Matáyoso 19
19
Gusasɛd gá gigiŋ
1Yésu máal na guman guéŋeen mbɛ́dɛ́na, uwadɔg ány Galilé, uwɔb agá giéns gá gus gá Yudé negúné wa Yuludɛ́ŋ. 2Bianta bá biŋi bá band ibiáládaan wɔ́ kɔ́, uweéŋúgenyi bɛ́. 3Bafalisiɛ́ŋ abábɛ́nyɛkɛnɛn wɔ́ ká bág wɔ́ agá mbuge. Obófún wɔ́ ká: «Mɔnd nyɛ bágubia bugaga bágɔ́kɔ́ŋɛd agany waga ta búnyɛ gá ɔduɔ́ wá buóny unúm e?» 4Uganyɛ gɔ́b ká: «Nudɛmabán agá mbɔbɔnɔ ká, Oluŋi agá nidúmín malɔŋɔ bɔ́, na anɔ́mandɔ na agánd e? 5Gɔdányá uwɔyɛd sɔ́n ká: Buád buanda, anɔ́mandɔ ganútɛ́n na sié na inyódió, wabɛ́lád agany, bem bándɛ́ bónd nuɔ́l númoom. 6Anaány bádɛ́nuánd gubá bándɛ, bágabá nuɔ́l númoom. Gɔɔ́gɔ mɔnd diábiánáná ká wádɔ́n buanda ubú Gɔdányá máalada.» 7Obófún wɔ́ ká: «Gágiág gɔg Moyíso mɔ́ɔyɛ́d ká mɔnd máal ká úkɔ́ŋɛd agany waga wɔ́ŋɛ́n wɔ́ mbɔbɔnɔ ya gusasɛd gigiŋ e?» 8Uganyɛ ká: «Búnyɛ gobusió bá gulal gá ɛdɛm sán, buád buanda Moyíso méenuéŋín bugaga bá gueneen bagány bán. Agá gɔ́banyɛg budɛmabá anaány gɔg. 9Yaŋuá mmɔɔnuɔ́yɛ́dɛ́n gɔg ká mɔnd mákɔ́ŋɛd agany waga gágual ká, agánd uwaány dɛmáal gɛdáŋa, ugiŋ omodió, umáal gɛdáŋa.»
Gigiŋ na bugɔn
10Bafɔ́nɔfɔ́n bág ganyɛ gág ká: «Ímábá anaány anɔ́mandɔ biananá ká úsɔ́dɔɔn na agany waga, kásɛ bese unyá kɔ́ ká mɔnd bígíŋ e?» 11Uganyɛ gɔ́b ká: «Band gidigid digúsɔŋɔ́na gugál egue, gɔɔ́gɔ ɔbɔ́ búnyá buéŋínén bɔ́ ká básɔ́ŋɔ́n. 12Band nyɛ kɔ́ bɔ́gɔnúlɔ́b ta gubígíŋ, gágual ká bádɛ́bá bágual bú. Gɛdam mebíbién anaány, bómódio, ebéleg bɔ́, gɛdam gímodió ebébílég bɔbɔ́ muát góbúsió bá Bufuŋ bá muana. Mɔnd unyá bágɔ́sɔ́ŋɔ́nɔ, usɔ́ŋɔ́n.»
Yésu gufɔna baábayɔ
(Mál 10.13-16; Lúk 18.15-17)
13Kányɛ́ band móolónin Yésu na baábayɔ ká údála bɔ́ ɛmbɔ́g úbísógólonyi gɔ́b. Bafɔ́nɔfɔ́n ebélegeen bɔ́. 14Yésu ganyɛ gɔ́b ká: «Ánutɛ́n baábayɔ bóloon agamia, nudilegeén bɔ́. Gágual ká bufuŋ bá muana guɔ́bɔnɛn ebe bányá anyɛ bɔ́bɔ́.» 15Umáal úmáadálan bɔ́ ɛmbɔ́g, uwadɔg agá kɔɔ́m agany.
Giɔmfɔ gá mɔnd na Yésu
(Mál 10.17-31; Lúk 18.18-30; 13.30)
16Mɔnd uwabɛ́sɛdɛnɛn Yésu, uganyɛ gág ká: «Giág nsɛ́gimananá yál gá bese ká ndáŋáb gusɔ́d gá kand nɛmanɛ́ná e?» 17Yésu guondinyi ká: «Gágiág oŋófonó nŋofúny gá ubú búlɛ́ŋaná bese e? Táŋ omoom unyá bese. Ímábá aguámba gubíŋín agá gusɔ́d, bɛ́dɛ́gan bisele.» 18Mɔnd ganyɛ ká: «Bisele bínúm e?» Uwondinyi wɔ́ ká: «Ɔdiɔ́n, adiándɛ́d ɛsɔm, ediéb, adɛsɔ́mbɛ́n sɔ́gɔ́ gɛsɔbɔ. 19Gúményí tiɔ́ na nigód, bíléné sɔ́gɔ́ mɔnd a anyɛ aŋuá muát.» 20Giɔmfɔ gá mɔnd ganyɛ gág ká: «Amaány gidigid, nsaman gual mɔ́, giág gímodió gínséméniné e?» 21Yésu ganyɛ gág ká: «Ɔ́gɔ aguámba gugindibenyi, ɛmbɛ, dú manda mɔ́w gidigid abiananá, agaal émédú, éŋin basɔ́gasɔga muonyi umuány, agabia bɔnɛ́m ugumuana, agá gélem ány, ól, áŋlád.» 22Agá gugál uguány, mɔ́nɔmbɔ gínɔ́g uwadɔ́mb ugany gɔsɔ́g, gágual ká umabiánán bɔnɛ́m giod. 23Yésu ganyɛ gá bafɔ́nɔfɔ́n bág ká: «Ngúnuɔ́yɔɔn agá meliŋítas ká búgabá meyú gá ɛnɔ́m ya mɔnd ká íbíŋín agá Bufuŋ bá muana. 24Mmaánd gúnuɔ́yɛdɛn ká, búnyɛ meyú ká gianta gá bunyam gínyá ɔfɛ́n ká samó dɔ́mbɛ́n agá giés gá ndɔndɔ, gɔɔ́gɔ anyɛ́ búnyá sɔ́n ményí meyú ká ɛnɔ́m sá band ká síbíŋín agá Bufuŋ bá Gɔdányá.» 25Agá gugál uguány, bafɔ́nɔfɔ́n ebéméŋémeŋ ta bɔ́guɔyɔ, bɔ́yɔ ká: «Ányá gɔg unyá bɔ́gúsɔ́d e?» 26Yésu uwadál bɔ́ eŋís soóŋ, uganyɛ ká: «Gá band, búdɛ́bá bágúbiál, agá Gɔdányá buanda gidigid nyɛ bágúbiál.» 27Piéle uwɔgɔ́l gugál uganyɛ ká: «Oo, basuá dɛ́gɔnɛnan buanda gidigid idiagulád. Gás búgabá nanyá e?» 28Uganyɛ gɔ́b ká: «Agá meliŋítas, ngúnuɔ́yɔɔn ká agá gus gugɔ́s, yaŋuá Mɔɔn wá mɔnd ngabá ilukié agá niluku nám ná nugúm, banuá numáŋlád, nugabá ilukié banuá sɔ́n agá eluku át na ándɛ gágúgélenyi egúl át na ándɛ yá Ísalayɛ́la. 29Ebe gidigid bámáatɛ́n duyá dɔ́b, belimén bɔ́b, besié bɔ́b, binyódió bɔ́b, baan bɔ́b gúmén bisién bɔ́b gám góbusió, gadáŋáb bɔnɛ́m giod gudúmbidenyi na gusɔ́d gá kand nɛmanɛ́ná. 30Ebe bányá bá busió nɛ́nuán, giod gabá bégúsúgúdenyi. Gɛdam gá ebe bányá bégúsúgúdenyi nɛ́nuán, giod gabá bá busió.
Právě zvoleno:
Matáyoso 19: MMU2
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
CABTAL
Matáyoso 19
19
Gusasɛd gá gigiŋ
1Yésu máal na guman guéŋeen mbɛ́dɛ́na, uwadɔg ány Galilé, uwɔb agá giéns gá gus gá Yudé negúné wa Yuludɛ́ŋ. 2Bianta bá biŋi bá band ibiáládaan wɔ́ kɔ́, uweéŋúgenyi bɛ́. 3Bafalisiɛ́ŋ abábɛ́nyɛkɛnɛn wɔ́ ká bág wɔ́ agá mbuge. Obófún wɔ́ ká: «Mɔnd nyɛ bágubia bugaga bágɔ́kɔ́ŋɛd agany waga ta búnyɛ gá ɔduɔ́ wá buóny unúm e?» 4Uganyɛ gɔ́b ká: «Nudɛmabán agá mbɔbɔnɔ ká, Oluŋi agá nidúmín malɔŋɔ bɔ́, na anɔ́mandɔ na agánd e? 5Gɔdányá uwɔyɛd sɔ́n ká: Buád buanda, anɔ́mandɔ ganútɛ́n na sié na inyódió, wabɛ́lád agany, bem bándɛ́ bónd nuɔ́l númoom. 6Anaány bádɛ́nuánd gubá bándɛ, bágabá nuɔ́l númoom. Gɔɔ́gɔ mɔnd diábiánáná ká wádɔ́n buanda ubú Gɔdányá máalada.» 7Obófún wɔ́ ká: «Gágiág gɔg Moyíso mɔ́ɔyɛ́d ká mɔnd máal ká úkɔ́ŋɛd agany waga wɔ́ŋɛ́n wɔ́ mbɔbɔnɔ ya gusasɛd gigiŋ e?» 8Uganyɛ ká: «Búnyɛ gobusió bá gulal gá ɛdɛm sán, buád buanda Moyíso méenuéŋín bugaga bá gueneen bagány bán. Agá gɔ́banyɛg budɛmabá anaány gɔg. 9Yaŋuá mmɔɔnuɔ́yɛ́dɛ́n gɔg ká mɔnd mákɔ́ŋɛd agany waga gágual ká, agánd uwaány dɛmáal gɛdáŋa, ugiŋ omodió, umáal gɛdáŋa.»
Gigiŋ na bugɔn
10Bafɔ́nɔfɔ́n bág ganyɛ gág ká: «Ímábá anaány anɔ́mandɔ biananá ká úsɔ́dɔɔn na agany waga, kásɛ bese unyá kɔ́ ká mɔnd bígíŋ e?» 11Uganyɛ gɔ́b ká: «Band gidigid digúsɔŋɔ́na gugál egue, gɔɔ́gɔ ɔbɔ́ búnyá buéŋínén bɔ́ ká básɔ́ŋɔ́n. 12Band nyɛ kɔ́ bɔ́gɔnúlɔ́b ta gubígíŋ, gágual ká bádɛ́bá bágual bú. Gɛdam mebíbién anaány, bómódio, ebéleg bɔ́, gɛdam gímodió ebébílég bɔbɔ́ muát góbúsió bá Bufuŋ bá muana. Mɔnd unyá bágɔ́sɔ́ŋɔ́nɔ, usɔ́ŋɔ́n.»
Yésu gufɔna baábayɔ
(Mál 10.13-16; Lúk 18.15-17)
13Kányɛ́ band móolónin Yésu na baábayɔ ká údála bɔ́ ɛmbɔ́g úbísógólonyi gɔ́b. Bafɔ́nɔfɔ́n ebélegeen bɔ́. 14Yésu ganyɛ gɔ́b ká: «Ánutɛ́n baábayɔ bóloon agamia, nudilegeén bɔ́. Gágual ká bufuŋ bá muana guɔ́bɔnɛn ebe bányá anyɛ bɔ́bɔ́.» 15Umáal úmáadálan bɔ́ ɛmbɔ́g, uwadɔg agá kɔɔ́m agany.
Giɔmfɔ gá mɔnd na Yésu
(Mál 10.17-31; Lúk 18.18-30; 13.30)
16Mɔnd uwabɛ́sɛdɛnɛn Yésu, uganyɛ gág ká: «Giág nsɛ́gimananá yál gá bese ká ndáŋáb gusɔ́d gá kand nɛmanɛ́ná e?» 17Yésu guondinyi ká: «Gágiág oŋófonó nŋofúny gá ubú búlɛ́ŋaná bese e? Táŋ omoom unyá bese. Ímábá aguámba gubíŋín agá gusɔ́d, bɛ́dɛ́gan bisele.» 18Mɔnd ganyɛ ká: «Bisele bínúm e?» Uwondinyi wɔ́ ká: «Ɔdiɔ́n, adiándɛ́d ɛsɔm, ediéb, adɛsɔ́mbɛ́n sɔ́gɔ́ gɛsɔbɔ. 19Gúményí tiɔ́ na nigód, bíléné sɔ́gɔ́ mɔnd a anyɛ aŋuá muát.» 20Giɔmfɔ gá mɔnd ganyɛ gág ká: «Amaány gidigid, nsaman gual mɔ́, giág gímodió gínséméniné e?» 21Yésu ganyɛ gág ká: «Ɔ́gɔ aguámba gugindibenyi, ɛmbɛ, dú manda mɔ́w gidigid abiananá, agaal émédú, éŋin basɔ́gasɔga muonyi umuány, agabia bɔnɛ́m ugumuana, agá gélem ány, ól, áŋlád.» 22Agá gugál uguány, mɔ́nɔmbɔ gínɔ́g uwadɔ́mb ugany gɔsɔ́g, gágual ká umabiánán bɔnɛ́m giod. 23Yésu ganyɛ gá bafɔ́nɔfɔ́n bág ká: «Ngúnuɔ́yɔɔn agá meliŋítas ká búgabá meyú gá ɛnɔ́m ya mɔnd ká íbíŋín agá Bufuŋ bá muana. 24Mmaánd gúnuɔ́yɛdɛn ká, búnyɛ meyú ká gianta gá bunyam gínyá ɔfɛ́n ká samó dɔ́mbɛ́n agá giés gá ndɔndɔ, gɔɔ́gɔ anyɛ́ búnyá sɔ́n ményí meyú ká ɛnɔ́m sá band ká síbíŋín agá Bufuŋ bá Gɔdányá.» 25Agá gugál uguány, bafɔ́nɔfɔ́n ebéméŋémeŋ ta bɔ́guɔyɔ, bɔ́yɔ ká: «Ányá gɔg unyá bɔ́gúsɔ́d e?» 26Yésu uwadál bɔ́ eŋís soóŋ, uganyɛ ká: «Gá band, búdɛ́bá bágúbiál, agá Gɔdányá buanda gidigid nyɛ bágúbiál.» 27Piéle uwɔgɔ́l gugál uganyɛ ká: «Oo, basuá dɛ́gɔnɛnan buanda gidigid idiagulád. Gás búgabá nanyá e?» 28Uganyɛ gɔ́b ká: «Agá meliŋítas, ngúnuɔ́yɔɔn ká agá gus gugɔ́s, yaŋuá Mɔɔn wá mɔnd ngabá ilukié agá niluku nám ná nugúm, banuá numáŋlád, nugabá ilukié banuá sɔ́n agá eluku át na ándɛ gágúgélenyi egúl át na ándɛ yá Ísalayɛ́la. 29Ebe gidigid bámáatɛ́n duyá dɔ́b, belimén bɔ́b, besié bɔ́b, binyódió bɔ́b, baan bɔ́b gúmén bisién bɔ́b gám góbusió, gadáŋáb bɔnɛ́m giod gudúmbidenyi na gusɔ́d gá kand nɛmanɛ́ná. 30Ebe bányá bá busió nɛ́nuán, giod gabá bégúsúgúdenyi. Gɛdam gá ebe bányá bégúsúgúdenyi nɛ́nuán, giod gabá bá busió.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
CABTAL