San Mateo 11
11
Bawtisak Juan disipulonkunata Jesusma kacharka
(Lc 7.18-35)
1Jesuska yachachishkanwasha chunka ishkay disipulunkunata, rirka chaymanta yachachinapa shuk llaktakunapi.
2Bawtisak Juanka karselpi kahushpan Kristupa rurahushkankunata yachashpan ishkay paypa disipulunkunata Kristuma kacharka,
3tapunankunapa: “¿Kanchu kanki, maykanmi shamuna karkanki, manapika shuktachu chapashunchi?”
4Jesuska paykunata aynirka: “Kutiychi Juanta kwintakriychi tukuy imakunata rikushkaykichita uyashkaykichitapas.
5Kunanka wiskukunaka rikunahun, mana purinata atipakkunapas purinahun, leprayu unkuyyukunapas anpirishka kanahun, mana uyanata atipakkunapas uyanahun, wañushkakunapas kuti kawsarinahun, nima imayu runakunataka Yaya Diospa suma ali shiminta yachachinahun.
6Kushillami kanka maykanmi mana sanpayashpa ñukata kiriwan”.
7Paykunaka rihushpankuna, Jesuska kallarirka rimanata runakunata Juanmanta: —¿Imatata kankunaka rikunapa rirkankichi chay chakishka allpama? ¿Shuk pintu wayrawa kuyurihuktachu?
8¿Imatata kankunaka rikunapa rirkankichi? ¿Shuk runa suma churarishkatachu? Chasna churarikkunaka kawsanahun atun apupa kawsanan suma atun wasikunapi?
9Ashwan ¿Imatataya kankunaka rirkankichi rikunapa? ¿Shuk profetatachu? Ñuka rimaykichi, ari, ¡Shuk profetamanta ashwan yachaktami!
10Chay Juanmantami kahu killkarishka:
“Ñukaka kachani ñukamanta rimakta kanpa puntaykipi, paymi ñanpikita alichanka”.
11Shutipata rimaykichi, nimara wawayarishkachu shuk kari yapa balik Bautisak Juanmanta. Ashwan Yaya Diospa ali kamachinanpi, runa mana yapa balikmi kan ashwan balik Juanmanta.
12Bautisak Juan kawsashkan punchakama, kunankama, kallarirka parisinata payta kasukunaka. Mana alita rurak runakunaka yuyarirkakuna tukuchinata.
13Tukuy profetakunata, Moisespa killkashkanta yachachikunapas rimarkakuna chasna pasnanmanta Juan kawsashkan punchakama.
14Kirinata munashpaykichika, payka kanmi Elias, paymi shamunan karka.
15Maykanpachari tiyan rinkrinka uyananpa, uyachun.
16¿Imawata parihuyachiynima kay miraykunata? Rikurinahun wawakuna tiyahushkashina plasakunapi kaparishpa wawa masinkunata:
17“Ñukanchi kenata pukushpanchipas, kankuna mana baylashkankichichu; chaymanta llakiypata takishpanchipas mana wakashkankichichu”.
18Chasna Juanka shamushpanpas, mana mikunchu nima upyanchu; chayta rimankichi supayu runa.
19Chay washa Karipa Wawanña shamushka, mikun upyan, paytaka rimankichi mikuysiki, machaysiki, impuestuta kobrakkunapa amigun, chaymanta uchasapakunapapas. Chay ali rurashkanchikunaka rikurinka kirikkunapi.
Jesuska mana kasunayak runakunata rimarka kastigay tukunankunamanta
(Lc 10.13-15)
20Jesuska achka llaktakunapi rurashka achka yapa atun mana atipaypa imakunata. Chayta rikushpankunapas mana kasunayarkakunachu. Paykunata piñanata kallarirka kasna nishpa:
21“¡Alaw kankuna Korasín llaktapi kawsak runakuna! ¡Alaw kankuna Betsaida llaktapi kawsak runakuna! Chay llakta Tiropi, Sidónpipas rurarishka kamaka chay mana atipaypa imakunaka maykankunami rurarishka kashkakuna kankunapi, paykuna llakirishpa uchpawa wichariska millaypa churarinankunawapas rinahuma karka.
22Chayrayku rimaykichi, juicio puncha Yaya Dioska chay Tiropi Sidonpipas kawsak runakunamanta kankunataka ashwantami kastiganka.
23Kapernaum llaktapi, kawsak runakuna, ¿Imaraykuta yuyarinkichi Yaya Dios ñukanchita siluma pushanka nishpa? Manami chasnachu. Nina mana wañukmami rinaykichi tiyan. Mana atipaypa imakunaka rurarishka kashkakunata Sodoma llaktapi rurarishka kamaka paykuna mana chinkarinahumachu karka.
24Chayrayku kankunata rimani, juicio puncha, kankunata Yaya Dioska Sodoma llaktapi kawsak runakunamanta ashwan sinchitami kastiganka”.
Jesus kushichin Yayanta
(Lc 10.21-22)
25Chasnallapi Jesuska rimarka: “Kanllata kushichini Yayayni. Kanmi kanki silupa allpapa amun, tukuy chay yachak kani yuyarik runakunata mana asirtachishkankichu. Asirtachishkanki imashnami wawastukuna kanahun.
26Ari, Yayayni, kan kikin munashkaykirayku chasna rurashkanki.
27Yayaynimi tukuyta kuwashka. Payllami riksiwan Wawan kashkaynirayku, Wawan kashkaynirayku. Nima pi riksinchu Yayaynitaka; ñuka Wawanllami riksini. Chayrayku rimanayani shukkunata Yayaynimanta, paykunapas riksinankunapa.
28Shamuychi ñukama tukuy kankuna, sanpayashka kahunkichi, yapa tarawashkaykichirayku, ñukami samachishkaykichi.
29Kasuychi kamachishkaynikunata#11.29 Kasuychi kamachishkaynikunataRVC riman “apaychi yugoynita kankunawa” yachakuychi ñukamanta mana piñachu kani, ali shunku, ñukapimi tarinkichi samanata almaykichirayku.
30Kamachishkaynika kan atipaypa, ruranaykichipa kankunata rimashkaynika manami llashachu”.
Právě zvoleno:
San Mateo 11: QUP_B
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company
