Ɓalɔma 11
11
Asɔɓɨɨ agiso kɔmʉ Ɓaɨsalaɛlɛ
1Nákʉnda ɓokuo tɨa ɓɔ: «Asɔɓɨɨ agiso ndɨ ɨfananja ngɨangɔ tɨa gisoni?» Pɔ bele! Dɔ ɨmɨ ingainga, na-sɨ Mʉɨsalaɛlɛ, mʉnɔnɔ wɔ Abalaama, amati ɔ ɨfananja ngɨyɔ Ɓɛnjamini 2Asɔɓɨɨ a꞉gisomʉ ɨfananja ngɨangɔ, ɨyɛ a꞉ɨchwa jɛnɛ kʉ pɛɨ. Mabii ka-sɨ asugo tanɨ akʉʉ ɔ yaka ngɨyɛnɛni? Ɨgbɛ Ɛlɨa a꞉napɨa ɓana ɓɔ Ɓaɨsalaɛlɛ nɔ mʉkɔmbʉ apɛɨ Asɔɓɨɨ akɔsugo ɓɔ: 3«Hii Makwɔɓɨɨ, ɓaguwe ngʉɓa ɓa꞉maa magbɛ ngʉkɔsɔɔ, nɔ, ɓɔ꞉panja kʉ nɔ ɓagbɔgbɔ ngʉɓɔsɔɔ ɓɔ nʉya mutebii. Tɨta ɨmɨ nangana akɛ nɔtukoo, nɔ, ɓahata tɨa kʉ nɛmɨ anɨwa.» 4Asɔɓɨɨ a꞉mutosio dɔ tɨa tanɨ? Ga ɨyɔ nayɔ ɓɔ: «Nanɔ ɓague ɓɔsɛmɨ ɛlɔfʉ mɛɗɨanɛka, ʉɓa, ɓangɔgbʉkʉmɨamʉ mawu apɛɨ ɔ mʉngʉ ɔ majɛjɛ ngia eno ɓɔ Balɨ.» 5Nɔ ɓʉɓʉnʉ ya ngbanga kʉ ɓanɨ, mukpekpe yɔ Ɓaɨsalaɛlɛ ɓa ta kʉɔ ʉɓa ɓa꞉tukoo, ʉɓa, Asɔɓɨɨ a꞉ɓʉchwa akpatanakɨa nɔ ɨjɨɔ ngɨangɔ. 6Nɔ yɔɓieni ɓɔ Asɔɓɨɨ a꞉ɓʉchwa ɨngbaa akɔ ɨjɨɔ ngɨangɔ, yakɔsugo ɓɔ yangɔmʉ ɨngbaa akɔ mʉkyananakɨa wɔta uɗo ngʉweɓo, dɔ yɔ꞉ɓieni jɛnɛ ɓanɨ, ambɔ ɨjɨɔ ngɨa Asɔɓɨɨ yangɔmʉ ɓata ndʉ aka yɔkwanana-ɔɔ ɓio.
7Yakʉnda sugo tanɨ? Ɓʉjanana ɓɔ ɓana ɓɔ Ɓaɨsalaɛlɛ, ɓɛ꞉ nɨanɨamʉ nɔ yaka ngɨyɛ ɓa꞉ɓio ahata. Ya ta mukpekpe yɔngɔ ngʉɓa Asɔɓɨɨ a꞉ɓʉchwa akɛ, ɓɛ꞉nɨanɨa nayɔ. Yakamɛngana, ʉɓa ɓa꞉tukoo, ɓa꞉ɓio tii ɓata adaa ngɨa ɓapemiso-ɔɔ yaka. 8Ngbanga ta ndʉ aka yatɛndanakɨa-ɔɔ amati ɔ Mabii ɓɔ:
«Asɔɓɨɨ a꞉ɓʉkwiso ɨjɨma nɔgbɛ amati ɔ nɨmbɨmbɨanaka ngɨyeɓo.
Akɔɓɔya kʉndʉ ɓʉɓʉnʉ, a꞉ɓukuto mesu dɔ ɓatɨɓiomʉ anɨna,
nɔ ɔ꞉ɓʉdɨkpaka machwei dɔ ɓatiɓiomʉ anʉka.»#popoko Tngw 29:3; Isa 29:10
9Ngama Dawidi a꞉matɨa ɓata asugo kʉ ɓɔ:
«Ambɔ lɨbɔmbɔ lɔ dyakanaka ngɨleɓo lɨnatana gɔ aɓio tɨa ipindi, nɔ mayia, naɓɔ anɨfa
nɔ, ʉpɨa ngʉwa ɓakwa-ɛɛ amati ɔngɔ,
nɔ, ɓɨdya gɔ ɓʉkaɓʉkaɨ ngʉɓɔ ɓɔkwananɔ ta dyaanɨ.
10Ambɔ ɓɨnatana gɔ aɓio ta ɓombi ɓɔ mamɔmɔ,
nɔ mʉkɔngʉ wɔɓʉguɓonokio ta ingono#popoko Mmb 69:23-24.»
11Kʉdɔ ɓokuo ngɨyɛsɛmɨ ya ɓɔ: Ndʉ Ɓayuda ɓa꞉gbʉsana ɓanɨ, ɓa꞉kwa ndɨ tɨta ingono? Pɔ bele! Ɨɓɔ ɓa꞉ɗɛa mapanʉ, dɔ ɓombi ngʉɓa ɓangɔmʉ Ɓayuda ɓɨnɨanɨa nɔ ɓʉhɛa, iɗo ambɔ ɨɓɔ Ɓaɨsalaɛlɛ, ɓɨkwa tɨa imi. 12Ya ɓanɨ, ɓombi ɓɔ dɔdɔ ɓɛ꞉nɨanɨa nɔ ʉɓʉnga ʉja nɔgbɛ, akʉʉ ɗɛa mapanʉ ngɨyɛ Ɓaɨsalaɛlɛ, nɔ nɨkwa ngɨyeɓo ye꞉njo tɨa ʉɓʉnga ʉja akɔ ɓombi ngʉɓa ɓangɔmʉ Ɓayuda. Tɨa anɨ akɛ ɛ꞊na pɛpɛ dɔ tɨa aka, ɨɓɔ ɓaɓomu ɓɛ꞊nɨnɨa sina-ɔɔ nɔ ɓʉhɛa?
Ɓʉhɛa ɓɔ ɓombi ngʉɓa ɓangɔmʉ Ɓayuda
13Ɨtakɨtakɨ ngɨyɛ, na-sɨ akʉnda tɨa nenu anʉngɨa inu, ɓombi ngʉɓa nangɔmʉ Ɓayuda. Ɨmɨ ingainga, nanɔ ɨmbʉka akɔɓio titima wɔ ɓɨakɨa Ɨsaʉ yɛta Iɗo, akɔ ɓombi ngʉɓa ɓangɔmʉ Ɓayuda. 14Adiga ɓandamɨ Ɓayuda ɓakwa gɔ pɔ imi, akʉʉ tɛa ngɨyɛsɛmɨ, nɔ, mukpekpe yɔngɔ ɓɛnɨanɨa nɔ ɓʉhɛa. 15Ndʉ Asɔɓɨɨ a꞉ɓʉgiso anambamba, kʉdɔ, ɓombi ɓɔ dɔdɔ ngʉɓa ɓa꞉ɓio ɓakwa ɓangɔ, ɓa꞉natana tɨa ɓawai ɓangɔ. Ya꞊kyananakɨa dɔ sina tɨa tanɨ ngbinga ngɨa Asɔɓɨɨ a꞊ɓʉtɛtɨa ɓata sina kʉɔ mbise? Ya꞊ɓio sungo ndʉ ɨyɛ ɓombi ngʉɓa ɓa꞉sio ɓa꞊jʉkana-ɔɔ akɔ ingwo! 16Mombi enjeni Asɔɓɨɨ igbiti yɔ mʉkatɨ, yasugo ɓɔ iti yɔngɔ iɓomu yaɓio tɨa kʉ yangɔ.#popoko Mbo 15:19-20 Nɔ, yɔɓieni ɓɔ ɓenjo mii yɔ ɓʉtɨ akɔ Asɔɓɨɨ, yasugo ɓɔ mɨtapʉ yɔngɔ ya tɨa kʉ yangɔ. 17Ɓaɨsalaɛlɛ ɓa ndʉ ɓʉtɨ ɓɔ Olivɛ ngʉɓa Asɔɓɨɨ a꞉ɓʉhʉna, mbise ɔngɔ ɔkioko mɨtapʉ yɔngɔ nganangana. Ʉwɛ ngɨa wangɔmʉ Muyuda, wa ngbanga ndʉ mʉtapʉ wɔ ɓʉtɨ ɓɔ Olivɛ ɓɔ iju, ngʉwa ɓa꞉ʉkpakpaniso aɨda ngɨyɛ ɓa꞉kio-ɔɔ mʉtapʉ ngʉwɔnanɨ. Nɔ ʉwɛ, wa tɨa akɨa ɓʉkʉʉ, tɨa kʉ nɔ mipo ngʉka kanɨngwa inani aumii wɔ ɓʉtɨ ɓɔ Olivɛ ngʉɓɔnanɨ. 18Kʉɓanɨ, ʉwɛ, watɨnokiomʉ ɓaka mɨtapʉ ngɨyɛnɛnɨ ɓa꞉ɨkio. Wɔkʉndeni akɔbɨbana, ɨmbɨa iɗo ɓɔ sɔkɔmʉ ʉwɛ akɛ, watʉmba mii, yakamɛngana, mii akɛ yanɔwɛ akɔtʉmba ʉwɛ.
19Ʉwɛ, wa꞊sugo sina tɨa ɓɔ: «Ɓa꞉kioko mɨtapʉ ngɨyɛnɛnɨ dɔ, ɓɨnakpakpaniso tɨa ɨmɨ ananɨ.» 20Ya ingono ta ɓanɨ. Ɓa꞉ɓukiokio, dɔ, ɨɓɔ ɓa꞉bayamʉ, ɨnadɔ ʉwɛ, wa꞉baya tɨa bayanɨ. Gʉtʉ ɓanɨ, watɨwomʉ aɗia, yakamɛngana, ɓio gɔ pɛngɛ nɔ ʉɓá. 21Asɔɓɨɨ a꞉kʉngʉwamʉ Ɓayuda ngʉɓa ɓa ndʉ mɨtapʉ yɔ ingono, ngɛnɛngɛnɛ ndɨ ta ʉwɛ? 22Ɛɛ, Asɔɓɨɨ a ɨyɔ ɓanɨ: Iɗo kʉ nɔ ɓʉkaɓʉkaɨ. Ɓʉkaɓʉkaɨ akɔ ɓiga ngʉɓa ɓa꞉ɗɛa mapanʉ ngʉkangɔ, nɔ iɗo akɔ ʉwɛ, wɛsɨnganakeni akɔɓɨnyɨa iɗo iɗo ngɨangɔ. Sɔkɔmʉ ɓanɨ, ambɔ kwakanɨa ngɨyɛsɔɔ tɨa kʉ ɨyɛnɛnɨ. 23Nɔ, yɔɓieni ɓɔ Ɓayuda ɓɔnacho janga báya ngɨyeɓo, ɓa꞊ɓʉkpakpaniso ɓata ta aɨda ngɨyɛ ɓa꞉ɓio jɛnɛ-ɔɔ pɛɨ, dɔ, Asɔɓɨɨ anɔ angu naɓɔ akɔkpakpaniso ɓata kʉ akʉʉ ɔ ɓʉtɨ. 24Ʉwɛ ngɨa wangɔmʉ Muyuda, wa ngbanga ndʉ mʉtapʉ wɔ ɓʉtɨ ɓɔ Olivɛ wɔ iju, ngʉwa ɓa꞉ʉkwaka, nɔ, ɓɛ꞉ka nawɔ aɗeteniso tɨa akɔ ɓʉtɨ ɓɔ ndei, ngʉɓa ɓa꞉ɓʉhʉna hʉna, sɔkɔmʉ ndʉ aka yɔsisekio jɛnɛ-ɔɔ. Ɓayuda ɓa ɨɓɔ ndʉ mʉtapʉ wɔ ɓʉtɨ ngʉɓa ɓa꞉ɓʉhʉna ingainga. Kʉɓanɨ, yangɔɓiomʉ ɓʉkaɨ akɔ Asɔɓɨɨ akɔsɨka mɨtapʉ ngɨyɛnɛnɨ ɓa꞉ɨkwakaka, nɔ nayɔ ɓata aɗeteniso, kʉ mbise ta akɔ ɓʉtɨ ɓɔngɔ ingainga.
Ɨjɨɔ ngɨa Asɔɓɨɨ akɔ ɓombi ɓaɓomu
25Inu ɓanduku, nakʉnda nenu apanjakɨa yaka mɛngana yɔ ɓaɗi ɓaɗi, iɗo ambɔ nátɨsiomʉ ɓakai ga nánɔ nɨmbɨmbɨanaka. Yasugo ɓɔ ndiba ɔ ɓana ɓɔ Ɓaɨsalaɛlɛ ngaɓɔmɔ, ɓa mʉtʉ ɓʉmʉ. Nɔ yaka ngɨyɛnɛnɨ, ya꞊ɓio ta ɓanɨ akɔɓɔya ta aka, ndiba ɔ ɓombi ngʉɓa ɓangɔmʉ Ɓayuda, ɓa꞊kumonio sina-ɔɔ atɨ Asɔɓɨɨ. 26Nɔ tɨa kʉɓanɨ, Ɓaɨsalaɛlɛ ɓaɓomu ɓɛ꞊nɨanɨa sina nɔ ɓʉhɛa, ngbanga ndʉ aka Mabii ka-ɔɔ asugo ɓɔ:
«Muheiso a꞊chwɛanɨa sina anɔ Siona.
Ɨyɔ, a꞉nguso sina yaka yɛta ɓɨɓɨ amati ɔ ɨfananja ngɨyɔ Yakɔɓɔ.
27Agɔmɛ ngɨa na꞊kio sina ɨhɔ naɓo, ɨyɔ ɨyananɨ,
ngbinga ngɨa na꞊nguso sina-ɔɔ ɓʉɓɨɓɨ ngʉɓeɓo#popoko Isa 59:20-21; 27:9.»
28Ɓayuda ɓa꞉natana akɔɓio ɓakwa ɓɔ Asɔɓɨɨ, dɔ ɓa꞉yaa Ɨsaʉ yɛta Iɗo, nɔ ɨyɛnɛnɨ, yanɔ dada akɔ inu ngʉɓa nangɔmʉ Ɓayuda. Yakamɛngana, Asɔɓɨɨ aɓʉkʉnda ta kʉndanɨ, akpatanakɨa nɔ nɨchwa ngɨyɛ a꞉chwa jɛnɛ ɓɛsɛ ɓeɓo. 29Yaɓanɨ dɔ, Asɔɓɨɨ angɔnatananakamʉ ɨyɔ pɔ bele. Enjeni mombi ɨkyɛmʉ ambɔ ɔminjo, nɔ, esokeni mombi ambɔ ɔmisoko. 30Jɛnɛ pɛɨ, inu na꞉ɗɛa mapanʉ kɔ Asɔɓɨɨ kʉ ɗɛanɨ. Yakamɛngana ɓʉɓʉnʉ, akɔkpatanakɨa nɔ ɗɛa mapanʉ ngɨyɔ Ɓayuda, ɨyɔ Asɔɓɨɨ ɔ꞉nɨnɨa ikoko tɨa kʉ ɨnɨanɨ. 31Ngbanga kʉndʉ, Asɔɓɨɨ anenu anɨnɨa inu ikoko, ɓʉɓʉnʉ, ɨɓɔ ɓakɔɗɛa ʉpanʉ, ɓɔ dɔ Asɔɓɨɨ ɨɓɨnɨa ɨɓɔ ikoko kʉɓanɨ. 32Yaɓanɨ, Asɔɓɨɨ a꞉sɨa-sɨ ɓombi ɓaɓomu akɔɓio ta ndʉ ɓombi ɓɔ boloko, dɔ, ɓa꞉ɗɛa mapanʉ, iɗo ambɔ ɨɓʉpananiso tɨa mʉtɨma wɔ ikoko ngʉangɔ akɔ ɨɓɔ kʉ ɓaɓomu.
Ʉbɨba wɔ Asɔɓɨɨ wa ʉja nɔgbɛ
33Ɨna ambɔ lɨkyɛmʉ, nɔ nɨmbɨmbɨanaka ngɨyɔ Asɔɓɨɨ ya kisoɓá-e! Ɨyɔ, ɛmbɨa yaka ta iɓomu! Anɨ dɔ ɨya akwanana pemiso mʉkɔmbʉ ngʉwangɔ? Anɨ dɔ ɨya akwanana pemiso yaka ngɨangɔ a꞊ɨkwasio? 34Ya ngbanga ndʉ Mabii kakɔsugo ɓɔ:
«Anɨ akɛ a꞉pemiso itungwio ngɨyɔ Makwɔɓɨɨ?
Anɨ akɛ a꞉minjo ʉpanʉ?
35Anɨ akɛ a꞉pʉnga jɛnɛ nayɔ aninjo ɨkyɛmʉ, ɓɔ dɔ Asɔɓɨɨ ɨmutosio ɨyɔ, uɓu wɔngɔ tɨa kʉɓanɨ?»#popoko Isa 40:13; Yɔb 41:3
36Dɔ ɨyɔ akɛ, a꞉kɨa likyɛmʉ liɓomu, nɔ lɨkyɛmʉ liɓomu la akɔ uɓei ta ɨngbaa akɔ ɨyɔ, nɔ kʉ akʉʉ angɔ. Ʉbɨba akɔ Asɔɓɨɨ amati ɔ mago nɔ mago-ɛ! Yaɓanɨ!
Právě zvoleno:
Ɓalɔma 11: buuN
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.
Ɓalɔma 11
11
Asɔɓɨɨ agiso kɔmʉ Ɓaɨsalaɛlɛ
1Nákʉnda ɓokuo tɨa ɓɔ: «Asɔɓɨɨ agiso ndɨ ɨfananja ngɨangɔ tɨa gisoni?» Pɔ bele! Dɔ ɨmɨ ingainga, na-sɨ Mʉɨsalaɛlɛ, mʉnɔnɔ wɔ Abalaama, amati ɔ ɨfananja ngɨyɔ Ɓɛnjamini 2Asɔɓɨɨ a꞉gisomʉ ɨfananja ngɨangɔ, ɨyɛ a꞉ɨchwa jɛnɛ kʉ pɛɨ. Mabii ka-sɨ asugo tanɨ akʉʉ ɔ yaka ngɨyɛnɛni? Ɨgbɛ Ɛlɨa a꞉napɨa ɓana ɓɔ Ɓaɨsalaɛlɛ nɔ mʉkɔmbʉ apɛɨ Asɔɓɨɨ akɔsugo ɓɔ: 3«Hii Makwɔɓɨɨ, ɓaguwe ngʉɓa ɓa꞉maa magbɛ ngʉkɔsɔɔ, nɔ, ɓɔ꞉panja kʉ nɔ ɓagbɔgbɔ ngʉɓɔsɔɔ ɓɔ nʉya mutebii. Tɨta ɨmɨ nangana akɛ nɔtukoo, nɔ, ɓahata tɨa kʉ nɛmɨ anɨwa.» 4Asɔɓɨɨ a꞉mutosio dɔ tɨa tanɨ? Ga ɨyɔ nayɔ ɓɔ: «Nanɔ ɓague ɓɔsɛmɨ ɛlɔfʉ mɛɗɨanɛka, ʉɓa, ɓangɔgbʉkʉmɨamʉ mawu apɛɨ ɔ mʉngʉ ɔ majɛjɛ ngia eno ɓɔ Balɨ.» 5Nɔ ɓʉɓʉnʉ ya ngbanga kʉ ɓanɨ, mukpekpe yɔ Ɓaɨsalaɛlɛ ɓa ta kʉɔ ʉɓa ɓa꞉tukoo, ʉɓa, Asɔɓɨɨ a꞉ɓʉchwa akpatanakɨa nɔ ɨjɨɔ ngɨangɔ. 6Nɔ yɔɓieni ɓɔ Asɔɓɨɨ a꞉ɓʉchwa ɨngbaa akɔ ɨjɨɔ ngɨangɔ, yakɔsugo ɓɔ yangɔmʉ ɨngbaa akɔ mʉkyananakɨa wɔta uɗo ngʉweɓo, dɔ yɔ꞉ɓieni jɛnɛ ɓanɨ, ambɔ ɨjɨɔ ngɨa Asɔɓɨɨ yangɔmʉ ɓata ndʉ aka yɔkwanana-ɔɔ ɓio.
7Yakʉnda sugo tanɨ? Ɓʉjanana ɓɔ ɓana ɓɔ Ɓaɨsalaɛlɛ, ɓɛ꞉ nɨanɨamʉ nɔ yaka ngɨyɛ ɓa꞉ɓio ahata. Ya ta mukpekpe yɔngɔ ngʉɓa Asɔɓɨɨ a꞉ɓʉchwa akɛ, ɓɛ꞉nɨanɨa nayɔ. Yakamɛngana, ʉɓa ɓa꞉tukoo, ɓa꞉ɓio tii ɓata adaa ngɨa ɓapemiso-ɔɔ yaka. 8Ngbanga ta ndʉ aka yatɛndanakɨa-ɔɔ amati ɔ Mabii ɓɔ:
«Asɔɓɨɨ a꞉ɓʉkwiso ɨjɨma nɔgbɛ amati ɔ nɨmbɨmbɨanaka ngɨyeɓo.
Akɔɓɔya kʉndʉ ɓʉɓʉnʉ, a꞉ɓukuto mesu dɔ ɓatɨɓiomʉ anɨna,
nɔ ɔ꞉ɓʉdɨkpaka machwei dɔ ɓatiɓiomʉ anʉka.»#popoko Tngw 29:3; Isa 29:10
9Ngama Dawidi a꞉matɨa ɓata asugo kʉ ɓɔ:
«Ambɔ lɨbɔmbɔ lɔ dyakanaka ngɨleɓo lɨnatana gɔ aɓio tɨa ipindi, nɔ mayia, naɓɔ anɨfa
nɔ, ʉpɨa ngʉwa ɓakwa-ɛɛ amati ɔngɔ,
nɔ, ɓɨdya gɔ ɓʉkaɓʉkaɨ ngʉɓɔ ɓɔkwananɔ ta dyaanɨ.
10Ambɔ ɓɨnatana gɔ aɓio ta ɓombi ɓɔ mamɔmɔ,
nɔ mʉkɔngʉ wɔɓʉguɓonokio ta ingono#popoko Mmb 69:23-24.»
11Kʉdɔ ɓokuo ngɨyɛsɛmɨ ya ɓɔ: Ndʉ Ɓayuda ɓa꞉gbʉsana ɓanɨ, ɓa꞉kwa ndɨ tɨta ingono? Pɔ bele! Ɨɓɔ ɓa꞉ɗɛa mapanʉ, dɔ ɓombi ngʉɓa ɓangɔmʉ Ɓayuda ɓɨnɨanɨa nɔ ɓʉhɛa, iɗo ambɔ ɨɓɔ Ɓaɨsalaɛlɛ, ɓɨkwa tɨa imi. 12Ya ɓanɨ, ɓombi ɓɔ dɔdɔ ɓɛ꞉nɨanɨa nɔ ʉɓʉnga ʉja nɔgbɛ, akʉʉ ɗɛa mapanʉ ngɨyɛ Ɓaɨsalaɛlɛ, nɔ nɨkwa ngɨyeɓo ye꞉njo tɨa ʉɓʉnga ʉja akɔ ɓombi ngʉɓa ɓangɔmʉ Ɓayuda. Tɨa anɨ akɛ ɛ꞊na pɛpɛ dɔ tɨa aka, ɨɓɔ ɓaɓomu ɓɛ꞊nɨnɨa sina-ɔɔ nɔ ɓʉhɛa?
Ɓʉhɛa ɓɔ ɓombi ngʉɓa ɓangɔmʉ Ɓayuda
13Ɨtakɨtakɨ ngɨyɛ, na-sɨ akʉnda tɨa nenu anʉngɨa inu, ɓombi ngʉɓa nangɔmʉ Ɓayuda. Ɨmɨ ingainga, nanɔ ɨmbʉka akɔɓio titima wɔ ɓɨakɨa Ɨsaʉ yɛta Iɗo, akɔ ɓombi ngʉɓa ɓangɔmʉ Ɓayuda. 14Adiga ɓandamɨ Ɓayuda ɓakwa gɔ pɔ imi, akʉʉ tɛa ngɨyɛsɛmɨ, nɔ, mukpekpe yɔngɔ ɓɛnɨanɨa nɔ ɓʉhɛa. 15Ndʉ Asɔɓɨɨ a꞉ɓʉgiso anambamba, kʉdɔ, ɓombi ɓɔ dɔdɔ ngʉɓa ɓa꞉ɓio ɓakwa ɓangɔ, ɓa꞉natana tɨa ɓawai ɓangɔ. Ya꞊kyananakɨa dɔ sina tɨa tanɨ ngbinga ngɨa Asɔɓɨɨ a꞊ɓʉtɛtɨa ɓata sina kʉɔ mbise? Ya꞊ɓio sungo ndʉ ɨyɛ ɓombi ngʉɓa ɓa꞉sio ɓa꞊jʉkana-ɔɔ akɔ ingwo! 16Mombi enjeni Asɔɓɨɨ igbiti yɔ mʉkatɨ, yasugo ɓɔ iti yɔngɔ iɓomu yaɓio tɨa kʉ yangɔ.#popoko Mbo 15:19-20 Nɔ, yɔɓieni ɓɔ ɓenjo mii yɔ ɓʉtɨ akɔ Asɔɓɨɨ, yasugo ɓɔ mɨtapʉ yɔngɔ ya tɨa kʉ yangɔ. 17Ɓaɨsalaɛlɛ ɓa ndʉ ɓʉtɨ ɓɔ Olivɛ ngʉɓa Asɔɓɨɨ a꞉ɓʉhʉna, mbise ɔngɔ ɔkioko mɨtapʉ yɔngɔ nganangana. Ʉwɛ ngɨa wangɔmʉ Muyuda, wa ngbanga ndʉ mʉtapʉ wɔ ɓʉtɨ ɓɔ Olivɛ ɓɔ iju, ngʉwa ɓa꞉ʉkpakpaniso aɨda ngɨyɛ ɓa꞉kio-ɔɔ mʉtapʉ ngʉwɔnanɨ. Nɔ ʉwɛ, wa tɨa akɨa ɓʉkʉʉ, tɨa kʉ nɔ mipo ngʉka kanɨngwa inani aumii wɔ ɓʉtɨ ɓɔ Olivɛ ngʉɓɔnanɨ. 18Kʉɓanɨ, ʉwɛ, watɨnokiomʉ ɓaka mɨtapʉ ngɨyɛnɛnɨ ɓa꞉ɨkio. Wɔkʉndeni akɔbɨbana, ɨmbɨa iɗo ɓɔ sɔkɔmʉ ʉwɛ akɛ, watʉmba mii, yakamɛngana, mii akɛ yanɔwɛ akɔtʉmba ʉwɛ.
19Ʉwɛ, wa꞊sugo sina tɨa ɓɔ: «Ɓa꞉kioko mɨtapʉ ngɨyɛnɛnɨ dɔ, ɓɨnakpakpaniso tɨa ɨmɨ ananɨ.» 20Ya ingono ta ɓanɨ. Ɓa꞉ɓukiokio, dɔ, ɨɓɔ ɓa꞉bayamʉ, ɨnadɔ ʉwɛ, wa꞉baya tɨa bayanɨ. Gʉtʉ ɓanɨ, watɨwomʉ aɗia, yakamɛngana, ɓio gɔ pɛngɛ nɔ ʉɓá. 21Asɔɓɨɨ a꞉kʉngʉwamʉ Ɓayuda ngʉɓa ɓa ndʉ mɨtapʉ yɔ ingono, ngɛnɛngɛnɛ ndɨ ta ʉwɛ? 22Ɛɛ, Asɔɓɨɨ a ɨyɔ ɓanɨ: Iɗo kʉ nɔ ɓʉkaɓʉkaɨ. Ɓʉkaɓʉkaɨ akɔ ɓiga ngʉɓa ɓa꞉ɗɛa mapanʉ ngʉkangɔ, nɔ iɗo akɔ ʉwɛ, wɛsɨnganakeni akɔɓɨnyɨa iɗo iɗo ngɨangɔ. Sɔkɔmʉ ɓanɨ, ambɔ kwakanɨa ngɨyɛsɔɔ tɨa kʉ ɨyɛnɛnɨ. 23Nɔ, yɔɓieni ɓɔ Ɓayuda ɓɔnacho janga báya ngɨyeɓo, ɓa꞊ɓʉkpakpaniso ɓata ta aɨda ngɨyɛ ɓa꞉ɓio jɛnɛ-ɔɔ pɛɨ, dɔ, Asɔɓɨɨ anɔ angu naɓɔ akɔkpakpaniso ɓata kʉ akʉʉ ɔ ɓʉtɨ. 24Ʉwɛ ngɨa wangɔmʉ Muyuda, wa ngbanga ndʉ mʉtapʉ wɔ ɓʉtɨ ɓɔ Olivɛ wɔ iju, ngʉwa ɓa꞉ʉkwaka, nɔ, ɓɛ꞉ka nawɔ aɗeteniso tɨa akɔ ɓʉtɨ ɓɔ ndei, ngʉɓa ɓa꞉ɓʉhʉna hʉna, sɔkɔmʉ ndʉ aka yɔsisekio jɛnɛ-ɔɔ. Ɓayuda ɓa ɨɓɔ ndʉ mʉtapʉ wɔ ɓʉtɨ ngʉɓa ɓa꞉ɓʉhʉna ingainga. Kʉɓanɨ, yangɔɓiomʉ ɓʉkaɨ akɔ Asɔɓɨɨ akɔsɨka mɨtapʉ ngɨyɛnɛnɨ ɓa꞉ɨkwakaka, nɔ nayɔ ɓata aɗeteniso, kʉ mbise ta akɔ ɓʉtɨ ɓɔngɔ ingainga.
Ɨjɨɔ ngɨa Asɔɓɨɨ akɔ ɓombi ɓaɓomu
25Inu ɓanduku, nakʉnda nenu apanjakɨa yaka mɛngana yɔ ɓaɗi ɓaɗi, iɗo ambɔ nátɨsiomʉ ɓakai ga nánɔ nɨmbɨmbɨanaka. Yasugo ɓɔ ndiba ɔ ɓana ɓɔ Ɓaɨsalaɛlɛ ngaɓɔmɔ, ɓa mʉtʉ ɓʉmʉ. Nɔ yaka ngɨyɛnɛnɨ, ya꞊ɓio ta ɓanɨ akɔɓɔya ta aka, ndiba ɔ ɓombi ngʉɓa ɓangɔmʉ Ɓayuda, ɓa꞊kumonio sina-ɔɔ atɨ Asɔɓɨɨ. 26Nɔ tɨa kʉɓanɨ, Ɓaɨsalaɛlɛ ɓaɓomu ɓɛ꞊nɨanɨa sina nɔ ɓʉhɛa, ngbanga ndʉ aka Mabii ka-ɔɔ asugo ɓɔ:
«Muheiso a꞊chwɛanɨa sina anɔ Siona.
Ɨyɔ, a꞉nguso sina yaka yɛta ɓɨɓɨ amati ɔ ɨfananja ngɨyɔ Yakɔɓɔ.
27Agɔmɛ ngɨa na꞊kio sina ɨhɔ naɓo, ɨyɔ ɨyananɨ,
ngbinga ngɨa na꞊nguso sina-ɔɔ ɓʉɓɨɓɨ ngʉɓeɓo#popoko Isa 59:20-21; 27:9.»
28Ɓayuda ɓa꞉natana akɔɓio ɓakwa ɓɔ Asɔɓɨɨ, dɔ ɓa꞉yaa Ɨsaʉ yɛta Iɗo, nɔ ɨyɛnɛnɨ, yanɔ dada akɔ inu ngʉɓa nangɔmʉ Ɓayuda. Yakamɛngana, Asɔɓɨɨ aɓʉkʉnda ta kʉndanɨ, akpatanakɨa nɔ nɨchwa ngɨyɛ a꞉chwa jɛnɛ ɓɛsɛ ɓeɓo. 29Yaɓanɨ dɔ, Asɔɓɨɨ angɔnatananakamʉ ɨyɔ pɔ bele. Enjeni mombi ɨkyɛmʉ ambɔ ɔminjo, nɔ, esokeni mombi ambɔ ɔmisoko. 30Jɛnɛ pɛɨ, inu na꞉ɗɛa mapanʉ kɔ Asɔɓɨɨ kʉ ɗɛanɨ. Yakamɛngana ɓʉɓʉnʉ, akɔkpatanakɨa nɔ ɗɛa mapanʉ ngɨyɔ Ɓayuda, ɨyɔ Asɔɓɨɨ ɔ꞉nɨnɨa ikoko tɨa kʉ ɨnɨanɨ. 31Ngbanga kʉndʉ, Asɔɓɨɨ anenu anɨnɨa inu ikoko, ɓʉɓʉnʉ, ɨɓɔ ɓakɔɗɛa ʉpanʉ, ɓɔ dɔ Asɔɓɨɨ ɨɓɨnɨa ɨɓɔ ikoko kʉɓanɨ. 32Yaɓanɨ, Asɔɓɨɨ a꞉sɨa-sɨ ɓombi ɓaɓomu akɔɓio ta ndʉ ɓombi ɓɔ boloko, dɔ, ɓa꞉ɗɛa mapanʉ, iɗo ambɔ ɨɓʉpananiso tɨa mʉtɨma wɔ ikoko ngʉangɔ akɔ ɨɓɔ kʉ ɓaɓomu.
Ʉbɨba wɔ Asɔɓɨɨ wa ʉja nɔgbɛ
33Ɨna ambɔ lɨkyɛmʉ, nɔ nɨmbɨmbɨanaka ngɨyɔ Asɔɓɨɨ ya kisoɓá-e! Ɨyɔ, ɛmbɨa yaka ta iɓomu! Anɨ dɔ ɨya akwanana pemiso mʉkɔmbʉ ngʉwangɔ? Anɨ dɔ ɨya akwanana pemiso yaka ngɨangɔ a꞊ɨkwasio? 34Ya ngbanga ndʉ Mabii kakɔsugo ɓɔ:
«Anɨ akɛ a꞉pemiso itungwio ngɨyɔ Makwɔɓɨɨ?
Anɨ akɛ a꞉minjo ʉpanʉ?
35Anɨ akɛ a꞉pʉnga jɛnɛ nayɔ aninjo ɨkyɛmʉ, ɓɔ dɔ Asɔɓɨɨ ɨmutosio ɨyɔ, uɓu wɔngɔ tɨa kʉɓanɨ?»#popoko Isa 40:13; Yɔb 41:3
36Dɔ ɨyɔ akɛ, a꞉kɨa likyɛmʉ liɓomu, nɔ lɨkyɛmʉ liɓomu la akɔ uɓei ta ɨngbaa akɔ ɨyɔ, nɔ kʉ akʉʉ angɔ. Ʉbɨba akɔ Asɔɓɨɨ amati ɔ mago nɔ mago-ɛ! Yaɓanɨ!
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.