ମାର୍କ 6
6
ନାଜରିତ ନାଜୁତାୱା ଜିସୁନିକି ମାଞ୍ଜାଡ଼ି କିଃଆତେରି
(ମାତିଉ ୧୩:୫୩–୫୮; ଲୁକ ୪:୧୬–୩୦)
1ଜିସୁ କପର୍ନାହୁମ ଗାଡ଼ାନାଜୁ ପିହାନ୍ ତା ନାଜୁ ନାଜରିତଇନ୍ଦା ତା ଗ୍ରାମ୍ୱାଗାଟାରି ଡ଼ାହି ୱାତେଞ୍ଜି । 2ଜିସୁ ୱାହୁଜାମ୍ବା ୱାରା ଏପନେଃଏ ହାଜା ଇଡ୍ଡୁତାୱା ଗ୍ରାପନ୍ ମ୍ରାସ୍ତେଞ୍ଜି; ଆଟେ ଗାପ୍ଚି ଦାଲ୍ଲା ତା ଗ୍ରାପା ୱେଞ୍ଜାନ୍ ଆକ୍କାବାଡ଼ାଙ୍ଗ୍ ଆନ୍ ୱେସ୍ତେରି, “ଇ କୁଏଞ୍ଜି ଇ ହାବେତ୍ କୁଲା ଇମ୍ୱିନାୱାଟି ପୁଚ୍ଚେଞ୍ଜି ? ଆଟେ ଇୱାଞ୍ଜି ଇହିଙ୍ଗ୍ତି ଗ୍ୟାଁନ ଇମ୍ୱିନାୱାଟି ପାଟେଞ୍ଜି ? ଇ ଆକ୍କାବାଡ଼ାଙ୍ଗ୍ତି କାମା କିଅନ୍ ବାଗାଟି ଏୱାଞ୍ଜି ଇମ୍ୱିନାୱାଟି ବଲ ପାଁଣ୍ଡାନ୍ନେଞ୍ଜି ? 3ଇୱାଞ୍ଜ୍ ଇନ୍ନା ମରିୟମତି ମ୍ରିଃଏଞ୍ଜି ଏ ବାଡ଼େଞ୍ଜି ଆଃଏ ? ଆଟେ ଇୱାଞ୍ଜ୍ ଇନ୍ନା ଜାକୁବ, ଜସି, ଜିହୁଦା ଅଟେ ସିମନତି ଆମ୍ୱେସ୍ ଆଃଏ ? ଆଟେ ଇୱାଞ୍ଜ୍ତି ଆଙ୍ଗିସ୍କା ଇନ୍ନା ଇ ନାଜୁତାୱା ମା ଡ଼ାହି ବାସାଆଏହେଃଲ୍ଲ ?” ଆଟେ ଏୱାରି ଇହିଙ୍ଗିସି ୱେସାନାହି ଜିସୁନିକି ନିଗାଡ଼୍ ହୁଡ଼ିତେରି ।
4 #
ଜହ ୪:୪୪
ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ବାବବାଦି ତା ପ୍ଲିଆନି ଗାଡ଼ାନାଜୁତାୱା ଅଟେ ତା ଇଜ୍ଜାନ୍ ଦାଲ୍ଲା ଅଟେ ତା କୁଟ୍ଟୁମ୍ତାରିନିକି ପିହାନାହି ବିହି ଗର୍ରିତାୱା ସନ୍ମାନ୍ ପାଁନେଞ୍ଜି ।”
5ଆଟେ ଏମ୍ୱା ଜିସୁ ଏଚ୍ଚେ ରଗୁଗାଟାର୍ କୁଃଏଟି କାଜ୍ଜୁ ଇଟ୍ଟାନାହି ନେହି କିତେଞ୍ଜି ଅଟେ ଏ କାମା ପିହାନ୍ ଇନ୍ନି ବଲତି କାମା କିଃଆତେଞ୍ଜି । 6ଆଟେ ଏୱାଞ୍ଜି ଏୱାର୍ତି ମାଞ୍ଜାଡ଼ି କିଃଆନାଦା ହୁଡ଼ାନ୍ ଆକ୍କାବାଡ଼ାଙ୍ଗ୍ ଆତେଞ୍ଜି ।
ଜିସୁ ବାରାଗାଣ୍ଡି ଗ୍ରାମ୍ୱାଗାଟାରିକି ପାଣ୍ଡନ୍
(ମାତିଉ ୧୦:୫–୧୫; ଲୁକ ୯:୧–୬)
7ଡେଗ୍ଗା ଜିସୁ ଗୁଞ୍ଜେର୍ ମାଚ୍ଚି ନାସ୍କା ଏସେନ୍ ତ୍ରେଜାନାହି ଗ୍ରାପନ୍ ମ୍ରାସ୍ତେଞ୍ଜି । ଏମ୍ୱାଟି ଏୱାଞ୍ଜି ବାରାଗାଣ୍ଡି ଗ୍ରାମ୍ବାଗାଟାରିକି ରେଃଏସ୍ ଆର୍ଚାନାହି ଏୱାରିକି ରି ରି ଗାଣ୍ଡି କିଆନାହି ଦାଲ୍ଲାନିକି ଗ୍ରାପନ୍ ବାଗା ପାଣ୍ଡିତେଞ୍ଜି, ଆଟେ ଏୱାରିକି ଡ଼ଃଆନ୍ ଡିଙ୍ଗାଙ୍ଗ୍ତିଦି ପେରନ୍ତି ହକତ୍ ହିତେଞ୍ଜି ।
8ଆଟେ ଜିସୁ ଏୱାରିକି ଇମ୍ୱି ହାନ୍ନାୱିଃଆ ୱାର୍ରି ରଣ୍ଡା ଡେଙ୍ଗ ପିହାନ୍ ତିନ୍ବା ପଡ଼ି କି ବେଗୁ କି ଗାଞ୍ଜିତାୱା ଲେବୁଙ୍ଗ୍ ଅଃଆନ୍ ବାଗା ୱେସ୍ତେଞ୍ଜି । 9ଏୱାରିକି ପାଣ୍ଡେଙ୍ଗ୍ ମେଦ୍ଦନ୍ତିକି ୱେସ୍ତେଞ୍ଜି, ମତ୍ର “ରିଣ୍ଡା ଗତାଙ୍ଗ୍ ଅନ୍ତିକି ଆଃଏ କିତେଞ୍ଜି ।” 10ଆଟେ ଜିସୁ ଏୱାରିକି ୱେସ୍ତେଞ୍ଜି, “ମିରୁ ଇମ୍ୱିନ୍ ଇଡ୍ଡୁତାୱା ହଡେରି, ଏ ଗର୍ରିଟିଆଟି ୱ୍ଡେଚାନ୍ ହାଃଲ୍ଲାନ୍ ଟିକ୍ନା ଏଦିମ୍ବାନେଃଏ ବାସାଆଦୁ ।” 11#ପେରି ୧୩:୫୧#ଲୁକ ୧୦:୪–୧୧ମତ୍ର ଜଦି ଇମ୍ୱିନ୍ ଗର୍ରିତାୱା କୁଇଙ୍ଗ୍ ମିଙ୍ଗେ ଗ୍ରହନ କିଆଦାଃଏରି ଅଟେ ମି କାତା ୱେଃନେରି, ଏ ଗର୍ରିତାୱାଟି ୱ୍ଡେଚାନ୍ ହାନ୍ନି ତୁକାତାୱା ଏୱାର୍ତି ବିରୁଦିଆଟି ସାକ୍ୟ ହିଅନ୍ ବାଗା ମି କାଡୁତି ଦୁଲି ହାଡ଼୍ଦୁ ।
12ଏମ୍ୱାଟି ଏୱାରି ହାଜ୍ଜାନ୍ ଦାଲ୍ଲାନିକି ପାପଟି ଏଲୁୱ୍ଡେପନ୍ ବାଗା ପ୍ରଚାର କିତେରି, 13#ଜାକୁ ୫:୧୪ଆଟେ ଏଗେଲ୍ ଦାଲ୍ଲାଟିଆଟି ବୁତଙ୍ଗ୍ ପିହ୍ପି କିତେରି ଅଟେ ଏଗେଲ୍ ରଗୁଗାଟାରିକି ନିଜ୍ଜୁ ମିସାନ୍ ନେହି କିତେରି ।
ଡୁବନ୍ ହିଚ୍ଚି ଜହନତି ହାଅନ୍
(ମାତିଉ ୧୪:୧–୧୨; ଲୁକ ୯:୭–୯)
14 #
ମାତି ୧୬:୧୪; ମାର୍କ ୮:୨୮; ଲୁକ ୯:୧୯ ଜିସୁତି ପାରୁ ପଙ୍ଗେନ୍ନାଦା ହେରଦ#୬:୧୪ ହେରଦ ଇ ହେରଦତି ପାରୁ ଆଇନେ ଆନ୍ଟିପାସ୍ ରାଜେଞ୍ଜି ୱେଚ୍ଚେଞ୍ଜି, ଆଟେ ଦାଲ୍ଲା ଜିସୁ କୁଲାଟି ୱେସ୍ପିଚ୍ଚେରି, “ଡୁବନ୍ ହିଚ୍ଚି ଜହନ, ହାନ୍ନି ଦାଲ୍ଲା ତାୱାଟି ନିଙ୍ଗାନ୍ନେଞ୍ଜି, ଏଦାବାଗା ଇ ହାବେତ୍ ବଲ ତା ତାୱା କାମା କିନ୍ନେ ।”
15ମତ୍ର ବିହି ଦାଲ୍ଲା ୱେସ୍ପିଚ୍ଚେରି, “ଇୱାଞ୍ଜି ଏଲିୟ” ଆଟେ ଏମ୍ୱେ ଏମ୍ୱେ ଇଞ୍ଜିଚ୍ଚେରି, “ଇୱାଞ୍ଜି ନକିତି ବାବବାଦିଙ୍ଗ୍ତାୱାଟି ରଃଅଞ୍ଜି ବାବବାଦି ଡେହେଙ୍ଗ୍ ।”
16ମତ୍ର ହେରଦ ଇଦା ୱେଞ୍ଜାନାହି ୱେସ୍ତେଞ୍ଜି, “ଇମ୍ୱିନ୍ ଜହନତି ତ୍ଲାଉ ନାନୁ ରାସ୍ପିକିଆଚ୍ଚେ, ଏୱାଞ୍ଜି ନିଙ୍ଗାନ୍ନେଞ୍ଜି ।”
17 #
ଲୁକ ୩:୧୯,୨୦ ଇନାକି ହେରଦ ତା ଆମ୍ୱେସ୍ ପିଲିପତି କୁଆଲୁ ହେରଦିଆନିକି ବିବା ଆଚ୍ଚାୱିଃଆଟି, ହେରଦ ଦାଲ୍ଲାନିକି ପାଣ୍ଡାନାହି ଜହନନିକି ଆହାନାହି ଗାସାନ୍ ବନ୍ଦି ଇଡ୍ଡୁତାୱା ଇଟ୍ଟାଚ୍ଚେଞ୍ଜି । 18ଇନାକି ଜହନ ହେରଦନିକି ୱେସ୍ପିଚ୍ଚେଞ୍ଜି, “ନିଙ୍ଗେ ନି ଆମ୍ବେସ୍ତି କୁଆଲୁନିକି ଇଟ୍ଟନ୍ତିକି ହାଜୁ ହେଃଲ୍ଲେ ।”
19ଏମ୍ୱାଟି ହେରଦିଆ ବିରୁଦି ଆନ୍ ତାଙ୍ଗେ ପାଗନ୍ ବାଗା ମନ କିଚ୍ଚେ, ମତ୍ର ମୁପେହେଃଲ୍ଲାତେ; 20ଇନାକି ହେରଦ ଜହନନିକି ରଃଅଞ୍ଜି ଦାର୍ମିକ ଅଟେ ପିର୍ନି କୁଏଞ୍ଜି ଇଞ୍ଜାନ୍ ପୁଞ୍ଜାନାହି ଆଜ୍ଜେଚ୍ଚେଞ୍ଜି, ଏଦାକି ତାଙ୍ଗେ ନିପ୍ଚ୍ଚାନ୍ ଇଟ୍ଟନ୍ ବାଗା ସେସ୍ଟା କିଚ୍ଚେଞ୍ଜି, ଆଟେ ତା କାତା ୱେଞ୍ଜାନାହି ଏଗେଲ୍ ଆଜ୍ଜିତେସି ୱାଡ଼େ ରାହାଙ୍ଗିଃଆଟି ଏଦା ୱେଞ୍ଜିଚ୍ଚେଞ୍ଜି ।
21ରନେସି ହେରଦିଆ ହେରଦ ପ୍ଲିଆଚି ଦିନା ୱାଅନେଃଏ ପେଜୁ ପାଟେ । ଆଟେ ହେରଦ ତା ପାତ୍ର ମନ୍ତ୍ରି, ଗାମିନ୍ ସିପେଙ୍ଗ୍ ଅଟେ ଗାଲିଲିତି ଗାମିନାରି ବାଗାଟି ଡାଡ଼ିଙ୍ଗ୍ ତୁକାତାୱା ରଣ୍ଡା ବୁଜି ହାମ୍ୱେର୍ କିତେଞ୍ଜି; 22ଆଟେ ହେରଦିଆତି ମ୍ରାଗା ଲାଃଇ ଦାଲ୍ଲା ମାଦ୍ଦେ ୱାନାହି କ୍ରାହିତେ । ଆଟେ ହେରଦ ଅଟେ ତା ଡ଼ାହି ବୁଜିତାୱା ୱାଚ୍ଚି ଦାଲ୍ଲାନିକି କ୍ରାହାନ୍ ରାହାଙ୍ଗ୍ କିତେ । ଏମ୍ୱାଟି ରାଜେଞ୍ଜି ଏ ମ୍ରାଗାନିକି ୱେସ୍ତେଞ୍ଜି, “ଇନ୍ନା ମନ କିଞ୍ଜି, ୱ୍ରିହ୍ତାମୁ, ନାନୁ ନିଙ୍ଗେ ଏଦା ହିଆ ।” 23ଆଟେ ଏୱାଞ୍ଜି ଏଦାଡ଼ିକି ହାପ୍ପା କିଆନ୍ ୱେସ୍ତେଞ୍ଜି, “ନିନୁ ନାଙ୍ଗେ ଇନ୍ନିକୁଲା ୱ୍ରିହ୍ତାଦି, ଇହିଙ୍ଗିସି ଜେ ପାହେଡ଼୍ ରାଜି ୱାଡ଼େ ନାନୁ ନିଙ୍ଗେ ହିଆ ।”
24ଏମ୍ୱାଟି ଏଦି ହଚାନ୍ ହାଜ୍ଜାନାହି ତା ଇୟାନିକି ୱେଚ୍ଚେ, “ନାନୁ ଇନ୍ନା ୱ୍ରିହିଇ ?”
ଏଦି ୱେସ୍ତେ, “ଡୁବନ୍ ହିନ୍ନି ଜହନତି ତ୍ଲାଉ ।”
25ଏଚିୱାଡ଼େ ଏଦି ରାଜେଞ୍ଜି ରେଃଏସ୍ କାର୍ବେକ୍ ୱାନାହି ଇଦା ୱେସାନ୍ ୱ୍ରିହ୍ତେ, “ଇଦି ନା ମନ ଜେ, ନିନୁ ଡୁବନ୍ ହିନ୍ନି ଜହନତି ତ୍ଲାଉ ରଣ୍ଡା ଚଡ଼ିଆତାୱା ନାଙ୍ଗେ ହାଦାଡ଼ି ହିଆମୁ ।”
26ଏମ୍ୱାଟି ରାଜେଞ୍ଜି ଏଗେଲ୍ ଦୁଃକ ଆତେସ୍ୱାଡ଼େ ତା କିଆଚ୍ଚି ହାପ୍ପା ଅଟେ ବୁଜିତାୱା ୱାଚ୍ଚି ଦାଲ୍ଲା ବାଗାଟି ଆଃଏ କିଅନ୍ ମୁଃଆତେଞ୍ଜି । 27ଏମ୍ୱାଟି ରାଜେଞ୍ଜି ଏଚିୱାଡ଼େ ରଃଅଞ୍ଜି ସିପେଞ୍ଜିକି ପାଣ୍ଡାନାହି ତା ତ୍ଲାଉ ରାସାନ୍ ତାପନ୍ତିକି ୱେସ୍ତେଞ୍ଜି । ଏମ୍ୱାଟି ଏୱାଞ୍ଜି ବନ୍ଦି ଇଡ୍ଡୁଇନ୍ଦା ହାଜ୍ଜାନାହି ଜହନତି ତ୍ଲାଉ ରାସ୍ତେଞ୍ଜି, 28ଆଟେ ଏ ତ୍ଲାଉ ରଣ୍ଡା ଚଡ଼ିଆତାୱା ତାଚ୍ଚାନାହି ବଦାମାଙ୍ଗାନିକି ହିତେଞ୍ଜି, ଆଟେ ବଦାମାଙ୍ଗା ଏଦା ଅଆନ୍ ତା ଇୟାନିକି ହିତେ । 29ଏମ୍ୱାଟି ଜହନତି ଗ୍ରାମ୍ୱାଗାଟାରି ଏ କାତା ୱେଞ୍ଜାନ୍ ୱାତେରି ଅଟେ ତା ହାତି ଗାଣ୍ଡି ଅଆନ୍ ୱିଚାଙ୍ଗାଜୁତାୱା ଗ୍ରିତେରି ।
ଜିସୁ ସେ ହଜାର୍ ଦାଲ୍ଲାନିକି ତିସ୍ପନ୍
(ମାତିଉ ୧୪:୧୩–୨୧; ଲୁକ ୯:୧୦–୧୭; ଜହନ ୬:୧–୧୪)
30ଡେଗ୍ଗା ପେରିତଙ୍ଗ୍ ଜିସୁ ରେଃଏସ୍ ରପାଟ୍ଟେ ଆତେରି, ଆଟେ ଏୱାରି ଇନ୍ନା ଇନ୍ନା କିଆଚ୍ଚେରି ଅଟେ ଗ୍ରାପ୍ଚାଚ୍ଚେରି, ଏଦା ହାବେ ତାଙ୍ଗେ ୱେସ୍ତେରି । 31ଏମ୍ବାଟି ଜିସୁ ଏୱାରିକି ୱେସ୍ତେଞ୍ଜି, “ୱାଦୁ ମାରୁ ଆଙ୍ଗେ ଆନ୍ ରଣ୍ଡା ଚିହ୍ପି ଗର୍ରିଇନ୍ଦା ହାଜ୍ଜାନାହି ହିତେ ଜାମ୍ୱିନା ।” ଇନାକି ଏଗେଲ୍ ଦାଲ୍ଲା ଏୱାର୍ ଟାକ୍କେ ହାଲ୍ବା ୱାୱା କିଚ୍ଚାୱିଃଆଟି ଏୱାରି ତିନ୍ବା ଉନ୍ବା କିଅନ୍ ୱାଡ଼େ ସୁଜଗ ପାଁଣ୍ଡେହେଃଲ୍ଲାତେରି ।
32ଏମ୍ୱାଟି ଏୱାରି ଆଙ୍ଗେ ଆନାହି ଡଙ୍ଗାତାୱା ରଣ୍ଡା ଚିହ୍ପି ଗର୍ରିଇନ୍ଦା ହାଚ୍ଚେରି ।
33ଆଟେ ଏୱାରି ହଚାନ୍ ହାଜ୍ଜିଚ୍ଚାଦାଃଆ ଗାପ୍ଚି ଦାଲ୍ଲା ହୁଡ଼ିତେରି ଅଟେ ପୁଚ୍ଚେରି, ଏମ୍ବାଟି ଦାଲ୍ଲା ହାବେତ୍ ନାସ୍କାତାୱାଟି ଡେହି ଡେହି ହାଜ୍ଜାନ୍ ଏୱାରି ନକେସ୍ ଏଦିମ୍ୱା ରପାଟ୍ଟେ ଏତେରି । 34#ମାତି ୯:୩୬ଏୱାଞ୍ଜି ଡଙ୍ଗାତାୱାଟି ଜାଚାନ୍ ଏଗେଲ୍ ଦାଲ୍ଲାନିକି ହୁଡ଼ାନ୍ ଏୱାରିକି ଗାପ୍ଚି ପାପୁଅଲ୍ତେଞ୍ଜି, ଇନାକି ଏୱାରି ଗାଉଡ଼େଏଞ୍ଜ୍ ହେଃଲ୍ଲାନ୍ ମେଁଣ୍ଡାଅଡାଙ୍ଗ୍ ଡେହେଙ୍ଗ୍ ମାଚ୍ଚେରି; ଏଦାକି ଜିସୁ ଏୱାରିକି ଏଗେଲ୍ କୁଲାଟି ଗ୍ରାପ୍ତେଞ୍ଜି ।
35ୱେଲା ମେଦ୍ଦେସ୍ ହାଜ୍ଜିଚ୍ଚାୱିଃଆଟି ତା ଗ୍ରାମ୍ୱାଗାଟାରି ତା ରେଃଏସ୍ ୱାନାହି ୱେସ୍ତେରି, “ଇଦି ରଣ୍ଡି ପାଡ଼ୁ ଗର୍ରି, ଆଟେ ଏଗେଲ୍ ଜୁକୁଡ଼୍ ଆତେଦେ; 36ଦାଲ୍ଲା ଇନିମିଡି ଟାକ୍କେ ନାସ୍କା ଅଟେ ଗାଡ଼ାନାସ୍କାଇନ୍ଦା ହାଜ୍ଜାନ୍ ତା ତା ବାଗାଟି ତିନ୍ବା ପଡ଼ି କଡ୍ଡିନେରି, ଏଦାବାଗା ଏୱାରିକି ପାଣ୍ଡାମୁ ।”
37ମତ୍ର ଜିସୁ ଏୱାରିକି ୱେସ୍ତେଞ୍ଜି, “ମିରୁ ଏୱାରିକି ତିନ୍ବନ୍ ହିଦୁ ।” ଏୱାରି ତାଙ୍ଗେ ୱେସ୍ତେରି, “ନିନୁ ଇନ୍ନା ସେଙ୍ଗୁଡ଼ି ରୁପା ଟାକ୍କାଙ୍ଗ୍ତି ରୁଟିଙ୍ଗ୍ କଡ୍ଡାନ୍ ଇୱାରିକି ତିନ୍ବନ୍ ହିଅନ୍ ବାଗା ମାଙ୍ଗେ ୱେସ୍ପିଞ୍ଜାଦି ?”
38ଏୱାଞ୍ଜି ଏୱାରିକି ୱେଚ୍ଚେଞ୍ଜି,
“ମି ରେଃଏସ୍ ଏଚ୍ଚଡ଼୍ ରୁଟିଙ୍ଗ୍ ମାନ୍ନୁ ? ହାଜ୍ଜାନ୍ ହୁଡ଼ାଟୁ ।” ଏୱାରି ହୁଡ଼ାନ୍ ୱାନାହି ତାଙ୍ଗେ ୱେସ୍ତେରି, “ସେଙ୍ଗି ରୁଟିଙ୍ଗ୍ ଅଟେ ରିଣ୍ଡି ମିନ୍ଙ୍ଗା ମାନ୍ନୁ ।”
39ଏମ୍ୱାଟି ହାବେତାରିନିକି ହଲା ମାନ୍ନି ପାଙ୍ଗାତାୱା ଆଲି ଆଲି#୬:୩୯ ଆଲି ଆଲି ଇଚ୍ଚେସି ଦାଡ଼ି ଦାଡ଼ିନା କପ୍କନ୍ କିଆନ୍ କକ୍କି କିଦୁ ଇଞ୍ଜାନ୍ ଜିସୁ ଏୱାରିକି ୱେସ୍ତେଞ୍ଜି । 40ଏମ୍ୱାଟି ତା ୱେସ୍ତି ଡେହେଙ୍ଗ୍ ଏୱାରି ର ର ଆଲିତାୱା ସେଙ୍ଗୁଡ଼ି ଅଟେ ରି କୁଡ଼ି ଦାସାଗାଣ୍ଡି ଲାକ୍କାଟି କକ୍ତେରି । 41ଡେଗ୍ଗା ଏୱାଞ୍ଜି ସେଙ୍ଗା ରୁଟିଙ୍ଗ୍ ଅଟେ ରିଣ୍ଡା ମିନ୍ଙ୍ଗା ଅଆନ୍ ସର୍ଗଇନ୍ଦା ମେହାନ୍ ମେଲା କିତେଞ୍ଜି ଅଟେ ରୁଟିଙ୍ଗ୍ତିଦି ପାହେଡ଼୍ କିଆନ୍ ଦାଲ୍ଲାନିକି ପାହା ହିଅନ୍ ବାଗା ଗ୍ରାମ୍ୱାଗାଟାରିକି ହିତେଞ୍ଜି । ଆଟେ ଏହେଙ୍ଗିସି ଏୱାଞ୍ଜି ରିଣ୍ଡା ମିନ୍ଙ୍ଗା ୱାଡ଼େ ଏୱାରିକି ହିତେଞ୍ଜି । 42ଏମ୍ୱାଟି ହାବେତାରି ତିଞ୍ଜାନାହି କ୍ଡିତେରି । 43ଆଟେ ଏୱାରି ପାହେଡ଼୍ ରୁଟିଙ୍ଗ୍ ଉହି କିଆନାହି ବାରା ହୁନ୍ଦା ନେସ୍ତେରି ଅଟେ ମିନ୍ଙ୍ଗାତାୱାଟି ୱାଡ଼େ ଏଚ୍ଚଡ଼୍ ପେଗ୍ଦେରି । 44ରୁଟିଙ୍ଗ୍ ତିଞ୍ଜାଚ୍ଚି ଦାଲ୍ଲା ତାୱାଟି ୱାର୍ରି ମ୍ଡେହେଙ୍ଗ୍ ସେ ହଜାର୍ ଦାଲ୍ଲା ମାଚ୍ଚେରି ।
ଜିସୁ ଏଜୁତାୱା ତାକନ୍
(ମାତିଉ ୧୪:୨୨–୩୩; ଜହନ ୬:୧୫–୨୧)
45ଏଚିୱାଡ଼େ ଜିସୁ ତା ଗ୍ରାମ୍ୱାଗାଟାରିକି ଡଙ୍ଗାତାୱା ଏଙ୍ଗାନାହି ସାମ୍ନ୍ଦେର୍ତି ଆନେଟ୍ ୱାଡୁ ବେତ୍ସାଇଦାଇନ୍ଦା ହାଲ୍ବନ୍ ବାଗା ୱେସ୍ତେଞ୍ଜି, ଏମ୍ବାଟି ଏୱାଞ୍ଜି ଦାଲ୍ଲାନିକି ବଲା କିତେଞ୍ଜି । 46ଜିସୁ ଦାଲ୍ଲାନିକି ବଲା କିତାୱିଃଆଟି ପ୍ରାତ୍ନା କିଅନ୍ ବାଗା ହରୁଡ଼ିପେ ହାଚ୍ଚେଞ୍ଜି । 47ମିଡ୍ଡଡ଼୍ ଆଇଚ୍ଚି ତୁକାତାୱା ଜିସୁ ରଃଅଞ୍ଜେଃଏ ସାମ୍ନ୍ଦେର୍ ଗ୍ରିଆତାୱା ମାଚ୍ଚେଞ୍ଜି ଅଟେ ଡଙ୍ଗା ସାମ୍ନ୍ଦେର୍ ମାଦ୍ଦି ମାଚ୍ଚେ । 48ନକେସ୍ ୱାଡୁ ଗାପ୍ଚି ୱ୍ଲିକା ଆଇଚ୍ଚି ବାଗାଟି ଡଙ୍ଗା ଅନ୍ ବାଗା ଏୱାରିକି କସ୍ଟ ଆଇଚ୍ଚାଦାଃଆ ହୁଡ଼ାନ୍ ଏୱାଞ୍ଜି ବାଇକ୍ ୱେଗା ଡାଃଏସ୍ ସାମ୍ନ୍ଦେର୍ ଏଜୁତାୱା ତାକାନ୍ ଏୱାର୍ ଟାକ୍କେ ୱାତେଞ୍ଜି, ଆଟେ ଏୱାଞ୍ଜି ଏୱାର୍ ନକେସ୍ ଆନାହି ହାଲ୍ବନ୍ ବାଗା ଏଲୁ କିଚ୍ଚେଞ୍ଜି । 49ମତ୍ର ଏୱାରି ତାଙ୍ଗେ ଏଜୁତାୱା ତାକାନ୍ ହାଜ୍ଜିଚ୍ଚାନାଦା ହୁଡ଼ାନ୍ ବୁତ ଇଞ୍ଜାନ୍ ଏଲୁ କିଆନ୍ ଗଲି ଆତେରି, 50ଇନାକି ହାବେତାରି ତାଙ୍ଗେ ହୁଡ଼ାନାହି ଆଜ୍ଜାଚ୍ଚେରି ।
ମତ୍ର ଏୱାଞ୍ଜି ଏଚିୱାଡ଼େ ଏୱାର୍ ଡ଼ାହି କାତା ଆନାହି ଏୱାରିକି ୱେସ୍ତେଞ୍ଜି, “ବରେସ୍ ଆଦୁ, ନାନୁ ତ ଏୱାତାନୁ, ମିରୁ ଆଃଜ୍ଜାଟୁ ।”
51ଆଟେ ଏୱାଞ୍ଜି ଏୱାର୍ ରେଃଏସ୍ ହାଜ୍ଜାନାହି ଡଙ୍ଗାତାୱା ଏଙ୍ଗନେଃଏ ୱ୍ଲିକା ଡାମ୍ ଇଚ୍ଚୁ । ଏମ୍ୱାଟି ଏୱାରି ଏଗେଲ୍ ଆକ୍କାବାଡ଼ାଙ୍ଗ୍ ଆତେରି, 52ଇନାକି ଏୱାରି ସେ ହଜାର୍ ଦାଲ୍ଲାନିକି ତିସ୍ପନ୍ତି କୁଲାଟି ନେହେନ୍ ପୁନ୍ବନ୍ ମୁଃଆତେରି, ଆଟେ ଏଦା ତା ହଡାଙ୍ଗ୍ତାୱା ବୁଜ୍ଜି ଆଅନ୍ ମୁଃଆତେରି ।
ଗିନେସରତ ରାଜିତାୱା ଜିସୁ ରଗୁଗାଟାରିକି ନେହି କିଅନ୍
(ମାତିଉ ୧୪:୩୪–୩୬)
53ଏୱାରି ସାମ୍ନ୍ଦେର୍ ଗ୍ଡାଚାନାହି ଗିନେସରତ ରାଜିଇନ୍ଦା ଏଚ୍ଚାନାହି ସାମ୍ନ୍ଦେର୍ ଗ୍ରିଆତାୱା ଡଙ୍ଗା ଗାସ୍ତେରି । 54ଏଚ୍ଚିକିଃଆ ଏୱାରି ଡଙ୍ଗାତାୱାଟି ଜାତେରି, ଦାଲ୍ଲା ଏଚିୱାଡ଼େ ତାଙ୍ଗେ ପୁଚ୍ଚେରି, 55ଏମ୍ବାଟି ଏ ହାବେ ରାଜି ଏସେନା ମାଚ୍ଚି ରଗୁଗାଟାରିକି ଦାଲ୍ଲା ଗାଡ୍ଡେଲ୍ତାୱା ଡେକାନ୍ ତା ଟାକ୍କେ ତାଚ୍ଚିୱାତେରି । 56ଆଟେ ଜିସୁ ଇମ୍ୱିନ୍ ଇମ୍ୱିନ୍ ନାସ୍କା ଅଟେ ଗାଡ଼ାନାସ୍କା ଏସେନ୍ ହାଚ୍ଚେଞ୍ଜି, ଦାଲ୍ଲା ରଗୁଗାଟାରିକି ହାଟ୍ଟୁ ଗର୍ରିଙ୍ଗ୍ ଏସେନ୍ ତାଚ୍ଚାନ୍, ଏୱାରି ଇନିମିଡି ତା ଜିରାତି ଲିଙ୍ଗୁସ୍ ଡିଗନ୍ ପାଁନେରି, ଇଦା ତାଙ୍ଗେ ଜିଗନ୍ ମ୍ରାସ୍ତେରି; ଆଟେ ଏଚ୍ଚେ ଦାଲ୍ଲା ତାଙ୍ଗେ ଡିଗିତେରି, ଏୱାରି ହାବେତାରି ନେହିଆତେରି ।
Právě zvoleno:
ମାର୍କ 6: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 6
6
ନାଜରିତ ନାଜୁତାୱା ଜିସୁନିକି ମାଞ୍ଜାଡ଼ି କିଃଆତେରି
(ମାତିଉ ୧୩:୫୩–୫୮; ଲୁକ ୪:୧୬–୩୦)
1ଜିସୁ କପର୍ନାହୁମ ଗାଡ଼ାନାଜୁ ପିହାନ୍ ତା ନାଜୁ ନାଜରିତଇନ୍ଦା ତା ଗ୍ରାମ୍ୱାଗାଟାରି ଡ଼ାହି ୱାତେଞ୍ଜି । 2ଜିସୁ ୱାହୁଜାମ୍ବା ୱାରା ଏପନେଃଏ ହାଜା ଇଡ୍ଡୁତାୱା ଗ୍ରାପନ୍ ମ୍ରାସ୍ତେଞ୍ଜି; ଆଟେ ଗାପ୍ଚି ଦାଲ୍ଲା ତା ଗ୍ରାପା ୱେଞ୍ଜାନ୍ ଆକ୍କାବାଡ଼ାଙ୍ଗ୍ ଆନ୍ ୱେସ୍ତେରି, “ଇ କୁଏଞ୍ଜି ଇ ହାବେତ୍ କୁଲା ଇମ୍ୱିନାୱାଟି ପୁଚ୍ଚେଞ୍ଜି ? ଆଟେ ଇୱାଞ୍ଜି ଇହିଙ୍ଗ୍ତି ଗ୍ୟାଁନ ଇମ୍ୱିନାୱାଟି ପାଟେଞ୍ଜି ? ଇ ଆକ୍କାବାଡ଼ାଙ୍ଗ୍ତି କାମା କିଅନ୍ ବାଗାଟି ଏୱାଞ୍ଜି ଇମ୍ୱିନାୱାଟି ବଲ ପାଁଣ୍ଡାନ୍ନେଞ୍ଜି ? 3ଇୱାଞ୍ଜ୍ ଇନ୍ନା ମରିୟମତି ମ୍ରିଃଏଞ୍ଜି ଏ ବାଡ଼େଞ୍ଜି ଆଃଏ ? ଆଟେ ଇୱାଞ୍ଜ୍ ଇନ୍ନା ଜାକୁବ, ଜସି, ଜିହୁଦା ଅଟେ ସିମନତି ଆମ୍ୱେସ୍ ଆଃଏ ? ଆଟେ ଇୱାଞ୍ଜ୍ତି ଆଙ୍ଗିସ୍କା ଇନ୍ନା ଇ ନାଜୁତାୱା ମା ଡ଼ାହି ବାସାଆଏହେଃଲ୍ଲ ?” ଆଟେ ଏୱାରି ଇହିଙ୍ଗିସି ୱେସାନାହି ଜିସୁନିକି ନିଗାଡ଼୍ ହୁଡ଼ିତେରି ।
4 #
ଜହ ୪:୪୪
ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ବାବବାଦି ତା ପ୍ଲିଆନି ଗାଡ଼ାନାଜୁତାୱା ଅଟେ ତା ଇଜ୍ଜାନ୍ ଦାଲ୍ଲା ଅଟେ ତା କୁଟ୍ଟୁମ୍ତାରିନିକି ପିହାନାହି ବିହି ଗର୍ରିତାୱା ସନ୍ମାନ୍ ପାଁନେଞ୍ଜି ।”
5ଆଟେ ଏମ୍ୱା ଜିସୁ ଏଚ୍ଚେ ରଗୁଗାଟାର୍ କୁଃଏଟି କାଜ୍ଜୁ ଇଟ୍ଟାନାହି ନେହି କିତେଞ୍ଜି ଅଟେ ଏ କାମା ପିହାନ୍ ଇନ୍ନି ବଲତି କାମା କିଃଆତେଞ୍ଜି । 6ଆଟେ ଏୱାଞ୍ଜି ଏୱାର୍ତି ମାଞ୍ଜାଡ଼ି କିଃଆନାଦା ହୁଡ଼ାନ୍ ଆକ୍କାବାଡ଼ାଙ୍ଗ୍ ଆତେଞ୍ଜି ।
ଜିସୁ ବାରାଗାଣ୍ଡି ଗ୍ରାମ୍ୱାଗାଟାରିକି ପାଣ୍ଡନ୍
(ମାତିଉ ୧୦:୫–୧୫; ଲୁକ ୯:୧–୬)
7ଡେଗ୍ଗା ଜିସୁ ଗୁଞ୍ଜେର୍ ମାଚ୍ଚି ନାସ୍କା ଏସେନ୍ ତ୍ରେଜାନାହି ଗ୍ରାପନ୍ ମ୍ରାସ୍ତେଞ୍ଜି । ଏମ୍ୱାଟି ଏୱାଞ୍ଜି ବାରାଗାଣ୍ଡି ଗ୍ରାମ୍ବାଗାଟାରିକି ରେଃଏସ୍ ଆର୍ଚାନାହି ଏୱାରିକି ରି ରି ଗାଣ୍ଡି କିଆନାହି ଦାଲ୍ଲାନିକି ଗ୍ରାପନ୍ ବାଗା ପାଣ୍ଡିତେଞ୍ଜି, ଆଟେ ଏୱାରିକି ଡ଼ଃଆନ୍ ଡିଙ୍ଗାଙ୍ଗ୍ତିଦି ପେରନ୍ତି ହକତ୍ ହିତେଞ୍ଜି ।
8ଆଟେ ଜିସୁ ଏୱାରିକି ଇମ୍ୱି ହାନ୍ନାୱିଃଆ ୱାର୍ରି ରଣ୍ଡା ଡେଙ୍ଗ ପିହାନ୍ ତିନ୍ବା ପଡ଼ି କି ବେଗୁ କି ଗାଞ୍ଜିତାୱା ଲେବୁଙ୍ଗ୍ ଅଃଆନ୍ ବାଗା ୱେସ୍ତେଞ୍ଜି । 9ଏୱାରିକି ପାଣ୍ଡେଙ୍ଗ୍ ମେଦ୍ଦନ୍ତିକି ୱେସ୍ତେଞ୍ଜି, ମତ୍ର “ରିଣ୍ଡା ଗତାଙ୍ଗ୍ ଅନ୍ତିକି ଆଃଏ କିତେଞ୍ଜି ।” 10ଆଟେ ଜିସୁ ଏୱାରିକି ୱେସ୍ତେଞ୍ଜି, “ମିରୁ ଇମ୍ୱିନ୍ ଇଡ୍ଡୁତାୱା ହଡେରି, ଏ ଗର୍ରିଟିଆଟି ୱ୍ଡେଚାନ୍ ହାଃଲ୍ଲାନ୍ ଟିକ୍ନା ଏଦିମ୍ବାନେଃଏ ବାସାଆଦୁ ।” 11#ପେରି ୧୩:୫୧#ଲୁକ ୧୦:୪–୧୧ମତ୍ର ଜଦି ଇମ୍ୱିନ୍ ଗର୍ରିତାୱା କୁଇଙ୍ଗ୍ ମିଙ୍ଗେ ଗ୍ରହନ କିଆଦାଃଏରି ଅଟେ ମି କାତା ୱେଃନେରି, ଏ ଗର୍ରିତାୱାଟି ୱ୍ଡେଚାନ୍ ହାନ୍ନି ତୁକାତାୱା ଏୱାର୍ତି ବିରୁଦିଆଟି ସାକ୍ୟ ହିଅନ୍ ବାଗା ମି କାଡୁତି ଦୁଲି ହାଡ଼୍ଦୁ ।
12ଏମ୍ୱାଟି ଏୱାରି ହାଜ୍ଜାନ୍ ଦାଲ୍ଲାନିକି ପାପଟି ଏଲୁୱ୍ଡେପନ୍ ବାଗା ପ୍ରଚାର କିତେରି, 13#ଜାକୁ ୫:୧୪ଆଟେ ଏଗେଲ୍ ଦାଲ୍ଲାଟିଆଟି ବୁତଙ୍ଗ୍ ପିହ୍ପି କିତେରି ଅଟେ ଏଗେଲ୍ ରଗୁଗାଟାରିକି ନିଜ୍ଜୁ ମିସାନ୍ ନେହି କିତେରି ।
ଡୁବନ୍ ହିଚ୍ଚି ଜହନତି ହାଅନ୍
(ମାତିଉ ୧୪:୧–୧୨; ଲୁକ ୯:୭–୯)
14 #
ମାତି ୧୬:୧୪; ମାର୍କ ୮:୨୮; ଲୁକ ୯:୧୯ ଜିସୁତି ପାରୁ ପଙ୍ଗେନ୍ନାଦା ହେରଦ#୬:୧୪ ହେରଦ ଇ ହେରଦତି ପାରୁ ଆଇନେ ଆନ୍ଟିପାସ୍ ରାଜେଞ୍ଜି ୱେଚ୍ଚେଞ୍ଜି, ଆଟେ ଦାଲ୍ଲା ଜିସୁ କୁଲାଟି ୱେସ୍ପିଚ୍ଚେରି, “ଡୁବନ୍ ହିଚ୍ଚି ଜହନ, ହାନ୍ନି ଦାଲ୍ଲା ତାୱାଟି ନିଙ୍ଗାନ୍ନେଞ୍ଜି, ଏଦାବାଗା ଇ ହାବେତ୍ ବଲ ତା ତାୱା କାମା କିନ୍ନେ ।”
15ମତ୍ର ବିହି ଦାଲ୍ଲା ୱେସ୍ପିଚ୍ଚେରି, “ଇୱାଞ୍ଜି ଏଲିୟ” ଆଟେ ଏମ୍ୱେ ଏମ୍ୱେ ଇଞ୍ଜିଚ୍ଚେରି, “ଇୱାଞ୍ଜି ନକିତି ବାବବାଦିଙ୍ଗ୍ତାୱାଟି ରଃଅଞ୍ଜି ବାବବାଦି ଡେହେଙ୍ଗ୍ ।”
16ମତ୍ର ହେରଦ ଇଦା ୱେଞ୍ଜାନାହି ୱେସ୍ତେଞ୍ଜି, “ଇମ୍ୱିନ୍ ଜହନତି ତ୍ଲାଉ ନାନୁ ରାସ୍ପିକିଆଚ୍ଚେ, ଏୱାଞ୍ଜି ନିଙ୍ଗାନ୍ନେଞ୍ଜି ।”
17 #
ଲୁକ ୩:୧୯,୨୦ ଇନାକି ହେରଦ ତା ଆମ୍ୱେସ୍ ପିଲିପତି କୁଆଲୁ ହେରଦିଆନିକି ବିବା ଆଚ୍ଚାୱିଃଆଟି, ହେରଦ ଦାଲ୍ଲାନିକି ପାଣ୍ଡାନାହି ଜହନନିକି ଆହାନାହି ଗାସାନ୍ ବନ୍ଦି ଇଡ୍ଡୁତାୱା ଇଟ୍ଟାଚ୍ଚେଞ୍ଜି । 18ଇନାକି ଜହନ ହେରଦନିକି ୱେସ୍ପିଚ୍ଚେଞ୍ଜି, “ନିଙ୍ଗେ ନି ଆମ୍ବେସ୍ତି କୁଆଲୁନିକି ଇଟ୍ଟନ୍ତିକି ହାଜୁ ହେଃଲ୍ଲେ ।”
19ଏମ୍ୱାଟି ହେରଦିଆ ବିରୁଦି ଆନ୍ ତାଙ୍ଗେ ପାଗନ୍ ବାଗା ମନ କିଚ୍ଚେ, ମତ୍ର ମୁପେହେଃଲ୍ଲାତେ; 20ଇନାକି ହେରଦ ଜହନନିକି ରଃଅଞ୍ଜି ଦାର୍ମିକ ଅଟେ ପିର୍ନି କୁଏଞ୍ଜି ଇଞ୍ଜାନ୍ ପୁଞ୍ଜାନାହି ଆଜ୍ଜେଚ୍ଚେଞ୍ଜି, ଏଦାକି ତାଙ୍ଗେ ନିପ୍ଚ୍ଚାନ୍ ଇଟ୍ଟନ୍ ବାଗା ସେସ୍ଟା କିଚ୍ଚେଞ୍ଜି, ଆଟେ ତା କାତା ୱେଞ୍ଜାନାହି ଏଗେଲ୍ ଆଜ୍ଜିତେସି ୱାଡ଼େ ରାହାଙ୍ଗିଃଆଟି ଏଦା ୱେଞ୍ଜିଚ୍ଚେଞ୍ଜି ।
21ରନେସି ହେରଦିଆ ହେରଦ ପ୍ଲିଆଚି ଦିନା ୱାଅନେଃଏ ପେଜୁ ପାଟେ । ଆଟେ ହେରଦ ତା ପାତ୍ର ମନ୍ତ୍ରି, ଗାମିନ୍ ସିପେଙ୍ଗ୍ ଅଟେ ଗାଲିଲିତି ଗାମିନାରି ବାଗାଟି ଡାଡ଼ିଙ୍ଗ୍ ତୁକାତାୱା ରଣ୍ଡା ବୁଜି ହାମ୍ୱେର୍ କିତେଞ୍ଜି; 22ଆଟେ ହେରଦିଆତି ମ୍ରାଗା ଲାଃଇ ଦାଲ୍ଲା ମାଦ୍ଦେ ୱାନାହି କ୍ରାହିତେ । ଆଟେ ହେରଦ ଅଟେ ତା ଡ଼ାହି ବୁଜିତାୱା ୱାଚ୍ଚି ଦାଲ୍ଲାନିକି କ୍ରାହାନ୍ ରାହାଙ୍ଗ୍ କିତେ । ଏମ୍ୱାଟି ରାଜେଞ୍ଜି ଏ ମ୍ରାଗାନିକି ୱେସ୍ତେଞ୍ଜି, “ଇନ୍ନା ମନ କିଞ୍ଜି, ୱ୍ରିହ୍ତାମୁ, ନାନୁ ନିଙ୍ଗେ ଏଦା ହିଆ ।” 23ଆଟେ ଏୱାଞ୍ଜି ଏଦାଡ଼ିକି ହାପ୍ପା କିଆନ୍ ୱେସ୍ତେଞ୍ଜି, “ନିନୁ ନାଙ୍ଗେ ଇନ୍ନିକୁଲା ୱ୍ରିହ୍ତାଦି, ଇହିଙ୍ଗିସି ଜେ ପାହେଡ଼୍ ରାଜି ୱାଡ଼େ ନାନୁ ନିଙ୍ଗେ ହିଆ ।”
24ଏମ୍ୱାଟି ଏଦି ହଚାନ୍ ହାଜ୍ଜାନାହି ତା ଇୟାନିକି ୱେଚ୍ଚେ, “ନାନୁ ଇନ୍ନା ୱ୍ରିହିଇ ?”
ଏଦି ୱେସ୍ତେ, “ଡୁବନ୍ ହିନ୍ନି ଜହନତି ତ୍ଲାଉ ।”
25ଏଚିୱାଡ଼େ ଏଦି ରାଜେଞ୍ଜି ରେଃଏସ୍ କାର୍ବେକ୍ ୱାନାହି ଇଦା ୱେସାନ୍ ୱ୍ରିହ୍ତେ, “ଇଦି ନା ମନ ଜେ, ନିନୁ ଡୁବନ୍ ହିନ୍ନି ଜହନତି ତ୍ଲାଉ ରଣ୍ଡା ଚଡ଼ିଆତାୱା ନାଙ୍ଗେ ହାଦାଡ଼ି ହିଆମୁ ।”
26ଏମ୍ୱାଟି ରାଜେଞ୍ଜି ଏଗେଲ୍ ଦୁଃକ ଆତେସ୍ୱାଡ଼େ ତା କିଆଚ୍ଚି ହାପ୍ପା ଅଟେ ବୁଜିତାୱା ୱାଚ୍ଚି ଦାଲ୍ଲା ବାଗାଟି ଆଃଏ କିଅନ୍ ମୁଃଆତେଞ୍ଜି । 27ଏମ୍ୱାଟି ରାଜେଞ୍ଜି ଏଚିୱାଡ଼େ ରଃଅଞ୍ଜି ସିପେଞ୍ଜିକି ପାଣ୍ଡାନାହି ତା ତ୍ଲାଉ ରାସାନ୍ ତାପନ୍ତିକି ୱେସ୍ତେଞ୍ଜି । ଏମ୍ୱାଟି ଏୱାଞ୍ଜି ବନ୍ଦି ଇଡ୍ଡୁଇନ୍ଦା ହାଜ୍ଜାନାହି ଜହନତି ତ୍ଲାଉ ରାସ୍ତେଞ୍ଜି, 28ଆଟେ ଏ ତ୍ଲାଉ ରଣ୍ଡା ଚଡ଼ିଆତାୱା ତାଚ୍ଚାନାହି ବଦାମାଙ୍ଗାନିକି ହିତେଞ୍ଜି, ଆଟେ ବଦାମାଙ୍ଗା ଏଦା ଅଆନ୍ ତା ଇୟାନିକି ହିତେ । 29ଏମ୍ୱାଟି ଜହନତି ଗ୍ରାମ୍ୱାଗାଟାରି ଏ କାତା ୱେଞ୍ଜାନ୍ ୱାତେରି ଅଟେ ତା ହାତି ଗାଣ୍ଡି ଅଆନ୍ ୱିଚାଙ୍ଗାଜୁତାୱା ଗ୍ରିତେରି ।
ଜିସୁ ସେ ହଜାର୍ ଦାଲ୍ଲାନିକି ତିସ୍ପନ୍
(ମାତିଉ ୧୪:୧୩–୨୧; ଲୁକ ୯:୧୦–୧୭; ଜହନ ୬:୧–୧୪)
30ଡେଗ୍ଗା ପେରିତଙ୍ଗ୍ ଜିସୁ ରେଃଏସ୍ ରପାଟ୍ଟେ ଆତେରି, ଆଟେ ଏୱାରି ଇନ୍ନା ଇନ୍ନା କିଆଚ୍ଚେରି ଅଟେ ଗ୍ରାପ୍ଚାଚ୍ଚେରି, ଏଦା ହାବେ ତାଙ୍ଗେ ୱେସ୍ତେରି । 31ଏମ୍ବାଟି ଜିସୁ ଏୱାରିକି ୱେସ୍ତେଞ୍ଜି, “ୱାଦୁ ମାରୁ ଆଙ୍ଗେ ଆନ୍ ରଣ୍ଡା ଚିହ୍ପି ଗର୍ରିଇନ୍ଦା ହାଜ୍ଜାନାହି ହିତେ ଜାମ୍ୱିନା ।” ଇନାକି ଏଗେଲ୍ ଦାଲ୍ଲା ଏୱାର୍ ଟାକ୍କେ ହାଲ୍ବା ୱାୱା କିଚ୍ଚାୱିଃଆଟି ଏୱାରି ତିନ୍ବା ଉନ୍ବା କିଅନ୍ ୱାଡ଼େ ସୁଜଗ ପାଁଣ୍ଡେହେଃଲ୍ଲାତେରି ।
32ଏମ୍ୱାଟି ଏୱାରି ଆଙ୍ଗେ ଆନାହି ଡଙ୍ଗାତାୱା ରଣ୍ଡା ଚିହ୍ପି ଗର୍ରିଇନ୍ଦା ହାଚ୍ଚେରି ।
33ଆଟେ ଏୱାରି ହଚାନ୍ ହାଜ୍ଜିଚ୍ଚାଦାଃଆ ଗାପ୍ଚି ଦାଲ୍ଲା ହୁଡ଼ିତେରି ଅଟେ ପୁଚ୍ଚେରି, ଏମ୍ବାଟି ଦାଲ୍ଲା ହାବେତ୍ ନାସ୍କାତାୱାଟି ଡେହି ଡେହି ହାଜ୍ଜାନ୍ ଏୱାରି ନକେସ୍ ଏଦିମ୍ୱା ରପାଟ୍ଟେ ଏତେରି । 34#ମାତି ୯:୩୬ଏୱାଞ୍ଜି ଡଙ୍ଗାତାୱାଟି ଜାଚାନ୍ ଏଗେଲ୍ ଦାଲ୍ଲାନିକି ହୁଡ଼ାନ୍ ଏୱାରିକି ଗାପ୍ଚି ପାପୁଅଲ୍ତେଞ୍ଜି, ଇନାକି ଏୱାରି ଗାଉଡ଼େଏଞ୍ଜ୍ ହେଃଲ୍ଲାନ୍ ମେଁଣ୍ଡାଅଡାଙ୍ଗ୍ ଡେହେଙ୍ଗ୍ ମାଚ୍ଚେରି; ଏଦାକି ଜିସୁ ଏୱାରିକି ଏଗେଲ୍ କୁଲାଟି ଗ୍ରାପ୍ତେଞ୍ଜି ।
35ୱେଲା ମେଦ୍ଦେସ୍ ହାଜ୍ଜିଚ୍ଚାୱିଃଆଟି ତା ଗ୍ରାମ୍ୱାଗାଟାରି ତା ରେଃଏସ୍ ୱାନାହି ୱେସ୍ତେରି, “ଇଦି ରଣ୍ଡି ପାଡ଼ୁ ଗର୍ରି, ଆଟେ ଏଗେଲ୍ ଜୁକୁଡ଼୍ ଆତେଦେ; 36ଦାଲ୍ଲା ଇନିମିଡି ଟାକ୍କେ ନାସ୍କା ଅଟେ ଗାଡ଼ାନାସ୍କାଇନ୍ଦା ହାଜ୍ଜାନ୍ ତା ତା ବାଗାଟି ତିନ୍ବା ପଡ଼ି କଡ୍ଡିନେରି, ଏଦାବାଗା ଏୱାରିକି ପାଣ୍ଡାମୁ ।”
37ମତ୍ର ଜିସୁ ଏୱାରିକି ୱେସ୍ତେଞ୍ଜି, “ମିରୁ ଏୱାରିକି ତିନ୍ବନ୍ ହିଦୁ ।” ଏୱାରି ତାଙ୍ଗେ ୱେସ୍ତେରି, “ନିନୁ ଇନ୍ନା ସେଙ୍ଗୁଡ଼ି ରୁପା ଟାକ୍କାଙ୍ଗ୍ତି ରୁଟିଙ୍ଗ୍ କଡ୍ଡାନ୍ ଇୱାରିକି ତିନ୍ବନ୍ ହିଅନ୍ ବାଗା ମାଙ୍ଗେ ୱେସ୍ପିଞ୍ଜାଦି ?”
38ଏୱାଞ୍ଜି ଏୱାରିକି ୱେଚ୍ଚେଞ୍ଜି,
“ମି ରେଃଏସ୍ ଏଚ୍ଚଡ଼୍ ରୁଟିଙ୍ଗ୍ ମାନ୍ନୁ ? ହାଜ୍ଜାନ୍ ହୁଡ଼ାଟୁ ।” ଏୱାରି ହୁଡ଼ାନ୍ ୱାନାହି ତାଙ୍ଗେ ୱେସ୍ତେରି, “ସେଙ୍ଗି ରୁଟିଙ୍ଗ୍ ଅଟେ ରିଣ୍ଡି ମିନ୍ଙ୍ଗା ମାନ୍ନୁ ।”
39ଏମ୍ୱାଟି ହାବେତାରିନିକି ହଲା ମାନ୍ନି ପାଙ୍ଗାତାୱା ଆଲି ଆଲି#୬:୩୯ ଆଲି ଆଲି ଇଚ୍ଚେସି ଦାଡ଼ି ଦାଡ଼ିନା କପ୍କନ୍ କିଆନ୍ କକ୍କି କିଦୁ ଇଞ୍ଜାନ୍ ଜିସୁ ଏୱାରିକି ୱେସ୍ତେଞ୍ଜି । 40ଏମ୍ୱାଟି ତା ୱେସ୍ତି ଡେହେଙ୍ଗ୍ ଏୱାରି ର ର ଆଲିତାୱା ସେଙ୍ଗୁଡ଼ି ଅଟେ ରି କୁଡ଼ି ଦାସାଗାଣ୍ଡି ଲାକ୍କାଟି କକ୍ତେରି । 41ଡେଗ୍ଗା ଏୱାଞ୍ଜି ସେଙ୍ଗା ରୁଟିଙ୍ଗ୍ ଅଟେ ରିଣ୍ଡା ମିନ୍ଙ୍ଗା ଅଆନ୍ ସର୍ଗଇନ୍ଦା ମେହାନ୍ ମେଲା କିତେଞ୍ଜି ଅଟେ ରୁଟିଙ୍ଗ୍ତିଦି ପାହେଡ଼୍ କିଆନ୍ ଦାଲ୍ଲାନିକି ପାହା ହିଅନ୍ ବାଗା ଗ୍ରାମ୍ୱାଗାଟାରିକି ହିତେଞ୍ଜି । ଆଟେ ଏହେଙ୍ଗିସି ଏୱାଞ୍ଜି ରିଣ୍ଡା ମିନ୍ଙ୍ଗା ୱାଡ଼େ ଏୱାରିକି ହିତେଞ୍ଜି । 42ଏମ୍ୱାଟି ହାବେତାରି ତିଞ୍ଜାନାହି କ୍ଡିତେରି । 43ଆଟେ ଏୱାରି ପାହେଡ଼୍ ରୁଟିଙ୍ଗ୍ ଉହି କିଆନାହି ବାରା ହୁନ୍ଦା ନେସ୍ତେରି ଅଟେ ମିନ୍ଙ୍ଗାତାୱାଟି ୱାଡ଼େ ଏଚ୍ଚଡ଼୍ ପେଗ୍ଦେରି । 44ରୁଟିଙ୍ଗ୍ ତିଞ୍ଜାଚ୍ଚି ଦାଲ୍ଲା ତାୱାଟି ୱାର୍ରି ମ୍ଡେହେଙ୍ଗ୍ ସେ ହଜାର୍ ଦାଲ୍ଲା ମାଚ୍ଚେରି ।
ଜିସୁ ଏଜୁତାୱା ତାକନ୍
(ମାତିଉ ୧୪:୨୨–୩୩; ଜହନ ୬:୧୫–୨୧)
45ଏଚିୱାଡ଼େ ଜିସୁ ତା ଗ୍ରାମ୍ୱାଗାଟାରିକି ଡଙ୍ଗାତାୱା ଏଙ୍ଗାନାହି ସାମ୍ନ୍ଦେର୍ତି ଆନେଟ୍ ୱାଡୁ ବେତ୍ସାଇଦାଇନ୍ଦା ହାଲ୍ବନ୍ ବାଗା ୱେସ୍ତେଞ୍ଜି, ଏମ୍ବାଟି ଏୱାଞ୍ଜି ଦାଲ୍ଲାନିକି ବଲା କିତେଞ୍ଜି । 46ଜିସୁ ଦାଲ୍ଲାନିକି ବଲା କିତାୱିଃଆଟି ପ୍ରାତ୍ନା କିଅନ୍ ବାଗା ହରୁଡ଼ିପେ ହାଚ୍ଚେଞ୍ଜି । 47ମିଡ୍ଡଡ଼୍ ଆଇଚ୍ଚି ତୁକାତାୱା ଜିସୁ ରଃଅଞ୍ଜେଃଏ ସାମ୍ନ୍ଦେର୍ ଗ୍ରିଆତାୱା ମାଚ୍ଚେଞ୍ଜି ଅଟେ ଡଙ୍ଗା ସାମ୍ନ୍ଦେର୍ ମାଦ୍ଦି ମାଚ୍ଚେ । 48ନକେସ୍ ୱାଡୁ ଗାପ୍ଚି ୱ୍ଲିକା ଆଇଚ୍ଚି ବାଗାଟି ଡଙ୍ଗା ଅନ୍ ବାଗା ଏୱାରିକି କସ୍ଟ ଆଇଚ୍ଚାଦାଃଆ ହୁଡ଼ାନ୍ ଏୱାଞ୍ଜି ବାଇକ୍ ୱେଗା ଡାଃଏସ୍ ସାମ୍ନ୍ଦେର୍ ଏଜୁତାୱା ତାକାନ୍ ଏୱାର୍ ଟାକ୍କେ ୱାତେଞ୍ଜି, ଆଟେ ଏୱାଞ୍ଜି ଏୱାର୍ ନକେସ୍ ଆନାହି ହାଲ୍ବନ୍ ବାଗା ଏଲୁ କିଚ୍ଚେଞ୍ଜି । 49ମତ୍ର ଏୱାରି ତାଙ୍ଗେ ଏଜୁତାୱା ତାକାନ୍ ହାଜ୍ଜିଚ୍ଚାନାଦା ହୁଡ଼ାନ୍ ବୁତ ଇଞ୍ଜାନ୍ ଏଲୁ କିଆନ୍ ଗଲି ଆତେରି, 50ଇନାକି ହାବେତାରି ତାଙ୍ଗେ ହୁଡ଼ାନାହି ଆଜ୍ଜାଚ୍ଚେରି ।
ମତ୍ର ଏୱାଞ୍ଜି ଏଚିୱାଡ଼େ ଏୱାର୍ ଡ଼ାହି କାତା ଆନାହି ଏୱାରିକି ୱେସ୍ତେଞ୍ଜି, “ବରେସ୍ ଆଦୁ, ନାନୁ ତ ଏୱାତାନୁ, ମିରୁ ଆଃଜ୍ଜାଟୁ ।”
51ଆଟେ ଏୱାଞ୍ଜି ଏୱାର୍ ରେଃଏସ୍ ହାଜ୍ଜାନାହି ଡଙ୍ଗାତାୱା ଏଙ୍ଗନେଃଏ ୱ୍ଲିକା ଡାମ୍ ଇଚ୍ଚୁ । ଏମ୍ୱାଟି ଏୱାରି ଏଗେଲ୍ ଆକ୍କାବାଡ଼ାଙ୍ଗ୍ ଆତେରି, 52ଇନାକି ଏୱାରି ସେ ହଜାର୍ ଦାଲ୍ଲାନିକି ତିସ୍ପନ୍ତି କୁଲାଟି ନେହେନ୍ ପୁନ୍ବନ୍ ମୁଃଆତେରି, ଆଟେ ଏଦା ତା ହଡାଙ୍ଗ୍ତାୱା ବୁଜ୍ଜି ଆଅନ୍ ମୁଃଆତେରି ।
ଗିନେସରତ ରାଜିତାୱା ଜିସୁ ରଗୁଗାଟାରିକି ନେହି କିଅନ୍
(ମାତିଉ ୧୪:୩୪–୩୬)
53ଏୱାରି ସାମ୍ନ୍ଦେର୍ ଗ୍ଡାଚାନାହି ଗିନେସରତ ରାଜିଇନ୍ଦା ଏଚ୍ଚାନାହି ସାମ୍ନ୍ଦେର୍ ଗ୍ରିଆତାୱା ଡଙ୍ଗା ଗାସ୍ତେରି । 54ଏଚ୍ଚିକିଃଆ ଏୱାରି ଡଙ୍ଗାତାୱାଟି ଜାତେରି, ଦାଲ୍ଲା ଏଚିୱାଡ଼େ ତାଙ୍ଗେ ପୁଚ୍ଚେରି, 55ଏମ୍ବାଟି ଏ ହାବେ ରାଜି ଏସେନା ମାଚ୍ଚି ରଗୁଗାଟାରିକି ଦାଲ୍ଲା ଗାଡ୍ଡେଲ୍ତାୱା ଡେକାନ୍ ତା ଟାକ୍କେ ତାଚ୍ଚିୱାତେରି । 56ଆଟେ ଜିସୁ ଇମ୍ୱିନ୍ ଇମ୍ୱିନ୍ ନାସ୍କା ଅଟେ ଗାଡ଼ାନାସ୍କା ଏସେନ୍ ହାଚ୍ଚେଞ୍ଜି, ଦାଲ୍ଲା ରଗୁଗାଟାରିକି ହାଟ୍ଟୁ ଗର୍ରିଙ୍ଗ୍ ଏସେନ୍ ତାଚ୍ଚାନ୍, ଏୱାରି ଇନିମିଡି ତା ଜିରାତି ଲିଙ୍ଗୁସ୍ ଡିଗନ୍ ପାଁନେରି, ଇଦା ତାଙ୍ଗେ ଜିଗନ୍ ମ୍ରାସ୍ତେରି; ଆଟେ ଏଚ୍ଚେ ଦାଲ୍ଲା ତାଙ୍ଗେ ଡିଗିତେରି, ଏୱାରି ହାବେତାରି ନେହିଆତେରି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0