Yohanē 2
2
semasaharan za pakaetim i Kana
1katelu wari, kazu i Galili kana kazekalran i Kana ulra a trau pakaetim. tainataw ni Yēsu kuzu i kazu; 2i Yēsu zi tu temakesi kemazu kidaulr kurelrang kana semasaharan na pakaetim. 3mukipiya lra na kutra, tainataw ni Yēsu marengay kantaw: <<iniyan lra za kutra nazu.>>
4marengay i Yēsu: <<ina, ipa'isel kaninku kemakuda za eman, 'azi ziyan meredek nanku wari.>>
5mawmu tainataw ni Yēsu patalru kana pakarunan: <<nu pakarun za eman kanmu i intaw, zi iturusi tu ngay kemakuda.>>
6i kazu ulra nanema a siyukeng, maw tu pauwayan za kiyarungetran kana Yodaya na trau, saya na siyukeng karuwa mavak za saleman visingan na zanum. 7marengay i Yēsu kana pakarunan: <<patemuyi za zanum na siyukeng.>> zi tu 'ilrayay za zanum i siyukeng nazu, palru kirayas kana siyukeng. 8marengay ziya i Yēsu: <<harem karuwa lra kemazung za saema pupana, verayan kana demadikes menana'u kana semasaharan.>> zi mukuwa lra veraya nazu. 9na demadikes menana'u kana semasaharan patalram kanizu na mutu kutra lra na zanum mu, 'azi malrazam kanini na kutra za kemay i iyan (mawmu na kemazung na pakarunan mu malrazam), kemazu zi pazuwa kana pinakaetim na ma'inayan, 10marengay kantaw: <<na trau mu piyanguwayan pupana kana 'inava na kutra, nu maruwa lra tu trinekelan na lavang mu pupana lra kana kutra elra, muveliyas u nu vilinaw na mara'inavanava na kutra palru harem!>>
11i ini tu pinupana na ngawangaway na karepalripalri ni Yēsu, maw pinupana i Galili na kazekalran i Kana. ini na lremak pakurena'u lra kanantu lihu; tu temakesi pakutatena' lra mapiya kantaw.
12i likuzan lra kanini na lremak, i Yēsu marelrang kani tainataw, wadiyan na ma'inayan, zi tu temakesi mukuwa i Kabēnum, kikazu i kazu za pidawariyan.
i Yēsu kemirungetr kana vangesar ruma'
(Matay 21.12-13; Maruko 11.15-17; Luka 19.45-46)
13na Yodaya na trau tu palalavat na wariyan raredek lra, i Yēsu mukuwa i Yērusalem. 14kazu panayan kana vangesar ruma', i intaw mena'u ulra a trau menaniwan za hung, takulris, tutur, ulra ziya a trau kemayan venavalis za ginpiya. 15zi melak za tatilu' demaway za saya lralrepit i intaw, tu verelranganay pupatraran na hung na takulris peniya kemay kana vangesar ruma', na vavalisan kana ginpiya na etu tu sukunanay pureve', na ginpiya mutani temepi' i dadare'. 16kema ziya i intaw marenagay kana menaniwan kana tutur na trau: <<akutru na eman ziyan uveruk, amanan temu iciva kanantu vangesar ruma' ni Amalri!>> 17tu temakesi paranger kanantu ngay na Sēsiyo: <<na Viruwa i itras a, pakarasa ku anger kanannu vangesar ruma', kamawan za apuy simerang!>>
18nazu na yawan na Yodaya na trau penatezelr kiyumalr kantaw: <<karuwa u pupana za eman karepalripalri pana'u kaniyam, maruwaya u uwasay za ulra nu kezang kemakuda kanini na lremak?>>
19marengay i Yēsu: <<mu treparaw ini na vangesar ruma', teluwa wariyan, ku i asalraw parahan.>>
20marengay nazu: <<ini na vangesar ruma' pinarahan mudaway za makapetelr zi nanema 'ami, karuwa u za teluwa wariyan zi asalraw parahan ziyamaw?>>
21a tatena' mu, tu niyarengay ni Yēsu na vangesar ruma' mu mararengay kanantu zazek i intaw. 22i Yēsu a marevaaw kemay kininatrayan i likuzan lra, tu temakesi paranger za marengay lra kanini na ngay i intaw, zi pakutatena' kana Sēsiyo zi tu nirengay ni Yēsu.
i Yēsu malrazam patulre'ay kanantu anger za trau
23i Yēsu a kazu i Yērusalem kurelrang kana palalavat na wariyan mu, kazuwan na trau na mena'u kanantu pinupana na karepalripalri, zi pakutatena' lra kantaw. 24mawmu i Yēsu 'azi kiputatena' kanazu, 'alrana malrazam patulre'ay kana trau ziyan i intaw. 25'azi ranganger i intaw za kipakalrazam za trau kana kireeman za kakuwayanan na trau, 'alrana i intaw malrazam patulre'ay kanantu anger za trau.
Právě zvoleno:
Yohanē 2: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
