Matáyoso 17
17
Gubínúgún gá Yésu
(Mál 9.2-9; Lúk 9.28-36)
1Agá gélem gá medug mátíndád Yésu gugɔ́l Piéle, na belimen bándɛ ebe, Sáka nɔbɔ ná Sáŋa, uwɔbɛ́gɔ́gɛ́d nɔbɔ agá nɔgɔnd ná guya. 2Uwenúgi ɔgɔ́b gá eŋís; busió bág meségédé anɛ ɔɔ́ny, bɛla bág ibiónd fúum anɛ gise. 3Bafɔ́nɔfɔ́n bág bádadɔ abaány ebédúmbi guán Moyíso nɔbɔ na Elí bɔ́yɔ móony na Yésu. 4Piéle uwɔgɔ́l gugál uganyɛ gá Yésu ká: «Ɔgúnɔ́, búnyɛ bese ká dɛ́bá aya; ɔ́gɔ egúbíléne, mfuág muans aya múdadɔ: yɔ́w ímoom, yá Moyís ímoom, ímodió yá Elí.» 5Anɛ́ umáabá umáanyá gúgála, nugánd númáabá nuségéde unuabɔgɛn bɔ́. Ekelu máamánɛ́n kɔ́ wɔ́yɔ ká: «Ewe nyɛ Mɔɔn wám wa ɔdɛm, nguɔ́bɔɔn bese naga giod. Ɔ́nuɔ́bɔ́nɛ́n wɔ́!» 6Anyɛ́ bafɔ́nɔfɔ́n abaány mɔ́ɔb anaány, gianta gá buwa ubuádɛgɛn bɔ́, abádáb ɔlɔŋɛ, bálɔ́man dɔbɔl egegus. 7Yésu uwabɛ́sɛ́dɛn uwebisíd bɔ́ uganyɛ ká: «Ánuadɔ́g, nudiábiánán buwa!» 8Bámáal ná guedugi eŋís, abaán gɔɔ́gɔ Yésu uwɔ́ eŋényé. 9Anɛ́ béméesemeén agá nɔgɔnd, Yésu uwasásɛ́d bɔ́ uganyɛ ká: «Ta buanda nudiɔyɛdɛ́n mɔnd gá buanda ebue búmanɔbiál agán góbusió, guámá anyɛ́ yaŋuá mɔɔn wá mɔnd nganuányɔg aga ebeguén.» 10Bafɔ́nɔfɔ́n abaány obófún Yésu ká: «Gágiág gɔ́g befúnyifúny bisele ɔ́yɔnɔ́ ká Elí masɛgɛ́mánán ká wál gúul e?» 11Uwondinyi bɔ́ ká: «Búnyɛ nɔ́, Elí gól, wág buanda gidigid agá ndenyé. 12Ngúnuɔ́yɔɔn gɔg agá meliŋítas ká Eli saman guúl, bádɛ́gɔlɛ́ns wɔ́, abáb gá guala wɔ́ buandá gidigid ubú beméebíléné. Anaány sɔ́n bógonúŋóbígonyi yaŋuá Mɔɔn wá mɔnd.» 13Bafɔ́nɔfɔ́nɔ abásɔ́ŋɔ́n gɔg ká umɔyɔɔ́n bɔ́ buóny bá Sáŋa Batísite.
Giéŋugie gá mɔnd umáabá na nda
(Mál 9.14-29; Lúk 9.37-43)
14Yésu na bafɔ́nɔfɔ́n bág abaány bádadɔ máal bégeén egúy na biŋi bá band, mɔnd omodió uwabɛ́sɛdɛnɛn wɔ́, uwegunsin wɔ́ enú, 15uwɔ́ gág ká: «Ɔgúnɔ́, án mɔɔn wám wa anɔ́mandɔ gɔsɔ́g: ugúguanan nda, wondo wɔ́bɛ́gɔɔn giod. Uganyɛ uguanan bigúl bíndodió agá yoóg ɔ́gɔ ká agá madɛ́ga. 16Nsiíl naga agá bafɔ́nɔfɔ́n bɔ́w, ká béŋúgi wɔ́, umáyág bɔ́.» 17Yésu guondinyi ká: «Nɔgɔgɔ ná band ná kand giondi ɔdɛ́mɔ́, bebílénene sɔ́n guala bɔbɛ, guám niík nŋanúbá nanɔ e? Guám niík nŋɔnúnuɔ́d e? Ónuŋólónín wɔ́ aya.» 18Yésu uwansɛ́dɛn giád gá gíliíndié, igiám agá nuɔ́l ná mɔ́nɔmbɔ, uwɔ́ guéŋúg kɔ́ nɔ kɔ́. 19Bafɔ́nɔfɔ́n gubɛ́sɛdɛnɛn gɔg Yésu, agá nsumbu, obófún wɔ́ ká: «Gíliíndié igiány sadɛ́yág gukɔ́ŋɛd góbusió bá giág e?» 20Uganyɛ gɔ́b ká: «Gágual ká guádáb gán nyɛ́ fágɔfág. Agá meliŋítas nŋúnuɔ́yɔɔn ká buɔ́s nuganúbia guádáb anɛ nsánsamɔ, nunyɛ bɔ́guɔyɛdɛn nɔgɔnd enué ká: “Adɔ́g aya ondó éné”, nɔ́b. Ta buanda búdɛganúyág. 21Gɔ́ɔgɔ mbísógól na gubíleg gá mányánɔ#17.21 Búdɛ́bá buɔ́ŋɔ́n agá imbɔbɔnɔ na nugɛlɛ́k. gúnyá bágúkɔ́ŋɛd nɛnam ná giád ná gíliíndié enie.»
Yésu guɔ́yɔ nigú ná guanyɔg gág
(Mál 9.30-32; Lúk 9.43-45)
22Buɔ́s búmodió bámáabɛ́gɔ́sɛ́d Galilé, Yésu ganyɛ gá bafɔ́nɔfɔ́n ká: «Begegúŋdú yaŋuá Mɔɔn wá mɔnd agá ɛmbɔ́g sá band; 23bɔ́ŋɔ́n, agá medug mádadɔ, yányɔg aga ebeguén.» Buóny ubuány ubuóndi bɔ́ gɔsɔ́g gɔsɔ́ga giod.
Na Yésu na Piéle mánám táas
24Anɛ́ bámáab guám Kapɛlɛnawúm, band béduénené tás wa ɔnyɛb wá Gɔdányá abábɛ́sɛdɛnɛn Piéle obófún wɔ́ ká: «Ɔgúnɔ́ wanɔ dɛgɔ́namaan tás e?» 25Uganyɛ ká: «Ugúnaman». Piéle máal wámaán agá nuyá, Yésu uwakɛn gugɔ́l gugál uganyɛ ká: «Símune, aŋuá agúbídága ká giág e? Gá baányá Befuŋ bá gus gɔ́lɔnɔ́ tás gúmén lampuá e? Gá band bɔ́b bá gɛdɔŋ e? Ɔ́gɔ ká gá benyi e?» 26Piéle guondinyi ká: «Gá benyi», Yésu ganyɛ gág ká: «Bádigúgúda band bá gɛdɔŋ ká bánáman. 27Ká band abaány didiɔ́bɛ́n gudá, mbɛ́ agá manáŋ abɔ́sa, étí inɔ́b, yɔbɔ yá busió ɔgɔgúnúgɔ́l, éfuun niíd ná yɛ́: ɔgɔgúfuɔg mbámb yá muonyi. Gɔ́l yɛ́, éŋín bɔ́ gás gá tás nam nɔw.»
Právě zvoleno:
Matáyoso 17: MMU2
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
CABTAL
Matáyoso 17
17
Gubínúgún gá Yésu
(Mál 9.2-9; Lúk 9.28-36)
1Agá gélem gá medug mátíndád Yésu gugɔ́l Piéle, na belimen bándɛ ebe, Sáka nɔbɔ ná Sáŋa, uwɔbɛ́gɔ́gɛ́d nɔbɔ agá nɔgɔnd ná guya. 2Uwenúgi ɔgɔ́b gá eŋís; busió bág meségédé anɛ ɔɔ́ny, bɛla bág ibiónd fúum anɛ gise. 3Bafɔ́nɔfɔ́n bág bádadɔ abaány ebédúmbi guán Moyíso nɔbɔ na Elí bɔ́yɔ móony na Yésu. 4Piéle uwɔgɔ́l gugál uganyɛ gá Yésu ká: «Ɔgúnɔ́, búnyɛ bese ká dɛ́bá aya; ɔ́gɔ egúbíléne, mfuág muans aya múdadɔ: yɔ́w ímoom, yá Moyís ímoom, ímodió yá Elí.» 5Anɛ́ umáabá umáanyá gúgála, nugánd númáabá nuségéde unuabɔgɛn bɔ́. Ekelu máamánɛ́n kɔ́ wɔ́yɔ ká: «Ewe nyɛ Mɔɔn wám wa ɔdɛm, nguɔ́bɔɔn bese naga giod. Ɔ́nuɔ́bɔ́nɛ́n wɔ́!» 6Anyɛ́ bafɔ́nɔfɔ́n abaány mɔ́ɔb anaány, gianta gá buwa ubuádɛgɛn bɔ́, abádáb ɔlɔŋɛ, bálɔ́man dɔbɔl egegus. 7Yésu uwabɛ́sɛ́dɛn uwebisíd bɔ́ uganyɛ ká: «Ánuadɔ́g, nudiábiánán buwa!» 8Bámáal ná guedugi eŋís, abaán gɔɔ́gɔ Yésu uwɔ́ eŋényé. 9Anɛ́ béméesemeén agá nɔgɔnd, Yésu uwasásɛ́d bɔ́ uganyɛ ká: «Ta buanda nudiɔyɛdɛ́n mɔnd gá buanda ebue búmanɔbiál agán góbusió, guámá anyɛ́ yaŋuá mɔɔn wá mɔnd nganuányɔg aga ebeguén.» 10Bafɔ́nɔfɔ́n abaány obófún Yésu ká: «Gágiág gɔ́g befúnyifúny bisele ɔ́yɔnɔ́ ká Elí masɛgɛ́mánán ká wál gúul e?» 11Uwondinyi bɔ́ ká: «Búnyɛ nɔ́, Elí gól, wág buanda gidigid agá ndenyé. 12Ngúnuɔ́yɔɔn gɔg agá meliŋítas ká Eli saman guúl, bádɛ́gɔlɛ́ns wɔ́, abáb gá guala wɔ́ buandá gidigid ubú beméebíléné. Anaány sɔ́n bógonúŋóbígonyi yaŋuá Mɔɔn wá mɔnd.» 13Bafɔ́nɔfɔ́nɔ abásɔ́ŋɔ́n gɔg ká umɔyɔɔ́n bɔ́ buóny bá Sáŋa Batísite.
Giéŋugie gá mɔnd umáabá na nda
(Mál 9.14-29; Lúk 9.37-43)
14Yésu na bafɔ́nɔfɔ́n bág abaány bádadɔ máal bégeén egúy na biŋi bá band, mɔnd omodió uwabɛ́sɛdɛnɛn wɔ́, uwegunsin wɔ́ enú, 15uwɔ́ gág ká: «Ɔgúnɔ́, án mɔɔn wám wa anɔ́mandɔ gɔsɔ́g: ugúguanan nda, wondo wɔ́bɛ́gɔɔn giod. Uganyɛ uguanan bigúl bíndodió agá yoóg ɔ́gɔ ká agá madɛ́ga. 16Nsiíl naga agá bafɔ́nɔfɔ́n bɔ́w, ká béŋúgi wɔ́, umáyág bɔ́.» 17Yésu guondinyi ká: «Nɔgɔgɔ ná band ná kand giondi ɔdɛ́mɔ́, bebílénene sɔ́n guala bɔbɛ, guám niík nŋanúbá nanɔ e? Guám niík nŋɔnúnuɔ́d e? Ónuŋólónín wɔ́ aya.» 18Yésu uwansɛ́dɛn giád gá gíliíndié, igiám agá nuɔ́l ná mɔ́nɔmbɔ, uwɔ́ guéŋúg kɔ́ nɔ kɔ́. 19Bafɔ́nɔfɔ́n gubɛ́sɛdɛnɛn gɔg Yésu, agá nsumbu, obófún wɔ́ ká: «Gíliíndié igiány sadɛ́yág gukɔ́ŋɛd góbusió bá giág e?» 20Uganyɛ gɔ́b ká: «Gágual ká guádáb gán nyɛ́ fágɔfág. Agá meliŋítas nŋúnuɔ́yɔɔn ká buɔ́s nuganúbia guádáb anɛ nsánsamɔ, nunyɛ bɔ́guɔyɛdɛn nɔgɔnd enué ká: “Adɔ́g aya ondó éné”, nɔ́b. Ta buanda búdɛganúyág. 21Gɔ́ɔgɔ mbísógól na gubíleg gá mányánɔ#17.21 Búdɛ́bá buɔ́ŋɔ́n agá imbɔbɔnɔ na nugɛlɛ́k. gúnyá bágúkɔ́ŋɛd nɛnam ná giád ná gíliíndié enie.»
Yésu guɔ́yɔ nigú ná guanyɔg gág
(Mál 9.30-32; Lúk 9.43-45)
22Buɔ́s búmodió bámáabɛ́gɔ́sɛ́d Galilé, Yésu ganyɛ gá bafɔ́nɔfɔ́n ká: «Begegúŋdú yaŋuá Mɔɔn wá mɔnd agá ɛmbɔ́g sá band; 23bɔ́ŋɔ́n, agá medug mádadɔ, yányɔg aga ebeguén.» Buóny ubuány ubuóndi bɔ́ gɔsɔ́g gɔsɔ́ga giod.
Na Yésu na Piéle mánám táas
24Anɛ́ bámáab guám Kapɛlɛnawúm, band béduénené tás wa ɔnyɛb wá Gɔdányá abábɛ́sɛdɛnɛn Piéle obófún wɔ́ ká: «Ɔgúnɔ́ wanɔ dɛgɔ́namaan tás e?» 25Uganyɛ ká: «Ugúnaman». Piéle máal wámaán agá nuyá, Yésu uwakɛn gugɔ́l gugál uganyɛ ká: «Símune, aŋuá agúbídága ká giág e? Gá baányá Befuŋ bá gus gɔ́lɔnɔ́ tás gúmén lampuá e? Gá band bɔ́b bá gɛdɔŋ e? Ɔ́gɔ ká gá benyi e?» 26Piéle guondinyi ká: «Gá benyi», Yésu ganyɛ gág ká: «Bádigúgúda band bá gɛdɔŋ ká bánáman. 27Ká band abaány didiɔ́bɛ́n gudá, mbɛ́ agá manáŋ abɔ́sa, étí inɔ́b, yɔbɔ yá busió ɔgɔgúnúgɔ́l, éfuun niíd ná yɛ́: ɔgɔgúfuɔg mbámb yá muonyi. Gɔ́l yɛ́, éŋín bɔ́ gás gá tás nam nɔw.»
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
CABTAL