Kuurotokwe 24
24
Juu tooravuro a'mwo aguto tooro Poolollu kooti yogalo aduuwiyopo tovinokwono
1Toruda'ai iruko atobuul me'no avlavoka toga pris aguto Ananaiyasol wagwolago Jeruusalem toru wuugollu'mo'mno sumaiyokwe Juu tooravuro mido mollomwalokwe pworogai'aro a'mwo loowo tovino pi'mwo kuudokwe pweke'aro toorai momworaro'no wagwolago Sisariya tomuuno amokavlavokaikono. A'mwo loowo tovino pi'mwo kuudokwe su toolluno yovo tov Teritolosolekono. Toro tooro plaino sumaveyokwe wagwolago Sisariya toru abai'movoporogano. Toro ki'mo'mno sumaveyokwe gavman a'mwo aguto Feliksolluro sumdollu toru kuulodavo'mno Poolollu kooti yogalo tovi mojokuu'noso'moneyokwe kuuguudo pun auladoporogano.
2Toro kuulajuno sumaveyokwe a'mwo aguto tool Poolollu adomarokaikono. Toro doma'no sumaiyokwe Teritolosol Poololluno bwolomorumwogapiyo'moneyokwe a'mwo aguto Feliksollu aro kuudokaikono. “Oo a'mwo aguto sugudo tookuno. Guvnokwekujuro sugudo yodumdo tovida'ai nevu molodeyo oo jul'nyodeyo pun mama'dowadonogano. Aki nemoro kantri akavida'ai kaiya'no wo'dupudo punyu guvnokwekujuro pi'mwo kuudo tokwe jovo'dogalodumdekugono. Toro jovo'dogalodumdo tovida'ai nemoro kantri akavi ilaiyo to'no imo'nodowodokwono. Aki toro tookujuro yodumdo tovida'ai manyu toga nevu ilaiyo to'no mujomwekovla'mdowadonogano. 3Gumoro yiuwi'nokai buro'nyo buro'nyodeyo yodumdo tonyu nevu yiuwi'nokai toonol ilaiyo to'no yodowa, Nenoloo, gudodowadonogano.
4Toro te aga nev tekwojonol gumi gumjukuto nya'jo, kuudo yau'dowadonogano. Toro toonol yiuno yogalo kula'nyo pwekwono gudodowa'jure tovi nekuu'nubinekugono. 5Toro tov arokwono. A'mwo akal yiuwi'nokai kwako akavida'ai Juu mwalodupudo tooro molo inpino'moneyokwe molloluwosodowodekono. Aki toro tool a'mwo kaiya'no kuudo yau'dupudo pworai mido mollomwalokwekono. A'mwo su tooro Nasaretda'ai pwollu uumjunodupudo tooraino tov Nasaretda'aiyoravo dodupudorogano. Toro toorai a'mwo su tool mido mollomwalokwekono. Toro toolluro yodowodo tovasuda'ai jul'nyo pun me'no bai'mo'mdupudogano. Toro toollu me'no soureya'mgonoma'mwa'juuwekono. 6-8Sumdomgu a'mwo su tool Gooti toollu ilomoropiyo'moneyokwe ago tovi kaiyako igolameyo'mo yoduke toollu amworarowekono. Toro te aga toga guvnokwe tooku a'mwo su toollu wuudogano'bi yiuwi'nokai nemoro agudumawo tonyuno nokwo youroma'binekugono.” A'mwo loowo tovino pi'mwo kuudokwe Teritolosol toro kuudokaikono.
9Toro wuudoduke toga Juu avaikuudo yau'dupudo kworo kuruv a'mwo su toollu molluulo'mno aro kuudoporogano. “Oo Teritolosolluro kuuguudo agudumoka tov yiuno nebal'nodokwono.” Kuudoporogano.
Poolol gavman a'mwo aguto Feliksollu gamoro kuuguudo tov kuudoka tovinokwono
10Toruda'ai gavman a'mwo aguto Feliksol gami ato tokwe Poolollu idoubweyo'no kuudokaikono. “Aga guu nokwo dubinekugono.” Toro kuudoka tovi Poolol aro kuudokaikono.
“Oo nuu gumino aro kuudo saguu'mono. Guu nemoro kantri akavida'ai kooti yogalo mollomwalodumdo tooku kworomo bwotonyago me'no guuwolo'nodowodekudeyo. Kuudo saguu'monoo. Toro tovino tov kooti yogalo adanyumwakopo tovi nuu kworado jumwonyo'moneyokwe tovino nuu ilaiyo to'no subwosunmono. 11Aki moro kuuguudo agudumi akavino nebalo'mdukoneyokwe yo'mgonomallo'mo tooku a'mwo pworai kuudoganbi tov nebaikuuguudo tovino nokwo yo'mgonoma'binekugono.” Kuudokaikono.
Poolol kworado jumwonyo'moneyokwe kuuguudo tov aro kuudokaikono. “Nuu Gooti toollu ilomoropiyo'moneyokwe wagwolago Jeruusalem'no sulmwo'da togada'ai aga'nodo tov yiuno iruko 12-pela tobuulno avla'mwallo. 12Toro te Gooti toollu ilomoropiyo'moneyokwe ago tovuro agwapto toru aulmwo'da toga nuu a'mwo pworogai yogalo maullajunmwa'juwonogano. Aki yiuwi'nokai wagwolago Jeruusalemda'ai i'bwo'nyago togai'aro aki wagwolago su tovi anakuuto kumuu kuruv kwolallo ton molo inpino'moneyokwe mamolloluwosodumdonyugono. Toro kuvi kuruv yiuno kavo to'no kuulomwalodore toonyu so'mgononuma'mwa'juponyugono. 13Toro te mi kooti yogalo danyo'moneyokwe a'mwo su tooravuro yogalo agudumapo su ton nebalo'maiyo. Kuunano yogalo soukuu'nagudumaporogano. Kemoro kuunano amojokuu'nanubwemapo su tonyuno guu, Oo nebalo'mdeyo tov, kuudo yau'bino'moneyokwe gumi ku'nono maguduuwallupinorogano.
14Toro kuvi kuruv nuu nebal'no kuuguudo tov dodoluvagubwemo'mokwono. A'mwo pworo mino aro dodupudorogano. Oo nemi yeru'mdovonekwapiyodowo puuto gabovo puvi uumjunodowodekono. Dodupudorogano. Toro dodupudo kuvi kuruv nuvnokwe toonyu kuu'maiyo toru'no aro gudumo'mokwono. Moro puuto uumjunodumdo su tool Jisasekono. Toro toollu uumjunodumdo kwonyu kuruv nemi nellukweyago tooravuro Gooti toollu kuuno ilomoropiyodamdonyugono. Aki yiuwi'nokai Moosesolluro loowo anekullaboka togai'aro proofet tooravuro kuuguudo ajakwollopo togai'aro kunyuno kuruv kuudo uubweyodumdonyugono. 15Kuuguudo ajakwollopo su tonyu Gooti toolluro subuu'yamju puruv kurukweyokwono. Toro te subuu'yamju su to kuvino sogwollo kinodumdonyugono. Subuu'yamju su tov arokwono. A'mwo sugudo yodupudo toorogai'aro ma'no ma'no yodupudo kworogai'aro tooro aiyo aiko te nodukapinorogano. Aki a'mwo mi kooti yogalo adanyumwakopo kworo kuruv subuu'yamju su tovino sogwollo kinodupudorogano. 16Toro tovino tov nuu Gooti toolluro sumdo toruke'aro a'mwo abolo tonyuro sumdo toruke'aro tomuu sugudo to'no ingovlaiyo'moneyokwe yiuwi'nokai toga nuvnokwenyuro poowokalago tov nyudodowo'jure tovi uumjungovla'mdumdonyugono.
17 #
Krt. 21:17-28
Toro toonyu manyu tomuu kuuno yomollodum wagwolago Jeruusalem toru yere mai'mo'mdore tov kworomo pubuul anuwolo'nyajukonyugono. Lukomgu wagwolago su tovino sulmwo'danyugono. Nuu wagwolago su tovi illo'mo toonyu sumdomgu aro kuudo sau'mwa'jonyugono. Moro nuugwiyo mwora'dumdo pun nuuge avalo apoo'nyaiyo pwekwojai neya wimo. Aki Gooti toollu ilomoropiyo'moneyokwe ago tovuro agwapto toru kuula'mi romiroudapiyo'moneyokwe pworai neya wimonyugono. Toro kuudo yau'no sumoneyokwe wagwolago Jeruusalem'no ilano sulai'mo'mwa'jonyugono. 18Toro ilai'mo'mno sumoneyokwe Gooti toollu ilomoropiyo'moneyokwe ago tovi kuulano kwolluro sumdo tovi sugudo imo'nyo'moneyokwe nuvnokwe toonyu sovraimwonyumwa'jonyugono. Toro yovraimwonyodore toga a'mwo su tooro abonyuru'ma'mwa'juporogano. Aki su toro toga a'mwo kwolallo i'bwo'nodopure tonyu surodo'mo inpino'moneyokwe kaiya'no yogalo pun maju'gwolmwa'jonyugono. 19Toro kuvi kuruv kwako Esiya tomuuda'ai Juu pworo wolabo'mno mi yasuwa'no abwologalonumwora'mwa'juporogano. A'mwo abwologalonumwora'mwa'jupo kevnokwe su tooro mi kooti yogalo mojokuu'nanubweyo'moneyokwe akawai'no abopujuko'mno'juki gumi nokwo agudopujukorogano. 20Toro kuvi kuruv a'mwo kooti yogalo adanyumwakopo akarono'gwowi nuu kaunsel tooravuro sumdollu toru da'mdore toonyu me'no amuugonanuwo'mwa'juporogano. Toro tooro moro ma'no ma'nodo puvino so'mgononumaropujuko'mno'juki nokwo gudupinorogano. 21#Krt. 23:6Toro kuvi kuruv ma'no ma'nodo puruv miyo'mgononuma'mwa'jupo tovino tov ku'nono magudupinorogano. Toro te a'mwo su tooro mi kooti yogalo adanyumwakopo su tov aro tovasuda'aiyo'mdeyo kuudo sau'mwakono. Nuu kaunsel tooravuro sumdollu toru kuulodavono kwolallo tonyu guureji kuudumwa'jonyugono. “Oo a'mwo me'no bolodupudo tooro aiyo aiko te nodukapinorogano. Kuudo uubweyodumdonyugono. Toro uubweyodumdo toonyuno tov kevu kooti yogalo adanyumwakovoo,” kuudumwa'jonyugono. Kwolallo tonyu toro kuudumwa'jo tovino aga a'mwo akaro mi kooti yogalo dodanyumwakovo. Kuudo sau'mwakono.” Poolol gavman a'mwo aguto Feliksollu toro kuudokaikono.
22A'mwo aguto Feliksol Jisasolluro puuto tovi uumjunodupudo tooravuro kuuguudo punyu me'no wuu'nodowodekono. Toro tool Poololluro kuuguudo tovi wuu'nyuno sumaiyokwe aro adokaikono. “Aga mekono. Kooti yogalo akav akawai'aro adollukurosumono. Lukomgu a'mwo aguto Laisiyasol akawai me'no abwolai'mowo'ji toga kooti yogalo akavuro aiyowo'mo yogalo tov su toro toga domduukuurosumonyugono.” Adokaikono. 23Toro juno sumaiyokwe a'mwo mollurogudo tooravuro mollubworomokwanyokwe pwol Poolollu amoduvomwallajuko su toollu aro aduuwiyokaikono. “Guu Poolollu wuulo killo'mo ago tovi aki aiko te kuulomeroso'bi domoduvomwalodono. Toro kweku kuruv a'mwo su toollu kavo wiyo'bi wobo toru yomollodowo'jure toollu nokwo wonyapino jono. Aki gami ibwoto'nyo tooro noonyumwonyu pugai wiyo'mwojo'mo kwollomno mokaulodopure toorai uumjukuto mibinono.” Aduuwiyokaikono.
Feliksol Poolollu wuulo merosuno sumaiyokwe kworomo pullal kuuwolo'noka tovinokwono
24Toruda'ai iruko pubuul me'no abawoka toga Felikseke gami abolo Druusilakwe teyaul aiko te aulaboleyaukono. Druusilav Juu abolo purukwono. Toro teyaul kuulabino sumaleyokwe Poololluro kuuguudo tonyu wuu'nyo'moneyokwe adomaroleyaukono. Toro doma'no sumaleyokwe Poolol Krais Jisasolluno kuudo uubweyodowodo tovino kuuguudo kuudokaikono. Toro wuudoduke tovi a'mwo kwolabolo su teyaul kuu'noleyaukono. 25Toro kuu'na'no sumaleyokwe Poolol Feliksollu kuuguudo judo'no judo'nodo tonyuno kuudokaikono. Kuuguudo kuudoka su ton aro tonyunokwono. A'mwo abolo ton sugudo to'no neya ingovlavogapuro. Aki puruv a'mwo abolo ton ma'no ma'no nyupiyokwe kevnokwenyu po'dogalo amollomwalunogapuro. Aki puruv Gooti toolluro kooti yogalo nonekubweyono tovinokwono. Yogalo su tonyu toro wuujuno sumaiyokwe Poololluro kuudoka tonyu Feliksol wuu'no'no luko bwotonyo sokaikono. Toro tool Poolollu kuudokaikono. “Aga guu dovlavono. Puga nuu womdo bwotonyago manuworo'ji toga gumi aki aiko te nodoguma'monyugono.” Kuudokaikono. 26Su toro toga Feliksol aro kuudo saurokaikono. Oo nuu Poolollu ilaiyo sugolmi tovida'ai nuugwiyo pun anubiyo'ji tov nokwo irolowapimekono, kuudo saurokaikono. Feliksol toro kuudo yauro'no Poolollu ilaiyo igollo'moneyokwe bwotonyago toga doma'dowo kuuguudo adomwallajulorakono.
27Toruda'ai lukomgu kworomo pullal me'no kuuwolo'noka toga gavman a'mwo aguto muuduko pwollu amolludapiyoporogano. A'mwo aguto muuduko su toolluno yovo tov Poosiyos Festosolekono. Toro tool Feliksolluro aiko toru'no amarokaikono. Toro te Feliksol gavman womdo su tovi wuugollu'meyo'mo soka toga Poolollu nokwo surolowapiyowo'jujukekono. Toro kwol kuruv Juu toorai ilaiyo igollo'moneyokwe Poolol wuulo killo'mo ago tovi ki'na'duke toollu mirolowapiyokaikono. Lukomgu Feliksol gami gavman womdo sajuko tovi kuugollu'movokaikono.
Právě zvoleno:
Kuurotokwe 24: SMB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022: Ethnos360 Sanford, Florida
Kuurotokwe 24
24
Juu tooravuro a'mwo aguto tooro Poolollu kooti yogalo aduuwiyopo tovinokwono
1Toruda'ai iruko atobuul me'no avlavoka toga pris aguto Ananaiyasol wagwolago Jeruusalem toru wuugollu'mo'mno sumaiyokwe Juu tooravuro mido mollomwalokwe pworogai'aro a'mwo loowo tovino pi'mwo kuudokwe pweke'aro toorai momworaro'no wagwolago Sisariya tomuuno amokavlavokaikono. A'mwo loowo tovino pi'mwo kuudokwe su toolluno yovo tov Teritolosolekono. Toro tooro plaino sumaveyokwe wagwolago Sisariya toru abai'movoporogano. Toro ki'mo'mno sumaveyokwe gavman a'mwo aguto Feliksolluro sumdollu toru kuulodavo'mno Poolollu kooti yogalo tovi mojokuu'noso'moneyokwe kuuguudo pun auladoporogano.
2Toro kuulajuno sumaveyokwe a'mwo aguto tool Poolollu adomarokaikono. Toro doma'no sumaiyokwe Teritolosol Poololluno bwolomorumwogapiyo'moneyokwe a'mwo aguto Feliksollu aro kuudokaikono. “Oo a'mwo aguto sugudo tookuno. Guvnokwekujuro sugudo yodumdo tovida'ai nevu molodeyo oo jul'nyodeyo pun mama'dowadonogano. Aki nemoro kantri akavida'ai kaiya'no wo'dupudo punyu guvnokwekujuro pi'mwo kuudo tokwe jovo'dogalodumdekugono. Toro jovo'dogalodumdo tovida'ai nemoro kantri akavi ilaiyo to'no imo'nodowodokwono. Aki toro tookujuro yodumdo tovida'ai manyu toga nevu ilaiyo to'no mujomwekovla'mdowadonogano. 3Gumoro yiuwi'nokai buro'nyo buro'nyodeyo yodumdo tonyu nevu yiuwi'nokai toonol ilaiyo to'no yodowa, Nenoloo, gudodowadonogano.
4Toro te aga nev tekwojonol gumi gumjukuto nya'jo, kuudo yau'dowadonogano. Toro toonol yiuno yogalo kula'nyo pwekwono gudodowa'jure tovi nekuu'nubinekugono. 5Toro tov arokwono. A'mwo akal yiuwi'nokai kwako akavida'ai Juu mwalodupudo tooro molo inpino'moneyokwe molloluwosodowodekono. Aki toro tool a'mwo kaiya'no kuudo yau'dupudo pworai mido mollomwalokwekono. A'mwo su tooro Nasaretda'ai pwollu uumjunodupudo tooraino tov Nasaretda'aiyoravo dodupudorogano. Toro toorai a'mwo su tool mido mollomwalokwekono. Toro toolluro yodowodo tovasuda'ai jul'nyo pun me'no bai'mo'mdupudogano. Toro toollu me'no soureya'mgonoma'mwa'juuwekono. 6-8Sumdomgu a'mwo su tool Gooti toollu ilomoropiyo'moneyokwe ago tovi kaiyako igolameyo'mo yoduke toollu amworarowekono. Toro te aga toga guvnokwe tooku a'mwo su toollu wuudogano'bi yiuwi'nokai nemoro agudumawo tonyuno nokwo youroma'binekugono.” A'mwo loowo tovino pi'mwo kuudokwe Teritolosol toro kuudokaikono.
9Toro wuudoduke toga Juu avaikuudo yau'dupudo kworo kuruv a'mwo su toollu molluulo'mno aro kuudoporogano. “Oo Teritolosolluro kuuguudo agudumoka tov yiuno nebal'nodokwono.” Kuudoporogano.
Poolol gavman a'mwo aguto Feliksollu gamoro kuuguudo tov kuudoka tovinokwono
10Toruda'ai gavman a'mwo aguto Feliksol gami ato tokwe Poolollu idoubweyo'no kuudokaikono. “Aga guu nokwo dubinekugono.” Toro kuudoka tovi Poolol aro kuudokaikono.
“Oo nuu gumino aro kuudo saguu'mono. Guu nemoro kantri akavida'ai kooti yogalo mollomwalodumdo tooku kworomo bwotonyago me'no guuwolo'nodowodekudeyo. Kuudo saguu'monoo. Toro tovino tov kooti yogalo adanyumwakopo tovi nuu kworado jumwonyo'moneyokwe tovino nuu ilaiyo to'no subwosunmono. 11Aki moro kuuguudo agudumi akavino nebalo'mdukoneyokwe yo'mgonomallo'mo tooku a'mwo pworai kuudoganbi tov nebaikuuguudo tovino nokwo yo'mgonoma'binekugono.” Kuudokaikono.
Poolol kworado jumwonyo'moneyokwe kuuguudo tov aro kuudokaikono. “Nuu Gooti toollu ilomoropiyo'moneyokwe wagwolago Jeruusalem'no sulmwo'da togada'ai aga'nodo tov yiuno iruko 12-pela tobuulno avla'mwallo. 12Toro te Gooti toollu ilomoropiyo'moneyokwe ago tovuro agwapto toru aulmwo'da toga nuu a'mwo pworogai yogalo maullajunmwa'juwonogano. Aki yiuwi'nokai wagwolago Jeruusalemda'ai i'bwo'nyago togai'aro aki wagwolago su tovi anakuuto kumuu kuruv kwolallo ton molo inpino'moneyokwe mamolloluwosodumdonyugono. Toro kuvi kuruv yiuno kavo to'no kuulomwalodore toonyu so'mgononuma'mwa'juponyugono. 13Toro te mi kooti yogalo danyo'moneyokwe a'mwo su tooravuro yogalo agudumapo su ton nebalo'maiyo. Kuunano yogalo soukuu'nagudumaporogano. Kemoro kuunano amojokuu'nanubwemapo su tonyuno guu, Oo nebalo'mdeyo tov, kuudo yau'bino'moneyokwe gumi ku'nono maguduuwallupinorogano.
14Toro kuvi kuruv nuu nebal'no kuuguudo tov dodoluvagubwemo'mokwono. A'mwo pworo mino aro dodupudorogano. Oo nemi yeru'mdovonekwapiyodowo puuto gabovo puvi uumjunodowodekono. Dodupudorogano. Toro dodupudo kuvi kuruv nuvnokwe toonyu kuu'maiyo toru'no aro gudumo'mokwono. Moro puuto uumjunodumdo su tool Jisasekono. Toro toollu uumjunodumdo kwonyu kuruv nemi nellukweyago tooravuro Gooti toollu kuuno ilomoropiyodamdonyugono. Aki yiuwi'nokai Moosesolluro loowo anekullaboka togai'aro proofet tooravuro kuuguudo ajakwollopo togai'aro kunyuno kuruv kuudo uubweyodumdonyugono. 15Kuuguudo ajakwollopo su tonyu Gooti toolluro subuu'yamju puruv kurukweyokwono. Toro te subuu'yamju su to kuvino sogwollo kinodumdonyugono. Subuu'yamju su tov arokwono. A'mwo sugudo yodupudo toorogai'aro ma'no ma'no yodupudo kworogai'aro tooro aiyo aiko te nodukapinorogano. Aki a'mwo mi kooti yogalo adanyumwakopo kworo kuruv subuu'yamju su tovino sogwollo kinodupudorogano. 16Toro tovino tov nuu Gooti toolluro sumdo toruke'aro a'mwo abolo tonyuro sumdo toruke'aro tomuu sugudo to'no ingovlaiyo'moneyokwe yiuwi'nokai toga nuvnokwenyuro poowokalago tov nyudodowo'jure tovi uumjungovla'mdumdonyugono.
17 #
Krt. 21:17-28
Toro toonyu manyu tomuu kuuno yomollodum wagwolago Jeruusalem toru yere mai'mo'mdore tov kworomo pubuul anuwolo'nyajukonyugono. Lukomgu wagwolago su tovino sulmwo'danyugono. Nuu wagwolago su tovi illo'mo toonyu sumdomgu aro kuudo sau'mwa'jonyugono. Moro nuugwiyo mwora'dumdo pun nuuge avalo apoo'nyaiyo pwekwojai neya wimo. Aki Gooti toollu ilomoropiyo'moneyokwe ago tovuro agwapto toru kuula'mi romiroudapiyo'moneyokwe pworai neya wimonyugono. Toro kuudo yau'no sumoneyokwe wagwolago Jeruusalem'no ilano sulai'mo'mwa'jonyugono. 18Toro ilai'mo'mno sumoneyokwe Gooti toollu ilomoropiyo'moneyokwe ago tovi kuulano kwolluro sumdo tovi sugudo imo'nyo'moneyokwe nuvnokwe toonyu sovraimwonyumwa'jonyugono. Toro yovraimwonyodore toga a'mwo su tooro abonyuru'ma'mwa'juporogano. Aki su toro toga a'mwo kwolallo i'bwo'nodopure tonyu surodo'mo inpino'moneyokwe kaiya'no yogalo pun maju'gwolmwa'jonyugono. 19Toro kuvi kuruv kwako Esiya tomuuda'ai Juu pworo wolabo'mno mi yasuwa'no abwologalonumwora'mwa'juporogano. A'mwo abwologalonumwora'mwa'jupo kevnokwe su tooro mi kooti yogalo mojokuu'nanubweyo'moneyokwe akawai'no abopujuko'mno'juki gumi nokwo agudopujukorogano. 20Toro kuvi kuruv a'mwo kooti yogalo adanyumwakopo akarono'gwowi nuu kaunsel tooravuro sumdollu toru da'mdore toonyu me'no amuugonanuwo'mwa'juporogano. Toro tooro moro ma'no ma'nodo puvino so'mgononumaropujuko'mno'juki nokwo gudupinorogano. 21#Krt. 23:6Toro kuvi kuruv ma'no ma'nodo puruv miyo'mgononuma'mwa'jupo tovino tov ku'nono magudupinorogano. Toro te a'mwo su tooro mi kooti yogalo adanyumwakopo su tov aro tovasuda'aiyo'mdeyo kuudo sau'mwakono. Nuu kaunsel tooravuro sumdollu toru kuulodavono kwolallo tonyu guureji kuudumwa'jonyugono. “Oo a'mwo me'no bolodupudo tooro aiyo aiko te nodukapinorogano. Kuudo uubweyodumdonyugono. Toro uubweyodumdo toonyuno tov kevu kooti yogalo adanyumwakovoo,” kuudumwa'jonyugono. Kwolallo tonyu toro kuudumwa'jo tovino aga a'mwo akaro mi kooti yogalo dodanyumwakovo. Kuudo sau'mwakono.” Poolol gavman a'mwo aguto Feliksollu toro kuudokaikono.
22A'mwo aguto Feliksol Jisasolluro puuto tovi uumjunodupudo tooravuro kuuguudo punyu me'no wuu'nodowodekono. Toro tool Poololluro kuuguudo tovi wuu'nyuno sumaiyokwe aro adokaikono. “Aga mekono. Kooti yogalo akav akawai'aro adollukurosumono. Lukomgu a'mwo aguto Laisiyasol akawai me'no abwolai'mowo'ji toga kooti yogalo akavuro aiyowo'mo yogalo tov su toro toga domduukuurosumonyugono.” Adokaikono. 23Toro juno sumaiyokwe a'mwo mollurogudo tooravuro mollubworomokwanyokwe pwol Poolollu amoduvomwallajuko su toollu aro aduuwiyokaikono. “Guu Poolollu wuulo killo'mo ago tovi aki aiko te kuulomeroso'bi domoduvomwalodono. Toro kweku kuruv a'mwo su toollu kavo wiyo'bi wobo toru yomollodowo'jure toollu nokwo wonyapino jono. Aki gami ibwoto'nyo tooro noonyumwonyu pugai wiyo'mwojo'mo kwollomno mokaulodopure toorai uumjukuto mibinono.” Aduuwiyokaikono.
Feliksol Poolollu wuulo merosuno sumaiyokwe kworomo pullal kuuwolo'noka tovinokwono
24Toruda'ai iruko pubuul me'no abawoka toga Felikseke gami abolo Druusilakwe teyaul aiko te aulaboleyaukono. Druusilav Juu abolo purukwono. Toro teyaul kuulabino sumaleyokwe Poololluro kuuguudo tonyu wuu'nyo'moneyokwe adomaroleyaukono. Toro doma'no sumaleyokwe Poolol Krais Jisasolluno kuudo uubweyodowodo tovino kuuguudo kuudokaikono. Toro wuudoduke tovi a'mwo kwolabolo su teyaul kuu'noleyaukono. 25Toro kuu'na'no sumaleyokwe Poolol Feliksollu kuuguudo judo'no judo'nodo tonyuno kuudokaikono. Kuuguudo kuudoka su ton aro tonyunokwono. A'mwo abolo ton sugudo to'no neya ingovlavogapuro. Aki puruv a'mwo abolo ton ma'no ma'no nyupiyokwe kevnokwenyu po'dogalo amollomwalunogapuro. Aki puruv Gooti toolluro kooti yogalo nonekubweyono tovinokwono. Yogalo su tonyu toro wuujuno sumaiyokwe Poololluro kuudoka tonyu Feliksol wuu'no'no luko bwotonyo sokaikono. Toro tool Poolollu kuudokaikono. “Aga guu dovlavono. Puga nuu womdo bwotonyago manuworo'ji toga gumi aki aiko te nodoguma'monyugono.” Kuudokaikono. 26Su toro toga Feliksol aro kuudo saurokaikono. Oo nuu Poolollu ilaiyo sugolmi tovida'ai nuugwiyo pun anubiyo'ji tov nokwo irolowapimekono, kuudo saurokaikono. Feliksol toro kuudo yauro'no Poolollu ilaiyo igollo'moneyokwe bwotonyago toga doma'dowo kuuguudo adomwallajulorakono.
27Toruda'ai lukomgu kworomo pullal me'no kuuwolo'noka toga gavman a'mwo aguto muuduko pwollu amolludapiyoporogano. A'mwo aguto muuduko su toolluno yovo tov Poosiyos Festosolekono. Toro tool Feliksolluro aiko toru'no amarokaikono. Toro te Feliksol gavman womdo su tovi wuugollu'meyo'mo soka toga Poolollu nokwo surolowapiyowo'jujukekono. Toro kwol kuruv Juu toorai ilaiyo igollo'moneyokwe Poolol wuulo killo'mo ago tovi ki'na'duke toollu mirolowapiyokaikono. Lukomgu Feliksol gami gavman womdo sajuko tovi kuugollu'movokaikono.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022: Ethnos360 Sanford, Florida