Ɓalɔma 10
10
1Inu ɓanduku, yaka ngɨyɛ nakɔhata nɔ angu amati ɔ mʉtɨma ngʉwɔsɛmɨ, nɔ ɨyɛ, nanɨta Asɔɓɨɨ akʉʉ ɔngɔ, ya ɓɔ Ɓayuda ɓɨnɨanɨa gɔ nɔ ɓʉhɛa. 2Dɔ, nanɨmbɨa iɗo ɓɔ ɓaninjono nɔ kɛkɛɛ nɔgbɛ akɔ tɛa yɔ Asɔɓɨɨ, yakamɛngana, kɛkɛɛ ɔngɔ angɔmʉ nɔ nɨmbɨmbɨanaka yɔ ingono. 3Dɔ, ɓa꞉kɔpemisomʉ ɓɔ Asɔɓɨɨ asɨka ɓombi aɓio ngbingbii amesu kangɔ tanɨ. Kʉdɔ, ɓɔɓio akɔhata anɨmaiso ɓʉngbingbii tɨta nɔ ingbaa nga yeɓo ingainga. Ɨngbaa ngɨyɛ yɔkwananɔ akɔkpata aɓio ngbingbii amesu kɔ Asɔɓɨɨ, ɨɓɔ, ɓɔ꞉ɨyaa ta yaa. 4Ɨnadɔ, Klisito akɛ, a꞉pipiso angu ɔ Mapanʉ, iɗo ambɔ mombi muɓomu ngɨa amʉbaya, ɨnɨanɨa ndʉ mombi ata ngbingbii amesu kɔ Asɔɓɨɨ.
Ɓʉhɛa ɓa akɔ ɓombi ɓaɓomu
5Yaka ngɨyɛ Musa a꞉tɛndakɨa jɛnɛ akʉʉ ɔ mombi, akɔnɨnɨanɨa ndʉ mombi ata ngbingbii, amesu kɔ Asɔɓɨɨ ɨngbaa akɔ kyananakɨa mapanʉ, ya꞉ɓio ɓɔ: «Mombi ngɨa akyananakɨa mapanʉ a꞊dya uɓei ta ɨngbaa akɔ mapanʉ». 6Yakamɛngana, akʉʉ ɔ yaka ngɨyɛ mombi anɨka ngbingbii ɨngbaa akɔ báya, ya꞉yakanɨa ɓɔ: «Watɨɓokwonomʉ amati asɔɔ ɓɔ: ‹Anɨ ɨyakɛ, a꞊ɗeto sina akʉʉ ɔ ɓisi?›» (Ɨsɨ yɔngɔ ɓɔ anudisiso Klisito.) 7Nɔ, watɨɓokwɔnɔmʉ ɓata kʉɓanɨ ɓɔ: «Anɨ ɨyakɛ a꞊jo sina aɓʉbɨɨ?» (Ɨsɨ yɔngɔ ɓɔ achwɛiso Klisito ati ɔ ɓombi ngʉɓa ɓa꞉sio?) 8Yakʉnda sugo ingainga ɓɔ: «Ʉpanʉ wɔ Asɔɓɨɨ wa tinene nɔ ʉwɛ, wa amati ɔ monu ngʉkɔsɔɔ, nɔ, amati ɔ mʉtɨma ngʉwɔsɔɔ#popoko Tngw 30:12-14.» (Ʉpanʉ wɔngɔ wa ɨsaʉ ngɨyɛ takɔɓɨakɨa akʉʉ ɔ báya). 9Ndʉ waɓɨnyɨa nɔ monu ngʉkɔsɔɔ ingainga ɓɔ Yeso a Makwɔɓɨɨ, nɔ, wɔbaya nɔ mʉtɨma ngʉwɔsɔɔ ɓɔ Asɔɓɨɨ a꞉mʉjʉkaniso jɛnɛ akɔ ingwo, wɛnɨanɨa nɔ ɓʉhɛa. 10Dɔ, mombi ɔbayeni nɔ mʉtɨma ngʉwangɔ, kʉdɔ, Asɔɓɨɨ amʉsɨka ndʉ mombi ata ngbingbii amesu kangɔ. Nɔ ɓata, ɔɓɨnyɨeni nɔ monu ngʉkangɔ, kʉdɔ, ɨnɨanɨa nɔ ɓʉhɛa. 11Mabii kɔ Asɔɓɨɨ kasugo ɓɔ: Mombi muɓomu «ngɨa amʉbaya angɔwomʉ soni pɔ bele.#popoko Isa 28:16» 12Kʉɓanɨ, ɨbaba yangɔmʉ ati ɔ Ɓayuda nɔ ɓombi ngʉɓa ɓangɔmʉ Ɓayuda. Dɔ, Makwɔɓɨɨ ngɨa ɔ ɓombi ɓaɓomu a ta mʉngana, nɔ, a ɨkɔndɔ kpala akʉʉ ɔ ɓombi ɓaɓomu ngʉɓa ɓamʉndɨanɨa. 13Ya kʉndʉ Mabii kakɔsugo ɓɔ: «Mombi muɓomu ngɨa andɨanɨa Makwɔɓɨɨ, ɛ꞊nɨanɨa nɔ ɓʉhɛa.#popoko Yɔɛ 3:5»
14Mombi akwanana dɔ-sɨ andɨanɨa Makwɔɓɨɨ tanɨ, ɔmʉbayenimʉ? Nɔ, amʉbaya dɔ-sɨ tanɨ, ɔkenimʉ ɨsaʉ yangɔ? Nɔ ɓata, ɔka ɨsaʉ yangɔ tanɨ, mombi pɔ mʉngana ɔmʉɓɨakɨenimʉ? 15Nɔ, ɓamʉɓɨakɨa tanɨ, ɓɔtʉmenimʉ mombi pɔ mʉngana nayɔ aɓɨakɨa? Ya ngbanga ndʉ yatɛndanakɨa amati ɔ Mabii kɔ Asɔɓɨɨ ɓɔ: «Ina ambɔ ɨgyagya ya kiso ʉɓá-e, anɨna mombi ngɨa aɓɨakɨa Ɨsaʉ yɛta Iɗo anɨka-e!#popoko Isa 52:7» 16Yakamɛngana, Ɨsaʉ yɛta Iɗo ngɨyɛnɛnɨ, sɔkɔmʉ ɓombi ɓaɓomu ɓa꞉ɨɓɨnyɨa. Akʉʉ ɔ yaka yɔngɔ, Ɨgbɛ Isaya akɔsugo ɓɔ: «Makwɔɓɨɨ, anɨ ɨya a꞉baya ɨsaʉ ngɨyɛ ta꞉ɨɓɨakɨa?#popoko Isa 53:1» 17Kʉɓanɨ, mombi abayanakɨa ta ɨngbaa akɔ nʉka ɨsaʉ, nɔ, ɨsaʉ yɔngɔ ya ʉpanʉ ngʉwɔ Klisito.
18Kʉdɔ, nakɔɓokuo tɨa ɓɔ: Ɓayuda ɓɔ꞉ka ndɨ ɨɓɔ ɨsaʉ ngɨyɛnɛnɨ kʉ ʉkanɨ? Ii, ɓɔ꞉ka ʉkanɨ! Dɔ, Mabii ka꞉sugo ɓɔ:
«Ɓɔ꞉ka isó yɔ ɓatitima ʉkanɨ, amati ɔ dɔdɔ ta muɓomu,
nɔ, ɨsaʉ ngɨyeɓo ya꞉sa sanɨ aɓɔya ta amiɓo wɔ dɔdɔ#popoko Mmb 19:5».
19Na-sɨ ɓata aɓokuo kʉ ɓɔ: «Ɓaɨsalaɛlɛ ɓa꞉pemiso ndɨ ɨsaʉ ngɨyɛnɛnɨ pemisoni?» Musa a꞉ɓio mombi ɔ pɛɨ atosio yaka ngɨyɛnɛnɨ ɓɔ:
«Na꞊nɨnacho sina aɓio nɔ imi akʉʉ ɔ ɓombi ngʉɓa ɓangɔmʉ ɨbaba yɔ ɓombi. Na꞊nɨnacho sina aɓio nɔ ʉnganga akʉʉ ɔ ɨbaba yɔ ɓombi ngʉɓa ɓangɔmʉ nɔ nɨmbɨmbɨanaka#popoko Tngw 32:21».
20Isaya a꞉sugo ɓata yaka nɔ iguegue kʉ ɓɔ:
«Ɓombi ngʉɓa ɓa꞉ɓiomʉ jɛnɛ nɛmɨ ahata, ɓa꞉nejeyo tɨa ijeyoni.
Nɔ ɓombi ngʉɓa ɓangɔɓinaɓokuo ɓɔ na gbanɨ, na꞉ɓʉchwɛania aɓʉmba tɨa chwɛanɨanɨ.
21Yakamɛngana, asugo akʉʉ ɔ ɓana ɓɔ Ɓaɨsalaɛlɛ ɓɔ:
‹Masi maɓomu na꞉yomo lɨkɔndɔ anisoko ɨfananja ngɨa mʉtʉ ɓʉmʉ,
nɔ ɨyɛ, yangɔkyananakɨa mapanʉ#popoko Isa 65:1›».
Právě zvoleno:
Ɓalɔma 10: buuN
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.
Ɓalɔma 10
10
1Inu ɓanduku, yaka ngɨyɛ nakɔhata nɔ angu amati ɔ mʉtɨma ngʉwɔsɛmɨ, nɔ ɨyɛ, nanɨta Asɔɓɨɨ akʉʉ ɔngɔ, ya ɓɔ Ɓayuda ɓɨnɨanɨa gɔ nɔ ɓʉhɛa. 2Dɔ, nanɨmbɨa iɗo ɓɔ ɓaninjono nɔ kɛkɛɛ nɔgbɛ akɔ tɛa yɔ Asɔɓɨɨ, yakamɛngana, kɛkɛɛ ɔngɔ angɔmʉ nɔ nɨmbɨmbɨanaka yɔ ingono. 3Dɔ, ɓa꞉kɔpemisomʉ ɓɔ Asɔɓɨɨ asɨka ɓombi aɓio ngbingbii amesu kangɔ tanɨ. Kʉdɔ, ɓɔɓio akɔhata anɨmaiso ɓʉngbingbii tɨta nɔ ingbaa nga yeɓo ingainga. Ɨngbaa ngɨyɛ yɔkwananɔ akɔkpata aɓio ngbingbii amesu kɔ Asɔɓɨɨ, ɨɓɔ, ɓɔ꞉ɨyaa ta yaa. 4Ɨnadɔ, Klisito akɛ, a꞉pipiso angu ɔ Mapanʉ, iɗo ambɔ mombi muɓomu ngɨa amʉbaya, ɨnɨanɨa ndʉ mombi ata ngbingbii amesu kɔ Asɔɓɨɨ.
Ɓʉhɛa ɓa akɔ ɓombi ɓaɓomu
5Yaka ngɨyɛ Musa a꞉tɛndakɨa jɛnɛ akʉʉ ɔ mombi, akɔnɨnɨanɨa ndʉ mombi ata ngbingbii, amesu kɔ Asɔɓɨɨ ɨngbaa akɔ kyananakɨa mapanʉ, ya꞉ɓio ɓɔ: «Mombi ngɨa akyananakɨa mapanʉ a꞊dya uɓei ta ɨngbaa akɔ mapanʉ». 6Yakamɛngana, akʉʉ ɔ yaka ngɨyɛ mombi anɨka ngbingbii ɨngbaa akɔ báya, ya꞉yakanɨa ɓɔ: «Watɨɓokwonomʉ amati asɔɔ ɓɔ: ‹Anɨ ɨyakɛ, a꞊ɗeto sina akʉʉ ɔ ɓisi?›» (Ɨsɨ yɔngɔ ɓɔ anudisiso Klisito.) 7Nɔ, watɨɓokwɔnɔmʉ ɓata kʉɓanɨ ɓɔ: «Anɨ ɨyakɛ a꞊jo sina aɓʉbɨɨ?» (Ɨsɨ yɔngɔ ɓɔ achwɛiso Klisito ati ɔ ɓombi ngʉɓa ɓa꞉sio?) 8Yakʉnda sugo ingainga ɓɔ: «Ʉpanʉ wɔ Asɔɓɨɨ wa tinene nɔ ʉwɛ, wa amati ɔ monu ngʉkɔsɔɔ, nɔ, amati ɔ mʉtɨma ngʉwɔsɔɔ#popoko Tngw 30:12-14.» (Ʉpanʉ wɔngɔ wa ɨsaʉ ngɨyɛ takɔɓɨakɨa akʉʉ ɔ báya). 9Ndʉ waɓɨnyɨa nɔ monu ngʉkɔsɔɔ ingainga ɓɔ Yeso a Makwɔɓɨɨ, nɔ, wɔbaya nɔ mʉtɨma ngʉwɔsɔɔ ɓɔ Asɔɓɨɨ a꞉mʉjʉkaniso jɛnɛ akɔ ingwo, wɛnɨanɨa nɔ ɓʉhɛa. 10Dɔ, mombi ɔbayeni nɔ mʉtɨma ngʉwangɔ, kʉdɔ, Asɔɓɨɨ amʉsɨka ndʉ mombi ata ngbingbii amesu kangɔ. Nɔ ɓata, ɔɓɨnyɨeni nɔ monu ngʉkangɔ, kʉdɔ, ɨnɨanɨa nɔ ɓʉhɛa. 11Mabii kɔ Asɔɓɨɨ kasugo ɓɔ: Mombi muɓomu «ngɨa amʉbaya angɔwomʉ soni pɔ bele.#popoko Isa 28:16» 12Kʉɓanɨ, ɨbaba yangɔmʉ ati ɔ Ɓayuda nɔ ɓombi ngʉɓa ɓangɔmʉ Ɓayuda. Dɔ, Makwɔɓɨɨ ngɨa ɔ ɓombi ɓaɓomu a ta mʉngana, nɔ, a ɨkɔndɔ kpala akʉʉ ɔ ɓombi ɓaɓomu ngʉɓa ɓamʉndɨanɨa. 13Ya kʉndʉ Mabii kakɔsugo ɓɔ: «Mombi muɓomu ngɨa andɨanɨa Makwɔɓɨɨ, ɛ꞊nɨanɨa nɔ ɓʉhɛa.#popoko Yɔɛ 3:5»
14Mombi akwanana dɔ-sɨ andɨanɨa Makwɔɓɨɨ tanɨ, ɔmʉbayenimʉ? Nɔ, amʉbaya dɔ-sɨ tanɨ, ɔkenimʉ ɨsaʉ yangɔ? Nɔ ɓata, ɔka ɨsaʉ yangɔ tanɨ, mombi pɔ mʉngana ɔmʉɓɨakɨenimʉ? 15Nɔ, ɓamʉɓɨakɨa tanɨ, ɓɔtʉmenimʉ mombi pɔ mʉngana nayɔ aɓɨakɨa? Ya ngbanga ndʉ yatɛndanakɨa amati ɔ Mabii kɔ Asɔɓɨɨ ɓɔ: «Ina ambɔ ɨgyagya ya kiso ʉɓá-e, anɨna mombi ngɨa aɓɨakɨa Ɨsaʉ yɛta Iɗo anɨka-e!#popoko Isa 52:7» 16Yakamɛngana, Ɨsaʉ yɛta Iɗo ngɨyɛnɛnɨ, sɔkɔmʉ ɓombi ɓaɓomu ɓa꞉ɨɓɨnyɨa. Akʉʉ ɔ yaka yɔngɔ, Ɨgbɛ Isaya akɔsugo ɓɔ: «Makwɔɓɨɨ, anɨ ɨya a꞉baya ɨsaʉ ngɨyɛ ta꞉ɨɓɨakɨa?#popoko Isa 53:1» 17Kʉɓanɨ, mombi abayanakɨa ta ɨngbaa akɔ nʉka ɨsaʉ, nɔ, ɨsaʉ yɔngɔ ya ʉpanʉ ngʉwɔ Klisito.
18Kʉdɔ, nakɔɓokuo tɨa ɓɔ: Ɓayuda ɓɔ꞉ka ndɨ ɨɓɔ ɨsaʉ ngɨyɛnɛnɨ kʉ ʉkanɨ? Ii, ɓɔ꞉ka ʉkanɨ! Dɔ, Mabii ka꞉sugo ɓɔ:
«Ɓɔ꞉ka isó yɔ ɓatitima ʉkanɨ, amati ɔ dɔdɔ ta muɓomu,
nɔ, ɨsaʉ ngɨyeɓo ya꞉sa sanɨ aɓɔya ta amiɓo wɔ dɔdɔ#popoko Mmb 19:5».
19Na-sɨ ɓata aɓokuo kʉ ɓɔ: «Ɓaɨsalaɛlɛ ɓa꞉pemiso ndɨ ɨsaʉ ngɨyɛnɛnɨ pemisoni?» Musa a꞉ɓio mombi ɔ pɛɨ atosio yaka ngɨyɛnɛnɨ ɓɔ:
«Na꞊nɨnacho sina aɓio nɔ imi akʉʉ ɔ ɓombi ngʉɓa ɓangɔmʉ ɨbaba yɔ ɓombi. Na꞊nɨnacho sina aɓio nɔ ʉnganga akʉʉ ɔ ɨbaba yɔ ɓombi ngʉɓa ɓangɔmʉ nɔ nɨmbɨmbɨanaka#popoko Tngw 32:21».
20Isaya a꞉sugo ɓata yaka nɔ iguegue kʉ ɓɔ:
«Ɓombi ngʉɓa ɓa꞉ɓiomʉ jɛnɛ nɛmɨ ahata, ɓa꞉nejeyo tɨa ijeyoni.
Nɔ ɓombi ngʉɓa ɓangɔɓinaɓokuo ɓɔ na gbanɨ, na꞉ɓʉchwɛania aɓʉmba tɨa chwɛanɨanɨ.
21Yakamɛngana, asugo akʉʉ ɔ ɓana ɓɔ Ɓaɨsalaɛlɛ ɓɔ:
‹Masi maɓomu na꞉yomo lɨkɔndɔ anisoko ɨfananja ngɨa mʉtʉ ɓʉmʉ,
nɔ ɨyɛ, yangɔkyananakɨa mapanʉ#popoko Isa 65:1›».
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2021, Wycliffe Bible Translators, Inc.