Markus 6
6
Həji ma ndza a Nasaratu aagi kaji ma ataa Yesu səku
(Mat 13.53-58; Luk 4.16-30)
1Yesu tsaa kanda tə a bəza a tsutsa, tsaa kanda tə a hayak ndə a gəlha a mən. Magəli tə aagi kasəbarə. 2Ma vah ta nəp Yahuda aagi, dəba a asərəkatana ma a jak ta tarha ataa Yahuda aagi. Həji aagi vərəm, ndə aa zlima sərək səkən tə watsa aagi, hak aa ghərəŋ ta a heɗe. Aa tsa kazlap, aagi iŋgaya: «A daaha shiŋ səkən watsə aagi, a vata? Ma vəlanə sən səkən watsə vaya? Kwa abə tsufa ndə a kambaɗ abə sha watsa aagi, ma vəlanə vaya? 3Həna, a ɗa, ala ma kaŋta mpi aɓa wəra, mbə Mariyama, zliŋgina Yakuba, Yuses, Yahuda, abə Simun wəra? Hildimi mamən aagi ndza a ɗi a taba takwa aɓa wəra?» Sha ana ndə aa ŋkula ji ma tə. 4A tsutsa azha, Yesu zlap a zlapatana, iŋgaya: «Həji kavəlanə sləf ana ala ma ɗaf ma ndə a zlimazə ara Bizlaf kwa vatəy, ama a hayak ndə a mbəw a mən, a taba vən tə aagi, a gi tə, aa kaji nja təs.» 5Kwa kula ɗal tsaɓan kwa ŋtaɗ akas. Maɗ ata həji dawər aagi, kajik ikwa ndə a tsa ra aha təmta, a mbəlata. 6Azha hak a ghərəŋ tə, ara ndə həji aagi ŋkula ji ma tə.
Yesu tazlən magəli tə ma wam aha gbak aagi
(Mat 10.5-15; Luk 9.1-6)
Yesu tsaa kanda tə a ŋge a hayak ndiɓi aagi ma huk abəra Nasaratu, a sərəkatana ma. 7Ya a ya magəli tə aagi wam aha gbak, dəba a azlənata gbak gbak. Pa a vəlatana ɓərɓər ta ndza aha miɗ ma gamak aagi, 8ŋgəz a ŋgəzata bəza ikwa: «Andza huni kanda, huni ɗiw a ji səkən aaras, səy dambəy ta dik ana ndə huni kaji aara: huni ɗiw a ji səkən zəm aaras, kwa slibi, kwa dala a slibi kuni. 9Huni dəm aŋci ma ŋkəslepŋkəslep, ama huni ɗiw a ji rəkuts gbakəs.» 10Zlap a zlapatana zhana, iŋgaya: «Ndə huni kaɗa gwar a wata ala, huni ndza a gi ndə aa lamzahuni watsa, a vaŋ ata vah ndə huni kandaa kuni a bəza ata la watsa. 11Andza həji ma ndza ata la watsa aagi talamzahuni akas, aa tazlima ma kuni akas, huni ndaa kuni bəza ata la watsa, huni ŋtəw birdibirdi ma ndza ata ŋgas kuni bəza, a heɗe abə aagi sən ka ci, zlən ta gamak.» 12Magəli tə aagi tsaa kanda ta, aa kaghalatana a həji aagi tiwtiw: «Huni mbaɗ landza kuni bəza.»
13Aa tagam miɗ ma gamak dagala a ha həji aagi, aa kabəzatana mali a həji dawər aagi vərəm, aa tarehata bəza ara dawər ta aagi.
Mci ataa Yahwana ma ɗal batem
(Mat 14.1-12; Luk 9.7-9)
14Ndə, bay Haridus a zlima zlap ma ndza ata Yesu, kwa a vatəy aa kaya zləm tə. Aa kazlap: «Yahwana ma ɗal batem tazhina tə a bəza a jiɓ, sha ana ndə a lima ɓərɓər ta ɗal tsaɓan,» aagiy. 15Ndiɓi aagi kazlap, aagi iŋgaya: «A ɗa Iliya.» Ndiɓi aagi zlap zhana aagi iŋgaya: «A ɗa ala ma ɗaf ma ndə a zlimazə ara Bizlaf ma payha a taba maɗaf ma va a ndza ambəɗa tə aagi.» 16Ndə Haridus a zlima azha, iŋgaya: «Yahwana ndə sa tsaslanə ha bəza watsa, ana ma zhina tə a bəza a jiɓ azhaw.»
17-18Dawna ndə Haridus a ji Harudiya wala ataa zliŋgin Filip a bəza, Yahwana zlap a zlapanə a Haridus: «A kazhiva a hwa a ji wala zlinahus!» iy. Sha ana ndə Haridus abə ha tə a zlapatana a həji aagi, aagi a mbələ, a dzaw ka, a tsə ka a jak ta sa yaka. 19Harudiya taghuɗek tə abə Yahwana, a kamay a dzə ka, ama, kula a heɗes. 20Ara ndə a ɗa, ŋzliŋ a kadza Haridus ara Yahwana, ara ndə, a kasənə, a ɗa ala ma ŋtan, ma ghwaɗeɗe, tahəbar bəza katkadək. Avəli, a kamay a zlimazə ma tə abə ɓas. Ndə a zlima ma tə watsə ya, ŋkwaɓ tə taghərnək tə a guɗaŋ.
21Azha, vah ma təwah a ɗal tə, vah ta ɗal gwaygwaya lambəwha Haridus, a ɗa, vah ndə Harudiya a kamay a guɗaŋ. Haridus tadatana səkən zəm aka a həji ma gulakwakw tə aagi, abə həji ma gulakwakw ataa suji aagi, abə həji bay ma ndza a Galili aagi. 22Həla ataa Harudiya tsaw a nda a jak, dəba a adəməs. A ɗalanə təwah a bay abə həji ndə a yaata aagi. Bay zlap a zlapanə a həla watsa: «Səkən ndə hwa kamayə, ɗiwaka, sa avəlahu.» 23Zhana zlap a zlapanə: «Sa tameɗahu ka, sa avəlahu səkən ndə hwa ɗiwaka, kwa andza mə aɓizh hayak naka ka riri abə hwa.» 24Azha həladəma tsaw a ndaa tə bəza, zlap a zlapanə a mamən: «Shiŋ səkən ndə sa kaaɗiwi ara veme?» Zhin a zhinanə, iŋgaya: «Ha ataa Yahwana ma ɗal batem,» iy. 25Həla watsa zhin a zhin tə kahkah ara bay, dəba a aghalanə səkən ndə a kamayə: «Sa may a hwa a vəlaka ha Yahwana ma ɗal batem anawatsə anawatsə ata pəlay watsə.» 26Bay ghuɗek a ghuɗek tə, ama, kula a ŋkalzəs, ara ndə a meɗanə ka ata nja həji ndə a yaata aagi. 27A tsutsa tsutsa, zlap a zlapanə a suji tə ma kahəbarə: «Nda daaka ha ataa Yahwana ma ɗal batem.» Suji tsaw a nda a jak ta sa yaka taw a zlaha ha ataa Yahwana. 28Leŋ a daaha ha, ata pəlay, pa a vəlanə a həla watsa, nda pa həla watsa pa a vəlanə a mamən. 29Ndə magəli ataa Yahwana aagi, aa zlima ikwa ya, tsaw aa ndaha a ji zlikusəm tə a kah ka.
Yesu tandar həji aagi bəluk dzaɓən
(Mat 14.13-21; Luk 9.10-17; Yhw 6.1-14)
30Həji ta zlən Yesu aagi, dzam aa dzam ta ka abəra, dəba aagi aghalanə səkən ndə aa ɗalazə aagi tiwtiw, abə ma ndə aa sərəkatana a həji aagi. 31Ndə həji aagi aa ɗa vərəm, ma kandaha aka, ma kanda tə aka, Yesu azha abə magəli tə aagi, aa talima təf aska aagi zəm səkən akas. Sha ana ndə a zlapatana, iŋgaya: «Huni ndaha, kiyzamtakwa ata la ndə həji aagi ŋkula ndza aka, a həji anəpɓa bəza kajik.»
32Aa tsaa kanda ta gagagha ta, ata gəlmbə ma ŋtaguleŋ, aa tsaa kanda ta ata la ndə həji aagi ŋkula ndza aka. 33Vərəm ana həji ma gərata aagi, ndə aa kanda, aa kasən la ndə aa kanda a heɗe. Həji aagi shaha a bəza a ŋge a hayak aagi abə ŋgas, a ndaha ata la watsa, aa mpər aha Yesu abə magəli tə aagi. 34Ndə Yesu a ndaa tə a bəza ata gəlmbə, a gəra ŋgaɓa həji aagi vərəm. Hahər kpa a dzə bəza a guɗaŋ aska təmta, ara ndə aa ndza andza biri ŋcimi ndə mbə njin a ŋkula ndza aska təmta aagi. Dəba a asərəkatana səkən dagala.
35Ŋtsəɓahw taɗal tə, magəli Yesu aagi, kərəɗ aa kərəɗakənə, zlap aa zlapanə, aagi iŋgaya: «Zaɗə taɗal tə, la watsə a ndza a damə. 36Zlapatana a həji watsə aagi manda ta a ŋge a hayak ma dzuk dzuk aagi, a taba jak a ma slaɓ slaɓ aagi, aska aagi səkəmɓa səkən zəm aagi.» 37Yesu zhin a zhinatana a magəli tə aagi, iŋgaya: «Huni vəlatana səkən zəm abə ha kuni!» iy, magəli tə aagi, zlap aa zlapanə, aagi iŋgaya: «Hwa may aska ni anda səkəmatana ambash wəda, ata dala gbak, aska ni avəlatana a zəm azha vəw?» aagiy. 38Yesu zlap a zlapatana, iŋgaya: «Ambash wəda ara huni vana? Huni nda taŋazə.» Nda ɗiw aa ɗiwzə, ndaha, ghal aa ghalanə, aagi iŋgaya: «Ni abə ambash wəda dzaɓən, abə ŋkilif gbak,» aagiy. 39Azha, Yesu zlap a zlapatana ka a magəli tə aagi, aska aagi zlapatana a ndza ka dzəɓakw, dzəɓakw ata ŋkəsaf ma njaɓek. 40Ka aa ndza ta ka, teemeri, teemeri, aka səku, radzaɓən radzaɓən. 41A diwzha tə, Yesu leŋ a ji ambash wəda ma dzaɓən abə ŋkilif ma gbak watsa, kaf i nja a wəzlaf, dəba a ɗalanə wasiy a Bizlaf. Teŋ a teŋ wəda ka a mən, pa a vəlatana a magəli tə aagi, aska aagi a ɓizhatana a həji aagi. Ɓizh aa ɓizhatana ŋkilif ma gbak watsa tiwtiw zhana yəm. 42Kwa vaye tazəm ga, ga. 43Magəli tə aagi, dəba aagi adzam kirkem wəda ma finha abə ŋkilif, a dzamha wədzəm wam aha gbak. 44Həji ma zəm wəda watsa aagi, mawəl aagi, a ɗal bəza bəluk dzaɓən.
Yesu a kanda ata yəm
(Mat 14.22-33; Yhw 6.15-21)
45A tsutsa a diwzha tə, Yesu a katak magəli tə aagi nda a gəlmbə aska aagi nda akale, a bəza aha ma zlazlər, gwara a hayak ma dzamadzam Baytisayda, tiɗa ndə a kakərəŋ a kazlapatana a ŋgaɓa həji aagi, aagi nda ta a wata. 46Ndə ŋgaɓa həji aagi aa nda ta, tsaa kanda tə a ha dawən a tarha.
47Ndə zaɗə a ndaa tə, tiɗa gəlmbə a taba mtil, Yesu ana ma mba ka ŋtaguleŋ tə ata hayak. 48A gəra ya, magəli tə aagi, aa kaləm a gaɓ gəlmbə, miɗ a kasatana yaka. Tiɗa a dəylakwaf, dəba a anda ara təmta abə ŋgas ata mtil, azha a kaɗiw a mbəɗata ka. 49Ndə aa gəra, a kanda ata yəm abə ŋgas ya, aa deŋ ka ci, ala ma zhinha a bəza a jiɓ, aagiy. Kek, aagi wəla. 50Ndə aa gəra, binik ŋzliŋ a dzata bəza tiwtiw. Ama a tsutsa, dəba a azlapatana, iŋgaya: «Huni sakw ꞌunəf aka!» iy təmta. «Sa, huni ɗal ŋzliŋ səku!» 51A diwzha tə, takaf a taf tə, ata gəlmbə abəra təmta, miɗ zəɓət a zəɓət tə. Hak aa ghərəŋ ta a guɗaŋ, 52ara ndə aa ŋkula zlima tsaɓan ndə a ɗal ata wəda, ara ndə ꞌunəf ta a ɗa ɓərɓər ikwa.
Yesu tambəl həji dawər aagi a hayak Zhenesaret
(Mat 14.34-36)
53Ndə Yesu a zlaŋ tə a bəza a ma zlazlər abə magəli tə aagi vaŋ a hayak ataa Zhenesaret, pa aa tsa gəlmbə ta ka a ma zlazlər. 54A tsutsa ndə aa ndaa ta a bəza ata gəlmbə, kahkah həji aagi tasən Yesu bəza. 55Dəba həji aagi ashi a ŋge a hayak aagi tiwtiw, dəba aagi akwaranə həji dawər aagi ata zal, kwa vatəy ata la ndə aa zlima, a ɗi. 56Kala la ndə Yesu a nda a heɗe, a ŋge a hayak ma dzamadzam aagi, a ŋge hayak ma fashiɗ ma dzuk dzuk aagi, abə la ma ata masliji aagi, aa kadzamanə həji dawər aagi, aa tawanata ka a ŋge ata la ndə həji aa dzam a ꞌwat, azha aa kadzanə ra, aska a pəlatana təf a dishzə ra ata mazləm rəkuts tə. Azha kala ala ma dishzə ra a heɗe, tambəl tə.
Právě zvoleno:
Markus 6: GOU
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Markus 6
6
Həji ma ndza a Nasaratu aagi kaji ma ataa Yesu səku
(Mat 13.53-58; Luk 4.16-30)
1Yesu tsaa kanda tə a bəza a tsutsa, tsaa kanda tə a hayak ndə a gəlha a mən. Magəli tə aagi kasəbarə. 2Ma vah ta nəp Yahuda aagi, dəba a asərəkatana ma a jak ta tarha ataa Yahuda aagi. Həji aagi vərəm, ndə aa zlima sərək səkən tə watsa aagi, hak aa ghərəŋ ta a heɗe. Aa tsa kazlap, aagi iŋgaya: «A daaha shiŋ səkən watsə aagi, a vata? Ma vəlanə sən səkən watsə vaya? Kwa abə tsufa ndə a kambaɗ abə sha watsa aagi, ma vəlanə vaya? 3Həna, a ɗa, ala ma kaŋta mpi aɓa wəra, mbə Mariyama, zliŋgina Yakuba, Yuses, Yahuda, abə Simun wəra? Hildimi mamən aagi ndza a ɗi a taba takwa aɓa wəra?» Sha ana ndə aa ŋkula ji ma tə. 4A tsutsa azha, Yesu zlap a zlapatana, iŋgaya: «Həji kavəlanə sləf ana ala ma ɗaf ma ndə a zlimazə ara Bizlaf kwa vatəy, ama a hayak ndə a mbəw a mən, a taba vən tə aagi, a gi tə, aa kaji nja təs.» 5Kwa kula ɗal tsaɓan kwa ŋtaɗ akas. Maɗ ata həji dawər aagi, kajik ikwa ndə a tsa ra aha təmta, a mbəlata. 6Azha hak a ghərəŋ tə, ara ndə həji aagi ŋkula ji ma tə.
Yesu tazlən magəli tə ma wam aha gbak aagi
(Mat 10.5-15; Luk 9.1-6)
Yesu tsaa kanda tə a ŋge a hayak ndiɓi aagi ma huk abəra Nasaratu, a sərəkatana ma. 7Ya a ya magəli tə aagi wam aha gbak, dəba a azlənata gbak gbak. Pa a vəlatana ɓərɓər ta ndza aha miɗ ma gamak aagi, 8ŋgəz a ŋgəzata bəza ikwa: «Andza huni kanda, huni ɗiw a ji səkən aaras, səy dambəy ta dik ana ndə huni kaji aara: huni ɗiw a ji səkən zəm aaras, kwa slibi, kwa dala a slibi kuni. 9Huni dəm aŋci ma ŋkəslepŋkəslep, ama huni ɗiw a ji rəkuts gbakəs.» 10Zlap a zlapatana zhana, iŋgaya: «Ndə huni kaɗa gwar a wata ala, huni ndza a gi ndə aa lamzahuni watsa, a vaŋ ata vah ndə huni kandaa kuni a bəza ata la watsa. 11Andza həji ma ndza ata la watsa aagi talamzahuni akas, aa tazlima ma kuni akas, huni ndaa kuni bəza ata la watsa, huni ŋtəw birdibirdi ma ndza ata ŋgas kuni bəza, a heɗe abə aagi sən ka ci, zlən ta gamak.» 12Magəli tə aagi tsaa kanda ta, aa kaghalatana a həji aagi tiwtiw: «Huni mbaɗ landza kuni bəza.»
13Aa tagam miɗ ma gamak dagala a ha həji aagi, aa kabəzatana mali a həji dawər aagi vərəm, aa tarehata bəza ara dawər ta aagi.
Mci ataa Yahwana ma ɗal batem
(Mat 14.1-12; Luk 9.7-9)
14Ndə, bay Haridus a zlima zlap ma ndza ata Yesu, kwa a vatəy aa kaya zləm tə. Aa kazlap: «Yahwana ma ɗal batem tazhina tə a bəza a jiɓ, sha ana ndə a lima ɓərɓər ta ɗal tsaɓan,» aagiy. 15Ndiɓi aagi kazlap, aagi iŋgaya: «A ɗa Iliya.» Ndiɓi aagi zlap zhana aagi iŋgaya: «A ɗa ala ma ɗaf ma ndə a zlimazə ara Bizlaf ma payha a taba maɗaf ma va a ndza ambəɗa tə aagi.» 16Ndə Haridus a zlima azha, iŋgaya: «Yahwana ndə sa tsaslanə ha bəza watsa, ana ma zhina tə a bəza a jiɓ azhaw.»
17-18Dawna ndə Haridus a ji Harudiya wala ataa zliŋgin Filip a bəza, Yahwana zlap a zlapanə a Haridus: «A kazhiva a hwa a ji wala zlinahus!» iy. Sha ana ndə Haridus abə ha tə a zlapatana a həji aagi, aagi a mbələ, a dzaw ka, a tsə ka a jak ta sa yaka. 19Harudiya taghuɗek tə abə Yahwana, a kamay a dzə ka, ama, kula a heɗes. 20Ara ndə a ɗa, ŋzliŋ a kadza Haridus ara Yahwana, ara ndə, a kasənə, a ɗa ala ma ŋtan, ma ghwaɗeɗe, tahəbar bəza katkadək. Avəli, a kamay a zlimazə ma tə abə ɓas. Ndə a zlima ma tə watsə ya, ŋkwaɓ tə taghərnək tə a guɗaŋ.
21Azha, vah ma təwah a ɗal tə, vah ta ɗal gwaygwaya lambəwha Haridus, a ɗa, vah ndə Harudiya a kamay a guɗaŋ. Haridus tadatana səkən zəm aka a həji ma gulakwakw tə aagi, abə həji ma gulakwakw ataa suji aagi, abə həji bay ma ndza a Galili aagi. 22Həla ataa Harudiya tsaw a nda a jak, dəba a adəməs. A ɗalanə təwah a bay abə həji ndə a yaata aagi. Bay zlap a zlapanə a həla watsa: «Səkən ndə hwa kamayə, ɗiwaka, sa avəlahu.» 23Zhana zlap a zlapanə: «Sa tameɗahu ka, sa avəlahu səkən ndə hwa ɗiwaka, kwa andza mə aɓizh hayak naka ka riri abə hwa.» 24Azha həladəma tsaw a ndaa tə bəza, zlap a zlapanə a mamən: «Shiŋ səkən ndə sa kaaɗiwi ara veme?» Zhin a zhinanə, iŋgaya: «Ha ataa Yahwana ma ɗal batem,» iy. 25Həla watsa zhin a zhin tə kahkah ara bay, dəba a aghalanə səkən ndə a kamayə: «Sa may a hwa a vəlaka ha Yahwana ma ɗal batem anawatsə anawatsə ata pəlay watsə.» 26Bay ghuɗek a ghuɗek tə, ama, kula a ŋkalzəs, ara ndə a meɗanə ka ata nja həji ndə a yaata aagi. 27A tsutsa tsutsa, zlap a zlapanə a suji tə ma kahəbarə: «Nda daaka ha ataa Yahwana ma ɗal batem.» Suji tsaw a nda a jak ta sa yaka taw a zlaha ha ataa Yahwana. 28Leŋ a daaha ha, ata pəlay, pa a vəlanə a həla watsa, nda pa həla watsa pa a vəlanə a mamən. 29Ndə magəli ataa Yahwana aagi, aa zlima ikwa ya, tsaw aa ndaha a ji zlikusəm tə a kah ka.
Yesu tandar həji aagi bəluk dzaɓən
(Mat 14.13-21; Luk 9.10-17; Yhw 6.1-14)
30Həji ta zlən Yesu aagi, dzam aa dzam ta ka abəra, dəba aagi aghalanə səkən ndə aa ɗalazə aagi tiwtiw, abə ma ndə aa sərəkatana a həji aagi. 31Ndə həji aagi aa ɗa vərəm, ma kandaha aka, ma kanda tə aka, Yesu azha abə magəli tə aagi, aa talima təf aska aagi zəm səkən akas. Sha ana ndə a zlapatana, iŋgaya: «Huni ndaha, kiyzamtakwa ata la ndə həji aagi ŋkula ndza aka, a həji anəpɓa bəza kajik.»
32Aa tsaa kanda ta gagagha ta, ata gəlmbə ma ŋtaguleŋ, aa tsaa kanda ta ata la ndə həji aagi ŋkula ndza aka. 33Vərəm ana həji ma gərata aagi, ndə aa kanda, aa kasən la ndə aa kanda a heɗe. Həji aagi shaha a bəza a ŋge a hayak aagi abə ŋgas, a ndaha ata la watsa, aa mpər aha Yesu abə magəli tə aagi. 34Ndə Yesu a ndaa tə a bəza ata gəlmbə, a gəra ŋgaɓa həji aagi vərəm. Hahər kpa a dzə bəza a guɗaŋ aska təmta, ara ndə aa ndza andza biri ŋcimi ndə mbə njin a ŋkula ndza aska təmta aagi. Dəba a asərəkatana səkən dagala.
35Ŋtsəɓahw taɗal tə, magəli Yesu aagi, kərəɗ aa kərəɗakənə, zlap aa zlapanə, aagi iŋgaya: «Zaɗə taɗal tə, la watsə a ndza a damə. 36Zlapatana a həji watsə aagi manda ta a ŋge a hayak ma dzuk dzuk aagi, a taba jak a ma slaɓ slaɓ aagi, aska aagi səkəmɓa səkən zəm aagi.» 37Yesu zhin a zhinatana a magəli tə aagi, iŋgaya: «Huni vəlatana səkən zəm abə ha kuni!» iy, magəli tə aagi, zlap aa zlapanə, aagi iŋgaya: «Hwa may aska ni anda səkəmatana ambash wəda, ata dala gbak, aska ni avəlatana a zəm azha vəw?» aagiy. 38Yesu zlap a zlapatana, iŋgaya: «Ambash wəda ara huni vana? Huni nda taŋazə.» Nda ɗiw aa ɗiwzə, ndaha, ghal aa ghalanə, aagi iŋgaya: «Ni abə ambash wəda dzaɓən, abə ŋkilif gbak,» aagiy. 39Azha, Yesu zlap a zlapatana ka a magəli tə aagi, aska aagi zlapatana a ndza ka dzəɓakw, dzəɓakw ata ŋkəsaf ma njaɓek. 40Ka aa ndza ta ka, teemeri, teemeri, aka səku, radzaɓən radzaɓən. 41A diwzha tə, Yesu leŋ a ji ambash wəda ma dzaɓən abə ŋkilif ma gbak watsa, kaf i nja a wəzlaf, dəba a ɗalanə wasiy a Bizlaf. Teŋ a teŋ wəda ka a mən, pa a vəlatana a magəli tə aagi, aska aagi a ɓizhatana a həji aagi. Ɓizh aa ɓizhatana ŋkilif ma gbak watsa tiwtiw zhana yəm. 42Kwa vaye tazəm ga, ga. 43Magəli tə aagi, dəba aagi adzam kirkem wəda ma finha abə ŋkilif, a dzamha wədzəm wam aha gbak. 44Həji ma zəm wəda watsa aagi, mawəl aagi, a ɗal bəza bəluk dzaɓən.
Yesu a kanda ata yəm
(Mat 14.22-33; Yhw 6.15-21)
45A tsutsa a diwzha tə, Yesu a katak magəli tə aagi nda a gəlmbə aska aagi nda akale, a bəza aha ma zlazlər, gwara a hayak ma dzamadzam Baytisayda, tiɗa ndə a kakərəŋ a kazlapatana a ŋgaɓa həji aagi, aagi nda ta a wata. 46Ndə ŋgaɓa həji aagi aa nda ta, tsaa kanda tə a ha dawən a tarha.
47Ndə zaɗə a ndaa tə, tiɗa gəlmbə a taba mtil, Yesu ana ma mba ka ŋtaguleŋ tə ata hayak. 48A gəra ya, magəli tə aagi, aa kaləm a gaɓ gəlmbə, miɗ a kasatana yaka. Tiɗa a dəylakwaf, dəba a anda ara təmta abə ŋgas ata mtil, azha a kaɗiw a mbəɗata ka. 49Ndə aa gəra, a kanda ata yəm abə ŋgas ya, aa deŋ ka ci, ala ma zhinha a bəza a jiɓ, aagiy. Kek, aagi wəla. 50Ndə aa gəra, binik ŋzliŋ a dzata bəza tiwtiw. Ama a tsutsa, dəba a azlapatana, iŋgaya: «Huni sakw ꞌunəf aka!» iy təmta. «Sa, huni ɗal ŋzliŋ səku!» 51A diwzha tə, takaf a taf tə, ata gəlmbə abəra təmta, miɗ zəɓət a zəɓət tə. Hak aa ghərəŋ ta a guɗaŋ, 52ara ndə aa ŋkula zlima tsaɓan ndə a ɗal ata wəda, ara ndə ꞌunəf ta a ɗa ɓərɓər ikwa.
Yesu tambəl həji dawər aagi a hayak Zhenesaret
(Mat 14.34-36)
53Ndə Yesu a zlaŋ tə a bəza a ma zlazlər abə magəli tə aagi vaŋ a hayak ataa Zhenesaret, pa aa tsa gəlmbə ta ka a ma zlazlər. 54A tsutsa ndə aa ndaa ta a bəza ata gəlmbə, kahkah həji aagi tasən Yesu bəza. 55Dəba həji aagi ashi a ŋge a hayak aagi tiwtiw, dəba aagi akwaranə həji dawər aagi ata zal, kwa vatəy ata la ndə aa zlima, a ɗi. 56Kala la ndə Yesu a nda a heɗe, a ŋge a hayak ma dzamadzam aagi, a ŋge hayak ma fashiɗ ma dzuk dzuk aagi, abə la ma ata masliji aagi, aa kadzamanə həji dawər aagi, aa tawanata ka a ŋge ata la ndə həji aa dzam a ꞌwat, azha aa kadzanə ra, aska a pəlatana təf a dishzə ra ata mazləm rəkuts tə. Azha kala ala ma dishzə ra a heɗe, tambəl tə.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas