Málákuse Nibíŋínín ná mbɔbɔnɔ
Nibíŋínín ná mbɔbɔnɔ
Ndág ya Nsɔ́m ya gándiá, guɔ́ŋ gá Málákuse gúgála gá bekilísitɛn bámaál bádɛ́bá bɔ́bɔ́ gidigid Beyúdɛn. Ndáy ya Nsɔ́m iyány dɛbá guya anyɛ símodió, gugál Yésu gálaná dɛbá guya. Ta anányɛ, iguɔ́yɔ moóny giod má bilumén, má biéŋugie, na má insuŋié.
Igúládaan nuged unúgɔ́n sá indág sá insɔ́m símodió. Agá ɔlɔŋ wóbusió, igúdíyenyi Yésu anyɛ Mɔɔn wá Gɔdányá (1.1) agá gúmana, Mɔɔn wá Gɔdányá gú asandán agá bɔdɛ́d bá gɛsanda (15.39).
Agá niaf nóbusió agá gadágadá wa mbɔbɔnɔ (1.1; 8.26), Yésu dɛguámba ká bálɛ́ns na gudá na gugɔl ányá unyá, ta anyɛ́ uméeŋúgényí band, uwakɔ́ŋa biád bá bíliíndié, uwagála na bumalamand, band biófoón ká: «Ány mɔnd ewe?» Ɔwɔ́ gɔg wɔyɔɔn band bámáabá bábɛ́dága ká bágúlɛnsaan wɔ́ ká: «Nudiɔyɛ́dɛ́n ta mɔnd ányá inyaá.»
Agá niaf ná gándɛ ná mbɔbɔnɔ (8.27; 16.20), guála ká band sɔ́ŋɔ́n nanyá Yésu nyá Mɔɔn wa Gɔdányá.
Yésu gúbɛ́bɛ́laan ká Mɔɔn wá mɔnd gɛsɛgɛl wambaná guɔyɛd ányá unyá. Anányɛ guámba gudíye ká mɔnd ɔwɔ́ Gɔdányá méeŋín wɔ́ bugaga bégúgélenyi ta bágúnɛnanɛn bɛfal.
Ndág ya Nsɔ́m guɔ́ŋ gá Málákuse guófoon nŋófúny eye: «Ányá unyá Yésu?» Mɔnd woguondinyi kɔ́ nɔ kɔ́ dɛbá. Mbɔbɔnɔ eye guála ká band ládaan nŋili ɛyɛ́ Yésu máaládaán, yond yala ká band sɔ́ŋɔ́na siɔ siɔ ányá unyá Yésu.
Právě zvoleno:
Málákuse Nibíŋínín ná mbɔbɔnɔ: MMU2
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
CABTAL