Ɓalɔma Yaka yɔ pɛɨ
Yaka yɔ pɛɨ
Ʉbalʉa ngʉa Pɔlɔ a꞉tɛndakɨa ɓaklisito ngʉɓa, ɓa꞉ɓio amati ɔ gʉlʉ wɔ Lɔma. Angbinga ngɨa a꞉ʉtɨndakɨa-ɔɔ, Pɔlɔ a꞉ɓio akɔ gʉlʉ ɔ Kolito. Ta ɓaklisito ngʉɓa ɓa꞉baya Yeso anɔ Lɔma akɛ ɓa꞉pʉnga kanisa ngiananɨ, sɔkɔmʉ ɓatitima. Pɔlɔ a꞉ɓio angɔɓɔyenimʉ sina anɔ Lɔma, yakamɛngana, a꞉ɓio akʉnda anɨsa anujonokio nɔ ɓaklisito ngʉɓa ɓa꞉ɓio inani. A꞉ɓʉngakɨa-sɨ pɛɨ yaka akʉʉ ɔ mapanʉ, nɔ akʉʉ ɔ báya ngɨyɛ ɓaklisito. A꞉sugo ɓɔ ɓombi ta ɓaɓomu, ɓa꞉pɨanɨa ta akɔ ingwo, dɔ, ɓa꞉kɨa ɓʉɓɨɓɨ apɛɨ ɔ Asɔɓɨɨ. Yakamɛngana, akʉʉ ɔ ɨjɨɔ ngiangɔ, Asɔɓɨɨ a꞉necho ɓombi ngʉɓa ɓabaya Yeso Klisito akɔɓio tɨa ɓombi ɓɔta ngbingbii. Yaka ngɨyɛ yaheiso mombi ya ta báya, sɔkɔmʉ ta kyananakɨa mapanʉ ɓʉtʉʉ.
A꞉ɓusigio ɓata kʉ ɓɔ, Ɨsaʉ yɛta Iɗo yanɔ angu ngɨa ɔ Asɔɓɨɨ atamuheise ɓombi ta ɓaɓomu, pɛɨ-sɨ Ɓayuda, mbise dɔ tɨa ɓombi ngʉɓa ɓangɔmʉ Ɓayuda. Iɗo iɗo ngɨyɛ Asɔɓɨɨ yɛ꞉nɨanɨa akʉʉ ɔ ɓombi ngʉɓa ɓangɔmʉ Ɓayuda, ambɔ ɓɨnɨanɨa tɨa nɔ uɓeɨi ɔ ɨtakɨtakɨ. Kwananɨ, Ɓayuda nɔ ɓombi ngʉɓa ɓangɔmʉ Ɓayuda, ɓa꞉jombonio tɨa ɨhɔ, amati ɔ Yeso Klisito. Kʉdɔ, Asɔɓɨɨ a꞉napɨa tɨa Mʉtɨma wɔta Tu amati ɔ uɓei ngʉwɔ ɓombi ɓɔ báya, ambɔ ɓiɓio tɨa akɔkyɛndaka akpatanakɨa nɔ uɓei ngʉwɔ Yeso.
Amati ʉgbaa wɔngɔ ngʉwɔ 12-16, Pɔlɔ a꞉sugo ɓɔ, ɓombi ɓɔ báya ɓɔkwananɔ kyɛndaka ngbingbii, akɔkpatanakɨa nɔ yaka ngɨyɛ Asɔɓɨɨ a꞉kɨa akʉʉ ɔ eɓo. Apipio tɨa ʉbalʉa ngʉakɛ kʉnɔ naɓɔ akɔɓokuo nɔ akɔnɨta Asɔɓɨɨ ɓɔ ɨɓutio majɨɔ ngʉkangɔ.
Ɓayaka ngʉɓɔ ta ɓakpɔkpɔ
Yaka ngɨyɔ pɛɨ 1:1-17
Akɔnɨanɨa nɔ ɓʉhɛa 1:18—3:20
Asɔɓɨɨ a ɨngbaa yɔ ɓʉhɛa 3:21—4:25
Uɓei wɔ ɨtakɨtakɨ amati ɔ Klisito 5:1—8:39
Itungwio yɔ Asɔɓɨɨ akʉʉ ɔ Ɓaɨsalaɛlɛ 9:1—11:3
Uɓei ngʉwɔ ɓaklisito 12:1—15:13
Yaka ngɨyɔ mupipio nɔ ɓokuo 15:14—16:27
Právě zvoleno:
Ɓalɔma Yaka yɔ pɛɨ: buuN
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.