Yohanē kalre'ayan pakalrazam
kalre'ayan pakalrazam
Yohanē fukuing i savakan tu kinapazangalan na vati mu kema venavalray kani Yēsu a maw nintaw munayun na vati kana Viruwa i itras; i intaw <<mutuwa trau, kaazu kanta i savakan>>. na venavalray tu pauwayan mu maranger kana mena'u kanini na valray na trau mu pakutatena' kani Yēsu za a maw i Kiristo, maw Alrak na Viruwa i itras, pawnung 'alrana kemani pakutatena' zi kiveray kana uwavaawan za munayun (20.31).
ini na valray pukaisa vakaran marengay kana Viruwa i itras tu vati na munayun mutuwa trau, melak kanini putu kuwarelrangan venavati peniya kana valray. na pukazuwa palru kana pulu' zi zuwaya vakaran venavalray marengay kani Yēsu za sazu tu pinupana na karepalripalri pakamelri na kezang, uwasay kantaw za mawna venavaaw i Luzu, maw Alrak na Viruwa i itras. ipakalrang kantrini na pulu' zi zuwaya tu vinavalrayan, malrazam mi za ulra a kazuwan na trau pakutatena' lra kantaw, kituluz kantaw temu Luzu na venaaw; mawmu ulra a trau semuveli kantaw, 'azi pakutatena' kantaw. na pukapulu' zi teluwa palru i pulu' zi pituwa vakaran patulre'ay venavalray kani Yēsu zi kanantu temakesi za maredalrep tu kireeman, zi na muelep kana kuwatrengan a pakangawayan kanantu ipanadam kanazu, na puwakezang kanazu na ngay. na pukapulu' zi waluwa palru kana zuwa pulu' zi saya vakaran vinavalray kana ki'evang i intaw, kisayvang, kitrehetreh minatray, marevaaw, zi na marevaaw i likuzan mu pakurena'u kanantu temakesi.
na vativatiyan kana ulra a sasa vavayan kazu semasiya' mu ki'evang (8.1-11) puwayanay kana [ ] na valray, 'alrana sazu na vinavalrayan na valray zi na awatranan na valray mu 'azi vinavalray kanini, zi ulra ziya vinavalrayan na valray mu i ini na vativatiyan tu puwayanay kana zuma na valray.
na venalray kanini na valray mu pakamelri kemapazangal marengay kani Yēsu a maw na dalan, na tatena' vati, na uwavaawan. na pakutatena' ziya zi kituluz kantaw na trau mu uri kiyatuluz kana uwavaawan na munayun mapiya. Yohanē fukuing na kurena'u tu pinakamelriyan ulra kana maruwa melak i wayway kana lremak ziya, paruwalru kana zanum, pang, senan, na purarikan zi na takulris, kawi na budo zi nantu vuwa' zi na zuma lra, paruwalru kana lu'em tu pauwayan.
pupana pinazangal
sa. kuwarelrangan na ngay (1.1-18)
zuwa. na semasuwap i Yohanē zi i Yēsu tu temakesi a papida na ngawngaway (1.19-51)
telu. kiyakarunan ni Yēsu (2.1--12.50)
pat. talikuzakuzan liyusan kazu i Yērusalem zi i dalrep (13.1--19.42)
lima. marevaaw i Yēsu zi pakurepana'u (20.1-31)
nem. puwaludus: zuma a paresan pakurena'u i Galili (21.1-25)
Právě zvoleno:
Yohanē kalre'ayan pakalrazam: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Yohanē kalre'ayan pakalrazam
kalre'ayan pakalrazam
Yohanē fukuing i savakan tu kinapazangalan na vati mu kema venavalray kani Yēsu a maw nintaw munayun na vati kana Viruwa i itras; i intaw <<mutuwa trau, kaazu kanta i savakan>>. na venavalray tu pauwayan mu maranger kana mena'u kanini na valray na trau mu pakutatena' kani Yēsu za a maw i Kiristo, maw Alrak na Viruwa i itras, pawnung 'alrana kemani pakutatena' zi kiveray kana uwavaawan za munayun (20.31).
ini na valray pukaisa vakaran marengay kana Viruwa i itras tu vati na munayun mutuwa trau, melak kanini putu kuwarelrangan venavati peniya kana valray. na pukazuwa palru kana pulu' zi zuwaya vakaran venavalray marengay kani Yēsu za sazu tu pinupana na karepalripalri pakamelri na kezang, uwasay kantaw za mawna venavaaw i Luzu, maw Alrak na Viruwa i itras. ipakalrang kantrini na pulu' zi zuwaya tu vinavalrayan, malrazam mi za ulra a kazuwan na trau pakutatena' lra kantaw, kituluz kantaw temu Luzu na venaaw; mawmu ulra a trau semuveli kantaw, 'azi pakutatena' kantaw. na pukapulu' zi teluwa palru i pulu' zi pituwa vakaran patulre'ay venavalray kani Yēsu zi kanantu temakesi za maredalrep tu kireeman, zi na muelep kana kuwatrengan a pakangawayan kanantu ipanadam kanazu, na puwakezang kanazu na ngay. na pukapulu' zi waluwa palru kana zuwa pulu' zi saya vakaran vinavalray kana ki'evang i intaw, kisayvang, kitrehetreh minatray, marevaaw, zi na marevaaw i likuzan mu pakurena'u kanantu temakesi.
na vativatiyan kana ulra a sasa vavayan kazu semasiya' mu ki'evang (8.1-11) puwayanay kana [ ] na valray, 'alrana sazu na vinavalrayan na valray zi na awatranan na valray mu 'azi vinavalray kanini, zi ulra ziya vinavalrayan na valray mu i ini na vativatiyan tu puwayanay kana zuma na valray.
na venalray kanini na valray mu pakamelri kemapazangal marengay kani Yēsu a maw na dalan, na tatena' vati, na uwavaawan. na pakutatena' ziya zi kituluz kantaw na trau mu uri kiyatuluz kana uwavaawan na munayun mapiya. Yohanē fukuing na kurena'u tu pinakamelriyan ulra kana maruwa melak i wayway kana lremak ziya, paruwalru kana zanum, pang, senan, na purarikan zi na takulris, kawi na budo zi nantu vuwa' zi na zuma lra, paruwalru kana lu'em tu pauwayan.
pupana pinazangal
sa. kuwarelrangan na ngay (1.1-18)
zuwa. na semasuwap i Yohanē zi i Yēsu tu temakesi a papida na ngawngaway (1.19-51)
telu. kiyakarunan ni Yēsu (2.1--12.50)
pat. talikuzakuzan liyusan kazu i Yērusalem zi i dalrep (13.1--19.42)
lima. marevaaw i Yēsu zi pakurepana'u (20.1-31)
nem. puwaludus: zuma a paresan pakurena'u i Galili (21.1-25)
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023