Kênh Kaar 28
28
Phao-lô tu gguônh Man-tơ
1Di kươi kươt rlach r'baak, bơl hei mơ gưt laah gguônh au chôôl laa Man-tơ. 2Raih tơơm poh tơrsau lmơơi huôih leq n'hai bơl hei. Đươm trôôk lap mi n'hai l'ik mơ bu chhu ôinh u wơơt leq sêch bơl hei. 3Phao-lô sach di klơm loong jang teq u bơrnun ôinh nei di mlơm bêh keeng gôq knông klơm loong dol tanh win sot, kơlwơn jap teq u ti bu. 4Tơt raih tơơm poh sau pi bêh kơlwơn lơ ti Phao-lô nei mor tơrnang nơơm: “Ngan bnih au laa bah lưm bnih! Nei mơ paich rôih chhưt agaih daak rmưt baah song klanh nha 'bưn aan ch'bap rêh!” 5Dôh Phao-lô rteh bêh keeng teq u ôinh u 'bưn dol ji kôr ơơn leq. 6Bơl nei kơn ơơn bu a kươi dol hao puk paich a kơq u teh chhưt kơndaal; dôh di kươi kơp di rbôông, 'bưn sau ntil ơơn nday lôh tơt, bu a kươi gơl rnđêch u mor laah bu laa mbu brah.
7Dơơh nei laa kwaal teh Pup-li-u ri, kroan gguônh nei. Kroan siêr u wơơt ddôk bơl hei ndroong broh s'bai knông pei nar. 8Plah nei, bươp Pup-li-u ri plah bêch lơ ndơl đươm dol praach srim u ji pul. Phao-lô lôh nhjook, r'bon dan dơih ti lơ bu u tơmbah. 9Tơt kaar au lôh tơt, leq sêch bơl bnih tanh ji lơ gguônh kot lôh u Phao-lô, u kươt tơmbah leq. 10Bu tơrsau chưt peh thlay bơl hei; tơt bơl hei jur sbau, bu nha ươn griêng êch sa aan bơl hei hih.
Phao-lô tu Rô-ma
11Pei khay kươi, bơl hei jur sbau geh chôôl Đi-ôt-kua A-lek-san-đơ-ri-a lôh, laa sbau ja gôq khal chaal puh tu gguônh au. 12Bơl hei han tơt Si-ra-ku-sơ u gôq a kươi nei pei nar. 13A ktôk nei, bơl hei tuôt rlum u tơt Rê-ghi-um. Nar a ôi, chaal tơơm bri kn'hao mơ a kươi baar nar, bơl hei han tơt Pu-sô-lơ. 14Bơl hei a mơp bơl oh bi a nei; bu siêr bơl hei gôq a kươi n'hai bu poh nar. Nei laa bơl hei ja tơt Rô-ma. 15Bơl oh bi a nei ttang baak bơl hei lôh nei sot lôh Phô-rum Ap-pi-u u ktôk Pei Drơm jah wơơt. Phao-lô sau oh bi nei or gun Brah Ưn u baanh khwaan dươn. 16Tơt bơl hei mưt u poh Rô-ma, Phao-lô kươt ch'bap gôq êêng n'hai di mbu lênh kray.
17Kơi pei nar, Phao-lô siêr bơl nak liêu troong bnih Jo-thai ri lôh; tơt bu pơrgum kươi, bu mor: “Ơi oh bi, paich 'bưn lơh ntil ơơn ta wal kươi raih bal paich knap ch'bap yau yi bơl bơn ri, hei ja dol nhôp tu Jê-ru-sa-lem u dol ndơơp teq u ti bnih Rô-ma. 18Di kươi ôp rkhach hei, bu êch krôih snôk sroong aan hei, đươm sau hei 'bưn lơh ntil ơơn dip jah chhưt. 19Dôh bnih Jo-thai tak ndun mơ hei phrui pnđing teq u Sê-sa, đươm hei 'bưn geh rnđêch pnđing raih bal nơơm laang!#Kênh 25:11. 20Đươm rơ kheet nei, hei ja dan a mơp u mor chhuôr n'hai oh bi; đươm baak kơndưng raih I-sra-ên ri baah hei aanh kơt kkôn au.” 21Bu ơh: “Bơl hei 'bưn dơơp kươt khaak ơơn a Ju-đê mor teq u bi, u kot 'bưn geh oh bi êch lôh u đau tak mbơh paich laa mor ap teq u bi hih. 22Đươm bei nei, bơl hei êch gưt ay gênh bei êch, đươm bơl hei gưt chrlek jơ au dol bu nday ta wal jôm ktôk.”
23Di kươi waat nar a mơp bu, bơl nei lôh nhjook bu tu nhi drơm ơk đat. A aang tơt mau, bu khang lơh ndraanh u rơih aan bu teq u nggoor Brah Ưn, pơih ch'bap Môi-se u pal baak grnưt noor baah pơrkhom ndit bu teq u Brah Jê-sus. 24M'baak bnih dol ndit đươm baak bu chhuôr, nha nak nday 'bưn sang jơ. 25Nei mơ, bu 'bưn hap tơrnang nơơm u sot du mơ Phao-lô mor dơq baak au: “Brah Wêêng ja laa dip đat ngan, tơt Pang nhôq grnưt noor Ê-sai lah n'hai yau yi oh bi laah:
26‘Phrui han lôh u raih au u mor:
Bơl 'bei ttang dôh 'bưn gưt ơơn,
Bơl 'bei mơq dôh 'bưn sau ơơn.
27Đươm chưt raih au but mang jơ ngôw,
Tôr bu jjơk,
Mat bu rêêp.
Ach laah pi mat bu sau kươt,
Tôr bu ttang kươt,
Chưt bu gưt kươt,
U bu plơq kươi
Jah Hei tơmbah pan.’
28Bei nei, phrui gưt laah baak đoh kwaai Brah Ưn ri ja kươt mbơh chhuôr aan bơl bnih nggoor agaih u bu a kươi iat chmlam.” 29[Tơt Phao-lô lơơi mor, bơl bnih Jo-thai han sot, ta tau tơrnang nơơm bơm yoh.]#28:29 Knông m'baak plơơp 'bian ti rơơi geh ndroong 29.
30Phao-lô gôq sơp baar snam tu di nhi buôn. Bu wơơt jôm bnih lôh nhjook nơơm, 31chhuôr teq u nggoor Brah Ưn, u kne teq u Brah laa Brah Jê-sus Krist di ndroong snôk sroong, 'bưn dol 'bơơn pơrkhang.
Právě zvoleno:
Kênh Kaar 28: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Kênh Kaar 28
28
Phao-lô tu gguônh Man-tơ
1Di kươi kươt rlach r'baak, bơl hei mơ gưt laah gguônh au chôôl laa Man-tơ. 2Raih tơơm poh tơrsau lmơơi huôih leq n'hai bơl hei. Đươm trôôk lap mi n'hai l'ik mơ bu chhu ôinh u wơơt leq sêch bơl hei. 3Phao-lô sach di klơm loong jang teq u bơrnun ôinh nei di mlơm bêh keeng gôq knông klơm loong dol tanh win sot, kơlwơn jap teq u ti bu. 4Tơt raih tơơm poh sau pi bêh kơlwơn lơ ti Phao-lô nei mor tơrnang nơơm: “Ngan bnih au laa bah lưm bnih! Nei mơ paich rôih chhưt agaih daak rmưt baah song klanh nha 'bưn aan ch'bap rêh!” 5Dôh Phao-lô rteh bêh keeng teq u ôinh u 'bưn dol ji kôr ơơn leq. 6Bơl nei kơn ơơn bu a kươi dol hao puk paich a kơq u teh chhưt kơndaal; dôh di kươi kơp di rbôông, 'bưn sau ntil ơơn nday lôh tơt, bu a kươi gơl rnđêch u mor laah bu laa mbu brah.
7Dơơh nei laa kwaal teh Pup-li-u ri, kroan gguônh nei. Kroan siêr u wơơt ddôk bơl hei ndroong broh s'bai knông pei nar. 8Plah nei, bươp Pup-li-u ri plah bêch lơ ndơl đươm dol praach srim u ji pul. Phao-lô lôh nhjook, r'bon dan dơih ti lơ bu u tơmbah. 9Tơt kaar au lôh tơt, leq sêch bơl bnih tanh ji lơ gguônh kot lôh u Phao-lô, u kươt tơmbah leq. 10Bu tơrsau chưt peh thlay bơl hei; tơt bơl hei jur sbau, bu nha ươn griêng êch sa aan bơl hei hih.
Phao-lô tu Rô-ma
11Pei khay kươi, bơl hei jur sbau geh chôôl Đi-ôt-kua A-lek-san-đơ-ri-a lôh, laa sbau ja gôq khal chaal puh tu gguônh au. 12Bơl hei han tơt Si-ra-ku-sơ u gôq a kươi nei pei nar. 13A ktôk nei, bơl hei tuôt rlum u tơt Rê-ghi-um. Nar a ôi, chaal tơơm bri kn'hao mơ a kươi baar nar, bơl hei han tơt Pu-sô-lơ. 14Bơl hei a mơp bơl oh bi a nei; bu siêr bơl hei gôq a kươi n'hai bu poh nar. Nei laa bơl hei ja tơt Rô-ma. 15Bơl oh bi a nei ttang baak bơl hei lôh nei sot lôh Phô-rum Ap-pi-u u ktôk Pei Drơm jah wơơt. Phao-lô sau oh bi nei or gun Brah Ưn u baanh khwaan dươn. 16Tơt bơl hei mưt u poh Rô-ma, Phao-lô kươt ch'bap gôq êêng n'hai di mbu lênh kray.
17Kơi pei nar, Phao-lô siêr bơl nak liêu troong bnih Jo-thai ri lôh; tơt bu pơrgum kươi, bu mor: “Ơi oh bi, paich 'bưn lơh ntil ơơn ta wal kươi raih bal paich knap ch'bap yau yi bơl bơn ri, hei ja dol nhôp tu Jê-ru-sa-lem u dol ndơơp teq u ti bnih Rô-ma. 18Di kươi ôp rkhach hei, bu êch krôih snôk sroong aan hei, đươm sau hei 'bưn lơh ntil ơơn dip jah chhưt. 19Dôh bnih Jo-thai tak ndun mơ hei phrui pnđing teq u Sê-sa, đươm hei 'bưn geh rnđêch pnđing raih bal nơơm laang!#Kênh 25:11. 20Đươm rơ kheet nei, hei ja dan a mơp u mor chhuôr n'hai oh bi; đươm baak kơndưng raih I-sra-ên ri baah hei aanh kơt kkôn au.” 21Bu ơh: “Bơl hei 'bưn dơơp kươt khaak ơơn a Ju-đê mor teq u bi, u kot 'bưn geh oh bi êch lôh u đau tak mbơh paich laa mor ap teq u bi hih. 22Đươm bei nei, bơl hei êch gưt ay gênh bei êch, đươm bơl hei gưt chrlek jơ au dol bu nday ta wal jôm ktôk.”
23Di kươi waat nar a mơp bu, bơl nei lôh nhjook bu tu nhi drơm ơk đat. A aang tơt mau, bu khang lơh ndraanh u rơih aan bu teq u nggoor Brah Ưn, pơih ch'bap Môi-se u pal baak grnưt noor baah pơrkhom ndit bu teq u Brah Jê-sus. 24M'baak bnih dol ndit đươm baak bu chhuôr, nha nak nday 'bưn sang jơ. 25Nei mơ, bu 'bưn hap tơrnang nơơm u sot du mơ Phao-lô mor dơq baak au: “Brah Wêêng ja laa dip đat ngan, tơt Pang nhôq grnưt noor Ê-sai lah n'hai yau yi oh bi laah:
26‘Phrui han lôh u raih au u mor:
Bơl 'bei ttang dôh 'bưn gưt ơơn,
Bơl 'bei mơq dôh 'bưn sau ơơn.
27Đươm chưt raih au but mang jơ ngôw,
Tôr bu jjơk,
Mat bu rêêp.
Ach laah pi mat bu sau kươt,
Tôr bu ttang kươt,
Chưt bu gưt kươt,
U bu plơq kươi
Jah Hei tơmbah pan.’
28Bei nei, phrui gưt laah baak đoh kwaai Brah Ưn ri ja kươt mbơh chhuôr aan bơl bnih nggoor agaih u bu a kươi iat chmlam.” 29[Tơt Phao-lô lơơi mor, bơl bnih Jo-thai han sot, ta tau tơrnang nơơm bơm yoh.]#28:29 Knông m'baak plơơp 'bian ti rơơi geh ndroong 29.
30Phao-lô gôq sơp baar snam tu di nhi buôn. Bu wơơt jôm bnih lôh nhjook nơơm, 31chhuôr teq u nggoor Brah Ưn, u kne teq u Brah laa Brah Jê-sus Krist di ndroong snôk sroong, 'bưn dol 'bơơn pơrkhang.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.