San Mateo 18
18
Jesuska yachachin maykanmi tukuymanta atun kan
(Mr 9.33-37; Lc 9.46-48)
1Chay ratulla disipulunkunaka kayllayarkakuna Jesusta, tapunankunapa: “¿Pitaya kan Yaya Diospa kamachinanpi yapa atun yachayu?”
2Jesuska shuk wawata kayarka, paykunapa chawpinkunapi shayachirka.
3Paykunata rimarka: —Shutipata rimaykichi, kankuna millaypa kawsanaykichita mana sakishpaykichika, chaymanta shuk wawashina mana tukushpaykichika, manami Yaya Diospa kamachinanpi yaykunkichichu. 4Chasna kashpan, kay wawashina “mana yachayyuchu kani” nishpa yuyarishpaykichika Yaya Diospa kamachihushkanpi tukuymanta ashwan yachayyumi kankichi. 5Maykanpas kayashpan yaykuchin wasinpi shuk wawata ñukapa shutinipi, ñukatami yaykuchiwan.
Jesuska yachachin uchata mana ruranamanta
(Mr 9.42-48; Lc 17.1-2)
6Maykanmi urmachin uchapi shuk wawa ñukapi kiriwakta, ashwan ali kama, kunkanpi atun kutana rumiwa watashpa wichuy tukushpan chawpi yakupi, chinkarinanpa. 7¡Imashna kastigushi kanka tukuy uchata rurachikkunapa! Tukuy uras chasna uchata rurachinayakkuna tiyankami. ¡Ashwan kankuna uchata rurachikkuna imashna kastigushi kanka kankunarayku!
8Chayrayku, makiki chakiki kanta uchata rurachinayashpanka pitishpa wichushkashina sakiy. Ashwan alimi kama, shuk makillawashina shuk chakillawashina Yaya Diospa kawsananpi yaykunaykipa, mana ishkanti makikiwa, ishkanti chakikiwa nina mana wañukma wichuy tukunaykipa. 9Ñawiki uchata rurachishpanka, surkushpayki wichuy. Ashwan ali kama, shuk ñawiyulla Yaya Diospa kamachinanpi yaykunaykipa, mana ishkanti ñawikiwa wichuy tukunaykipa infiernuma.
Shuk mana asirtaypa yachachina obeha chinkarishkamanta
(Lc 15.3-7)
10Alita kuyrariychi mana rimaychichu “kay wawakunaka manami valinahunchu” nishpa, paykunataka angelkunami kuyranahun. 11Ñuka Karipa Wawanka shamushkanimi kishpichinaynipa maykanmi chinkarishka kashkata.
12¿Imashnata yuyarinkichi? Shuk runapa tiyamaka shuk pachak obeha, shuk chaykunamanta chinkarimaka, ¿Manachu chay iskun chunka iskunta sakishpan lumama rishpan maskakrima chay shuklla chinkarishkata? 13Chasna tarikrishpanka, shutipata rimaykichi ashwan kushikumami tariskanrayku chay shuklla obehanta, chay iskun chunka iskunraykuka manami llakirimachu mana chinkarishka kahushkankunarayku. 14Chasnallatatami, kankunapa Yayaykichi Dios silupi kawsak, mana munanchu nima shuk kay wawakunamanta chinkarinankunapa.
Imashnami llakichinanchi tiyan wawkinchita
(Lc 17.3)
15Chaymanta wawkiki kanta millaypata rurashpanka, rishpayki payta kunay sapalla kahushkaykichipi. Kunashkaykita kasushpanka, alicharishka kiparinki paywa.
16Rimashkaykita mana kasushpanka, kayay shuk ishkay, mana kashpaka kimsata, chasna chay ishkay, kimsa testikukunapa rimashkankunaka chasnalla kananpa. 17Paykunatapas mana kasushpanka, chaymanta kirikkunata rimaychi; paykunatapas mana kasushpanka, payta sakiychi Romarayku kullkita kobraktashina. 18Shutipata rimaykichi tukuy kay allpapi watashkaykichika, watarishka kanka silupipas; tukuy maykantami paskankichi kay allpapi, silupipas paskarishkami kanka.
19Shuk kuti ashwan kankunata rimani, kay mundupi ishkay kankunamanta shuk yuyayllawa tapushpaykichika, Yayayni Dios silupi kawsakka kunkami tapushkaykichita. 20Maypimi ishkay kimsa tantarinahu shutinipi, chaypimi kahuni ñukapas, paykunapa chawpinkunapi.
Jesuska yachachin mana llakichinayak runamanta
21Chaypi Pedroka kayllayashpan Jesusta rimarka: Yayayni, shuk wawkini millaypata rurawashpanka ¿Masna kutitaya payta llakichinayni tiyan? ¿Kanchis kutichu llakichisha?
22Chaypiña Jesuska rimarka: —Mana rimashkaykichu kanchis kutilla llakichinaykipa, ashwan kanchis chunka kuti kanchismi llakichinayki tiyan.
23Chayrayku, Yaya Diospa ali kamachinanka kan shuk atun apushina, disipulunkunata kushkanta tapunayashkanta.
24Ña tapunata kallarishpan, aparkakuna shuk payta liwikta, achka waranka kullkita. 25Kay runaka mana atipaspan paganata, patroyninka kamachirka rantichinankunapa, warmin, wawankuna chaymanta tukuy tiyapushkanta, chay liwishkanka pagarishka kananpa. 26Chasna chay liwik runaka chay patronpa puntanpi kunkurirka, Yapa llakirishpan rimarka: “Patroyni, llakichiway, ñukami pagashkayki tukuy liwishkaynita.” 27Chay runapa patroyninka payta yapa llakichirka, sakirka kushilla kutinanpa, chasna kiparirka llakichirishka liwinmanta.
28Chay llakichirishka runa llukshishpan, tinkunakurka shuk payta liwik runawa. Chay tinkunakushkan runaka payta shuk pachak puncha tuputa liwirka. Chaypiña kunkanpi apishpan rimarka: “Kunalla pagaway tukuy liwiwahushkaykita” nishpa rimarka. 29Chaypi chay liwik runaka puntanpi kunkurishpan rimarka: “Llakichiway ñukata, ñukami pagashkayki tukuyta”. 30Chay runaka mana munarkachu, ashwan karselpi churachirka tukuy liwinta paganankama.
31Runakuna rikushpankuna chay runapa rurashkanta yapa llakirispankuna, rirkakuna kwintanapa chay aputaña. 32Chaypiña chay apuka kayachirka shamunanpa payma, chaypi rimarka: “Mana ali shunkuyu runa, ñukaka kanta llakichishkani tukuy atun liwiwashkaykimanta, sinchita tapuwashkaykirayku. 33¿Manachu atipashkanki runa masikita llakichinata, imashnami ñukaka kanta llakichishkani?” 34Sinchita piñarishpan, chay apuka kurka disipulunkunata paytapas karselpi churanankunapa tukuy liwihushkanta paganankama.
35Chasnallatatami Yayayni Dioska kankunawa ruranka, tukuy shunkuykichimanta pacha wawkikichita mana llakichishpaykichika.
Právě zvoleno:
San Mateo 18: QUP_B
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company
San Mateo 18
18
Jesuska yachachin maykanmi tukuymanta atun kan
(Mr 9.33-37; Lc 9.46-48)
1Chay ratulla disipulunkunaka kayllayarkakuna Jesusta, tapunankunapa: “¿Pitaya kan Yaya Diospa kamachinanpi yapa atun yachayu?”
2Jesuska shuk wawata kayarka, paykunapa chawpinkunapi shayachirka.
3Paykunata rimarka: —Shutipata rimaykichi, kankuna millaypa kawsanaykichita mana sakishpaykichika, chaymanta shuk wawashina mana tukushpaykichika, manami Yaya Diospa kamachinanpi yaykunkichichu. 4Chasna kashpan, kay wawashina “mana yachayyuchu kani” nishpa yuyarishpaykichika Yaya Diospa kamachihushkanpi tukuymanta ashwan yachayyumi kankichi. 5Maykanpas kayashpan yaykuchin wasinpi shuk wawata ñukapa shutinipi, ñukatami yaykuchiwan.
Jesuska yachachin uchata mana ruranamanta
(Mr 9.42-48; Lc 17.1-2)
6Maykanmi urmachin uchapi shuk wawa ñukapi kiriwakta, ashwan ali kama, kunkanpi atun kutana rumiwa watashpa wichuy tukushpan chawpi yakupi, chinkarinanpa. 7¡Imashna kastigushi kanka tukuy uchata rurachikkunapa! Tukuy uras chasna uchata rurachinayakkuna tiyankami. ¡Ashwan kankuna uchata rurachikkuna imashna kastigushi kanka kankunarayku!
8Chayrayku, makiki chakiki kanta uchata rurachinayashpanka pitishpa wichushkashina sakiy. Ashwan alimi kama, shuk makillawashina shuk chakillawashina Yaya Diospa kawsananpi yaykunaykipa, mana ishkanti makikiwa, ishkanti chakikiwa nina mana wañukma wichuy tukunaykipa. 9Ñawiki uchata rurachishpanka, surkushpayki wichuy. Ashwan ali kama, shuk ñawiyulla Yaya Diospa kamachinanpi yaykunaykipa, mana ishkanti ñawikiwa wichuy tukunaykipa infiernuma.
Shuk mana asirtaypa yachachina obeha chinkarishkamanta
(Lc 15.3-7)
10Alita kuyrariychi mana rimaychichu “kay wawakunaka manami valinahunchu” nishpa, paykunataka angelkunami kuyranahun. 11Ñuka Karipa Wawanka shamushkanimi kishpichinaynipa maykanmi chinkarishka kashkata.
12¿Imashnata yuyarinkichi? Shuk runapa tiyamaka shuk pachak obeha, shuk chaykunamanta chinkarimaka, ¿Manachu chay iskun chunka iskunta sakishpan lumama rishpan maskakrima chay shuklla chinkarishkata? 13Chasna tarikrishpanka, shutipata rimaykichi ashwan kushikumami tariskanrayku chay shuklla obehanta, chay iskun chunka iskunraykuka manami llakirimachu mana chinkarishka kahushkankunarayku. 14Chasnallatatami, kankunapa Yayaykichi Dios silupi kawsak, mana munanchu nima shuk kay wawakunamanta chinkarinankunapa.
Imashnami llakichinanchi tiyan wawkinchita
(Lc 17.3)
15Chaymanta wawkiki kanta millaypata rurashpanka, rishpayki payta kunay sapalla kahushkaykichipi. Kunashkaykita kasushpanka, alicharishka kiparinki paywa.
16Rimashkaykita mana kasushpanka, kayay shuk ishkay, mana kashpaka kimsata, chasna chay ishkay, kimsa testikukunapa rimashkankunaka chasnalla kananpa. 17Paykunatapas mana kasushpanka, chaymanta kirikkunata rimaychi; paykunatapas mana kasushpanka, payta sakiychi Romarayku kullkita kobraktashina. 18Shutipata rimaykichi tukuy kay allpapi watashkaykichika, watarishka kanka silupipas; tukuy maykantami paskankichi kay allpapi, silupipas paskarishkami kanka.
19Shuk kuti ashwan kankunata rimani, kay mundupi ishkay kankunamanta shuk yuyayllawa tapushpaykichika, Yayayni Dios silupi kawsakka kunkami tapushkaykichita. 20Maypimi ishkay kimsa tantarinahu shutinipi, chaypimi kahuni ñukapas, paykunapa chawpinkunapi.
Jesuska yachachin mana llakichinayak runamanta
21Chaypi Pedroka kayllayashpan Jesusta rimarka: Yayayni, shuk wawkini millaypata rurawashpanka ¿Masna kutitaya payta llakichinayni tiyan? ¿Kanchis kutichu llakichisha?
22Chaypiña Jesuska rimarka: —Mana rimashkaykichu kanchis kutilla llakichinaykipa, ashwan kanchis chunka kuti kanchismi llakichinayki tiyan.
23Chayrayku, Yaya Diospa ali kamachinanka kan shuk atun apushina, disipulunkunata kushkanta tapunayashkanta.
24Ña tapunata kallarishpan, aparkakuna shuk payta liwikta, achka waranka kullkita. 25Kay runaka mana atipaspan paganata, patroyninka kamachirka rantichinankunapa, warmin, wawankuna chaymanta tukuy tiyapushkanta, chay liwishkanka pagarishka kananpa. 26Chasna chay liwik runaka chay patronpa puntanpi kunkurirka, Yapa llakirishpan rimarka: “Patroyni, llakichiway, ñukami pagashkayki tukuy liwishkaynita.” 27Chay runapa patroyninka payta yapa llakichirka, sakirka kushilla kutinanpa, chasna kiparirka llakichirishka liwinmanta.
28Chay llakichirishka runa llukshishpan, tinkunakurka shuk payta liwik runawa. Chay tinkunakushkan runaka payta shuk pachak puncha tuputa liwirka. Chaypiña kunkanpi apishpan rimarka: “Kunalla pagaway tukuy liwiwahushkaykita” nishpa rimarka. 29Chaypi chay liwik runaka puntanpi kunkurishpan rimarka: “Llakichiway ñukata, ñukami pagashkayki tukuyta”. 30Chay runaka mana munarkachu, ashwan karselpi churachirka tukuy liwinta paganankama.
31Runakuna rikushpankuna chay runapa rurashkanta yapa llakirispankuna, rirkakuna kwintanapa chay aputaña. 32Chaypiña chay apuka kayachirka shamunanpa payma, chaypi rimarka: “Mana ali shunkuyu runa, ñukaka kanta llakichishkani tukuy atun liwiwashkaykimanta, sinchita tapuwashkaykirayku. 33¿Manachu atipashkanki runa masikita llakichinata, imashnami ñukaka kanta llakichishkani?” 34Sinchita piñarishpan, chay apuka kurka disipulunkunata paytapas karselpi churanankunapa tukuy liwihushkanta paganankama.
35Chasnallatatami Yayayni Dioska kankunawa ruranka, tukuy shunkuykichimanta pacha wawkikichita mana llakichishpaykichika.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company