Matius 25
25
Chenal tentang bèhléh rik cherèꞌdìk ròb beyayéw
1 #
Luk 12:35. Yèsus nachal, “Bil Yék ilãj wèl, Kerajaꞌan Allah nak gerèk chenal doh:
Bil néy arik mok kenurik benabéy. Dak mok sepuloh bèhléh rik umchèn muhoh ma benabéy nak, jadik umꞌèn peliteh dak umwèk umda-deh untok musambud ma abéy babeh. 2Limak bèhléh nòm umnak yayéw, tapik limak bèhléh nak chèrdìk. 3Dak rik umbeyayéw nak umꞌèn peliteh um, tapik hõy tok umꞌèn-èn binyak sepèh. 4Tapik rik umcherèꞌdìk nak umꞌèn binyak sepèh èn butol untok peliteh umnak. 5Dak abéy babeh nak liwad nalãj, sampéy kenèmbek bèhléh nak umchèh-chũh dak umsèglòg.
6Dak bil gagid layèg, umkeyòkh mok sènꞌòy naꞌèh-éh, ‘Oya, abéy babeh hòj namlẽj-lãj! Jok lah èmsambud ma rik nak!’ 7Jadik sepuloh bèhléh nak umwòg dak umya-yap peliteh um. 8Limak bèhléh rik beyayéw naꞌtèk umsemany ma rik umcherèꞌdìk nak, ‘Og lah che kandék amès binyak nyob nak, peliteh kandék doh hòj tilok nampèd-ped.’ 9Tapik rik umcherèꞌdìk nak umsaꞌod, ‘Hõy, tok boléh! Binyak nak tok tèdhad untok èk kenèmbek. Wèk lah ma kedéy dak belik lah binyak rik nyob.’ 10Jadik umwèk, tapik èn mase umnak tik umbèꞌlik binyak nak, abéy babeh nak nabeleh. Bèhléh rik hòj umtabéh nak umhoh samak abéy babeh dak ummòj ma kelòj baléy ma jamuwan benabéy nak. Dak sènꞌòy umchèrtekh dak umkaldèb rèngkak.
11 #
Luk 13:25. Nòm kerek nak bèhléh rik umbeyayéw naꞌtèk pon umlãj keꞌjèk. Dak umkòw, ‘Yãng! Yãng! Pog lah che kandék kimmòj!’ 12Tapik abéy babeh nak nasaꞌod, ‘Kemën yék ichal ma nyob, yék tok ikèlnal ma nyob!’”
13Yèsus natèrsòj chenal Eh nak, dak nachal, “Jadik nyob pon haros lah bebèh-bèh selaluk! Sebab nyob tok lèng-lèkh bil arik ròb mase eh Yék akal imlãj wèl.”#25:13 arik ròb mase eh Yék akal imlãj wèl. Tèks asli: “arik ròb mase eh” hék.
Gunak méj-méj ilok rik Tuhan naꞌog ma nyob
(Luk 19:11-27)
14 #
Luk 19:11-27. Yèsus nachal wèl, “Dak bil Yék ilãj wèl, akal nabelakuk gerèk chenal doh:
Mok néy sènꞌòy nachèn namwèk ma negerik mòy. Jadik rik nak nakòw ma kuli eh dak naꞌor ma umnak muꞌuros duid eh. 15Rik nak naꞌog ma tiyab-tiyab kuli eh nak lènbéh duid rik kuli nak boléh namꞌuros. Néy sènꞌòy naꞌog limak ribuk duid mas, néy sènꞌòy wèl naꞌog nar ribuk, dak néy sènꞌòy wèl naꞌog seribuk. Nòm kerek nak, rik nak pon nawèk. 16Kuli rik beterime limak ribuk duid mas nak sejèkh nawèk bok najèlwal nòm duid rik tuwan eh naꞌog nak, sampéy nabetabeh wèl limak ribuk. 17Gerèk nak keꞌjèk, kuli rik beterime nar ribuk duid mas nak nakèrjak bok nabetabeh wèl nar ribuk. 18Tapik kuli rik beterime néy ribuk duid mas nak nawèk nabèy-bay jehòl èn tèk, dak nakep bok nakèrdëk duid tuwan eh nak.
19Hòj lamad nòm kerek nak, tuwan umnak namak, dak naꞌor ma umnak muꞌoglèkh ilok umnak hòj umteꞌèl ma duid eh nak. 20Kuli rik beterime limak ribuk duid mas nak nalãj dak naꞌog ma tuwan eh nak sepuloh ribuk duid mas. Kuli nak nachal, ‘Yãng, hatòp haꞌog ma yék limak ribuk duid mas. Néh lah, puꞌdoh hòj nabetabeh wèl limak ribuk.’ 21Tuwan eh nak nachal, ‘Méj geb lah! Hãk doh kuli rik méj-méj bok setiye. Sebab yék boléh ipechaye ma hãk nòm hal ajok, bok puꞌdoh yék boléh ipechaye hal rik lebéh rayak ma hãk. Jok lah, beꞌadés samak yék!’
22Pas nak kuli rik beterime nar ribuk duid mas nak nalãj keꞌjèk dak nachal, ‘Yãng, hatòp haꞌog ma yék nar ribuk duid mas. Néh lah, puꞌdoh hòj nabetabeh wèl nar ribuk.’ 23Tuwan eh nak nasaꞌod, ‘Méj geb lah! Hãk doh kuli rik méj-méj bok setiye. Sebab yék boléh ipechaye ma hãk nòm hal ajok, bok puꞌdoh yék boléh ipechaye hal rik lebéh rayak ma hãk. Jok lah, beꞌadés samak yék!’
24Tapik pas nak nalãj keꞌjèk kuli rik beterime seribuk duid mas nak, dak nachal, ‘Yãng, yék ilèkh hãk nak sènꞌòy rik kenèngrang bok hakod nòm hasil kèrjak sènꞌòy mòy. Chòntoh eh, hãk hachatuk hasil nòm selay rik tok pernah hatèm-tap, bok hatòg nòm selay rik tok pernah harèy-ruy. 25Jadik yék itukh, bok iwèk ikèrdëk duid hãh nak èn kelòj tèk. Néh, udoh lah milik hãk.’
26Dak tuwan eh nak nasaꞌod, ‘Hãk kuli rik jèdhad bok bèd-bod! Hãk hachal hòj halèkh yék ibechatuk hasil nòm selay rik tok pernah itèm-tap, bok itèg-tòg nòm selay rik tok pernah irèy-ruy. 27Kalòw habebèdlod gerèk nak, che patod eh hachor duid inak ma kelòj bank supaye nambetabeh wèl! Dak bil yék imak, bok boléh ikod duid yék ròb duid rik umtabeh nak keꞌjèk.’ 28Dak anak tuwan nak naꞌor ma kuli eh rik gèhnih, ‘Kod lah duid mas doh nòm rik eh nak, dak og ma kuli rik mok sepuloh ribuk nak. 29#Mat 13:12; Mrk 4:25; Luk 8:18. Sebab sènꞌòy rik umgunak méj ilok rik Allah naꞌog ma umnak, akal Allah naꞌog lebéh ibuk wèl. Tapik sènꞌòy rik tok umtèlꞌèl ilok-ilok, akal Allah nakod kenèmbek nòm umnak. 30#Mat 8:12; 22:13; Luk 13:28. Bok bes lah kuli rik tok begunak doh ma béng, ma tempad rik paléng rengah. Dak èn anak akal rik nak nayam naꞌarew bok mòny eh kenèjrej sebab naderite geb!’”
Rajak Yèsus akal nahakim ma sènꞌòy kènmën ròb sènꞌòy jèdhad
31 #
Mat 16:27;
Mat 19:28. “Dak Yék, Sènꞌòy Nòm Sorga, akal ilãj nòm kuwase ròb chènlakh Yéh samak kenèmbek melaykat Yéh. Bil nak Yék akal igel gerèk Rajak èn kerusi Yéh rik rayak bok bechènlakh. 32Kenèmbek kaum èn bumi akal umbekumpol èn sòy Yék. Dak Yék akal ipèrmòy ma umnak, gerèk sènꞌòy napèrmòy mèn kambikh biri nòm mèn kambikh. 33Yék akal ikumpol sènꞌòy rik hèh-hoh ma nènchèn Allah nak ènlẽng tep Yéh, bok sènꞌòy gèhnih nak ènlẽng yèl Yéh.#25:33 Tèks asli Kitab mok kiasan èn anuh: “akal ikumpol kambikh biri ènlẽng tep Yéh, bok mèn kambikh akal ikumpol ènlẽng yèl.” 34Pas nak Yék, Rajak nak, akal ichal ma sènꞌòy kènmën rik ènlẽng tep Yéh nak, ‘Apak Yéh hòj nateꞌèl méj ma nyob! Nòm mulak Allah napèrhéj duniak, Rik Nak hòj natabéh tempad untok nyob. Puꞌdoh jok lah, bok gel èn kelòj Kerajaꞌan Yék! 35Sebab bil Yék icherok, nyob lah irik èg-og ma Yék nèygéy. Bok bil Yék isagòl, nyob lah irik èg-og ma Yék nèngꞌòng. Dak bil Yék ilãj nòm jerok gerèk sènꞌòy rik tok nyob kèlnal, nyob lah irik besambud ma Yék èn dékh nyob. 36Bil Yék tok mèk-mok nèglòg Yéh, nyob lah irik èg-og ma Yék nèglòg. Bil Yék ijèk-jik, nyob lah irik bejagak ma Yék. Bok bil umjél ma Yék, nyob lah irik lèj-lãj begagoh ma Yék.’ 37Tapik bil nak sènꞌòy rik kènmën nak akal umtanyak ma Yék, ‘Tuhan, ma lok mok kandék kinéh Hãk hacherok bok kiꞌog nèygéy, atòw pon hasagòl bok kiꞌog nèngꞌòng ma Hãk? 38Kandék tok pernah kinéh Hãk halãj gerèk sènꞌòy nòm jerok rik tok kikèlnal bok hadep èn dékh kandék. Bok ma lok mok kandék kinéh Hãk haperlu nèglòg bok kimꞌog ma Hãk? 39Ma lok mok kandék kinéh Hãk hajèk-jik atòw pon èn kelòj jél, bok kandék kigagoh ma Hãk?’ 40Bil nak Yék, Rajak nak, akal isaꞌod ma umnak, ‘Kemën Yék ichal ma nyob: bil nyob teꞌèl hal méj nak ma kewarge Yék rik paléng tok bepenting èn mad sènꞌòy, maksod eh nyob hòj nyob teꞌèl hal nak ma Yék keꞌjèk.’
41Pas nak Yék akal ichal ma sènꞌòy rik ènlẽng yèl Yéh nak, ‘Allah hòj napantakh ma nyob! Wèk lah nòm Yék doh, dak mòj ma kelòj os nerake rik tok pernah napèd-ped sampéy bilok-bilok — tempad rik Allah hòj natabéh untok Iblis ròb mèn melaykat jèdhad rik hèh-hoh ma rik nak. 42Sebab bil Yék icherok, nyob tok èg-og nèygéy. Bil Yék isagòl, nyob tok èg-òg nèngꞌòng. 43Yék ilãj nòm jerok gerèk sènꞌòy rik tok nyob kèlnal, tapik nyob tok nyob besambud ma Yék. Bil Yék iperlu nèglòg, nyob tok nyob èg-og ma Yék. Bil Yék ijèk-jik bok bil Yék mok èn kelòj jél, nyob tok nyob lèj-lãj untok nyomjagak ma Yék.’ 44Dak umnak akal umchal, ‘Tuhan, ma lok mok kandék kinéh Hãk hacherok bok hasagòl? Bok bil kinéh Hãk halãj gerèk sènꞌòy nòm jerok rik tok kikèlnal, bok haperlu nèglòg? Bok ma lok mok kandék kinéh Hãk hajèk-jik, atòw hagel èn kelòj jél, dak kandék tok kibetulong ma Hãk?’ 45Bil nak Yék akal isaꞌod ma umnak, ‘Kemën Yék ichal ma nyob: bil nyob jèk tok nyob betulong ma kewarge Yék rik paléng tok bepenting èn mad sènꞌòy, maksod eh nyob jèk tok nyob betulong ma Yék keꞌjèk.’ 46#Dan 12:2. Dak sènꞌòy nak akal umwèk ma tempad henukom rik jalꞌéng sampéy bilok-bilok. Tapik sènꞌòy rik kènmën akal umwèk ma nèsgos rik jalꞌéng.”
Právě zvoleno:
Matius 25: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 25
25
Chenal tentang bèhléh rik cherèꞌdìk ròb beyayéw
1 #
Luk 12:35. Yèsus nachal, “Bil Yék ilãj wèl, Kerajaꞌan Allah nak gerèk chenal doh:
Bil néy arik mok kenurik benabéy. Dak mok sepuloh bèhléh rik umchèn muhoh ma benabéy nak, jadik umꞌèn peliteh dak umwèk umda-deh untok musambud ma abéy babeh. 2Limak bèhléh nòm umnak yayéw, tapik limak bèhléh nak chèrdìk. 3Dak rik umbeyayéw nak umꞌèn peliteh um, tapik hõy tok umꞌèn-èn binyak sepèh. 4Tapik rik umcherèꞌdìk nak umꞌèn binyak sepèh èn butol untok peliteh umnak. 5Dak abéy babeh nak liwad nalãj, sampéy kenèmbek bèhléh nak umchèh-chũh dak umsèglòg.
6Dak bil gagid layèg, umkeyòkh mok sènꞌòy naꞌèh-éh, ‘Oya, abéy babeh hòj namlẽj-lãj! Jok lah èmsambud ma rik nak!’ 7Jadik sepuloh bèhléh nak umwòg dak umya-yap peliteh um. 8Limak bèhléh rik beyayéw naꞌtèk umsemany ma rik umcherèꞌdìk nak, ‘Og lah che kandék amès binyak nyob nak, peliteh kandék doh hòj tilok nampèd-ped.’ 9Tapik rik umcherèꞌdìk nak umsaꞌod, ‘Hõy, tok boléh! Binyak nak tok tèdhad untok èk kenèmbek. Wèk lah ma kedéy dak belik lah binyak rik nyob.’ 10Jadik umwèk, tapik èn mase umnak tik umbèꞌlik binyak nak, abéy babeh nak nabeleh. Bèhléh rik hòj umtabéh nak umhoh samak abéy babeh dak ummòj ma kelòj baléy ma jamuwan benabéy nak. Dak sènꞌòy umchèrtekh dak umkaldèb rèngkak.
11 #
Luk 13:25. Nòm kerek nak bèhléh rik umbeyayéw naꞌtèk pon umlãj keꞌjèk. Dak umkòw, ‘Yãng! Yãng! Pog lah che kandék kimmòj!’ 12Tapik abéy babeh nak nasaꞌod, ‘Kemën yék ichal ma nyob, yék tok ikèlnal ma nyob!’”
13Yèsus natèrsòj chenal Eh nak, dak nachal, “Jadik nyob pon haros lah bebèh-bèh selaluk! Sebab nyob tok lèng-lèkh bil arik ròb mase eh Yék akal imlãj wèl.”#25:13 arik ròb mase eh Yék akal imlãj wèl. Tèks asli: “arik ròb mase eh” hék.
Gunak méj-méj ilok rik Tuhan naꞌog ma nyob
(Luk 19:11-27)
14 #
Luk 19:11-27. Yèsus nachal wèl, “Dak bil Yék ilãj wèl, akal nabelakuk gerèk chenal doh:
Mok néy sènꞌòy nachèn namwèk ma negerik mòy. Jadik rik nak nakòw ma kuli eh dak naꞌor ma umnak muꞌuros duid eh. 15Rik nak naꞌog ma tiyab-tiyab kuli eh nak lènbéh duid rik kuli nak boléh namꞌuros. Néy sènꞌòy naꞌog limak ribuk duid mas, néy sènꞌòy wèl naꞌog nar ribuk, dak néy sènꞌòy wèl naꞌog seribuk. Nòm kerek nak, rik nak pon nawèk. 16Kuli rik beterime limak ribuk duid mas nak sejèkh nawèk bok najèlwal nòm duid rik tuwan eh naꞌog nak, sampéy nabetabeh wèl limak ribuk. 17Gerèk nak keꞌjèk, kuli rik beterime nar ribuk duid mas nak nakèrjak bok nabetabeh wèl nar ribuk. 18Tapik kuli rik beterime néy ribuk duid mas nak nawèk nabèy-bay jehòl èn tèk, dak nakep bok nakèrdëk duid tuwan eh nak.
19Hòj lamad nòm kerek nak, tuwan umnak namak, dak naꞌor ma umnak muꞌoglèkh ilok umnak hòj umteꞌèl ma duid eh nak. 20Kuli rik beterime limak ribuk duid mas nak nalãj dak naꞌog ma tuwan eh nak sepuloh ribuk duid mas. Kuli nak nachal, ‘Yãng, hatòp haꞌog ma yék limak ribuk duid mas. Néh lah, puꞌdoh hòj nabetabeh wèl limak ribuk.’ 21Tuwan eh nak nachal, ‘Méj geb lah! Hãk doh kuli rik méj-méj bok setiye. Sebab yék boléh ipechaye ma hãk nòm hal ajok, bok puꞌdoh yék boléh ipechaye hal rik lebéh rayak ma hãk. Jok lah, beꞌadés samak yék!’
22Pas nak kuli rik beterime nar ribuk duid mas nak nalãj keꞌjèk dak nachal, ‘Yãng, hatòp haꞌog ma yék nar ribuk duid mas. Néh lah, puꞌdoh hòj nabetabeh wèl nar ribuk.’ 23Tuwan eh nak nasaꞌod, ‘Méj geb lah! Hãk doh kuli rik méj-méj bok setiye. Sebab yék boléh ipechaye ma hãk nòm hal ajok, bok puꞌdoh yék boléh ipechaye hal rik lebéh rayak ma hãk. Jok lah, beꞌadés samak yék!’
24Tapik pas nak nalãj keꞌjèk kuli rik beterime seribuk duid mas nak, dak nachal, ‘Yãng, yék ilèkh hãk nak sènꞌòy rik kenèngrang bok hakod nòm hasil kèrjak sènꞌòy mòy. Chòntoh eh, hãk hachatuk hasil nòm selay rik tok pernah hatèm-tap, bok hatòg nòm selay rik tok pernah harèy-ruy. 25Jadik yék itukh, bok iwèk ikèrdëk duid hãh nak èn kelòj tèk. Néh, udoh lah milik hãk.’
26Dak tuwan eh nak nasaꞌod, ‘Hãk kuli rik jèdhad bok bèd-bod! Hãk hachal hòj halèkh yék ibechatuk hasil nòm selay rik tok pernah itèm-tap, bok itèg-tòg nòm selay rik tok pernah irèy-ruy. 27Kalòw habebèdlod gerèk nak, che patod eh hachor duid inak ma kelòj bank supaye nambetabeh wèl! Dak bil yék imak, bok boléh ikod duid yék ròb duid rik umtabeh nak keꞌjèk.’ 28Dak anak tuwan nak naꞌor ma kuli eh rik gèhnih, ‘Kod lah duid mas doh nòm rik eh nak, dak og ma kuli rik mok sepuloh ribuk nak. 29#Mat 13:12; Mrk 4:25; Luk 8:18. Sebab sènꞌòy rik umgunak méj ilok rik Allah naꞌog ma umnak, akal Allah naꞌog lebéh ibuk wèl. Tapik sènꞌòy rik tok umtèlꞌèl ilok-ilok, akal Allah nakod kenèmbek nòm umnak. 30#Mat 8:12; 22:13; Luk 13:28. Bok bes lah kuli rik tok begunak doh ma béng, ma tempad rik paléng rengah. Dak èn anak akal rik nak nayam naꞌarew bok mòny eh kenèjrej sebab naderite geb!’”
Rajak Yèsus akal nahakim ma sènꞌòy kènmën ròb sènꞌòy jèdhad
31 #
Mat 16:27;
Mat 19:28. “Dak Yék, Sènꞌòy Nòm Sorga, akal ilãj nòm kuwase ròb chènlakh Yéh samak kenèmbek melaykat Yéh. Bil nak Yék akal igel gerèk Rajak èn kerusi Yéh rik rayak bok bechènlakh. 32Kenèmbek kaum èn bumi akal umbekumpol èn sòy Yék. Dak Yék akal ipèrmòy ma umnak, gerèk sènꞌòy napèrmòy mèn kambikh biri nòm mèn kambikh. 33Yék akal ikumpol sènꞌòy rik hèh-hoh ma nènchèn Allah nak ènlẽng tep Yéh, bok sènꞌòy gèhnih nak ènlẽng yèl Yéh.#25:33 Tèks asli Kitab mok kiasan èn anuh: “akal ikumpol kambikh biri ènlẽng tep Yéh, bok mèn kambikh akal ikumpol ènlẽng yèl.” 34Pas nak Yék, Rajak nak, akal ichal ma sènꞌòy kènmën rik ènlẽng tep Yéh nak, ‘Apak Yéh hòj nateꞌèl méj ma nyob! Nòm mulak Allah napèrhéj duniak, Rik Nak hòj natabéh tempad untok nyob. Puꞌdoh jok lah, bok gel èn kelòj Kerajaꞌan Yék! 35Sebab bil Yék icherok, nyob lah irik èg-og ma Yék nèygéy. Bok bil Yék isagòl, nyob lah irik èg-og ma Yék nèngꞌòng. Dak bil Yék ilãj nòm jerok gerèk sènꞌòy rik tok nyob kèlnal, nyob lah irik besambud ma Yék èn dékh nyob. 36Bil Yék tok mèk-mok nèglòg Yéh, nyob lah irik èg-og ma Yék nèglòg. Bil Yék ijèk-jik, nyob lah irik bejagak ma Yék. Bok bil umjél ma Yék, nyob lah irik lèj-lãj begagoh ma Yék.’ 37Tapik bil nak sènꞌòy rik kènmën nak akal umtanyak ma Yék, ‘Tuhan, ma lok mok kandék kinéh Hãk hacherok bok kiꞌog nèygéy, atòw pon hasagòl bok kiꞌog nèngꞌòng ma Hãk? 38Kandék tok pernah kinéh Hãk halãj gerèk sènꞌòy nòm jerok rik tok kikèlnal bok hadep èn dékh kandék. Bok ma lok mok kandék kinéh Hãk haperlu nèglòg bok kimꞌog ma Hãk? 39Ma lok mok kandék kinéh Hãk hajèk-jik atòw pon èn kelòj jél, bok kandék kigagoh ma Hãk?’ 40Bil nak Yék, Rajak nak, akal isaꞌod ma umnak, ‘Kemën Yék ichal ma nyob: bil nyob teꞌèl hal méj nak ma kewarge Yék rik paléng tok bepenting èn mad sènꞌòy, maksod eh nyob hòj nyob teꞌèl hal nak ma Yék keꞌjèk.’
41Pas nak Yék akal ichal ma sènꞌòy rik ènlẽng yèl Yéh nak, ‘Allah hòj napantakh ma nyob! Wèk lah nòm Yék doh, dak mòj ma kelòj os nerake rik tok pernah napèd-ped sampéy bilok-bilok — tempad rik Allah hòj natabéh untok Iblis ròb mèn melaykat jèdhad rik hèh-hoh ma rik nak. 42Sebab bil Yék icherok, nyob tok èg-og nèygéy. Bil Yék isagòl, nyob tok èg-òg nèngꞌòng. 43Yék ilãj nòm jerok gerèk sènꞌòy rik tok nyob kèlnal, tapik nyob tok nyob besambud ma Yék. Bil Yék iperlu nèglòg, nyob tok nyob èg-og ma Yék. Bil Yék ijèk-jik bok bil Yék mok èn kelòj jél, nyob tok nyob lèj-lãj untok nyomjagak ma Yék.’ 44Dak umnak akal umchal, ‘Tuhan, ma lok mok kandék kinéh Hãk hacherok bok hasagòl? Bok bil kinéh Hãk halãj gerèk sènꞌòy nòm jerok rik tok kikèlnal, bok haperlu nèglòg? Bok ma lok mok kandék kinéh Hãk hajèk-jik, atòw hagel èn kelòj jél, dak kandék tok kibetulong ma Hãk?’ 45Bil nak Yék akal isaꞌod ma umnak, ‘Kemën Yék ichal ma nyob: bil nyob jèk tok nyob betulong ma kewarge Yék rik paléng tok bepenting èn mad sènꞌòy, maksod eh nyob jèk tok nyob betulong ma Yék keꞌjèk.’ 46#Dan 12:2. Dak sènꞌòy nak akal umwèk ma tempad henukom rik jalꞌéng sampéy bilok-bilok. Tapik sènꞌòy rik kènmën akal umwèk ma nèsgos rik jalꞌéng.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.