Matius 26
26
Mèn pemimpin Yahudi umꞌampèk mukèrbes ma Yèsus
(Mrk 14:1-2; Luk 22:1-2; Yoh 11:45-53)
1Nòm kerek Yèsus natènglèkh kenèmbek hal naꞌtèk, Rik Nak nachal ma hèhoh-hèhoh Eh, 2“Nyob hòj nyob lèkh, tik nar arik ma sòy wèl namlòy ma arik Paskah. Dak bil nak Yék, Sènꞌòy Nòm Sorga, akal umꞌog ma mèsmus Yéh untok mukèrbes Yék èn palok salib.” #Her 12:1-27.
3Dak bil arik Yèsus nachèl-chal gah nak, mèn ketuwe imam ròb tèꞌtak Yahudi pon umbekumpol èn istane Kayapas, Imam Rayak Yahudi. 4Umnak umꞌampèk untok muròt ma Yèsus julak-julak bok mukèrbes ma Rik Nak. 5“Tapik tok boléh èmròt bil raye Paskah nak,” umchal, “Akal sènꞌòy jajéh umbelangnyõk.”
Néy babok nasèd binyak chèsngẽs ma kuy Yèsus
(Mrk 14:3-9; Yoh 12:1-8)
6Bil nak Yèsus mok èn kampong Bètania, èn dékh Simon rik nèng-nèng tòp bechenèk sèmpok. 7#Luk 7:37,38. Bil Yèsus nagèy-géy, mok néy babok nalãj ma Rik Nak. Babok nak naꞌèn binyak chèsngẽs rik mèlhal geb, èn kelòj butol rik umteꞌèl nòm batuk puwalam méj-méj. Dak nanak nasèd binyak nak ma kuy Yèsus untok namhormad ma Rik Nak.#26:7 untok namhormad ma Rik Nak. Bil jènman Kitab nèng-nèng tòp, doh néy chare umhormad ma sènꞌòy rik penting: umsèd binyak ma kuy sènꞌòy nak. Chòntoh eh, bil néy sènꞌòy hòj namjadik imam, umsèd binyak ma kuy sènꞌòy nak. Samak keꞌjèk bil mok rajak pay: umsèd binyak ma kuy eh, gerèk tande Allah napili sènꞌòy nak dak nateꞌèl méj ma rik nak. Mok keꞌjèk umlãm binyak ma sènꞌòy rik kèsbes, chare umtabéh mayad nak untok mukep. 8Tapik bil hèhoh-hèhoh Eh umnéh ma hal nak, umꞌõl dak umchal, “Nahey bok naꞌidéh binyak chèsngẽs nak gerèk nak?! 9Kalòw èk èjuwal binyak nak, pastik èk èdapad duid rik ibuk, dak duid nak boléh èꞌog ma sènꞌòy hèl-hal.”
10Yèsus nalèkh ma nèlchal umnak, dak Rik Nak nachal ma umnak, “Nahey bok nyob leked ma babok doh? Perak lah rik eh! Ilok rik hòj nateꞌèl untok Yék nak méj geb. 11#Ter 15:11. Sènꞌòy hèl-hal nak selaluk mok samak nyob, tapik Yék doh mok samak nyob agat hék. 12Dak bil rik nak nasèd binyak chèsngẽs doh ma Yék, gerèk hòj nalãm ma esik Yék bok hòj natabéh untok mukep akal. 13Kemën Yék ichal ma nyob: èn kenèmbek duniak, ma lok-lok sènꞌòy umtèrlòy Gah Méj, akal umꞌoglèkh keꞌjèk hal méj rik nanak hòj nateꞌèl untok Yék, bok sènꞌòy umbeleng ma rik nak.”
Yudas nasetujuk namtulong untok muròt ma Yèsus
(Mrk 14:10-11; Luk 22:3-6)
14Nòm kerek nak Yudas Iskariot, néy sènꞌòy nòm nar belas hèhoh Yèsus nak, nawèk natèrbuk ma mèn ketuwe imam. 15#Sak 11:12. Yudas natanyak, “Ilok nyob nyomꞌog ma yék kalòw yék itulong nyob nyomròt ma Yèsus?” Dak umnak umkirak duid pèrak tigak puloh kupang, dak umꞌog duid nak ma rik eh nak. 16Jadik nòm mase nak Yudas natekèd nakèk-kèk nòng untok namtulong ma umnak muròt ma Yèsus.
Yèsus nagéy jamuwan Paskah samak mèn hèhoh Eh èn Yèrusalèm
(Mrk 14:12-21; Luk 22:7-14,21-23; Yoh 13:21-30)
17Bil arik mulak Raye Ruti Tok Bepèng-pukh, mèn hèhoh Yèsus umlãj dak umtanyak ma Rik Nak, “Èn lok Hãk hachèn kandék kimtabéh jamuwan Paskah untok Hãk?”
18Yèsus nachal, “Wèk lah ma kote, dak akal nyob tèrbuk ma sènꞌòy rik hòj ikenal. Chal ma rik nak, ‘Guruk nachal, mase Yék hòj tilok. Dak Yék akal igéy jamuwan Paskah èn dékh hãh samak mèn hèhoh Yék.’”
19Jadik mèn hèhoh Eh umteꞌèl ilok rik Yèsus naꞌor nak, dak umtabéh jamuwan Paskah èn anak.
20Bil hòj layèg, Yèsus ròb nar belas hèhoh eh umgel umga-géy. 21Asoh umga-géy nak, Yèsus nachal, “Kemën Yék ichal ma nyob, èn nyob doh mok néy sènꞌòy rik akal natulong mèsmus Yéh muròt ma Yék.”
22Dak anak hèhoh-hèhoh Eh umngòm geb. Umnak umtekèd umbetanyak pinéy-pinéy ma Yèsus, “Yãng, pastik lah kedak yék irik eh nak?!”
23 #
En 41:10. Yèsus nasaꞌod, “Mok néy sènꞌòy rik chèꞌlok ruti èn kelòj hòk samak Yék doh akal nabetulong ma mèsmus Yéh muròt ma Yék. 24Yék, Sènꞌòy Nòm Sorga, pastik akal ikebes, gerèk hòj mok natulis èn kelòj Kitab. Tapik terok geb lah Allah akal nahukom ma sènꞌòy rik natulong ma mèsmus Yéh muròt ma Yék! Lebéh méj untok sènꞌòy nak kalòw amèk eh tok pernah nayos eh!”
25Dak Yudas, rik betulong ma mèsmus Yèsus nak, nachal, “Guruk, pastik lah kedak yék irik eh nak?”
Yèsus nasaꞌod, “Hek, gerèk rik hachal nak lah!”
Jamuwan Tuhan
(Mrk 14:22-26; Luk 22:15-20; 1 Kor 11:23-25)
26Bil umnak tik umgèy-géy, Yèsus nakod ruti, naterime kaséh, dak nageyèg bok naꞌog ma mèn hèhoh Eh. Yèsus nachal, “Kod bok géy lah, udoh esik Yék.”
27Nòm kerek nak, Yèsus nakod néy kuléh òng anggor. Rik Nak naterime kaséh ma Allah, dak naꞌog kuléh nak ma hèhoh-hèhoh Eh bok nachal, “Òng lah nyob kenèmbek nòm kuléh doh. 28Udoh lah lènlòt Yék. Gerèk nak lah perènhod Allah: bil Yék ikebes, lènlòt Yék akal naka-koh untok kenèmbek sènꞌòy, supaye Allah naꞌampon dose umnak. 29Dak kemën Yék ichal ma nyob, mulak puꞌdoh Yék akal tok iꞌèng-òng òng anggor wèl sampéy arik Yék iꞌòng òng anggor pay samak nyob èn Kerajaꞌan Apak Yék.”
30Nòm kerek nak umnak umbelaguk néy laguk enèhmah ma Allah. Dak umhuwòl bok umwèk ma Pok Sayton.
Yèsus naramal Pètrus akal nachal tok nakèlnal ma Yèsus
(Mrk 14:27-31; Luk 22:31-34; Yoh 13:36-38)
31 #
Sak 13:7. Dak pas nak Yèsus nachal ma hèhoh-hèhoh Eh, “Èn kelòj Kitab mok natulis:
Allah nachal, ‘Yék akal ikèrbes ma Kël nak,
bok mèn kambikh biri Eh akal umda-dok chéy-baruy.’
Dak gerèk kambikh biri nak, layèg doh keꞌjèk nyob kenèmbek akal nyob da-dok nyob perak ma Yék. 32Tapik nòm kerek Allah natèrwòg wèl ma Yék, Yék akal iwèk nèng-nèng nòm nyob ma Galiliya.” #Mat 28:16.
33Dak Pètrus nachal ma Yèsus, “Yab kenèmbek rik umgèhnih akal umperak ma Hãk, tapik yék hõy tok ipèꞌrak!”
34Yèsus nasaꞌod, “Yék kemën ichal ma hãk: layèg doh keꞌjèk, èn tèk-tik ayam tok nabekukok, hãk hòj tigak kalik hachal hãk tok hakèlnal ma Yék.”
35Tapik Pètrus nasaꞌod, “Hõy! Yab yék haros imkebes samak Hãk pon, yék tok pernah ichèl-chal yék tok ikèlnal ma Hãk!”
Dak kenèmbek hèhoh rik gèhnih pon umchal gerèk nak keꞌjèk.
Yèsus napèꞌtak èn selay Gètsèmani
(Mrk 14:32-42; Luk 22:39-46)
36Pas nak Yèsus ròb hèhoh-hèhoh Eh umlòy ma néy tempad rik bekenëh Gètsèmani. Dak Yèsus nachal ma umnak, “Gel lah èn anuh, Yék imwèk ma tuy untok impèꞌtak.” 37Yèsus naꞌéd samak Rik Nak Pètrus ròb nar kuwòt Sèbedius, Yakobus ròb Yohanès. Bil nak Yèsus natekèd nagahmak nangòm bok nasuwéh geb. 38Rik Nak nachal ma umnak, “Hup Yék ingòm geb, igahmak imòg kèsbes. Gel lah nyob èn anuh, bok yèw-yèw lah samak Yék.”
39Yèsus nawèk gèk jerok nòm umnak, dak natud bok napèꞌtak, “Apak Yék, kalòw boléh, agok lah perak Yék imderite!#26:39 derite Tèks asli mok kiasan èn anuh: “kuléh.” Tapik agok lah hoh ma nènchèn Yék, hoh lah ma nènchèn rik Hãh.”
40Hòj sòj nòm nak, Yèsus nalos ma tigak hèhoh Eh naꞌtèk dak nanéh ma umnak hòj umsèglòg. Dak Rik Nak nachal ma Pètrus, “Tok boléh ke néy jam pon nyomyèw samak Yék? 41Yèw-yèw lah bok pèꞌtak supaye nyob tok nyombedose bil Iblis natarèk ma nyob. Èn ruway nyob mémang nyob chèn teꞌèl méj, tapik esik nyob tok nahèh-hoh.”
42Yèsus nawèk wèl bok napèꞌtak, “Apak Yék! Kalòw tok boléh hakod derite doh nòm Yék, tapik Yék haros iderite eh, perak lah nènchèn Hãh nak nambelakuk.” 43Pas nak Yèsus nalos ma hèhoh-hèhoh Eh dak nanéh ma umnak hòj umsèglòg wèl, sebab umnak umlebëd geb.
44Jadik Yèsus naperak ma umnak wèl èn anak, dak nawèk kalik tenigak bok napèꞌtak wèl hal rik chachod. 45Dak pas nak Yèsus nalos wèl ma hèhoh Eh nak dak nachal, “Tik nyob sèglòg lah bok nyob betarak? Néh lah! Mase derite Yék hòj nalòy. Yék, Sènꞌòy Nòm Sorga, hòj muꞌog ma sènꞌòy bedose. 46Wòg lah! Jok, èk èwèk. Néh, sènꞌòy rik èg-og Yék ma mèsmus Yéh hòj nalãj!”
Umròt ma Yèsus
(Mrk 14:43-50; Luk 22:47-53; Yoh 18:3-12)
47Bil Yèsus tik nachèl-chal, nalãj lah Yudas, néy sènꞌòy nòm nar belas hèhoh Yèsus nak. Dak jajéh sènꞌòy umhoh samak rik nak dak umꞌèn juwòj ròb ad. Mèn ketuwe imam ròb tèꞌtak Yahudi hòj umꞌor ma sènꞌòy jajéh nak muròt ma Yèsus. 48Yudas, rik betulong ma mèsmus Yèsus nak, hòj naꞌog tande nèng-nèng ma sènꞌòy jajéh nak, nachal, “Sènꞌòy rik yék ichey gerèk tande senalam, unak lah iRik Eh. Ròt lah Rik Nak!”
49Bil Yudas nalòy ma nak, rik nak sejèkh nawèk ma Yèsus dak nachal, “Selamad layèg, Guruk!” dak nachëy Eh.
50Tapik Yèsus nachal ma Yudas, “Kéy, teꞌèl lah ilok rik halãj hamteꞌèl.”
Kerek nak sènꞌòy gèhnih nak umwèk tilok ma Yèsus, dak umròt Eh bok umpegakh keheb. 51Bil nak néy sènꞌòy nòm hèhoh Yèsus nak tok-tok naròj ma juwòj eh dak nachòkh ma gèntòkh kuli Imam Rayak sampéy nagetòj. 52Dak Yèsus nachal ma hèhoh Eh nak, “Chor lah juwòj hãh nak ma sarup hãh! Chok rik belawan nòm juwòj akal nakebes nòm juwòj keꞌjèk. 53Agok wel lah: Yék boléh ikòw ma Apak Yék, dak Rik Nak sejèkh natèrꞌèn jajéh geb melaykat — lebéh nòm nar belas tentere — untok mutulong ma Yék! 54Tapik kalòw Yék iteꞌèl gerèk nak, gerèk lok bok boléh nambelakuk perènhod Allah? Èn kelòj Kitab bok hòj natulis haros lah nabelakuk gerèk doh.”
55Dak anak Yèsus nachal ma sènꞌòy jajéh nak, “Nyob lãj nyomròt ma Yék bok nyob èn juwòj ròb ad, gerèk Yék doh sènꞌòy sèjyèj? Tiyab-tiyab arik Yék igèl-gel bok ibetènglèkh èn Dékh Tuhan, tapik nyob tok nyob rèn-ròt ma Yék èn anak. #Luk 19:47; 21:37. 56Tapik mèn nabi manah tòp hòj umtulis èn kelòj Kitab kenèmbek hal doh haros nabelakuk ma Yék, dak puꞌdoh hòj nabelakuk tehad gerèk umramal nak.”
Dak bil nak kenèmbek hèhoh Yèsus umperak ma Rik Nak dak umda-dok.
Mèn pemimpin Yahudi umtanas ma Yèsus èn Majlis Agama
(Mrk 14:53-65; Luk 22:54-55,63-71; Yoh 18:13-14,19-24)
57Sènꞌòy rik umrèn-ròt ma Yèsus naꞌtèk umꞌèn Rik Nak namtèrbuk ma Kayapas, Imam Rayak Yahudi. Mèn guruk agama ròb tèꞌtak sènꞌòy Yahudi hòj umbekumpol èn anak. 58Pètrus nahoh ma Yèsus nòm jerok, sampéy ma halaman dékh Imam Rayak nak. Pètrus namòj ma halaman nak dak nagel samak sènꞌòy rik umbejagak untok namlèkh ilok rik akal nabelakuk. 59Èn kelòj dékh nak, mèn ketuwe imam ròb kenèmbek Majlis Agama umkèk-kèk bukti bèj-bòj untok mutanas Yèsus nak besalah, supaye umnak dapad mukèrlek henukom kènbes ma Rik Nak. 60Dak mok jajéh sènꞌòy umcha-chal umtanas bèj-bòj tentang Yèsus, tapik umnak tok umterèꞌbuk néy bukti pon.
Dak sèj-sòj eh nak, mok nar sènꞌòy wèta-ted èn sòy 61dak wèchal, “Sènꞌòy doh hòj nachal, ‘Yék boléh ituy Dékh Tuhan doh, bok èn mase tigak arik Yék boléh iteꞌèl wèl.’” #Yoh 2:19.
62Dak anak Imam Rayak nated dak natanyak ma Yèsus, “Hãk hòj hakeyòkh ilok umnak umtanas ma Hãk. Tok habesaꞌod ke?” 63Tapik Yèsus sengẽk hék. Dak Imam Rayak nak nachal wèl ma Rik Nak, “Puꞌdoh Allah rik gès-gos nakeyòkh ma Hãk, dak yék iꞌor ma Hãk hamchal kemën ma kandék: Hãk ke Mèsias rik Allah napèrhod? Bok Hãk Kuwòt Allah ke hõy?”
64Yèsus nasaꞌod, “Hek, gerèk hachal nak lah. Dak Yék ichal ma nyob kenèmbek: nyob akal nyob néh Yék, Sènꞌòy Nòm Sorga, igèl-gel ènlẽng tep Allah Rik Paléng Kuwase. Dak nyob akal nyob néh Yék ilãj nòm sorga èn balikh mèn sagub!” #Dan 7:13.
65Bil nakeyòkh ma nèlchal Yèsus nak, Imam Rayak nak naꞌõl bok nachèg ma nèglòg rik eh. Rik nak nachal, “Rik Nak nabemèhnah ma Allah! Èk tok perlu èmkèk-kèk wèl sènꞌòy untok muchal tentang Rik Nak. Puꞌdoh nyob kenèmbek hòj nyob keyòkh Rik Nak nabemèhnah ma Allah! #Im 24:16. 66Dak rèk lok benèdlod nyob?”
Dak umnak kenèmbek umsaꞌod, “Rik Nak besalah bok haros nakebes!” 67Dak umnak umgetoh ma mad Yèsus, dak umteboh ma Rik Nak. Mok keꞌjèk rik lègpag ma Rik Nak. #Yès 50:6. 68Dak umchetẽk bok umchal, “Éh, Mèsias! Kalòw Hãk kemën-kemën nabi, chubak lah hachal ma kandék: chok rik tèhboh ma Hãk?”
Pètrus nasèꞌlok nachal tok nakèlnal ma Yèsus
(Mrk 14:66-72; Luk 22:56-62; Yoh 18:15-18,25-27)
69Agat nak Pètrus tik nagèl-gel èn béng, èn halaman dékh nak. Dak anak néy kuli babok rik kerèꞌjak èn dékh nak nalãj dak nachal ma Pètrus, “Hãk keꞌjèk rik selaluk hèh-hoh samak Yèsus, sènꞌòy Galiliya nak.”
70Tapik Pètrus nasèꞌlok, nachal èn mad umnak kenèmbek, “Hõy! Yék tok ilèng-lèkh ilok rik hachal nak.” 71Pas nak Pètrus nawèk ma rèngkak gerbang. Dak anak mok kuli babok rik mòy nanéh ma Pètrus, dak nachal ma sènꞌòy gèhnih èn anak, “Sènꞌòy doh rik hèh-hoh samak Yèsus, sènꞌòy Nasarèt nak.”
72Dak Pètrus nasèꞌlok wèl bok napantakh, “Hõy! Kemën yék ichal doh, yék tok ikèlnal ma sènꞌòy nak!”
73Tok lamad nòm kerek nak, sènꞌòy mòy rik umtèd-ted èn anak umlãj ma Pètrus dak umchal, “Nòm chare chenarak hãh nak kandék kilèkh hãk sènꞌòy Galiliya. Bok pastik kemën lah hãk keꞌjèk néy sènꞌòy nòm hèhoh Yèsus nak!”
74Dak Pètrus natekèd nabepantakh wèl bok nachal, “Kemën lah yék tok ikèlnal ma sènꞌòy nak! Kalòw yék isèꞌlok, perak lah Allah namhukom ma yék!”
Bil Pètrus hòj sòj nachèl-chal hal nak, ayam sejèkh nakukok. 75Dak Pètrus pon nabelekh ilok rik Yèsus nachal ma rik nak naꞌtèk: “Èn tèk-tik ayam tok nabekukok, hãk hòj tigak kalik hachal hãk tok hakèlnal ma Yék.” Dak Pètrus nahuwòl nòm halaman dékh nak, dak nasedéh geb bok nayèm-yam kerèꞌhik.
Právě zvoleno:
Matius 26: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 26
26
Mèn pemimpin Yahudi umꞌampèk mukèrbes ma Yèsus
(Mrk 14:1-2; Luk 22:1-2; Yoh 11:45-53)
1Nòm kerek Yèsus natènglèkh kenèmbek hal naꞌtèk, Rik Nak nachal ma hèhoh-hèhoh Eh, 2“Nyob hòj nyob lèkh, tik nar arik ma sòy wèl namlòy ma arik Paskah. Dak bil nak Yék, Sènꞌòy Nòm Sorga, akal umꞌog ma mèsmus Yéh untok mukèrbes Yék èn palok salib.” #Her 12:1-27.
3Dak bil arik Yèsus nachèl-chal gah nak, mèn ketuwe imam ròb tèꞌtak Yahudi pon umbekumpol èn istane Kayapas, Imam Rayak Yahudi. 4Umnak umꞌampèk untok muròt ma Yèsus julak-julak bok mukèrbes ma Rik Nak. 5“Tapik tok boléh èmròt bil raye Paskah nak,” umchal, “Akal sènꞌòy jajéh umbelangnyõk.”
Néy babok nasèd binyak chèsngẽs ma kuy Yèsus
(Mrk 14:3-9; Yoh 12:1-8)
6Bil nak Yèsus mok èn kampong Bètania, èn dékh Simon rik nèng-nèng tòp bechenèk sèmpok. 7#Luk 7:37,38. Bil Yèsus nagèy-géy, mok néy babok nalãj ma Rik Nak. Babok nak naꞌèn binyak chèsngẽs rik mèlhal geb, èn kelòj butol rik umteꞌèl nòm batuk puwalam méj-méj. Dak nanak nasèd binyak nak ma kuy Yèsus untok namhormad ma Rik Nak.#26:7 untok namhormad ma Rik Nak. Bil jènman Kitab nèng-nèng tòp, doh néy chare umhormad ma sènꞌòy rik penting: umsèd binyak ma kuy sènꞌòy nak. Chòntoh eh, bil néy sènꞌòy hòj namjadik imam, umsèd binyak ma kuy sènꞌòy nak. Samak keꞌjèk bil mok rajak pay: umsèd binyak ma kuy eh, gerèk tande Allah napili sènꞌòy nak dak nateꞌèl méj ma rik nak. Mok keꞌjèk umlãm binyak ma sènꞌòy rik kèsbes, chare umtabéh mayad nak untok mukep. 8Tapik bil hèhoh-hèhoh Eh umnéh ma hal nak, umꞌõl dak umchal, “Nahey bok naꞌidéh binyak chèsngẽs nak gerèk nak?! 9Kalòw èk èjuwal binyak nak, pastik èk èdapad duid rik ibuk, dak duid nak boléh èꞌog ma sènꞌòy hèl-hal.”
10Yèsus nalèkh ma nèlchal umnak, dak Rik Nak nachal ma umnak, “Nahey bok nyob leked ma babok doh? Perak lah rik eh! Ilok rik hòj nateꞌèl untok Yék nak méj geb. 11#Ter 15:11. Sènꞌòy hèl-hal nak selaluk mok samak nyob, tapik Yék doh mok samak nyob agat hék. 12Dak bil rik nak nasèd binyak chèsngẽs doh ma Yék, gerèk hòj nalãm ma esik Yék bok hòj natabéh untok mukep akal. 13Kemën Yék ichal ma nyob: èn kenèmbek duniak, ma lok-lok sènꞌòy umtèrlòy Gah Méj, akal umꞌoglèkh keꞌjèk hal méj rik nanak hòj nateꞌèl untok Yék, bok sènꞌòy umbeleng ma rik nak.”
Yudas nasetujuk namtulong untok muròt ma Yèsus
(Mrk 14:10-11; Luk 22:3-6)
14Nòm kerek nak Yudas Iskariot, néy sènꞌòy nòm nar belas hèhoh Yèsus nak, nawèk natèrbuk ma mèn ketuwe imam. 15#Sak 11:12. Yudas natanyak, “Ilok nyob nyomꞌog ma yék kalòw yék itulong nyob nyomròt ma Yèsus?” Dak umnak umkirak duid pèrak tigak puloh kupang, dak umꞌog duid nak ma rik eh nak. 16Jadik nòm mase nak Yudas natekèd nakèk-kèk nòng untok namtulong ma umnak muròt ma Yèsus.
Yèsus nagéy jamuwan Paskah samak mèn hèhoh Eh èn Yèrusalèm
(Mrk 14:12-21; Luk 22:7-14,21-23; Yoh 13:21-30)
17Bil arik mulak Raye Ruti Tok Bepèng-pukh, mèn hèhoh Yèsus umlãj dak umtanyak ma Rik Nak, “Èn lok Hãk hachèn kandék kimtabéh jamuwan Paskah untok Hãk?”
18Yèsus nachal, “Wèk lah ma kote, dak akal nyob tèrbuk ma sènꞌòy rik hòj ikenal. Chal ma rik nak, ‘Guruk nachal, mase Yék hòj tilok. Dak Yék akal igéy jamuwan Paskah èn dékh hãh samak mèn hèhoh Yék.’”
19Jadik mèn hèhoh Eh umteꞌèl ilok rik Yèsus naꞌor nak, dak umtabéh jamuwan Paskah èn anak.
20Bil hòj layèg, Yèsus ròb nar belas hèhoh eh umgel umga-géy. 21Asoh umga-géy nak, Yèsus nachal, “Kemën Yék ichal ma nyob, èn nyob doh mok néy sènꞌòy rik akal natulong mèsmus Yéh muròt ma Yék.”
22Dak anak hèhoh-hèhoh Eh umngòm geb. Umnak umtekèd umbetanyak pinéy-pinéy ma Yèsus, “Yãng, pastik lah kedak yék irik eh nak?!”
23 #
En 41:10. Yèsus nasaꞌod, “Mok néy sènꞌòy rik chèꞌlok ruti èn kelòj hòk samak Yék doh akal nabetulong ma mèsmus Yéh muròt ma Yék. 24Yék, Sènꞌòy Nòm Sorga, pastik akal ikebes, gerèk hòj mok natulis èn kelòj Kitab. Tapik terok geb lah Allah akal nahukom ma sènꞌòy rik natulong ma mèsmus Yéh muròt ma Yék! Lebéh méj untok sènꞌòy nak kalòw amèk eh tok pernah nayos eh!”
25Dak Yudas, rik betulong ma mèsmus Yèsus nak, nachal, “Guruk, pastik lah kedak yék irik eh nak?”
Yèsus nasaꞌod, “Hek, gerèk rik hachal nak lah!”
Jamuwan Tuhan
(Mrk 14:22-26; Luk 22:15-20; 1 Kor 11:23-25)
26Bil umnak tik umgèy-géy, Yèsus nakod ruti, naterime kaséh, dak nageyèg bok naꞌog ma mèn hèhoh Eh. Yèsus nachal, “Kod bok géy lah, udoh esik Yék.”
27Nòm kerek nak, Yèsus nakod néy kuléh òng anggor. Rik Nak naterime kaséh ma Allah, dak naꞌog kuléh nak ma hèhoh-hèhoh Eh bok nachal, “Òng lah nyob kenèmbek nòm kuléh doh. 28Udoh lah lènlòt Yék. Gerèk nak lah perènhod Allah: bil Yék ikebes, lènlòt Yék akal naka-koh untok kenèmbek sènꞌòy, supaye Allah naꞌampon dose umnak. 29Dak kemën Yék ichal ma nyob, mulak puꞌdoh Yék akal tok iꞌèng-òng òng anggor wèl sampéy arik Yék iꞌòng òng anggor pay samak nyob èn Kerajaꞌan Apak Yék.”
30Nòm kerek nak umnak umbelaguk néy laguk enèhmah ma Allah. Dak umhuwòl bok umwèk ma Pok Sayton.
Yèsus naramal Pètrus akal nachal tok nakèlnal ma Yèsus
(Mrk 14:27-31; Luk 22:31-34; Yoh 13:36-38)
31 #
Sak 13:7. Dak pas nak Yèsus nachal ma hèhoh-hèhoh Eh, “Èn kelòj Kitab mok natulis:
Allah nachal, ‘Yék akal ikèrbes ma Kël nak,
bok mèn kambikh biri Eh akal umda-dok chéy-baruy.’
Dak gerèk kambikh biri nak, layèg doh keꞌjèk nyob kenèmbek akal nyob da-dok nyob perak ma Yék. 32Tapik nòm kerek Allah natèrwòg wèl ma Yék, Yék akal iwèk nèng-nèng nòm nyob ma Galiliya.” #Mat 28:16.
33Dak Pètrus nachal ma Yèsus, “Yab kenèmbek rik umgèhnih akal umperak ma Hãk, tapik yék hõy tok ipèꞌrak!”
34Yèsus nasaꞌod, “Yék kemën ichal ma hãk: layèg doh keꞌjèk, èn tèk-tik ayam tok nabekukok, hãk hòj tigak kalik hachal hãk tok hakèlnal ma Yék.”
35Tapik Pètrus nasaꞌod, “Hõy! Yab yék haros imkebes samak Hãk pon, yék tok pernah ichèl-chal yék tok ikèlnal ma Hãk!”
Dak kenèmbek hèhoh rik gèhnih pon umchal gerèk nak keꞌjèk.
Yèsus napèꞌtak èn selay Gètsèmani
(Mrk 14:32-42; Luk 22:39-46)
36Pas nak Yèsus ròb hèhoh-hèhoh Eh umlòy ma néy tempad rik bekenëh Gètsèmani. Dak Yèsus nachal ma umnak, “Gel lah èn anuh, Yék imwèk ma tuy untok impèꞌtak.” 37Yèsus naꞌéd samak Rik Nak Pètrus ròb nar kuwòt Sèbedius, Yakobus ròb Yohanès. Bil nak Yèsus natekèd nagahmak nangòm bok nasuwéh geb. 38Rik Nak nachal ma umnak, “Hup Yék ingòm geb, igahmak imòg kèsbes. Gel lah nyob èn anuh, bok yèw-yèw lah samak Yék.”
39Yèsus nawèk gèk jerok nòm umnak, dak natud bok napèꞌtak, “Apak Yék, kalòw boléh, agok lah perak Yék imderite!#26:39 derite Tèks asli mok kiasan èn anuh: “kuléh.” Tapik agok lah hoh ma nènchèn Yék, hoh lah ma nènchèn rik Hãh.”
40Hòj sòj nòm nak, Yèsus nalos ma tigak hèhoh Eh naꞌtèk dak nanéh ma umnak hòj umsèglòg. Dak Rik Nak nachal ma Pètrus, “Tok boléh ke néy jam pon nyomyèw samak Yék? 41Yèw-yèw lah bok pèꞌtak supaye nyob tok nyombedose bil Iblis natarèk ma nyob. Èn ruway nyob mémang nyob chèn teꞌèl méj, tapik esik nyob tok nahèh-hoh.”
42Yèsus nawèk wèl bok napèꞌtak, “Apak Yék! Kalòw tok boléh hakod derite doh nòm Yék, tapik Yék haros iderite eh, perak lah nènchèn Hãh nak nambelakuk.” 43Pas nak Yèsus nalos ma hèhoh-hèhoh Eh dak nanéh ma umnak hòj umsèglòg wèl, sebab umnak umlebëd geb.
44Jadik Yèsus naperak ma umnak wèl èn anak, dak nawèk kalik tenigak bok napèꞌtak wèl hal rik chachod. 45Dak pas nak Yèsus nalos wèl ma hèhoh Eh nak dak nachal, “Tik nyob sèglòg lah bok nyob betarak? Néh lah! Mase derite Yék hòj nalòy. Yék, Sènꞌòy Nòm Sorga, hòj muꞌog ma sènꞌòy bedose. 46Wòg lah! Jok, èk èwèk. Néh, sènꞌòy rik èg-og Yék ma mèsmus Yéh hòj nalãj!”
Umròt ma Yèsus
(Mrk 14:43-50; Luk 22:47-53; Yoh 18:3-12)
47Bil Yèsus tik nachèl-chal, nalãj lah Yudas, néy sènꞌòy nòm nar belas hèhoh Yèsus nak. Dak jajéh sènꞌòy umhoh samak rik nak dak umꞌèn juwòj ròb ad. Mèn ketuwe imam ròb tèꞌtak Yahudi hòj umꞌor ma sènꞌòy jajéh nak muròt ma Yèsus. 48Yudas, rik betulong ma mèsmus Yèsus nak, hòj naꞌog tande nèng-nèng ma sènꞌòy jajéh nak, nachal, “Sènꞌòy rik yék ichey gerèk tande senalam, unak lah iRik Eh. Ròt lah Rik Nak!”
49Bil Yudas nalòy ma nak, rik nak sejèkh nawèk ma Yèsus dak nachal, “Selamad layèg, Guruk!” dak nachëy Eh.
50Tapik Yèsus nachal ma Yudas, “Kéy, teꞌèl lah ilok rik halãj hamteꞌèl.”
Kerek nak sènꞌòy gèhnih nak umwèk tilok ma Yèsus, dak umròt Eh bok umpegakh keheb. 51Bil nak néy sènꞌòy nòm hèhoh Yèsus nak tok-tok naròj ma juwòj eh dak nachòkh ma gèntòkh kuli Imam Rayak sampéy nagetòj. 52Dak Yèsus nachal ma hèhoh Eh nak, “Chor lah juwòj hãh nak ma sarup hãh! Chok rik belawan nòm juwòj akal nakebes nòm juwòj keꞌjèk. 53Agok wel lah: Yék boléh ikòw ma Apak Yék, dak Rik Nak sejèkh natèrꞌèn jajéh geb melaykat — lebéh nòm nar belas tentere — untok mutulong ma Yék! 54Tapik kalòw Yék iteꞌèl gerèk nak, gerèk lok bok boléh nambelakuk perènhod Allah? Èn kelòj Kitab bok hòj natulis haros lah nabelakuk gerèk doh.”
55Dak anak Yèsus nachal ma sènꞌòy jajéh nak, “Nyob lãj nyomròt ma Yék bok nyob èn juwòj ròb ad, gerèk Yék doh sènꞌòy sèjyèj? Tiyab-tiyab arik Yék igèl-gel bok ibetènglèkh èn Dékh Tuhan, tapik nyob tok nyob rèn-ròt ma Yék èn anak. #Luk 19:47; 21:37. 56Tapik mèn nabi manah tòp hòj umtulis èn kelòj Kitab kenèmbek hal doh haros nabelakuk ma Yék, dak puꞌdoh hòj nabelakuk tehad gerèk umramal nak.”
Dak bil nak kenèmbek hèhoh Yèsus umperak ma Rik Nak dak umda-dok.
Mèn pemimpin Yahudi umtanas ma Yèsus èn Majlis Agama
(Mrk 14:53-65; Luk 22:54-55,63-71; Yoh 18:13-14,19-24)
57Sènꞌòy rik umrèn-ròt ma Yèsus naꞌtèk umꞌèn Rik Nak namtèrbuk ma Kayapas, Imam Rayak Yahudi. Mèn guruk agama ròb tèꞌtak sènꞌòy Yahudi hòj umbekumpol èn anak. 58Pètrus nahoh ma Yèsus nòm jerok, sampéy ma halaman dékh Imam Rayak nak. Pètrus namòj ma halaman nak dak nagel samak sènꞌòy rik umbejagak untok namlèkh ilok rik akal nabelakuk. 59Èn kelòj dékh nak, mèn ketuwe imam ròb kenèmbek Majlis Agama umkèk-kèk bukti bèj-bòj untok mutanas Yèsus nak besalah, supaye umnak dapad mukèrlek henukom kènbes ma Rik Nak. 60Dak mok jajéh sènꞌòy umcha-chal umtanas bèj-bòj tentang Yèsus, tapik umnak tok umterèꞌbuk néy bukti pon.
Dak sèj-sòj eh nak, mok nar sènꞌòy wèta-ted èn sòy 61dak wèchal, “Sènꞌòy doh hòj nachal, ‘Yék boléh ituy Dékh Tuhan doh, bok èn mase tigak arik Yék boléh iteꞌèl wèl.’” #Yoh 2:19.
62Dak anak Imam Rayak nated dak natanyak ma Yèsus, “Hãk hòj hakeyòkh ilok umnak umtanas ma Hãk. Tok habesaꞌod ke?” 63Tapik Yèsus sengẽk hék. Dak Imam Rayak nak nachal wèl ma Rik Nak, “Puꞌdoh Allah rik gès-gos nakeyòkh ma Hãk, dak yék iꞌor ma Hãk hamchal kemën ma kandék: Hãk ke Mèsias rik Allah napèrhod? Bok Hãk Kuwòt Allah ke hõy?”
64Yèsus nasaꞌod, “Hek, gerèk hachal nak lah. Dak Yék ichal ma nyob kenèmbek: nyob akal nyob néh Yék, Sènꞌòy Nòm Sorga, igèl-gel ènlẽng tep Allah Rik Paléng Kuwase. Dak nyob akal nyob néh Yék ilãj nòm sorga èn balikh mèn sagub!” #Dan 7:13.
65Bil nakeyòkh ma nèlchal Yèsus nak, Imam Rayak nak naꞌõl bok nachèg ma nèglòg rik eh. Rik nak nachal, “Rik Nak nabemèhnah ma Allah! Èk tok perlu èmkèk-kèk wèl sènꞌòy untok muchal tentang Rik Nak. Puꞌdoh nyob kenèmbek hòj nyob keyòkh Rik Nak nabemèhnah ma Allah! #Im 24:16. 66Dak rèk lok benèdlod nyob?”
Dak umnak kenèmbek umsaꞌod, “Rik Nak besalah bok haros nakebes!” 67Dak umnak umgetoh ma mad Yèsus, dak umteboh ma Rik Nak. Mok keꞌjèk rik lègpag ma Rik Nak. #Yès 50:6. 68Dak umchetẽk bok umchal, “Éh, Mèsias! Kalòw Hãk kemën-kemën nabi, chubak lah hachal ma kandék: chok rik tèhboh ma Hãk?”
Pètrus nasèꞌlok nachal tok nakèlnal ma Yèsus
(Mrk 14:66-72; Luk 22:56-62; Yoh 18:15-18,25-27)
69Agat nak Pètrus tik nagèl-gel èn béng, èn halaman dékh nak. Dak anak néy kuli babok rik kerèꞌjak èn dékh nak nalãj dak nachal ma Pètrus, “Hãk keꞌjèk rik selaluk hèh-hoh samak Yèsus, sènꞌòy Galiliya nak.”
70Tapik Pètrus nasèꞌlok, nachal èn mad umnak kenèmbek, “Hõy! Yék tok ilèng-lèkh ilok rik hachal nak.” 71Pas nak Pètrus nawèk ma rèngkak gerbang. Dak anak mok kuli babok rik mòy nanéh ma Pètrus, dak nachal ma sènꞌòy gèhnih èn anak, “Sènꞌòy doh rik hèh-hoh samak Yèsus, sènꞌòy Nasarèt nak.”
72Dak Pètrus nasèꞌlok wèl bok napantakh, “Hõy! Kemën yék ichal doh, yék tok ikèlnal ma sènꞌòy nak!”
73Tok lamad nòm kerek nak, sènꞌòy mòy rik umtèd-ted èn anak umlãj ma Pètrus dak umchal, “Nòm chare chenarak hãh nak kandék kilèkh hãk sènꞌòy Galiliya. Bok pastik kemën lah hãk keꞌjèk néy sènꞌòy nòm hèhoh Yèsus nak!”
74Dak Pètrus natekèd nabepantakh wèl bok nachal, “Kemën lah yék tok ikèlnal ma sènꞌòy nak! Kalòw yék isèꞌlok, perak lah Allah namhukom ma yék!”
Bil Pètrus hòj sòj nachèl-chal hal nak, ayam sejèkh nakukok. 75Dak Pètrus pon nabelekh ilok rik Yèsus nachal ma rik nak naꞌtèk: “Èn tèk-tik ayam tok nabekukok, hãk hòj tigak kalik hachal hãk tok hakèlnal ma Yék.” Dak Pètrus nahuwòl nòm halaman dékh nak, dak nasedéh geb bok nayèm-yam kerèꞌhik.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.