡ݄ܢܟ̥ܽܘ ܠܰܝ̱ܬ ܢܶܝ ܚܰܟܺܝܡ̈ܶܐ، ܘܠܳܐ ܚܺܝܨ̈ܶܐ، ܘܠܳܐ ܡܶܢ̱ ܓܶܢܣܳܐ ܪܰܒܳܐ. 27ܐܶܠܳܐ ܐܰܠܳܗܳܐ ܓܒܶܐ ܠܶܗ ܠܳܐ ܗ̄ܰܣّܰܟ̥̈ܠܶܐ ܕܽܗ̄ܘ ܥܳܠܡܳܐ ܕ݄ܡܢܰܟ݄ܦ ܠܰܚّܰܟܺܝܡ̈ܶܐ، ܘ݄ܓܒܶܐ ܠܶܗ ܗ̄ܰܪّܰܦܝ̈ܶܐ ܕܽܗ̄ܘ ܥܳܠܡܳܐ ܕ݄ܡܢܰܟ݄ܦ ܠܰܚّܰܝܠܬܳܢ̈ܶܐ. 28ܘ݄ܓܒܶܐ ܠܶܗ ܠܰܐܝܢܰܐ ܕܠܰܝ̱ܬ ܢܶܝ ܡܶܢ̱ ܓܶܢܣܳܐ ܪܰܒܳܐ ܒܽܗ̄ܘ ܥܳܠܡܳܐ، ܘܠܰܐܝܢܰܐ ܕܠܰܝ̱ܬّܶܗ ܚܫܳܒ̥ܳܐ ܒܥܰܝܢܶܗ ܕܰܗ̄ܢ ܢܳܫ̈ܶܐ، ܠܰܫܰܢ ܕ݄ܡܒܰܛ݄ܠ (ܘܬܳܒ̥݄ܪ) ܠܰܐܝܢܰܐ ܕ݄ܟܚ݄ܫܒ̥ܺܝ ܪܽܘܚܰܝّܶܗ ܡܶܕܶܐ، 29ܠܰܫܰܢ ܢܳܫܳܐ ܠܳܐ ܡܺܝܫܰܒܗ݄ܪ ܩܽܘܕ̱ܡܶܗ (ܕܰܐܠܳܗܳܐ). 30ܘܗܰܬܽܘ ܣܬܶܝ ܡܶܢܶܗ ܗܰܬܽܘ ܒܝܶܫܽܘܥ ܡܫܺܝܚܳܐ، ܗܰܘܳܐ ܕܗܰܘܺܝ ܠܰܢ ܚܶܟ̥ܡܬ̥ܳܐ ܡܰܢ̱ ܐܠܳܗܳܐ، ܘܙܰܕܺܝܩܽܘܬ̥ܳܐ ܘܩܰܕܺܝܫܽܘܬ̥ܳܐ ܘܦܽܘܪܩܳܢܳܐ. 31ܐܟ̥ ܕ݄ܟܬ̥ܺܝܒ̥: ”ܡܰܢ ܕܡܺܝܫܰܒܗ݄ܪ، ܒܡܳܪܝܳܐ ܛܪܳܐ ܡܺܝܫܰܒܗ݄ܪ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation