LUKU 8
8
Baba mùléndè Yésù
1Kù manimi mà mampandi ma, Yésù yi kà kángélè mù bà mpólóvésè wè mu mà hâtá méngí, kà longele mánà wù kamba batù nsángù mbótì yiki kímfùmù ki Nzámbi mpüngù. Bà Longoki kùmí yi bôlò bà kélé mù kimvùkù wè yàndi. 2Wè bà nkétù bà hiki bà kélé kù biki mù mpêvè mbí wè mù kinkasi: Madiyi, bà télélé Makatala, bà lubele mifu nsambwadi, 3Mánà Zowana, wè Suzana wè bà nkétù béngi bà hiki. Bà nkétù bakulu bâna baba tùkídí kélé bà hénè mfúnù bawù kù Yésù wè kù bà longoki bà yàndi.
Kisafu ki mùkúní solo
(Mt. 13:1-9; Mk. 4:1-9)
4Batù béngi baba mbánzá za mpídí yi mpídí bà sangene mù lweke yi lweke di Yésù. Kù manimi yi kà télè nsímù yi mùsámù kà bà lôngó. 5"Mùsádì masolo kà lubukidi mù kwa kùnù nkeni kù solo. Mùtángù dini kà kunini nkeni mù solo, bibundu bihiki yi bibudi mù nzidi, batù bà diête mánà bà núni bà zülù bà didi. 6Ndambu bibundu bihiki bibudi mù mafu mà matadi. Mánà yi bilubukidi mánà bimi yibi lokele mùsámù mamba makeloko mùsámù mù nkati kà tadi. 7Mánà ndambu yi yiki yibutidi mù nkati kà nsende, mánà nsende zana yiza yélélè mù kimvùkù wè mituku mánà nsende yiza mà fitikisi. 8Mánà ndambu yi yiki yibudi mù mafu mà mbótì, nkeni zana yiza manene mánà yiza bùtidi bibundu bi mbótì, mbala nkama kulutu bi bà kunini. Mùtángù kà hóyélè bwabùnù: Yika bà kémbé mù ndíngí ngólò: Wù wênè yimatu kawa mánà kà yaba. 9Mu longoki yimi mùhüilélè mù Yésù disongididi di nsímù kini. 10Yésù yika bà vutelele nà: bénù lwene wè kiyeke ki kù yaba maswekamu mà ki mfùmù ki Nzámbi mpüngù, Mánà mùsámù di bà yiki, kà bà télè mùmà nsímù, mùsámù mù kùmónángá bawù bà monoku, mù kuwanga bayu bà yabaku.
(Mt. 1:10-23; Mk. 4:13-20)
11Mwénè disongididi di nsímù yi: Nkeni, yena ndíngí Nzámbi mpüngù. 12Nkeni za-za budi mù nkati-nkati kà nzidi sa songese, batù bâna bà wa ndíngí; mánà satana yikese yikatulu mù mámbùndù mà bawù, mùsámù bà yámbùlù kù yi kwikidi mánà pe bà yámbùlù kù biki. 13Nkeni za budi mù mafu mà mbótì, benina Batù kùmánímí mà kuwa ndíngí; yi bà yitambusele wè kiési; mánà beku wè mísòlò, yiba yi tambùsélé mù ntangu di nkékè, mánà tángù di kúmékámá yi bà budi. 14Nkeni za budi mù nkati-nkati kà nsende za songese, batù bâna bà wanga ndíngí, mánà kiadi wè kimvwama mánà pe wè biesi bi dizingù yi bà za kwetekele, mánà bibundu bi yeleloko. 15Mánà nkeni za-za budi mù mafu mà mbótì, za songese batù bà kiediki, bà mbùndù mbótì bà bawa ndíngí Nzámbi mpùgu, yi bà yikwete mù mbùndù, wè mbùndù yikaleyi bà buta mà bundu méngí mà mbótì.
Kisafu ki mwêndè
(Mt. 4:21-25)
16Heku yi mùtù lemisa mwêndè mùsámù kà mù fukididi bôlò, Ho bwabùnù lo kà mù tululu hâ ndanda mese mùsámù batù bâna bà kotanga bà mono munsemu. 17Bwakùlù bini bà sweke bà bisia hambenze mánà biákúlù bi bà sweke bi zayana mánà batù bakulu bà bi mone. 18Lukebe mánà mù mpídí yínì lù kwewê; mùsámù kumbele wéniná kio bà muheke bingi; mánà wù kóndélé kimi ata ki kà tukuyindulu nà wéniná kio, bà mù hotono kio. 19Ngûdí Yésù wè bà mbángí bà Yésù yibesele kùkéníná Yésù; mánà bà kù kidioko mù kù sietuku bélé-bélé wè Yésù, mùsámù batù bà kélé bà vùlù.
Bà nà nsídì benina bà mpángí bà Yésù
(Mt. 12:46-50; Mk. 3:31-35)
20Mùtù mosi yika mù kémbé mù Yésù: Ngûdí ngè wè bà mbángí bà ngè benina kù mpénzè,mánà bà zolélé bà kùmono. 21Mánà Yésù yi kà bà vutwelele: Ngûdí ménè wè bà mbángí bà ménè bena batù bâna bà wa ndíngí Nzámbi mpüngù mánà yi bà yisadidi.
Yésù kà lembekele mfunzi
22Kilùmbù kimosi, Yésù kamatini mù kibeyi wè bà longoki. Yika bà kémbé: Twéndè kù simu dina di yanga. Mánà yi bélé. 23Mánà Mùtángù dini bà la bukidi, Yésù yi kà nimbini.Mfunzi yi kabala yi yisidi mù yanga, bwatu yi bù bese wè mamba, bà nka ziomo. 24Yi bà síétùkélè hâ kà kélé Yésù, mánà yi bà muvumbele,bà hoyanga: Mulongi! Mulongi! Tù fwâ. Yi kà vumbukidi Mánà yi kà yi kemenene mfunzi, yi hùdi, yanga diekini mpwétè. 25Mánà Yésù yi kà bà kémbé: Hâ diê dikwikidi di bénù?Yi bà wüdi bomo wè kimpese, muku hoyi bawù yi bawù,nà nkenina mùtù wù? Hana divè ata kù mumpebe wè mamba, mánà yi mà mù lemvukelele!
Yésù lutidi mà mpévè mambi mù ngólò
(Mt. 8:28-34; Mk. 5:1-20)
26Bù bà tudidi kù nsi yi bà Kadadiyé yi yeninanga mù simu di Ngádítí. 27Mùtángù dini kà tulukidi Yésù mù mpêvè mbí yikese kutana wè mùtù mosi wù vùlù, diádìnì, wù kélé wè mifu mivulu. Mùtángù méngí kà vweteku mílélè mánà kà niminieku mù nzò kákà mù malumbu. 28Mùtángù dini kamu mwénè Yésù, dika wòkélé, mánà yika hóyélè mundingi yika bâlà: Nki mpándi ngè yi ménè Yésù, mwana Nzámbi mpüngù wù zülù Ménè yi ku bondele kù ngiangisiêkù. 29Yésù kà kémbé mpêvè mbí nà: «Mufu! Lubuku mùlùtù di mùtù wù, Wù bà kwata mùtángù mavulu; Bà mùkásidi mùmà sieni mà bibendi, mánà kà mà sàmbwélè, mánà mufu yi mùnété mù dézèlè». 30Yésù kà mù huila: «zíní di ngè nà»? Mufu yi kà muvutuelele nà: «Lezio». Kingi lo mà mpêvè mbí méngí mà mù kotele mùlùtù. 31Mánà mufu yi kà mù bondelele Yésù nswàlù-nswàlù mùsámù kà yámbùlù kù bà yitiki kù bilungi. 32Hâ kélé hahana wè kibùkù ki mbùtù ki bà ngùlù bà didi mù nsékè mongo. Mánà mifu mi mù bondelele Yésù kaba hékè divè bà koto mù bà ngùlù. Yésù kà bà hélè divè. 33Mánà, mpêvè mbí mini milubukidi mùlùtù di mùtù wùnù, mi kotele mù bá ngùlù. Mánà, kù manimi kibùkù ki bà ngùlù, yiki yetekele kù mongo mà matadi-matadi mù nkati kà yanga mánà yi bà fudi. 34Mù tangudini batù bâna bà tadidi bangulu, yi bà mwénè mimi lutidi, yi bà tinini mánà yi bata mpándi kù vùlù wè mù bi zùngù bini. 35Batù yi bà lubukidi muku tala mimi kùmíní, mánà yibesele kùkéníná Yésù, mánà yi bà mwénè mùtù wùnù wù ma lubukudi ma mpêvè mbí, zákélé mù malu mà Yésù pwête, mánà futukudi mùkì mùtù, mánà yi bà wüdi bomo.
36Baba mwénè mama huiokele, baba télélé mpándi nki mpídí kà bikidi mùtù wùnù. 37Batù bà kùlù bà zákélé mù nsi Kadadiyé bà lómbélè Yésù kende kiana, wè báwù, mùsámù bà kélé bomo bù ngólò. Yésù kà matini mù kibeyi mánà yi késé vutuki. 38Mùtù wùnù bà lubele mpêvè mbí kà lómbélè nzidi kù Yésù mùsámù kà sálá wè yàndi, mánà Yésù kà mutumini mù kù hoyi: 39Vùtùkù kù nzò ngè mánà ta mpándi mùmà kà kusadidi Nzámbi mpüngù. Yi kélé, katiakisi nsángù mù vùlù diakulu miàkùlù mini kà mùsádìdì Yésù.
Yésù lutidi kinkasi wè difwa mù ngólò
(Mt. 9:18-26; Mk. 5:21-43)
40Mùtángù kà vùtùkídí Yésù, bà mù yembe mù kibùkù, mùsámù bà mù hingidi. 41Kukele wè mùtù bà télélé Zayiluse, wù kélé mfùmù wù Nzó Nzámbi mpüngù. Yi kà bibusidi mù malu mà Yésù mánà yika mù lómbélè mùkùsù kù nzò yàndi. 42Mùsámù kà kélé wè mwana mosi kákà wù mùnkétu, wù wanisi mà mvùlù kitesu ki kùmí yi zolo, kà lakéné mù difwa. Mùtángù di kà yélè Yésù, kà kélé mù fingi di kibùkù ki batù. 43Mánà hâ kélé wè mùnkétu mosi wù kélé wè kinkasi ki kù lubuku menge minsa kùmí yi miolo mánà, kà bungidi bimi bi yàndi biákúlù kù minganga mánà, kù kélé yi mùtù wù kukidi kù mùbikisi. 44Mánà mùnkétu wênè yika síétùkélè kù manimi ma Yésù, mánà yika musimbidi mù nsongi mùlélè yándì. Mùnù tángù diádìnì, menge mà yàndi yima nsukini. 45Mánà Yésù kà hoya: «Nà nsimbidi ménè»? Batù bakulu bà bisidi, pétéló wè baba kélé bo bà mùkámbá mù Yésù: «Mulongi, kibùkù ki kuzungidi bù mánà, bà kwé kù kumpubikisi, mánà ngè hoya nà: Nà nsimbidi ménè»? 46Mánà Yésù kà bà vutwelele: «Mùtù mosi nsimbidi,mùsámù ngûdí ngólò za mosi za ndûbùkidi mùlùtù». 47Mùnkétu yi késé bi lubulu wù kùsù tekiti mánà yika bibusidi mumalu mà Yésù, mánà yika tambwesele mù mésù mà batù bakulu kikumu kika mù simbíbídí, mánà nki mpídí kà bikidi mùtángù diádìnì. 48Yésù kà mùkámbá: «Mwana ménè wù mùnkétu, dikwikidi di ngè di ku bikisi; ndawende mù ngêmbè». 49Mùtángù dini kà hóyélè dihiki, mùtù mosi kà tùkídí kù mfùmù wù Nzó Nzámbi mpüngù mánà kahoyele: «Mwana ngè wù mùnkétu fudi; yámbùlù kù kubiyangisi mulongi». 50Mánà Yésù, mù kuwa mámpándì mánà, kà mùkámbá mù mfùmù nzò Nzámbi: «Kù bangiêku,mánà kwikidi kákà, mánà kà biki». 51Mùtángù dini kà kùmíní kù nzò, Yésù kà koteloko wè batù bà yiki kákà pétéló, Zwáni, Kizaki mánà mpè wè tâtà yi ngûdí mwana. 52Batù bakulu bà didingi mánà bà bo ketenge mùsámù di mwana. Mánà Yésù kohoya: «Lù yámbùlù kudidi, mwana kà fudieku, mánà kà tù kù nimbi». 53Mánà bà ya yandikidi kù mù mùséyí, bà yebe mbótì nà mwana kà kélé fudi. 54Mánà yi kà mù simbidi mù koko Mánà yika hóyélè mù ndíngí ngólò: «Mwana, télémè». 55Mánà moyi yàndi yika mù vutukididi, mùnù mbala mosi yi kà telemene; mánà Yésù yika hélè divè di kù muheke bidia. 56Bibùti bi yàndi biyitukidi bungi, mánà Yésù kà bà hélè divè nà bà yámbùlù kù kamba mùtù mpándi yínì yi salamene.
Právě zvoleno:
LUKU 8: LNZ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Lonzo Bible by Beyond Translation is licensed under Creative Commons Attribution-ShareAlike 4.0 License.
LUKU 8
8
Baba mùléndè Yésù
1Kù manimi mà mampandi ma, Yésù yi kà kángélè mù bà mpólóvésè wè mu mà hâtá méngí, kà longele mánà wù kamba batù nsángù mbótì yiki kímfùmù ki Nzámbi mpüngù. Bà Longoki kùmí yi bôlò bà kélé mù kimvùkù wè yàndi. 2Wè bà nkétù bà hiki bà kélé kù biki mù mpêvè mbí wè mù kinkasi: Madiyi, bà télélé Makatala, bà lubele mifu nsambwadi, 3Mánà Zowana, wè Suzana wè bà nkétù béngi bà hiki. Bà nkétù bakulu bâna baba tùkídí kélé bà hénè mfúnù bawù kù Yésù wè kù bà longoki bà yàndi.
Kisafu ki mùkúní solo
(Mt. 13:1-9; Mk. 4:1-9)
4Batù béngi baba mbánzá za mpídí yi mpídí bà sangene mù lweke yi lweke di Yésù. Kù manimi yi kà télè nsímù yi mùsámù kà bà lôngó. 5"Mùsádì masolo kà lubukidi mù kwa kùnù nkeni kù solo. Mùtángù dini kà kunini nkeni mù solo, bibundu bihiki yi bibudi mù nzidi, batù bà diête mánà bà núni bà zülù bà didi. 6Ndambu bibundu bihiki bibudi mù mafu mà matadi. Mánà yi bilubukidi mánà bimi yibi lokele mùsámù mamba makeloko mùsámù mù nkati kà tadi. 7Mánà ndambu yi yiki yibutidi mù nkati kà nsende, mánà nsende zana yiza yélélè mù kimvùkù wè mituku mánà nsende yiza mà fitikisi. 8Mánà ndambu yi yiki yibudi mù mafu mà mbótì, nkeni zana yiza manene mánà yiza bùtidi bibundu bi mbótì, mbala nkama kulutu bi bà kunini. Mùtángù kà hóyélè bwabùnù: Yika bà kémbé mù ndíngí ngólò: Wù wênè yimatu kawa mánà kà yaba. 9Mu longoki yimi mùhüilélè mù Yésù disongididi di nsímù kini. 10Yésù yika bà vutelele nà: bénù lwene wè kiyeke ki kù yaba maswekamu mà ki mfùmù ki Nzámbi mpüngù, Mánà mùsámù di bà yiki, kà bà télè mùmà nsímù, mùsámù mù kùmónángá bawù bà monoku, mù kuwanga bayu bà yabaku.
(Mt. 1:10-23; Mk. 4:13-20)
11Mwénè disongididi di nsímù yi: Nkeni, yena ndíngí Nzámbi mpüngù. 12Nkeni za-za budi mù nkati-nkati kà nzidi sa songese, batù bâna bà wa ndíngí; mánà satana yikese yikatulu mù mámbùndù mà bawù, mùsámù bà yámbùlù kù yi kwikidi mánà pe bà yámbùlù kù biki. 13Nkeni za budi mù mafu mà mbótì, benina Batù kùmánímí mà kuwa ndíngí; yi bà yitambusele wè kiési; mánà beku wè mísòlò, yiba yi tambùsélé mù ntangu di nkékè, mánà tángù di kúmékámá yi bà budi. 14Nkeni za budi mù nkati-nkati kà nsende za songese, batù bâna bà wanga ndíngí, mánà kiadi wè kimvwama mánà pe wè biesi bi dizingù yi bà za kwetekele, mánà bibundu bi yeleloko. 15Mánà nkeni za-za budi mù mafu mà mbótì, za songese batù bà kiediki, bà mbùndù mbótì bà bawa ndíngí Nzámbi mpùgu, yi bà yikwete mù mbùndù, wè mbùndù yikaleyi bà buta mà bundu méngí mà mbótì.
Kisafu ki mwêndè
(Mt. 4:21-25)
16Heku yi mùtù lemisa mwêndè mùsámù kà mù fukididi bôlò, Ho bwabùnù lo kà mù tululu hâ ndanda mese mùsámù batù bâna bà kotanga bà mono munsemu. 17Bwakùlù bini bà sweke bà bisia hambenze mánà biákúlù bi bà sweke bi zayana mánà batù bakulu bà bi mone. 18Lukebe mánà mù mpídí yínì lù kwewê; mùsámù kumbele wéniná kio bà muheke bingi; mánà wù kóndélé kimi ata ki kà tukuyindulu nà wéniná kio, bà mù hotono kio. 19Ngûdí Yésù wè bà mbángí bà Yésù yibesele kùkéníná Yésù; mánà bà kù kidioko mù kù sietuku bélé-bélé wè Yésù, mùsámù batù bà kélé bà vùlù.
Bà nà nsídì benina bà mpángí bà Yésù
(Mt. 12:46-50; Mk. 3:31-35)
20Mùtù mosi yika mù kémbé mù Yésù: Ngûdí ngè wè bà mbángí bà ngè benina kù mpénzè,mánà bà zolélé bà kùmono. 21Mánà Yésù yi kà bà vutwelele: Ngûdí ménè wè bà mbángí bà ménè bena batù bâna bà wa ndíngí Nzámbi mpüngù mánà yi bà yisadidi.
Yésù kà lembekele mfunzi
22Kilùmbù kimosi, Yésù kamatini mù kibeyi wè bà longoki. Yika bà kémbé: Twéndè kù simu dina di yanga. Mánà yi bélé. 23Mánà Mùtángù dini bà la bukidi, Yésù yi kà nimbini.Mfunzi yi kabala yi yisidi mù yanga, bwatu yi bù bese wè mamba, bà nka ziomo. 24Yi bà síétùkélè hâ kà kélé Yésù, mánà yi bà muvumbele,bà hoyanga: Mulongi! Mulongi! Tù fwâ. Yi kà vumbukidi Mánà yi kà yi kemenene mfunzi, yi hùdi, yanga diekini mpwétè. 25Mánà Yésù yi kà bà kémbé: Hâ diê dikwikidi di bénù?Yi bà wüdi bomo wè kimpese, muku hoyi bawù yi bawù,nà nkenina mùtù wù? Hana divè ata kù mumpebe wè mamba, mánà yi mà mù lemvukelele!
Yésù lutidi mà mpévè mambi mù ngólò
(Mt. 8:28-34; Mk. 5:1-20)
26Bù bà tudidi kù nsi yi bà Kadadiyé yi yeninanga mù simu di Ngádítí. 27Mùtángù dini kà tulukidi Yésù mù mpêvè mbí yikese kutana wè mùtù mosi wù vùlù, diádìnì, wù kélé wè mifu mivulu. Mùtángù méngí kà vweteku mílélè mánà kà niminieku mù nzò kákà mù malumbu. 28Mùtángù dini kamu mwénè Yésù, dika wòkélé, mánà yika hóyélè mundingi yika bâlà: Nki mpándi ngè yi ménè Yésù, mwana Nzámbi mpüngù wù zülù Ménè yi ku bondele kù ngiangisiêkù. 29Yésù kà kémbé mpêvè mbí nà: «Mufu! Lubuku mùlùtù di mùtù wù, Wù bà kwata mùtángù mavulu; Bà mùkásidi mùmà sieni mà bibendi, mánà kà mà sàmbwélè, mánà mufu yi mùnété mù dézèlè». 30Yésù kà mù huila: «zíní di ngè nà»? Mufu yi kà muvutuelele nà: «Lezio». Kingi lo mà mpêvè mbí méngí mà mù kotele mùlùtù. 31Mánà mufu yi kà mù bondelele Yésù nswàlù-nswàlù mùsámù kà yámbùlù kù bà yitiki kù bilungi. 32Hâ kélé hahana wè kibùkù ki mbùtù ki bà ngùlù bà didi mù nsékè mongo. Mánà mifu mi mù bondelele Yésù kaba hékè divè bà koto mù bà ngùlù. Yésù kà bà hélè divè. 33Mánà, mpêvè mbí mini milubukidi mùlùtù di mùtù wùnù, mi kotele mù bá ngùlù. Mánà, kù manimi kibùkù ki bà ngùlù, yiki yetekele kù mongo mà matadi-matadi mù nkati kà yanga mánà yi bà fudi. 34Mù tangudini batù bâna bà tadidi bangulu, yi bà mwénè mimi lutidi, yi bà tinini mánà yi bata mpándi kù vùlù wè mù bi zùngù bini. 35Batù yi bà lubukidi muku tala mimi kùmíní, mánà yibesele kùkéníná Yésù, mánà yi bà mwénè mùtù wùnù wù ma lubukudi ma mpêvè mbí, zákélé mù malu mà Yésù pwête, mánà futukudi mùkì mùtù, mánà yi bà wüdi bomo.
36Baba mwénè mama huiokele, baba télélé mpándi nki mpídí kà bikidi mùtù wùnù. 37Batù bà kùlù bà zákélé mù nsi Kadadiyé bà lómbélè Yésù kende kiana, wè báwù, mùsámù bà kélé bomo bù ngólò. Yésù kà matini mù kibeyi mánà yi késé vutuki. 38Mùtù wùnù bà lubele mpêvè mbí kà lómbélè nzidi kù Yésù mùsámù kà sálá wè yàndi, mánà Yésù kà mutumini mù kù hoyi: 39Vùtùkù kù nzò ngè mánà ta mpándi mùmà kà kusadidi Nzámbi mpüngù. Yi kélé, katiakisi nsángù mù vùlù diakulu miàkùlù mini kà mùsádìdì Yésù.
Yésù lutidi kinkasi wè difwa mù ngólò
(Mt. 9:18-26; Mk. 5:21-43)
40Mùtángù kà vùtùkídí Yésù, bà mù yembe mù kibùkù, mùsámù bà mù hingidi. 41Kukele wè mùtù bà télélé Zayiluse, wù kélé mfùmù wù Nzó Nzámbi mpüngù. Yi kà bibusidi mù malu mà Yésù mánà yika mù lómbélè mùkùsù kù nzò yàndi. 42Mùsámù kà kélé wè mwana mosi kákà wù mùnkétu, wù wanisi mà mvùlù kitesu ki kùmí yi zolo, kà lakéné mù difwa. Mùtángù di kà yélè Yésù, kà kélé mù fingi di kibùkù ki batù. 43Mánà hâ kélé wè mùnkétu mosi wù kélé wè kinkasi ki kù lubuku menge minsa kùmí yi miolo mánà, kà bungidi bimi bi yàndi biákúlù kù minganga mánà, kù kélé yi mùtù wù kukidi kù mùbikisi. 44Mánà mùnkétu wênè yika síétùkélè kù manimi ma Yésù, mánà yika musimbidi mù nsongi mùlélè yándì. Mùnù tángù diádìnì, menge mà yàndi yima nsukini. 45Mánà Yésù kà hoya: «Nà nsimbidi ménè»? Batù bakulu bà bisidi, pétéló wè baba kélé bo bà mùkámbá mù Yésù: «Mulongi, kibùkù ki kuzungidi bù mánà, bà kwé kù kumpubikisi, mánà ngè hoya nà: Nà nsimbidi ménè»? 46Mánà Yésù kà bà vutwelele: «Mùtù mosi nsimbidi,mùsámù ngûdí ngólò za mosi za ndûbùkidi mùlùtù». 47Mùnkétu yi késé bi lubulu wù kùsù tekiti mánà yika bibusidi mumalu mà Yésù, mánà yika tambwesele mù mésù mà batù bakulu kikumu kika mù simbíbídí, mánà nki mpídí kà bikidi mùtángù diádìnì. 48Yésù kà mùkámbá: «Mwana ménè wù mùnkétu, dikwikidi di ngè di ku bikisi; ndawende mù ngêmbè». 49Mùtángù dini kà hóyélè dihiki, mùtù mosi kà tùkídí kù mfùmù wù Nzó Nzámbi mpüngù mánà kahoyele: «Mwana ngè wù mùnkétu fudi; yámbùlù kù kubiyangisi mulongi». 50Mánà Yésù, mù kuwa mámpándì mánà, kà mùkámbá mù mfùmù nzò Nzámbi: «Kù bangiêku,mánà kwikidi kákà, mánà kà biki». 51Mùtángù dini kà kùmíní kù nzò, Yésù kà koteloko wè batù bà yiki kákà pétéló, Zwáni, Kizaki mánà mpè wè tâtà yi ngûdí mwana. 52Batù bakulu bà didingi mánà bà bo ketenge mùsámù di mwana. Mánà Yésù kohoya: «Lù yámbùlù kudidi, mwana kà fudieku, mánà kà tù kù nimbi». 53Mánà bà ya yandikidi kù mù mùséyí, bà yebe mbótì nà mwana kà kélé fudi. 54Mánà yi kà mù simbidi mù koko Mánà yika hóyélè mù ndíngí ngólò: «Mwana, télémè». 55Mánà moyi yàndi yika mù vutukididi, mùnù mbala mosi yi kà telemene; mánà Yésù yika hélè divè di kù muheke bidia. 56Bibùti bi yàndi biyitukidi bungi, mánà Yésù kà bà hélè divè nà bà yámbùlù kù kamba mùtù mpándi yínì yi salamene.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Lonzo Bible by Beyond Translation is licensed under Creative Commons Attribution-ShareAlike 4.0 License.