Markus 7
7
Kwakus jiji aagi
(Mat 15.1-9)
1Farisa aagi abə masərək ma ma garagar ndiɓi aagi ndaa a bəza a Wərusalima, aa tadzam ta ka abəra Yesu. 2Gəra aa gəra magəli tə ndiɓi aagi, aa kazəm wəda abə ra dam, ghal tə ci, ra tabanəs. 3Ara ndə a ɗa, Farisa aagi abə Yahuda aagi tiwtiw, aa taban ra katkadək aka səku ci, aa kazəm wədas, ara ndə aa kanjin kwakus jiji. 4Ndə, aa ndaa a bəza a luma, aa taban ra bəza aka səku ci, aa kazəm səkən akas. Vərəm ana kwakus jiji ndə aa kanjinata aagi. Andza: tərəzl tekiɗ, yahwal duguzl abə ɗeŋ.
5Farisa aagi abə masərək ma ma garagar aagi, ɗiw aa ɗiwzə Yesu, aagi iŋgaya: «Magəli kwa aagi ŋkula njin kwakus jiji a heɗe a heɗe ara veme, ndə aa kazəm səkən abə ra dam?» 6Yesu zhin a zhinatana, iŋgaya: «Huni azha! Həji ŋgwashŋgwash aagi, zlap Isaya ndə a zlap ka ata huni, a heɗe a heɗe, andza ndə a ŋtir ka:
Həji watsə aagi, aa hawaka abə ma,
ama, ꞌunəf ta gədək abə sa.
7 Həji watsə aagi, aa hawaka ɓəlaakaka,
ara ndə, aa kasərək ma ma garagar ma ndaha ata ma həji aagi.
8Mbasl huni ma ndə Bizlaf a dzaw ka, huni tsaa kanda kuni aska njinɓa kwakus jiji kuni aagi.»
9Yesu zlap a zlapatana zhana, iŋgaya: «Huni tambasl ma ndə Bizlaf a dzaw ka, aska njinɓa kwakus kuni aagi. 10Ara ndə a ɗa, Musa tazlap: “Hawanə a cihw abə matsuh. Ala ma kara tiw cin abə mamən, a zhiva a dza ka a mci.” 11Ama azha, huni ghalatana a həji aagi: “Andza ala minja a zlapanə a cin aka səku a mamən: Səkən ndə sa kamay a vəlahu aska lamzahu, a ɗa Kwarban, a may a ghal ci, səkən ta vəla a Bizlaf.” 12Ya, ala watsa, huni kapəlanə təf a lamzə tiw cin abə mamən akas. 13Huni gəy ma Bizlaf aka ikwa abə kwakus jiji ndə huni kasərəkatana a həji aagi. Azha, huni kaɗal səkən ndiɓi aagi ikwa aka dagala.»
Səkən ma kabəw ala ka, a ɗa dadawər
(Mat 15.10-20)
14A diwzha tə, Yesu daŋ a ya həji aagi zhana, zlap a zlapatana, iŋgaya: «Huni tehzə ma naka, huni tiwtiw, huni zlima ma watsə: 15Kwa səkən ma kanda a riy a bəra, a kabəw ala a ɗa dadawər akas. Ama azha, ma kandaa a bəza a ꞌunəf ala ana ma kabəw ala a ɗa dadawər. 16[Andza ala abə zləm aka a tehi, mazlima.»]
17Ndə Yesu a mbasl həji aagi ka, a nda tə a wata, magəli tə aagi, ɗiw aa ɗiwzə ata ma ma ndza a maŋgəla watsa. 18Zlap a zlapatana: «Huni yəm, ŋkwaɓ kuni aka wəra? Huni kasən səkən ma ndza ata varvara, a nda a bəra ala meni, a kabəw ala a ɗa dadawər akas, 19ara ndə a ɗa, a kagwar a ꞌunəf təs, ama a nda a bəra tə, kajik ikwa tsaa kanda tə bəza gwara ana ŋva.» Gwara a ma watsə, abə Yesu a ghalə səkən aagi kadək a zəm tiwtiw. 20Zlap a zlap zhana: «Ma kandaa a bəza a zlikusəm ala, sha ana ma kabəw ala a ɗa dadawər. 21Ara ndə a ɗa, ma kandaha a wəzaha, a ꞌunəf ataa ala, abə ma ndə a kadeŋ ma dadawər aagi, ma kaghut ala a ɗal badaway, ŋhil, dza ala, 22mazheref, ɗa nja, mshiɗ, ghut, may səkən ma gamak, sərah, dahalay ma dadawər, ghav, bamə aka səku gazlaŋka. 23Tiwtiw səkən ma gamak watsə aagi, aa ndaa a bəza a wəzaha ana ala, sha ana ma kabəw ala a ɗa dadawər.»
Wala ma ŋkula ɗa Yahuda ma ji ma Yesu
(Mat 15.21-28)
24Yesu tsaa kanda tə a bəza, a nda a hayak Tirus. Tsaa kanda tə a gi minja, ara ndə həji aagi kaasən la ndza tə bəza, ama kula a ɓah səku. 25Mbara wala minja aka, həla tə aka, miɗ ma gamak a kaɗalanə. Ndə a zlima zlap ma ndza ata Yesu, tsaw a ndaha ara kahkah, gəliɓ a gəliɓ tə ka aska ŋgas tə. 26Wala watsa, a ɗa ndə Yahudas, a mbəwha a Siriya hayak ataa Finikiya. Dəba a adzanə ra a Yesu, aska a gam miɗ ma gamak a bəza a ha həla tə. 27Yesu zlap a zlapanə: «Ndza ka kwagwa, wəzhi aa mandar ta, ara ndə a ŋkula ɗa kadək, a ji wəda wəzhi a fakatana bəza a wəzhi həzhi.» 28«Ayəw njiwin Bay Madagal,» iy abə a zhinanə, «Ama wəzhi həzhi aa ndza aska galaŋ, a dəmə giɗgiɗ wəda ma kazah aska wəzhi.» 29Mbara, Yesu zlap a zlapanə: «Dawna ma watsə, nda kwa a wata kwa: miɗ ma gamak taa tə bəza a həla kwa.» 30Zhin a zhina tə a wata, a ndaha, həla tə a kawan ata rəŋgaw, miɗ ma gamak taa tə a bəza a ha tə.
Mbəl madəŋə ma ŋkula zlap
31Yesu tsaa kanda tə a bəza a hayak Tirus, a pew gwara a Sidun, gwara a ma mtil Galili, a pewha gwara a hayak ma dzamadzam wam. 32Leŋ aa daanə ala ma dəŋə minja, a kazlap akas, dəba aagi adzanə ra aska a tsəz ra a heɗe. 33Mbara a tsutsa, Yesu leŋ a ji, aa tsaa kanda ta abə sha gagagha ta, gədək abə həji aagi. Pa a tsa wəzhi ra tə aagi a zləm tə, ŋtif i majignek ata ra, a tsə ata gaɗaɗaŋ tə. 34A diwzha tə, Yesu kaf i nja a wəzlaf, haŋkaf i abə ɓərɓər, zlap a zlapanə ana ala watsa: «Effata!» ghal tə ci, «Dəɗ kwa!» 35A tsutsa, zləm ala watsa, mpeŋ a dəɗ tə, gaɗaɗaŋ tə pəl a pəl tə, a zlap katkadək.
36Yesu ŋgəz a ŋgəzata bəza ara ndə aa kaghalanə ka ana ala, kala ndə a ghalatana, aɓa azha ci, aa vas a ɓizh ma tə abə ɓərɓər tə. 37A tsutsa, həji aagi hak aa ghərəŋ ta a guɗaŋ, aagi iŋgaya: «Səkən ndə a kaɗal tiwtiw, ŋter təwah ! A kadəɗ zləm ata həji ma ŋtəɗ ta aagi, a kapəl gaɗaɗaŋ ataa dada aagi.»
Právě zvoleno:
Markus 7: GOU
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Markus 7
7
Kwakus jiji aagi
(Mat 15.1-9)
1Farisa aagi abə masərək ma ma garagar ndiɓi aagi ndaa a bəza a Wərusalima, aa tadzam ta ka abəra Yesu. 2Gəra aa gəra magəli tə ndiɓi aagi, aa kazəm wəda abə ra dam, ghal tə ci, ra tabanəs. 3Ara ndə a ɗa, Farisa aagi abə Yahuda aagi tiwtiw, aa taban ra katkadək aka səku ci, aa kazəm wədas, ara ndə aa kanjin kwakus jiji. 4Ndə, aa ndaa a bəza a luma, aa taban ra bəza aka səku ci, aa kazəm səkən akas. Vərəm ana kwakus jiji ndə aa kanjinata aagi. Andza: tərəzl tekiɗ, yahwal duguzl abə ɗeŋ.
5Farisa aagi abə masərək ma ma garagar aagi, ɗiw aa ɗiwzə Yesu, aagi iŋgaya: «Magəli kwa aagi ŋkula njin kwakus jiji a heɗe a heɗe ara veme, ndə aa kazəm səkən abə ra dam?» 6Yesu zhin a zhinatana, iŋgaya: «Huni azha! Həji ŋgwashŋgwash aagi, zlap Isaya ndə a zlap ka ata huni, a heɗe a heɗe, andza ndə a ŋtir ka:
Həji watsə aagi, aa hawaka abə ma,
ama, ꞌunəf ta gədək abə sa.
7 Həji watsə aagi, aa hawaka ɓəlaakaka,
ara ndə, aa kasərək ma ma garagar ma ndaha ata ma həji aagi.
8Mbasl huni ma ndə Bizlaf a dzaw ka, huni tsaa kanda kuni aska njinɓa kwakus jiji kuni aagi.»
9Yesu zlap a zlapatana zhana, iŋgaya: «Huni tambasl ma ndə Bizlaf a dzaw ka, aska njinɓa kwakus kuni aagi. 10Ara ndə a ɗa, Musa tazlap: “Hawanə a cihw abə matsuh. Ala ma kara tiw cin abə mamən, a zhiva a dza ka a mci.” 11Ama azha, huni ghalatana a həji aagi: “Andza ala minja a zlapanə a cin aka səku a mamən: Səkən ndə sa kamay a vəlahu aska lamzahu, a ɗa Kwarban, a may a ghal ci, səkən ta vəla a Bizlaf.” 12Ya, ala watsa, huni kapəlanə təf a lamzə tiw cin abə mamən akas. 13Huni gəy ma Bizlaf aka ikwa abə kwakus jiji ndə huni kasərəkatana a həji aagi. Azha, huni kaɗal səkən ndiɓi aagi ikwa aka dagala.»
Səkən ma kabəw ala ka, a ɗa dadawər
(Mat 15.10-20)
14A diwzha tə, Yesu daŋ a ya həji aagi zhana, zlap a zlapatana, iŋgaya: «Huni tehzə ma naka, huni tiwtiw, huni zlima ma watsə: 15Kwa səkən ma kanda a riy a bəra, a kabəw ala a ɗa dadawər akas. Ama azha, ma kandaa a bəza a ꞌunəf ala ana ma kabəw ala a ɗa dadawər. 16[Andza ala abə zləm aka a tehi, mazlima.»]
17Ndə Yesu a mbasl həji aagi ka, a nda tə a wata, magəli tə aagi, ɗiw aa ɗiwzə ata ma ma ndza a maŋgəla watsa. 18Zlap a zlapatana: «Huni yəm, ŋkwaɓ kuni aka wəra? Huni kasən səkən ma ndza ata varvara, a nda a bəra ala meni, a kabəw ala a ɗa dadawər akas, 19ara ndə a ɗa, a kagwar a ꞌunəf təs, ama a nda a bəra tə, kajik ikwa tsaa kanda tə bəza gwara ana ŋva.» Gwara a ma watsə, abə Yesu a ghalə səkən aagi kadək a zəm tiwtiw. 20Zlap a zlap zhana: «Ma kandaa a bəza a zlikusəm ala, sha ana ma kabəw ala a ɗa dadawər. 21Ara ndə a ɗa, ma kandaha a wəzaha, a ꞌunəf ataa ala, abə ma ndə a kadeŋ ma dadawər aagi, ma kaghut ala a ɗal badaway, ŋhil, dza ala, 22mazheref, ɗa nja, mshiɗ, ghut, may səkən ma gamak, sərah, dahalay ma dadawər, ghav, bamə aka səku gazlaŋka. 23Tiwtiw səkən ma gamak watsə aagi, aa ndaa a bəza a wəzaha ana ala, sha ana ma kabəw ala a ɗa dadawər.»
Wala ma ŋkula ɗa Yahuda ma ji ma Yesu
(Mat 15.21-28)
24Yesu tsaa kanda tə a bəza, a nda a hayak Tirus. Tsaa kanda tə a gi minja, ara ndə həji aagi kaasən la ndza tə bəza, ama kula a ɓah səku. 25Mbara wala minja aka, həla tə aka, miɗ ma gamak a kaɗalanə. Ndə a zlima zlap ma ndza ata Yesu, tsaw a ndaha ara kahkah, gəliɓ a gəliɓ tə ka aska ŋgas tə. 26Wala watsa, a ɗa ndə Yahudas, a mbəwha a Siriya hayak ataa Finikiya. Dəba a adzanə ra a Yesu, aska a gam miɗ ma gamak a bəza a ha həla tə. 27Yesu zlap a zlapanə: «Ndza ka kwagwa, wəzhi aa mandar ta, ara ndə a ŋkula ɗa kadək, a ji wəda wəzhi a fakatana bəza a wəzhi həzhi.» 28«Ayəw njiwin Bay Madagal,» iy abə a zhinanə, «Ama wəzhi həzhi aa ndza aska galaŋ, a dəmə giɗgiɗ wəda ma kazah aska wəzhi.» 29Mbara, Yesu zlap a zlapanə: «Dawna ma watsə, nda kwa a wata kwa: miɗ ma gamak taa tə bəza a həla kwa.» 30Zhin a zhina tə a wata, a ndaha, həla tə a kawan ata rəŋgaw, miɗ ma gamak taa tə a bəza a ha tə.
Mbəl madəŋə ma ŋkula zlap
31Yesu tsaa kanda tə a bəza a hayak Tirus, a pew gwara a Sidun, gwara a ma mtil Galili, a pewha gwara a hayak ma dzamadzam wam. 32Leŋ aa daanə ala ma dəŋə minja, a kazlap akas, dəba aagi adzanə ra aska a tsəz ra a heɗe. 33Mbara a tsutsa, Yesu leŋ a ji, aa tsaa kanda ta abə sha gagagha ta, gədək abə həji aagi. Pa a tsa wəzhi ra tə aagi a zləm tə, ŋtif i majignek ata ra, a tsə ata gaɗaɗaŋ tə. 34A diwzha tə, Yesu kaf i nja a wəzlaf, haŋkaf i abə ɓərɓər, zlap a zlapanə ana ala watsa: «Effata!» ghal tə ci, «Dəɗ kwa!» 35A tsutsa, zləm ala watsa, mpeŋ a dəɗ tə, gaɗaɗaŋ tə pəl a pəl tə, a zlap katkadək.
36Yesu ŋgəz a ŋgəzata bəza ara ndə aa kaghalanə ka ana ala, kala ndə a ghalatana, aɓa azha ci, aa vas a ɓizh ma tə abə ɓərɓər tə. 37A tsutsa, həji aagi hak aa ghərəŋ ta a guɗaŋ, aagi iŋgaya: «Səkən ndə a kaɗal tiwtiw, ŋter təwah ! A kadəɗ zləm ata həji ma ŋtəɗ ta aagi, a kapəl gaɗaɗaŋ ataa dada aagi.»
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas