APOEM AYANG: 5
5
Adam da" Amyed Ashen yi
(1 Kh 1:1-4)
1 #
Apm 1:27,28. He: zigi Adam da" amyed ashen lhid" xoem" nghoid. Mangsoo gi xangsu: byu ri phain" so: uri nyang: gi nyang: yhang: te" da" xangsu: byu phain" so: too" bye:. 22 #Mat 19:4; Mar 10:6. Nyang: gi yuggi yo' myiyi: yiri phain" so: too" bye:. Nyangnu" ri mainkaid byid: lho: «xangsu: byu» ga: myeing myheing byid:. 3Adam gi 130 zain ju" uri nyang: gi nyang: yo' du da" Shed ga: da" yuggi zoo: dayug doem yoo" bye:. 4Hau: thang: Adam gi zain void 800 doem xo' dei nyid. Nyang: gi gootu: zooshang: yiri yo" lho: 5zain void 930 zain moo mang: shid: loo" bye:.
6Shed gi 105 zain nghoid uri Enusha ri yo" lho: 7hau: thang: 807 zain doem xo' nyid. Nyang: gi gootu: zooshang: yiri yoo" khare" lho: 8apyaid 912 zain moo shid: loo" bye:.
9Enusha gi apyaid 90 zain nghoid ri nyang: gi yuggi zoo: Kenan yo" lho: 10hau: thang: gootu: 815 zain nghoid ri nyang: gi gootu: zooshang: yiri yoo" khare" lho: 11apyaid 905 zain moo shid: loo" bye:.
12Kenan gi 70 zain ju" ri nyang: gi yuggi zoo: Mahalalela ri yo" lho: 13hau: thang: xo' lho: gootu: 840 zain nyid khare". Nyang: gi gootu: zooshang: yiri yoo" kho' lho: 14apyaid 910 zain moo shid: loo" bye:.
15Mahalalela gi 65 zain ju" ri yuggi zoo: Yared ri yo". 16Hau: thang: gootu: zain loem: 830 doem xo' nyid khare". Nyang: gi gootu: zooshang: yiri yo" lho: 17apyaid 895 zain moo mang: shid: bye:.
18Yared gi 162 zain ju" uri nyang: gi yuggi zoo: Enug ri yo". 19Hau: thang: gootu: apyaid 800 zain xo' dei nyid. Nyang: gi gootu: zooshang: yiri yo" lho: 20apyaid 962 zain moo mang: shid: loo" bye:.
21Enug gi 65 zain nghoid uri nyang: gi yuggi nu" Methusela ri yoo" bye:. 22Hau: thang: Enug gi Mangsoo yo' dazoem" dakhoug: zain loem: 300 nyid nyid lho: gootu: zooshang: yiri khu: kaid bye:. 23Nyang: gi apyaid 365 zain mang: sho' nyid khare". 24#Heb 11:5; Yud 14. Nyang: gi nya: dapyaid goin" Mangsoo yo' zoem" khau: nyid lho: hau: thang: nyang: ri amyang khari" loo:. Khasu" wim ga: ri Mangsoo nyang: ri shu" yu pyam bye:.
25Methusela gi 187 zain ju" uri yuggi nu" Lamed ri yo" lho: 26hau: thang: gootu: 782 zain nyid khare". Nyang: gi gootu: zooshang: yiri yoo" kho' lho: 27969 zain moo mang: shid: loo" bye:.
28Lamed gi 182 zain ju" uri yuggi zoo: dayug ri yo" lho: 29nyang: gi «Aseing wigi nheing" khoin" kaid to" da" he: mougmyid moo zei: so' myung: dau nyid khyoo: dangain" mo he: da" zooshang: gi ngoonu" ri loid byoin myenjham" nhang: loo wa nghoid» ga: tid. Houg: yoomo nyang: gi Noa ga: myeing myheing. 30Lamed gi gootu: 595 zain xo' nyid khare". Nyang: gi gootu: zooshang: yiri yoo" khare" lho: 31apyaid 777 zain moo shid: loo" bye:.
32Hau: thang: Noa gi 500 zain nghoid ri Shem- Ham yo' Yaphed ga: da" yuggi zoo: soem" yug ri yoo" bye:.
Právě zvoleno:
APOEM AYANG: 5: LCL
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Lacid Bible © Bible Society of Myanmar, 2009.