San Mateo 17
17
Jesuska suma chuyahlla rikunayu tukurka
(Mr 9.2-13; Lc 9.28-36)
1Chaymanta Jesuska sokta punchamanta Pedrota, Santiagotapas, paypa wawkin Juantapas aparka shuk atun urku awama. 2Chaypi paykunapa puntankunapi chikanyarirka. Uyanka intishina sintirka; churarishkankunapas yura tukurkakuna sintihukshina. 3Chay ratu rikurirkakuna Moises, Eliaspas, Jesuswa kwintahurkakuna.
4Chaypi Pedroka nirka Jesusta: “Yayayni, ¡Alimi kahu ñukanchi kaypi kananchipa! Munashpaykika atipanchi ruranata kimsa tanpukunata: Shukta kanrayku, shukta Moisesrayku, shuktaka Eliasrayku.”
5Chasna kwintahushkanllapi kunkaymanta shuk puyu chuyahlla arkarka. Chay puyu ukumanta uyarirka shuk shimi rimahushka: “Kaymi kan munashkayni wawayni, maykanpimi kushikuni. ¡Kasuychi payta!”
6Kayta uyashpankuna Jesuspa disipulunkunaka, allpapi urmashpa kumurirkakuna sinchi manchaywa. 7Chaypiña Jesuska kayllayashpan paykunata llankashpan rimarka: “Atariychi; ama manchariychichu.”
8Paykunaka atarishpa rikushpankuna, nima maykanta rikurkakunachu, Jesusllata sapallantaña rikurkakuna.
9Chay urkumanta uraykushpankuna, Jesuska paykunata rimarka: “Nima pita rimankichichu kay rikushkaykichimanta, ñuka Karipa Wawan wañushkaynimanta kawsarimunaynikama.”
10Chaypiña disipulunkunaka Jesusta tapurkakuna: “¿Imaraykutaya Moisespa killkashkanta yachachikkunaka rimanahun, ‘profeta Eliasrami puntiru shamunka’ nishpa?”
11Jesuska paykunata aynirka: “Shutipata rimashpaka, Eliasrami puntiru shamunka alichakshamunanpa tukuy imakunata. 12Ñuka kankunata rimani, Eliaska ñami shamushka, manami riksirkakunachu payta, paytaka rurashkakuna tukuy munashkankunata. Chasnallatatami Karipa Wawanpas parisinka paykunapa makinpi.”
13Chayta uyashpankuna, disipulunkunaka asirtarkakuna Bautisak Juanmanta rimahushkanta.
Jesuska shuk supay yaykushka wawata anpirka
(Mr 9.14-29; Lc 9.37-43)
14Paktashpankuna maypimi kahurkakuna chay achka runakunaka, shuk runa kayllayarka, paypa puntanpi kunkurishpan rimarka:
15“¡Yayayni, llakichi wawaynita! Parisin wañuy unkuyta, yapatami parisipahun. Achka kuti ninapi, yakupipas urmapan. 16Kay wawaynita aparkani disipuluykikunama. Paykunaka mana atipashkakunachu anpinata.”
17Chaypi Jesuska rimarka: “¡Mana ali yuyayu mana kirirk runakuna! ¿Ima uraskamataya kankunawa kanayni tiyan? ¿Ima uraskamataya kankunata awantashkaykichi? ¡Apamuychi kayma chay unkushkata!”
18Apamushpankuna Jesuska sinchi shimiwa rimarka chay supayta: “¡Llukshiy kay wawamanta!” Nishpa. Chasna rimashpan chay supayka llukshirka chay wawamanta. Chay ratulla chay wawaka anpirishka kiparirka.
19Chaywasha disipulunkunaka shuk partima Jesusta pushashpankuna kwintakrirkakuna, chaypi tapurkakuna: “¿Imaraykutaya ñukanchika mana atipashkanchichu chay supayta llukshichinata?”
20Jesuska paykunata rimarka: “Kankunaka manami tukuy shunkuykichimanta pachachu kiriwankichi. Shutipata kankunata rimani, kirinkichimaka uchillastullatapas chay mostaza muyushina, rimankichima kay urkuta: ‘Anchuriy chaymanta riy shuk parti’, chay urkuka kasushpami rima. Nima ima kamachu kankunarayku mana atipaypa!”
21[Chay maku supayka mana llukshinchu chasnallaka, ashwan chaytaka llukshinchimi ayunashpa, sinchita mañashpa.]
Jesuska kutikashka rimarka wañunanmanta
(Mr 9.30-32; Lc 9.43-45)
22Paykunaka kahushpankuna Galilea allpapi, Jesuska paykunata rimarka: “Ñuka Karipa Wawantaka kuwankakuna mana kirikunapa makinpi, 23wañuchiwankakuna, chay washa wañuchiwashpankunapas kimsa punchamantami kawsarimusha.” Chayta uyashpankuna, paykunaka atunta llakirirkakuna.
Jesuska rimarka Yaya Diospa wasinrayku paganankunapa
24Paktashpankuna Kapernaum llaktapi, maykankunami kobrapayanahun kullkita, Pedrota kayllayashpankuna tapurkakuna: “¿Kankunata yachachika manachu pagan chay ishkay kullkita Yaya Diospa wasinrayku?”
25Chasna tapushpankuna Pedroka aynirka. “Ari”. Chay washa Pedroka wasipi yaykushpan Jesuska puntiru kwintarka, chay washa rimarka: “¿Imashnata rikurin kanrayku Simón? Kay allpapi kamachik apukunaka ¿pimantata kullkita kobranahun? ¿Wawankunamantachu chikan runakunamantachu?”
26Pedroka aynirka: “Chikan runakunamantami”.
Jesuska rimarka: “Chayrayku wawankunaka nima shuk imata paganankuna tiyanchu. 27Chasna kashpanpas, nima pita piñachinanchipa, riy antsilukri kuchapi. Puntiru aysashkayki challwata shiminta paskashpayki, chaypi tarinki shuk kullkita. Chay kullkita apishpayki, pagakri ñukarayku kanraykupas.”
Právě zvoleno:
San Mateo 17: QUP_B
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company
San Mateo 17
17
Jesuska suma chuyahlla rikunayu tukurka
(Mr 9.2-13; Lc 9.28-36)
1Chaymanta Jesuska sokta punchamanta Pedrota, Santiagotapas, paypa wawkin Juantapas aparka shuk atun urku awama. 2Chaypi paykunapa puntankunapi chikanyarirka. Uyanka intishina sintirka; churarishkankunapas yura tukurkakuna sintihukshina. 3Chay ratu rikurirkakuna Moises, Eliaspas, Jesuswa kwintahurkakuna.
4Chaypi Pedroka nirka Jesusta: “Yayayni, ¡Alimi kahu ñukanchi kaypi kananchipa! Munashpaykika atipanchi ruranata kimsa tanpukunata: Shukta kanrayku, shukta Moisesrayku, shuktaka Eliasrayku.”
5Chasna kwintahushkanllapi kunkaymanta shuk puyu chuyahlla arkarka. Chay puyu ukumanta uyarirka shuk shimi rimahushka: “Kaymi kan munashkayni wawayni, maykanpimi kushikuni. ¡Kasuychi payta!”
6Kayta uyashpankuna Jesuspa disipulunkunaka, allpapi urmashpa kumurirkakuna sinchi manchaywa. 7Chaypiña Jesuska kayllayashpan paykunata llankashpan rimarka: “Atariychi; ama manchariychichu.”
8Paykunaka atarishpa rikushpankuna, nima maykanta rikurkakunachu, Jesusllata sapallantaña rikurkakuna.
9Chay urkumanta uraykushpankuna, Jesuska paykunata rimarka: “Nima pita rimankichichu kay rikushkaykichimanta, ñuka Karipa Wawan wañushkaynimanta kawsarimunaynikama.”
10Chaypiña disipulunkunaka Jesusta tapurkakuna: “¿Imaraykutaya Moisespa killkashkanta yachachikkunaka rimanahun, ‘profeta Eliasrami puntiru shamunka’ nishpa?”
11Jesuska paykunata aynirka: “Shutipata rimashpaka, Eliasrami puntiru shamunka alichakshamunanpa tukuy imakunata. 12Ñuka kankunata rimani, Eliaska ñami shamushka, manami riksirkakunachu payta, paytaka rurashkakuna tukuy munashkankunata. Chasnallatatami Karipa Wawanpas parisinka paykunapa makinpi.”
13Chayta uyashpankuna, disipulunkunaka asirtarkakuna Bautisak Juanmanta rimahushkanta.
Jesuska shuk supay yaykushka wawata anpirka
(Mr 9.14-29; Lc 9.37-43)
14Paktashpankuna maypimi kahurkakuna chay achka runakunaka, shuk runa kayllayarka, paypa puntanpi kunkurishpan rimarka:
15“¡Yayayni, llakichi wawaynita! Parisin wañuy unkuyta, yapatami parisipahun. Achka kuti ninapi, yakupipas urmapan. 16Kay wawaynita aparkani disipuluykikunama. Paykunaka mana atipashkakunachu anpinata.”
17Chaypi Jesuska rimarka: “¡Mana ali yuyayu mana kirirk runakuna! ¿Ima uraskamataya kankunawa kanayni tiyan? ¿Ima uraskamataya kankunata awantashkaykichi? ¡Apamuychi kayma chay unkushkata!”
18Apamushpankuna Jesuska sinchi shimiwa rimarka chay supayta: “¡Llukshiy kay wawamanta!” Nishpa. Chasna rimashpan chay supayka llukshirka chay wawamanta. Chay ratulla chay wawaka anpirishka kiparirka.
19Chaywasha disipulunkunaka shuk partima Jesusta pushashpankuna kwintakrirkakuna, chaypi tapurkakuna: “¿Imaraykutaya ñukanchika mana atipashkanchichu chay supayta llukshichinata?”
20Jesuska paykunata rimarka: “Kankunaka manami tukuy shunkuykichimanta pachachu kiriwankichi. Shutipata kankunata rimani, kirinkichimaka uchillastullatapas chay mostaza muyushina, rimankichima kay urkuta: ‘Anchuriy chaymanta riy shuk parti’, chay urkuka kasushpami rima. Nima ima kamachu kankunarayku mana atipaypa!”
21[Chay maku supayka mana llukshinchu chasnallaka, ashwan chaytaka llukshinchimi ayunashpa, sinchita mañashpa.]
Jesuska kutikashka rimarka wañunanmanta
(Mr 9.30-32; Lc 9.43-45)
22Paykunaka kahushpankuna Galilea allpapi, Jesuska paykunata rimarka: “Ñuka Karipa Wawantaka kuwankakuna mana kirikunapa makinpi, 23wañuchiwankakuna, chay washa wañuchiwashpankunapas kimsa punchamantami kawsarimusha.” Chayta uyashpankuna, paykunaka atunta llakirirkakuna.
Jesuska rimarka Yaya Diospa wasinrayku paganankunapa
24Paktashpankuna Kapernaum llaktapi, maykankunami kobrapayanahun kullkita, Pedrota kayllayashpankuna tapurkakuna: “¿Kankunata yachachika manachu pagan chay ishkay kullkita Yaya Diospa wasinrayku?”
25Chasna tapushpankuna Pedroka aynirka. “Ari”. Chay washa Pedroka wasipi yaykushpan Jesuska puntiru kwintarka, chay washa rimarka: “¿Imashnata rikurin kanrayku Simón? Kay allpapi kamachik apukunaka ¿pimantata kullkita kobranahun? ¿Wawankunamantachu chikan runakunamantachu?”
26Pedroka aynirka: “Chikan runakunamantami”.
Jesuska rimarka: “Chayrayku wawankunaka nima shuk imata paganankuna tiyanchu. 27Chasna kashpanpas, nima pita piñachinanchipa, riy antsilukri kuchapi. Puntiru aysashkayki challwata shiminta paskashpayki, chaypi tarinki shuk kullkita. Chay kullkita apishpayki, pagakri ñukarayku kanraykupas.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company