Lukas 5
5
Yèsus nakòw hèhoh-hèhoh Eh rik mulak
(Mat 4:18-22; Mrk 1:16-20)
1Bil néy arik, mase Yèsus natèd-ted èn béng Òng Pang Galiliya,#5:1 Òng Pang Galiliya Tèks Yunani nadol “Òng Pang Genesarèt.” Òng pang edoh òng pang rik chachod, tapik kenëh eh mok nar. jajéh sènꞌòy umherimung ma Rik Nak umchèn mukeyòkh Gah Allah. #Mat 13:1,2; Mrk 3:9,10; 4:1. 2Yèsus nanéh mok nar perahuk èn béng òng nak. Rik umkerèꞌjak kak hòj umtaw nòm perahuk dak umsèj-suj jalok. 3Yèsus naꞌòj néy perahuk nak, perahuk Simon, dak naꞌor Simon namdelũk gèk jerok nòm béng nak. Yèsus nagel èn perahuk nak dak nabetènglèkh ma sènꞌòy jajéh.
4Hòj sòj nabetènglèkh, Rik Nak nachal ma Simon, “Kewéy lah ma òng ruwakh dak suwar lah jalok hãk untok namseg kak.”
5Simon nasaꞌod, “Yãng, nòm layèg is hatòp kandék hòj kikèrjak keras, tapik tok kiterègseg ilok-ilok pon. Tapik sebab Hãk irik èr-or, méj lah, yék akal ijalok wèl.” #Yoh 21:3. 6Umnak umsuwar jalok, dak umtèrseg kak ibuk geb sampéy mèn jalok um hòj mulak mucha-chèg. #Yoh 21:6. 7Umnak umgajwij ma kéy-kéy gèhnih nòm perahuk mòy supaye umlãj umtulong. Dak nar-nar perahuk umtèrbikh kak nak, sampéy perahuk nak hòj namòg lèd-lũd. 8-10Simon nanéh nabèlꞌih ma kak rik umtèrseg nak ibuk geb. Dak wèh Yakobus ròb Yohanès, kuwòt Sèbedius rik wèkèrjak samak Pètrus, ròb kéy-kéy gèhnih rik mok samak umnak, umbèlꞌih keꞌjèk.
Dak Simon Pètrus natud èn sòy Yèsus dak nachal, “Yãng, wèk lah nòm yék, sebab yék sènꞌòy bedose!” Tapik Yèsus nachal ma Simon, “Agok tukh! Mulak is doh, hãk akal hajalok sènꞌòy supaye muhoh ma Yék.”#5:8-10 jalok sènꞌòy supaye muhoh ma Yék. Tèks asli Kitab: “jalok sènꞌòy” hék.
11Dak hòj sòj umjéng perahuk nak ma béng, umnak umperak kenèmbek nak dak umhoh ma Yèsus.
Yèsus natèrhakh ma sènꞌòy rik bechenèk sèmpok
(Mat 8:1-4; Mrk 1:40-45)
12Mok néy arik, bil Yèsus èn néy kote nak, mok èn anak néy babeh rik kenèmbek esik eh bechenèk sèmpok. Bil sènꞌòy nak nanéh ma Yèsus, natud èn sòy Yèsus dak nasemany lèdbëd, “Yãng, kalòw hachèn, boléh lah hamtèrhakh ma yék supaye yék imjadik méj wèl èn mad Tuhan!”#5:12 jadik méj wèl èn mad Tuhan Èn adad sènꞌòy Yahudi, sènꞌòy rik kenak chenèk sèmpok gerèk nak umdéh “laꞌes èn mad Tuhan,” dak umpèrmòy sènꞌòy nak nòm sènꞌòy mòy. Jadik bil Yèsus natèrhakh ma umnak, chenèk nak nahakh bok umjadik méj wèl èn mad Tuhan keꞌjèk.
13Dak Yèsus natadok tikh Eh dak napèk-pek ma sènꞌòy nak dak nachal, “Yék ichèn. Hakh lah bok jadik méj wèl èn mad Tuhan!” Dak anak keꞌjèk chenèk eh hòj hõy. 14Yèsus naꞌor ma rik nak, “Agok oglèkh gah doh ma chok-chok pon. Tapik wèk lah ma imam Yahudi, pèrnéh esik hãh nak hòj kemën-kemën nahakh. Kerek nak og lah jenamuk ma Tuhan, gerèk Musa#5:14 Musa pemimpin sènꞌòy Yahudi manah anin tòp rik naꞌoglèkh Hukom Tuhan ma kaum Israꞌèl. naꞌor èn kelòj Hukom Tuhan, supaye nambukti ma kenèmbek sènꞌòy hãk kemën-kemën hòj hahakh.” #Im 14:1-32.
15Tapik gah tentang Yèsus had lèrhir umtèrjekh ma lok-lok. Dak jajéh sènꞌòy umlãj untok mukeyòkh ma Rik Nak dak untok namtèrhakh ma chenèk umnak. 16Tapik Yèsus nawèk ma tempad sèꞌngẽk dak napèꞌtak.
Yèsus natèrhakh ma sènꞌòy bekantem
(Mat 9:1-8; Mrk 2:1-12)
17Bil néy arik, mase Yèsus nabetènglèkh, mok maròp-maròp guruk agama nòm pitak Parisi ròb guruk agama mòy keꞌjèk umgèl-gel èn anak. Umnak umlãj nòm kenèmbek kampong èn Galiliya ròb Yudéya, bok nòm Yèrusalèm. Kuwase Tuhan mok èn Yèsus untok namtèrhakh sènꞌòy jèk-jik. 18Bil arik nak, maròp-maròp sènꞌòy umlãj umkanar sènꞌòy bekantem rik nasèglòg èn apil. Umnak umteréy mukanar ma kelòj dékh supaye mudol èn sòy Yèsus. 19Tapik sebab sènꞌòy èn anak ibuk geb, umnak tok umberèhleh mutèrmòj ma kelòj dékh. Jadik umnak umkanar rik nak ma kuy rabong hèldey dékh nak, dak umpog rabong nak. Dak umbèrtaw sènꞌòy bekantem atèk samak apil eh èn sòy Yèsus, èn gagid sènꞌòy ibuk nak.
20Bil Yèsus nanéh umnak umpechaye ma Rik Nak, nachal ma sènꞌòy bekantem nak, “Kéy, dose hãh hòj iꞌampon.”
21Tapik mèn guruk agama ròb sènꞌòy Parisi èn anak mulak umbebèdlod èn kelòj hup um, “Chok sènꞌòy doh? Rik Nak nabemèhnah ma Allah, nachal gerèk nak! Had Allah hék boléh naꞌampon dose!”
22Tapik Yèsus nalèkh ma benèdlod umnak, dak Rik Nak nachal, “Nahey inyob bok nyob bèdlod èn kelòj hup nyob gerèk nak? 23Malok rik lebéh mudah: yimchal, ‘Dose hãh hòj iꞌampon’, atòw ‘Wòg lah, dak chib’? 24Tapik Yék impèrnéh ma nyob Yék, Sènꞌòy Nòm Sorga, ibekuwase imꞌampon dose èn bumi doh.” Dak Yèsus nachal ma sènꞌòy bekantem naꞌtèk, “Wòg lah, tayod apil hãh, dak mak ma dékh hãh!”
25Dak sènꞌòy nak sejèkh nawòg èn mad umnak kenèmbek, natayod apil eh, dak namak bok naꞌèhmah ma Allah. 26Sènꞌòy jajéh nak umbèlꞌih! Umgahmak umtukh bok umhormad, dak umꞌèhmah ma Allah keꞌjèk. Dak umchal, “Is doh ènéh tènꞌèl kuwase rik rayak geb!”
Yèsus nalãj untok sènꞌòy bedose
(Mat 9:9-13; Mrk 2:13-17)
27Nòm kerek nak Yèsus nahuwòl dak nanéh néy sènꞌòy rik bechatuk duid chukay rik bekenëh Lèwi nagèl-gel èn tempad chenatuk duid chukay. Yèsus nachal ma rik nak, “Hoh lah ma Yék.” 28Lèwi nated, naperak kenèmbek, dak nahoh ma Yèsus.
29Nòm kerek nak Lèwi nateꞌèl jamuwan rayak èn dékh eh untok Yèsus. Jajéh sènꞌòy rik bechatuk duid chukay dak sènꞌòy mòy umga-géy samak umnak. 30Mèn guruk agama nòm sènꞌòy Parisi ròb guruk agama mòy umnéh, dak umꞌabad ma hèhoh-hèhoh Yèsus, “Nahey nyob ga-géy dak nyob a-òng samak sènꞌòy rik bechatuk duid chukay ròb sènꞌòy mòy rik bedose? Tok méj lah hal nak!” #Luk 15:1,2.
31Yèsus nasaꞌod, “Sènꞌòy rik tok jèk-jik nahey namꞌèn ma dukteh? Had sènꞌòy rik umjèk-jik hék bok umꞌèn ma dukteh. 32Dak Yék gerèk dukteh nak: Yék ilãj kedak imkèw-kòw sènꞌòy rik umbèdlod rik umnak kemën. Tapik ilãj imkòw ma sènꞌòy rik umbedose, supaye mujèk ma dose um dak mulos ma Tuhan.”
Chare pay tok samak ma chare manah
(Mat 9:14-17; Mrk 2:18-22)
33Dak mok sènꞌòy umchal ma Yèsus, “Hèhoh Yohanès ròb hèhoh sènꞌòy Parisi lèjgéj umbeꞌa-òd dak umpèꞌtak. Tapik hèhoh Hãk mòy, umgéy dak umꞌa-òng.”
34Yèsus nasaꞌod naꞌog néy chòntoh: “Bil mok babeh nababéy ma babok, èn kenurik benabéy nak mok ke nyob or mèn kéy eh muꞌòd? Mestik lah hõy! Gerèk nak keꞌjèk, bil Yék tik mok samak hèhoh-hèhoh Yék, umnak tok umꞌèd-òd. 35Tapik chubak nyob bèdlod kalòw mèsmus umròt abéy babeh nak nòm kéy-kéy eh. Gerèk nak lah akal nabelakuk ma Yék, dak bil nak mèn hèhoh Yék umꞌòd.”
36Dak Yèsus naꞌog chòntoh mòy wèl ma umnak: “Tok mok sènꞌòy namchèg abat nòm nèglòg pay untok nampìd nèglòg rik manah. Sebab kalòw gerèk nak nèglòg pay eh hòj nacha-chèg, dak abat pay nak tok ngèm-ngam ma nèglòg manah nak pon. 37Gerèk nak keꞌjèk, tok mok sènꞌòy namsèd òng anggor rik pay ma kelòj jòkh sèmpok kambikh rik manah. Sebab bil òng anggor nak chas eh nahas tok boléh nahuwòl, jòkh sèmpok nak akal nacha-chèg, òng anggor nak naka-koh, dak nar-nar nak bes. 38Tapik òng anggor pay nak kenak sèd lah ma kelòj jòkh sèmpok kambikh rik pay keꞌjèk. 39Dak tok mèk-mok néy sènꞌòy pon nachèn namꞌòng anggor pay nak kalòw hòj naꞌòng anggor manah, sebab nachal, ‘Òng anggor manah lebéh méj.’”
Právě zvoleno:
Lukas 5: KKT
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
