Kuurotokwe 23
23
1Toro kuulomolludapino sumaiyokwe Poolol Juu tooravuro kaunsel toorai yomuugonaro'no aro kuudokaikono. “Nuugeravoo, Gooti toolluro sumdo tovi moro yiuwi'nokai aiyo mujomwekelabodumdo toga moro poowokalago tovuro nyudodowo'jure tovi ilaiyo to'no uumjungelabodumdonyugono.” Kuudokaikono. 2Toro wuudoduke tovi pris aguto Ananaiyasol wuu'no'no a'mwo pworo Poolollu wobo toru da'mdopure toorai aro aduuwiyokaikono. “Kevu a'mwo su toolluro mago tovi domaromiyulo.” Aduuwiyokaikono. 3#Mt. 23:27,28Toro aduuwiyoka tovi Poolol Ananaiyasollu kuudokaikono. “Guu kwekuji kuruv Gooti tool noguromiyonekugono. Moro su toro agudumo tov aro tovinokwono. Guu aro to'busukekugono. Kuuruko kaiya'nodo puvi kwa'mgu tomuu ilaiyo sumdo kinuwipino'moneyokwe pent togai luviyourosodupudogano. Guu kuuruko kaiya'nodo su to'busukekugono. Toro tooku a'mwo abolo ton ilaiyo sumdo kinagujupino'moneyokwe Moosesolluro loowo tovi'aro mi kooti yogalo adanyumwakuno. Guu loowo su tovi nokwo kuumjuno'bujuko kweku kuruv mino tov, Doromiyulo, aduuwimadekugono. Toro aduuwimado tov guvnokwe tooku Moosesolluro loowo su tovi kisuvolo sumadekugono. Toro tooku loowo su tovi uumjunyo'mo tov kuunodekumaiyo.” Kuudokaikono.
4Toro wuudoduke tovi gami wobo toruda'ai a'mwo adaiyajupo tooro aro kuudoporogano. “E, guu Gooti toolluro pris aguto toolluno bwolomorumwogapiyo'moneyokwe kaiya'no yogalo pun madubinono.” Kuudoporogano. 5Toro kuudopo tovi Poolol kuudokaikono. “Nuugeravoo, Gooti toolluro yogalo puruv aro sakwollungikokwono. Kevu kemi a'mwo mido mollekumwalokwe toorai kaiya'no yogalo maduuwipinono. Toro sakwollungiko tovino tov nuu a'mwo su toolluno, Oo pris agutoldeyo, kuudo me'no souromaro'mujuko'mno'juki bwolomorumwogapiyo'moneyokwe yogalo su tov ku'nono muudo'mujukonyugono.” Kuudokaikono.
6 #
Krt. 26:5; Flp. 3:5 Toro wuujuno sumaiyokwe Poolol kaunsel abi'bwo'nopo su toorai yomuugonaro'no aro kuudo saurokaikono. Oo a'mwo akaro pworo Sajuusi toorodeyo. Pworo Farasi toorodeyo. Toro kuudo yau'no sumaiyokwe guureji aro kuudokaikono. “Nuugeravoo, mi nyunumiyago toorogai'aro nuu kwonyuge'aro toonol Farasiyonogano. Toro te nuu mi poowokalago kuunodo tokwe aro kuudo uubweyodumdonyugono. Oo a'mwo me'no abollungopo tooro lukomgu aiyo aiko te nodukapinorodeyo, kuudo uubweyodumdonyugono. Moro kuudo uubweyodumdo su tovino aga kevu kooti yogalo adanyumwakovo.” Kuudokaikono.
7Toro wuudoduke tovi Farasi toorogai'aro Sajuusi toorogai'aro tooro go'no go'no muudukuu'no'mno ajo'bworomwaloporogano. Toro jo'bworomwalno sumaveyokwe Poololluro kuuguudo kuudoka tovino aullajunoporogano. 8#Mt. 22:23; Mk. 12:18; Lk. 20:27Toro aullajunopo tov aro tovinokwono. Sajuusi tooro kuudo yau'dupudorogano. A'mwo me'no bolodupudo tooro lukomgu aiyo aiko te madukapinorogano. Aki ensel toorogai'aro kuullo toorogai'aro tooro mamwakovo, kuudo yau'dupudorogano. Toro kuvi kuruv Farasi toorono'gwowi aro kuudo yau'dupudorogano. Oo a'mwo me'no bolodupudo tooro lukomgu aiyo aiko te nodukapinorodeyo. Aki ensel toorogai'aro kuullo toorogai'aro tooro domwakovo, kuudo yau'dupudorogano. Go'no go'no su toro kuudo yau'dupudo tooro yogalo aullajunoporogano. 9Yogalo toro yajunyuno sumaveyokwe deko guureji aulodelowo'naroporogano. Toro kuulodelowo'na'dopure toga Farasi tooravuro loowo tovino pi'mwo kuudokwe pworo iloda'mno sumaveyokwe Poololluno guureji aro kuudoporogano. “A'mwo akalluro kuuguudo adumoka tovi jainbwo'dowa ma'no ma'no yogalo puruv madumoka tovi so'mgonoma'mawekono. Toro toollu kuulloldeyo oo enseloldeyo pwol nebal'no kuudokaldukoneyokwe tovino nevu kuudo miyau'mwakuuwono.” Kuudoporogano. 10Toro wuujuno sumaveyokwe yiuwi'nokai tooro yogalo guureji kuullajuno'mno molo yo'mo soporogano. Toro yodopure tovino tov mollurogudo tooravuro a'mwo aguto tool kuudo saurokaikono. Awi, a'mwo surodo sadokwopo akaro Poolollu imgu amgu me'nomokwopi noromiyosupiyo. Toro kuudo yau'no sumaiyokwe gami a'mwo mollurogudo pworai aro amodapiyokaikono. “Poolol a'mwo tooravuro anakuuto tomuu aulomwalluko toollu kevu yogudo kuullomaropi nemoro ago jurogudo tovino domollubworomokavlaiyulo.” Amodapiyokaikono. Toro amodapiyoka tooro Poolollu momworaro'mno kemoro ago jurogudo tovino amollubworomokavlavoporogano.
11Toro mollubworomokavla'mno sumaveyokwe surakuuto toga Aguto tool Poolollu wobo toru bodavo'no aro adumul'mwojokaikono. “Guu wagwolago Jeruusalem akaru mino kuuguudo tovi kuu'maiyo toru'no adodoluwosumado to'busuko kubalno wagwolago Room'no plavo'bi aval'no dodoluwosubinekugono. Toro te guu su toro yo'mo tovino luko nyumwalbiyokwe jurogudo neya dodavogawono.” Adumul'mwojokaikono.
Juu tooro Poolollu romiyoso'moneyokwe adomdukuurosopo tovinokwono
12Toruda'ai lomwo aikomguda'ai tollugwoji Juu tooro kuuguudo domwalo'mno Poolollu romiyoso'moneyokwe adomduukuurosoporogano. Toro adomdukuurosopo su tovi kuvinono uumjunyo'moneyokwe subuu'yamju aro sajunoporogano. “Nevu Poolollu neya aromiyosano. A'mwo su toollu yere maromiyosodowa'jure toga wosamujukodeyo oo wonyodeyo ton mananonogano. Toro kuvi kuruv a'mwo su toollu me'no aromiyosa'ji toga'no'gwowi wosamujukodeyo oo wonyodeyo ton nokwo nanonogano. Nevu subuu'yamju akavi muumjuna'ji tov Gooti gavnokwe tool tabunyu pun nokwo nekubweyonekono.” Sajunoporogano. 13A'mwo subuu'yamju toro sajunopo su tooro 40-pela tomgu'aro me'no kuuwolovoporogano. 14Toro te Juu subuu'yamju sajunopo su tooro pris mido mollomwalokwe toorogai'aro Juu tooravuro mido mollomwalokwe toorogai'aro tooraiyomno plaino sumaveyokwe aro kuudoporogano. “Nevnokwe toonol Poolollu romiyosanonogano. A'mwo su toollu yere maromiyosodowa'jure toga wosamujukodeyo oo wonyodeyo ton mananonogano. Toro kuvi kuruv a'mwo su toollu me'no aromiyosa'ji toga'no'gwowi wosamujukodeyo oo wonyodeyo ton nokwo nanonogano. Nevu subuu'yamju akavi muumjuna'ji tov Gooti gavnokwe tool tabunyu pun nonekubweyonekono. Subuu'yamju toro sajunmawonogano. 15Toro te kevuge'aro yiuwi'nokai kaunsel toorogai'aro toorekul a'mwo mollurogudo tooravuro aguto toollu kuunano yogalo aro youkuu'nuudupinorekikono. “Oo nevu Poololluro kooti yogalo tovi aki aiko te wuu'nano'mo domonekwopiyabono.” Toro soukuu'nuudupi tovi Poolol bowo'ji kemiyomno yere mabai'mo'mdowo'jure toollu nevu puuto tomuu yiulo kupuu'narowa'ji kwollu yiuno'no romiyosanonogano.” Kuudoporogano.
16Toro wuudodopure tovi Poololluro gabwal'viyago pwol me'no kuu'nokaikono. Toro wuu'nyuno sumaiyokwe a'mwo mollurogudo tooravuro ago jurogudo tovino plavo'no gami jai'yago Poolollu auluudokaikono. 17Toro wuujuno sumaiyokwe Poolol a'mwo mollurogudo tooravuro mollubworomokwanyokwe pwollu doma'no sumaiyokwe aro kuudokaikono. “Muugunyo akal a'mwo aguto toollu yogalo pwekwo wuudono'mekono. Toro te guu muugunyo akalluda'ai momworaro'bi a'mwo aguto toollomno domokwono.” Kuudokaikono. 18Toro kuudoka tovi a'mwo mollurogudo tooravuro mollubworomokwanyokwe tool muugunyo su toolluda'ai momworaro'no amokwokaikono. Toro mokwino sumaiyokwe a'mwo aguto toollu aro kuudokaikono. “Wuulo killo'mo ago tovida'ai amerosumwa'judo Poolol aro anyudoganmokaikono. “Guu muugunyo akallu a'mwo aguto toollomno nokwo mokuubinekudeyo?” Anyudoganmokaikono. Toro te muugunyo akal guu a'mwo aguto tookuji yogalo puruv gujo'mo kwinadopiyo.” Kuudokaikono.
19Toro wuujuno sumaiyokwe a'mwo aguto tool muugunyo toolluro ato tovi'aro yiulo pumuuno mogaibworomokaula'no aro kuudoganokaikono. “Guu buro'nyo yogalo tov nyudubino'mekudeyo?” 20Toro kuudoganoka tovi muugunyo tool aro kuudokaikono. “Juu a'mwo tooro Poolollu romiyoso'mo adomduukuurosumwa'juporogano. Toro tooro gumi kuunano yogalo aro youkuu'nagudupinorogano. “Oo nevu Poololluro kooti yogalo tovi aki aiko te wuu'nano'moneyokwe bi'ai toga Poolollu domonekwopiyabono.” Youkuu'nagudupinorogano. 21Toro tooro puuto tomuu yiulo kupuu'na'dopure toga Poolol nuwodowo'jure toollu yiuno'no romiyosupinekono. Juu a'mwo su tooro subuu'yamju aro sajunmwa'juporogano. “Nevu Poolollu neya aromiyosano. A'mwo su toollu yere maromiyosodowa'jure toga wosamujukodeyo oo wonyodeyo ton mananonogano. Toro kuvi kuruv a'mwo su toollu me'no aromiyosa'ji toga'no'gwowi wosamujukodeyo oo wonyodeyo ton nokwo nanonogano. Nevu subuu'yamju akavi muumjuna'ji tov Gooti gavnokwe tool tabunyu pun nokwo nekubweyonekono.” Toro me'no sajunmwa'jupo tooro aga gumoro wuudubino tovino to'no sogwollo aginmwakovo. Toro tooro 40-pela tomgu'aro me'no kuuwolo'nyugoporogano. Toro tovino tov guu a'mwo su tooravuro kuunano yogalo soukuu'nagudupi tovi kaduko nuuwibiyo.” Kuudokaikono. 22Toro wuujuno sumaiyokwe a'mwo aguto tool muugunyo su toollu aro aduuwiyokaikono. “Guu mi aboulonyuru'ma'mado tovino a'mwo pwolnodo kwollu kuruv muudubiyo.” Toro duuwino sumaiyokwe muugunyo toollu gami ago tomuuno aikomgu amorapiyokaikono.
Poolollu gavman a'mwo aguto Feliksollomno amorapiyoka tovinokwono
23A'mwo aguto tool muugunyo toollu me'no morapino sumaiyokwe a'mwo mollurogudo toorai mollubworomokwanyokwe pworallu domaro'no aro kuudokaikono. “Kevu a'mwo mollurogudo pworo kado plapino'moneyokwe toorai domollovrowosulo. 200 a'mwo mollurogudo pworogai'aro 70-pela a'mwo hoos toorai mokavlaptokwe pworogai'aro 200 a'mwo takubwo'molo yodupudo pworogai'aro toorai domollovrowosulo. Toro mollovrowosopi kevu yiuwi'nokai toorekul anuugwo surakuuto 9-kilook toga Poolollu momworaropi wagwolago Sisariya'no mokavlapinorekikono. 24Aki Poolollu mokavlaiyo'moneyokwe hoos pworo mollovroubweyopi gavman a'mwo aguto Feliksollomno mokavlapinorekikono. Toro toorekul Poolol kaiyako nomaro'jokwe puuto tomuu po'dogalo neya mollomokavlapinorekikono.” Kuudokaikono.
25Toro wuujuno sumaiyokwe a'mwo aguto su tool pas puruv aro sakwollokaikono. 26“Oo gavman a'mwo aguto Feliksoloo, guu a'mwo sugudekugono. Nuu Klaudiyos Laisiyasonyu gumiyo'mo pas akav sokwollagubwemono. Toro te, Ilaiyokwono, agudumono. Nuu kuuguudo puruv aro gudumo'monyugono. 27Juu tooro a'mwo akallu noromiyoso'mo yodopure kuvi kuruv nuu aro souroma'mwa'jonyugono. A'mwo akal Roomda'ai pwekono. Toro kuudo youroma'no sumoneyokwe nuuge'aro moro a'mwo mollurogudo pworogai'aro toonol yere bowono Juu tooro a'mwo akallu kaiyako igollo'mo yodopure kuvi kuruv abomollurovomokalokuumwa'juuwekono. 28Toro bomollurolovomokalokwino sumawoneyokwe nuu Juu tooravuro a'mwo akallu kooti yogalo aduuwiyopo tovino kavlo tov yo'mgonomallo'moneyokwe aro sumwa'jonyugono. A'mwo su toollu yamuugojo wiyo'moneyokwe Juu tooravuro kaunsel tooro i'bwo'nomwalodopure sumdollu toru aulomolludapiyoneyokwe a'mwo pworai amodapimwa'jonyugono. Toro modapino sumoneyokwe aulomolludapimwa'jupekono. 29Toro aulomolludapimwa'jupo tovida'ai kuudo souroma'mwa'jonyugono. Oo Juu tooro a'mwo akallu kooti yogalo aduuwiyopo tov kevnokweravuro loowo tovino to'no aduuwiyoporodeyo. Toro kuvi kuruv a'mwo su tool nevu Roomda'ai toonolluro loowo tovi kisuvolo miyokaikono. Toro toollu yasuwa'no aromiyosowa'jujukoldeyo oo wuulo killo'mo ago tovi yasuwa'no amerosowa'jujukoldeyo tov yiuno kaiya'no kwiyowa'jujukekono. Kuudo souroma'mwa'jonyugono. 30Aki Juu tooro a'mwo su toollu kaiyako igollo'mo subuu'yamju adomdukuurosopo tovino kuu'numwa'jonyugono. Toro wuu'nono Juu tooro a'mwo su toollu kaiyako nyugolpiyokwe gumiyomno yere amogwopiyamekono. Aki a'mwo su toollu a'mwo kooti yogalo amojokuu'nosadokwopo kworogai'aro toorai gumiyomno amogwopiyamorogano. Toro tooro gumoro sumdollu toru bodavopi kemoro mojokuu'noso'moneyokwe yogalo tonyuno neya gudupinorogano.” A'mwo aguto tool pas tovi toro sakwollokaikono.
31Toruda'ai a'mwo mollurogudo tooro pas su tokwe momwora'no sumaveyokwe a'mwo aguto toolluro aduuwiyoka tovi kuvinono kuumjunoporogano. Toro tooro surakuuto toga Poololluda'ai momwora'no sumaveyokwe wagwolago Jeruusalem toru abolokwoporogano. Toro tooro plaino sumaveyokwe wagwolago Adipatris toru ai'movoporogano. 32Toro ki'mo'mno sumaveyokwe iruko aikomguda'ai tollugwoji a'mwo mollurogudo kwokado avlavopo tooro kemi ago jurogudo tovino wagwolago Jeruusalem'no aikomgu avlavoporogano. Toro kuvi kuruv a'mwo hoos toorai mokavla'mdupudo toorono'gwowi Poololluda'ai kuuno amogaibworomokavlavoporogano. 33Toro mogaibworomokavla'mno sumaveyokwe wagwolago Sisariya toru abai'movoporogano. Toro bai'mo'mno sumaveyokwe wagwolago su tovida'ai gavman a'mwo aguto toollu abuuru'maroporogano. Toro buuru'ma'no sumaveyokwe Poolollu a'mwo aguto su toolluro ato tovi morubweyo'mno aki pas tokwe'aro kwiyoporogano. 34Pas kwiyopo su tovi a'mwo aguto tool jagilno sumaiyokwe aro samuugojokaikono. “A'mwo su tool gadomuuda'aiyoldeyo?” Toro samuugojoka tovi aro kuudoporogano. “A'mwo su tool wagwolago Silisiya tomuuda'aiyekono.” 35Toro kuudopo tovi wuu'no'no a'mwo aguto tool Poolollu aro kuudokaikono. “Gumi kooti yogalo dagujo'moneyokwe a'mwo tooro abai'mopi toga nuu kemoro kuuguudo tonyu nokwo ikuu'numonyugono.” Kuudokaikono. Toro wuujuno sumaiyokwe a'mwo aguto su tool gami a'mwo duuwatokwe pworai aduuwiyokaikono. “Kevu Poolollu momworaropi a'mwo aguto kig Herootolluro ago jurogudo amojungiko tovi mokaulapi doulomoduvomwalojulo.” Aduuwiyokaikono.
Právě zvoleno:
Kuurotokwe 23: SMB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022: Ethnos360 Sanford, Florida
Kuurotokwe 23
23
1Toro kuulomolludapino sumaiyokwe Poolol Juu tooravuro kaunsel toorai yomuugonaro'no aro kuudokaikono. “Nuugeravoo, Gooti toolluro sumdo tovi moro yiuwi'nokai aiyo mujomwekelabodumdo toga moro poowokalago tovuro nyudodowo'jure tovi ilaiyo to'no uumjungelabodumdonyugono.” Kuudokaikono. 2Toro wuudoduke tovi pris aguto Ananaiyasol wuu'no'no a'mwo pworo Poolollu wobo toru da'mdopure toorai aro aduuwiyokaikono. “Kevu a'mwo su toolluro mago tovi domaromiyulo.” Aduuwiyokaikono. 3#Mt. 23:27,28Toro aduuwiyoka tovi Poolol Ananaiyasollu kuudokaikono. “Guu kwekuji kuruv Gooti tool noguromiyonekugono. Moro su toro agudumo tov aro tovinokwono. Guu aro to'busukekugono. Kuuruko kaiya'nodo puvi kwa'mgu tomuu ilaiyo sumdo kinuwipino'moneyokwe pent togai luviyourosodupudogano. Guu kuuruko kaiya'nodo su to'busukekugono. Toro tooku a'mwo abolo ton ilaiyo sumdo kinagujupino'moneyokwe Moosesolluro loowo tovi'aro mi kooti yogalo adanyumwakuno. Guu loowo su tovi nokwo kuumjuno'bujuko kweku kuruv mino tov, Doromiyulo, aduuwimadekugono. Toro aduuwimado tov guvnokwe tooku Moosesolluro loowo su tovi kisuvolo sumadekugono. Toro tooku loowo su tovi uumjunyo'mo tov kuunodekumaiyo.” Kuudokaikono.
4Toro wuudoduke tovi gami wobo toruda'ai a'mwo adaiyajupo tooro aro kuudoporogano. “E, guu Gooti toolluro pris aguto toolluno bwolomorumwogapiyo'moneyokwe kaiya'no yogalo pun madubinono.” Kuudoporogano. 5Toro kuudopo tovi Poolol kuudokaikono. “Nuugeravoo, Gooti toolluro yogalo puruv aro sakwollungikokwono. Kevu kemi a'mwo mido mollekumwalokwe toorai kaiya'no yogalo maduuwipinono. Toro sakwollungiko tovino tov nuu a'mwo su toolluno, Oo pris agutoldeyo, kuudo me'no souromaro'mujuko'mno'juki bwolomorumwogapiyo'moneyokwe yogalo su tov ku'nono muudo'mujukonyugono.” Kuudokaikono.
6 #
Krt. 26:5; Flp. 3:5 Toro wuujuno sumaiyokwe Poolol kaunsel abi'bwo'nopo su toorai yomuugonaro'no aro kuudo saurokaikono. Oo a'mwo akaro pworo Sajuusi toorodeyo. Pworo Farasi toorodeyo. Toro kuudo yau'no sumaiyokwe guureji aro kuudokaikono. “Nuugeravoo, mi nyunumiyago toorogai'aro nuu kwonyuge'aro toonol Farasiyonogano. Toro te nuu mi poowokalago kuunodo tokwe aro kuudo uubweyodumdonyugono. Oo a'mwo me'no abollungopo tooro lukomgu aiyo aiko te nodukapinorodeyo, kuudo uubweyodumdonyugono. Moro kuudo uubweyodumdo su tovino aga kevu kooti yogalo adanyumwakovo.” Kuudokaikono.
7Toro wuudoduke tovi Farasi toorogai'aro Sajuusi toorogai'aro tooro go'no go'no muudukuu'no'mno ajo'bworomwaloporogano. Toro jo'bworomwalno sumaveyokwe Poololluro kuuguudo kuudoka tovino aullajunoporogano. 8#Mt. 22:23; Mk. 12:18; Lk. 20:27Toro aullajunopo tov aro tovinokwono. Sajuusi tooro kuudo yau'dupudorogano. A'mwo me'no bolodupudo tooro lukomgu aiyo aiko te madukapinorogano. Aki ensel toorogai'aro kuullo toorogai'aro tooro mamwakovo, kuudo yau'dupudorogano. Toro kuvi kuruv Farasi toorono'gwowi aro kuudo yau'dupudorogano. Oo a'mwo me'no bolodupudo tooro lukomgu aiyo aiko te nodukapinorodeyo. Aki ensel toorogai'aro kuullo toorogai'aro tooro domwakovo, kuudo yau'dupudorogano. Go'no go'no su toro kuudo yau'dupudo tooro yogalo aullajunoporogano. 9Yogalo toro yajunyuno sumaveyokwe deko guureji aulodelowo'naroporogano. Toro kuulodelowo'na'dopure toga Farasi tooravuro loowo tovino pi'mwo kuudokwe pworo iloda'mno sumaveyokwe Poololluno guureji aro kuudoporogano. “A'mwo akalluro kuuguudo adumoka tovi jainbwo'dowa ma'no ma'no yogalo puruv madumoka tovi so'mgonoma'mawekono. Toro toollu kuulloldeyo oo enseloldeyo pwol nebal'no kuudokaldukoneyokwe tovino nevu kuudo miyau'mwakuuwono.” Kuudoporogano. 10Toro wuujuno sumaveyokwe yiuwi'nokai tooro yogalo guureji kuullajuno'mno molo yo'mo soporogano. Toro yodopure tovino tov mollurogudo tooravuro a'mwo aguto tool kuudo saurokaikono. Awi, a'mwo surodo sadokwopo akaro Poolollu imgu amgu me'nomokwopi noromiyosupiyo. Toro kuudo yau'no sumaiyokwe gami a'mwo mollurogudo pworai aro amodapiyokaikono. “Poolol a'mwo tooravuro anakuuto tomuu aulomwalluko toollu kevu yogudo kuullomaropi nemoro ago jurogudo tovino domollubworomokavlaiyulo.” Amodapiyokaikono. Toro amodapiyoka tooro Poolollu momworaro'mno kemoro ago jurogudo tovino amollubworomokavlavoporogano.
11Toro mollubworomokavla'mno sumaveyokwe surakuuto toga Aguto tool Poolollu wobo toru bodavo'no aro adumul'mwojokaikono. “Guu wagwolago Jeruusalem akaru mino kuuguudo tovi kuu'maiyo toru'no adodoluwosumado to'busuko kubalno wagwolago Room'no plavo'bi aval'no dodoluwosubinekugono. Toro te guu su toro yo'mo tovino luko nyumwalbiyokwe jurogudo neya dodavogawono.” Adumul'mwojokaikono.
Juu tooro Poolollu romiyoso'moneyokwe adomdukuurosopo tovinokwono
12Toruda'ai lomwo aikomguda'ai tollugwoji Juu tooro kuuguudo domwalo'mno Poolollu romiyoso'moneyokwe adomduukuurosoporogano. Toro adomdukuurosopo su tovi kuvinono uumjunyo'moneyokwe subuu'yamju aro sajunoporogano. “Nevu Poolollu neya aromiyosano. A'mwo su toollu yere maromiyosodowa'jure toga wosamujukodeyo oo wonyodeyo ton mananonogano. Toro kuvi kuruv a'mwo su toollu me'no aromiyosa'ji toga'no'gwowi wosamujukodeyo oo wonyodeyo ton nokwo nanonogano. Nevu subuu'yamju akavi muumjuna'ji tov Gooti gavnokwe tool tabunyu pun nokwo nekubweyonekono.” Sajunoporogano. 13A'mwo subuu'yamju toro sajunopo su tooro 40-pela tomgu'aro me'no kuuwolovoporogano. 14Toro te Juu subuu'yamju sajunopo su tooro pris mido mollomwalokwe toorogai'aro Juu tooravuro mido mollomwalokwe toorogai'aro tooraiyomno plaino sumaveyokwe aro kuudoporogano. “Nevnokwe toonol Poolollu romiyosanonogano. A'mwo su toollu yere maromiyosodowa'jure toga wosamujukodeyo oo wonyodeyo ton mananonogano. Toro kuvi kuruv a'mwo su toollu me'no aromiyosa'ji toga'no'gwowi wosamujukodeyo oo wonyodeyo ton nokwo nanonogano. Nevu subuu'yamju akavi muumjuna'ji tov Gooti gavnokwe tool tabunyu pun nonekubweyonekono. Subuu'yamju toro sajunmawonogano. 15Toro te kevuge'aro yiuwi'nokai kaunsel toorogai'aro toorekul a'mwo mollurogudo tooravuro aguto toollu kuunano yogalo aro youkuu'nuudupinorekikono. “Oo nevu Poololluro kooti yogalo tovi aki aiko te wuu'nano'mo domonekwopiyabono.” Toro soukuu'nuudupi tovi Poolol bowo'ji kemiyomno yere mabai'mo'mdowo'jure toollu nevu puuto tomuu yiulo kupuu'narowa'ji kwollu yiuno'no romiyosanonogano.” Kuudoporogano.
16Toro wuudodopure tovi Poololluro gabwal'viyago pwol me'no kuu'nokaikono. Toro wuu'nyuno sumaiyokwe a'mwo mollurogudo tooravuro ago jurogudo tovino plavo'no gami jai'yago Poolollu auluudokaikono. 17Toro wuujuno sumaiyokwe Poolol a'mwo mollurogudo tooravuro mollubworomokwanyokwe pwollu doma'no sumaiyokwe aro kuudokaikono. “Muugunyo akal a'mwo aguto toollu yogalo pwekwo wuudono'mekono. Toro te guu muugunyo akalluda'ai momworaro'bi a'mwo aguto toollomno domokwono.” Kuudokaikono. 18Toro kuudoka tovi a'mwo mollurogudo tooravuro mollubworomokwanyokwe tool muugunyo su toolluda'ai momworaro'no amokwokaikono. Toro mokwino sumaiyokwe a'mwo aguto toollu aro kuudokaikono. “Wuulo killo'mo ago tovida'ai amerosumwa'judo Poolol aro anyudoganmokaikono. “Guu muugunyo akallu a'mwo aguto toollomno nokwo mokuubinekudeyo?” Anyudoganmokaikono. Toro te muugunyo akal guu a'mwo aguto tookuji yogalo puruv gujo'mo kwinadopiyo.” Kuudokaikono.
19Toro wuujuno sumaiyokwe a'mwo aguto tool muugunyo toolluro ato tovi'aro yiulo pumuuno mogaibworomokaula'no aro kuudoganokaikono. “Guu buro'nyo yogalo tov nyudubino'mekudeyo?” 20Toro kuudoganoka tovi muugunyo tool aro kuudokaikono. “Juu a'mwo tooro Poolollu romiyoso'mo adomduukuurosumwa'juporogano. Toro tooro gumi kuunano yogalo aro youkuu'nagudupinorogano. “Oo nevu Poololluro kooti yogalo tovi aki aiko te wuu'nano'moneyokwe bi'ai toga Poolollu domonekwopiyabono.” Youkuu'nagudupinorogano. 21Toro tooro puuto tomuu yiulo kupuu'na'dopure toga Poolol nuwodowo'jure toollu yiuno'no romiyosupinekono. Juu a'mwo su tooro subuu'yamju aro sajunmwa'juporogano. “Nevu Poolollu neya aromiyosano. A'mwo su toollu yere maromiyosodowa'jure toga wosamujukodeyo oo wonyodeyo ton mananonogano. Toro kuvi kuruv a'mwo su toollu me'no aromiyosa'ji toga'no'gwowi wosamujukodeyo oo wonyodeyo ton nokwo nanonogano. Nevu subuu'yamju akavi muumjuna'ji tov Gooti gavnokwe tool tabunyu pun nokwo nekubweyonekono.” Toro me'no sajunmwa'jupo tooro aga gumoro wuudubino tovino to'no sogwollo aginmwakovo. Toro tooro 40-pela tomgu'aro me'no kuuwolo'nyugoporogano. Toro tovino tov guu a'mwo su tooravuro kuunano yogalo soukuu'nagudupi tovi kaduko nuuwibiyo.” Kuudokaikono. 22Toro wuujuno sumaiyokwe a'mwo aguto tool muugunyo su toollu aro aduuwiyokaikono. “Guu mi aboulonyuru'ma'mado tovino a'mwo pwolnodo kwollu kuruv muudubiyo.” Toro duuwino sumaiyokwe muugunyo toollu gami ago tomuuno aikomgu amorapiyokaikono.
Poolollu gavman a'mwo aguto Feliksollomno amorapiyoka tovinokwono
23A'mwo aguto tool muugunyo toollu me'no morapino sumaiyokwe a'mwo mollurogudo toorai mollubworomokwanyokwe pworallu domaro'no aro kuudokaikono. “Kevu a'mwo mollurogudo pworo kado plapino'moneyokwe toorai domollovrowosulo. 200 a'mwo mollurogudo pworogai'aro 70-pela a'mwo hoos toorai mokavlaptokwe pworogai'aro 200 a'mwo takubwo'molo yodupudo pworogai'aro toorai domollovrowosulo. Toro mollovrowosopi kevu yiuwi'nokai toorekul anuugwo surakuuto 9-kilook toga Poolollu momworaropi wagwolago Sisariya'no mokavlapinorekikono. 24Aki Poolollu mokavlaiyo'moneyokwe hoos pworo mollovroubweyopi gavman a'mwo aguto Feliksollomno mokavlapinorekikono. Toro toorekul Poolol kaiyako nomaro'jokwe puuto tomuu po'dogalo neya mollomokavlapinorekikono.” Kuudokaikono.
25Toro wuujuno sumaiyokwe a'mwo aguto su tool pas puruv aro sakwollokaikono. 26“Oo gavman a'mwo aguto Feliksoloo, guu a'mwo sugudekugono. Nuu Klaudiyos Laisiyasonyu gumiyo'mo pas akav sokwollagubwemono. Toro te, Ilaiyokwono, agudumono. Nuu kuuguudo puruv aro gudumo'monyugono. 27Juu tooro a'mwo akallu noromiyoso'mo yodopure kuvi kuruv nuu aro souroma'mwa'jonyugono. A'mwo akal Roomda'ai pwekono. Toro kuudo youroma'no sumoneyokwe nuuge'aro moro a'mwo mollurogudo pworogai'aro toonol yere bowono Juu tooro a'mwo akallu kaiyako igollo'mo yodopure kuvi kuruv abomollurovomokalokuumwa'juuwekono. 28Toro bomollurolovomokalokwino sumawoneyokwe nuu Juu tooravuro a'mwo akallu kooti yogalo aduuwiyopo tovino kavlo tov yo'mgonomallo'moneyokwe aro sumwa'jonyugono. A'mwo su toollu yamuugojo wiyo'moneyokwe Juu tooravuro kaunsel tooro i'bwo'nomwalodopure sumdollu toru aulomolludapiyoneyokwe a'mwo pworai amodapimwa'jonyugono. Toro modapino sumoneyokwe aulomolludapimwa'jupekono. 29Toro aulomolludapimwa'jupo tovida'ai kuudo souroma'mwa'jonyugono. Oo Juu tooro a'mwo akallu kooti yogalo aduuwiyopo tov kevnokweravuro loowo tovino to'no aduuwiyoporodeyo. Toro kuvi kuruv a'mwo su tool nevu Roomda'ai toonolluro loowo tovi kisuvolo miyokaikono. Toro toollu yasuwa'no aromiyosowa'jujukoldeyo oo wuulo killo'mo ago tovi yasuwa'no amerosowa'jujukoldeyo tov yiuno kaiya'no kwiyowa'jujukekono. Kuudo souroma'mwa'jonyugono. 30Aki Juu tooro a'mwo su toollu kaiyako igollo'mo subuu'yamju adomdukuurosopo tovino kuu'numwa'jonyugono. Toro wuu'nono Juu tooro a'mwo su toollu kaiyako nyugolpiyokwe gumiyomno yere amogwopiyamekono. Aki a'mwo su toollu a'mwo kooti yogalo amojokuu'nosadokwopo kworogai'aro toorai gumiyomno amogwopiyamorogano. Toro tooro gumoro sumdollu toru bodavopi kemoro mojokuu'noso'moneyokwe yogalo tonyuno neya gudupinorogano.” A'mwo aguto tool pas tovi toro sakwollokaikono.
31Toruda'ai a'mwo mollurogudo tooro pas su tokwe momwora'no sumaveyokwe a'mwo aguto toolluro aduuwiyoka tovi kuvinono kuumjunoporogano. Toro tooro surakuuto toga Poololluda'ai momwora'no sumaveyokwe wagwolago Jeruusalem toru abolokwoporogano. Toro tooro plaino sumaveyokwe wagwolago Adipatris toru ai'movoporogano. 32Toro ki'mo'mno sumaveyokwe iruko aikomguda'ai tollugwoji a'mwo mollurogudo kwokado avlavopo tooro kemi ago jurogudo tovino wagwolago Jeruusalem'no aikomgu avlavoporogano. Toro kuvi kuruv a'mwo hoos toorai mokavla'mdupudo toorono'gwowi Poololluda'ai kuuno amogaibworomokavlavoporogano. 33Toro mogaibworomokavla'mno sumaveyokwe wagwolago Sisariya toru abai'movoporogano. Toro bai'mo'mno sumaveyokwe wagwolago su tovida'ai gavman a'mwo aguto toollu abuuru'maroporogano. Toro buuru'ma'no sumaveyokwe Poolollu a'mwo aguto su toolluro ato tovi morubweyo'mno aki pas tokwe'aro kwiyoporogano. 34Pas kwiyopo su tovi a'mwo aguto tool jagilno sumaiyokwe aro samuugojokaikono. “A'mwo su tool gadomuuda'aiyoldeyo?” Toro samuugojoka tovi aro kuudoporogano. “A'mwo su tool wagwolago Silisiya tomuuda'aiyekono.” 35Toro kuudopo tovi wuu'no'no a'mwo aguto tool Poolollu aro kuudokaikono. “Gumi kooti yogalo dagujo'moneyokwe a'mwo tooro abai'mopi toga nuu kemoro kuuguudo tonyu nokwo ikuu'numonyugono.” Kuudokaikono. Toro wuujuno sumaiyokwe a'mwo aguto su tool gami a'mwo duuwatokwe pworai aduuwiyokaikono. “Kevu Poolollu momworaropi a'mwo aguto kig Herootolluro ago jurogudo amojungiko tovi mokaulapi doulomoduvomwalojulo.” Aduuwiyokaikono.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022: Ethnos360 Sanford, Florida